ആ​തു​ര​സേ​വ​ന ശു​ശ്രൂ​ഷ​ക​ൾ​ക്കു​ള്ള ജോ​സ​ഫ് ന​രി​വേ​ലി അ​വാ​ർ​ഡ് ദൈ​വ​ദാ​ൻ സെ​ന്‍ററിനു കൈ​മാ​റി
Wednesday, May 8, 2024 1:33 AM IST
വ​ട​ക്ക​ഞ്ചേ​രി: മി​ക​ച്ച ആ​തു​ര സേ​വ​ന ശു​ശ്രൂ​ഷ​ക​ൾ​ക്കു​ള്ള ജോ​സ​ഫ് ന​രി​വേ​ലി അ​വാ​ർ​ഡ് വ​ട​ക്ക​ഞ്ചേ​രി ദൈ​വ​ദാ​ൻ സെ​ന്‍ററി​ന് മ​ന്ത്രി റോ​ഷി അ​ഗ​സ്റ്റി​ൻ കൈ​മാ​റി. 25,000 രൂ​പ​യും ഫ​ല​ക​വു​മാ​ണ് പു​ര​സ്കാ​രം. ക​ഴി​ഞ്ഞ​ദി​വ​സം പാ​ലാ ചെ​ത്തി​മ​റ്റം ദൈ​വ​ദാ​ൻ സെന്‍റ​റി​ൽ ന​ട​ന്ന ദൈ​വ​ദാ​ൻ സെ​ന്‍റ​റു​ക​ളു​ടെ സ്ഥാ​പ​ക​നും അ​ശ​ര​ണ​ർ​ക്കും അ​നാ​ഥ​ർ​ക്കു​മാ​യി ജീ​വി​ച്ച് ക​ട​ന്നു​പോ​യ ഫാ.​ എ​ബ്ര​ഹാം കൈ​പ്പ​ൻ​പ്ലാ​ക്ക​ലി​ന്‍റെ അ​നു​സ്മ​ര​ണ സ​മ്മേ​ള​ന​ത്തി​ലാ​ണ് മ​ന്ത്രി അ​വാ​ർ​ഡ് ന​ൽ​കി​യ​ത്.

വ​ട​ക്ക​ഞ്ചേ​രി സെ​ന്‍റ​റി​നു വേ​ണ്ടി ദൈ​വ​ദാ​ൻ സി​സ്റ്റേ​ഴ്സ് മ​ദ​ർ ജ​ന​റാ​ൾ സി​സ്റ്റ​ർ മി​ന്‍റോ മ​ന്ത്രി​യി​ൽ നി​ന്നും അ​വാ​ർ​ഡ് ഏ​റ്റു​വാ​ങ്ങി. 2017 കൈ​പ്പ​ൻ​ പ്ലാ​ക്ക​ൽ സ്വാ​ന്ത​ന ഫൗ​ണ്ടേ​ഷ​ൻ അ​വാ​ർ​ഡും 2016ൽ ​കെ​സി​ബി​സി അ​വാ​ർ​ഡും വ​ട​ക്ക​ഞ്ചേ​രി ദൈ​വ​ദാ​ൻ സെ​ന്‍ററി​ന് ല​ഭി​ച്ചി​ട്ടു​ണ്ട്. 2000 ഡി​സം​ബ​ർ 29ന് ​മൂ​ന്ന് അ​ന്തേ​വാ​സി​ക​ളു​മാ​യി മം​ഗ​ലം പു​ഴ​യോ​ര​ത്ത് തു​ട​ങ്ങി​യ വ​ട​ക്ക​ഞ്ചേ​രി ദൈ​വ​ദാ​ൻ സെ​ന്‍ററി​ൽ ഇ​പ്പോ​ൾ 200 സ്ത്രീ​ക​ളു​ണ്ട്. ഇ​തി​ൽ ഭൂ​രി​ഭാ​ഗം പേ​രും കി​ട​പ്പു​രോ​ഗി​ക​ളും നാ​നാ​ജാ​തി മ​ത​സ്ഥ​രും ഭാ​ഷ​ക്കാ​രു​മാ​ണ്.

ജീ​വി​ത സാ​യാ​ഹ്ന​ത്തി​ലെ​ത്തു​ന്ന 75 പു​രു​ഷ​ന്മാ​രെ കൂ​ടി ഇ​വി​ടെ പാ​ർ​പ്പി​ക്കു​ന്ന​തി​നു​ള്ള കെ​ട്ടി​ട നി​ർ​മാ​ണം ന​ട​ക്കു​ന്നു​ണ്ടെ​ങ്കി​ലും സാ​മ്പ​ത്തി​ക പ്ര​തി​സ​ന്ധി​യി​ൽ പ​ണി​ക​ളെ​ല്ലാം മെ​ല്ലെപോ​ക്കി​ലാ​ണെ​ന്ന് ദൈ​വ​ദാ​ൻ സെ​ന്‍ററിന്‍റെ ന​ട​ത്തി​പ്പി​നും നി​ല​നി​ൽ​പ്പി​നു​മെ​ല്ലാം ചു​ക്കാ​ൻ പി​ടി​ക്കു​ന്ന ജോ​ബി വെ​ട്ടു​വ​യ​ലി​ൽ പ​റ​ഞ്ഞു. കൈ​പ്പ​ൻ​പ്ലാ​ക്ക​ല​ച്ച​ന്‍റെ പാ​ത പി​ന്തു​ട​ർ​ന്ന് ജീ​വി​തം മു​ഴു​വ​ൻ ആ​രാ​രു​മി​ല്ലാ​ത്ത​വ​ർ​ക്ക് താ​ങ്ങാ​കാ​ൻ ഓ​ടി ന​ട​ക്കു​ന്ന ജോ​ബി​യു​ടെ സ്വ​പ്ന​മാ​ണ് സെ​ന്‍ററിന്‍റെ ജൂ​ബി​ലി​ക്കു മു​മ്പ് ഇ​തി​നു​ള്ള കെ​ട്ടി​ടനി​ർ​മാ​ണം തീ​ർ​ക്ക​ണ​മെ​ന്ന​ത്.

കൈ​പ്പ​ൻ ​പ്ലാ​ക്ക​ല​ച്ച​ന്‍റെ ആ​പ്ത​വാ​ക്യം പോ​ലെ എ​ല്ലാം സ​മ​യ​മാ​കു​മ്പോ​ൾ ന​ട​ക്കു​മെ​ന്ന പ്ര​തീ​ക്ഷ​യി​ലാ​ണ് ഇ​വി​ടു​ത്തെ സി​സ്റ്റേ​ഴ്സും ജോ​ബി​യു​മെ​ല്ലാം. 2025 ഡി​സം​ബ​റി​ലാ​ണ് സെ​ന്‍ററിന്‍റെ 25 വ​ർ​ഷം തി​ക​യു​ന്ന ജൂ​ബി​ലി. സി​സ്റ്റ​ർ മേ​രി​യാ​ണ് ഇ​പ്പോ​ഴ​ത്തെ മ​ദ​ർ സു​പ്പീ​രി​യ​ർ. സി​സ്റ്റ​ർ ജോ​യ്സി, സി​സ്റ്റ​ർ അ​ൽ​ഫോ​ൻ​സ, സി​സ്റ്റ​ർ ജോ​സ്ന, സി​സ്റ്റ​ർ ജൂ​ഡി എ​ന്നി​വ​രാ​ണ് മ​റ്റു സ​മ​ർ​പ്പി​ത​ർ.

Copyright @ 2022 , Rashtra Deepika Ltd.