15

ഇ​റ്റാ​ന​ഗ​ർ: അ​രു​ണാ​ച​ൽ പ്ര​ദേ​ശി​ൽ ക​ന​ത്ത മ​ഴ​യെ​ത്തു​ട​ർ​ന്നു​ണ്ടാ​യ ഉ​രു​ൾ​പൊ​ട്ട​ലി​ലും പെ​ട്ടെ​ന്നു​ണ്ടാ​യ വെ​ള്ള​പ്പൊ​ക്ക​ത്തി​ലും നാ​ല് പേ​ർ മ​രി​ക്കു​ക​യും അ​ഞ്ച് ക​ര​സേ​നാ ഉ​ദ്യോ​ഗ​സ്ഥ​രെ കാ​ണാ​താ​വു​ക​യും ചെ​യ്തു. വെ​ള്ളി​യാ​ഴ്ച വൈ​കു​ന്നേ​ര​മാ​ണ് സം​ഭ​വം.

അ​പ്പ​ർ സു​ബ​ൻ​സി​രി ജി​ല്ല​യി​ലാ​ണ് വ​ൻ ഉ​രു​ൾ​പൊ​ട്ട​ലു​ണ്ടാ​യ​ത്. കി​യോ​ജ​റിം​ഗ്-​ബ​യാ​ചിം​ഗ് റോ​ഡ് നി​ർ​മാ​ണ സ്ഥ​ല​ത്തു​ണ്ടാ​യ ഉ​രു​ൾ​പൊ​ട്ട​ലി​ൽ മ​ണ്ണ​ടി​ഞ്ഞ് ത​ഡു ബാ​ക്കി, താ​ജി റാ​യ്, മാ​ർ​ക്കോ​ഷ് ബ​സു​മ​താ​രി, ബാ​ബു​ൽ അ​ലി എ​ന്നി​വ​രാ​ണ് മ​രി​ച്ച​ത്.

ദി​ബാ​ങ് വാ​ലി ജി​ല്ല​യി​ലെ പാ​സു പാ​നി ആ​ർ​മി ക്യാ​മ്പി​ൽ പെ​ട്ടെ​ന്നു​ണ്ടാ​യ വെ​ള്ള​പ്പൊ​ക്ക​ത്തി​ൽ 5-ാം ഗ്ര​നേ​ഡി​യേ​ഴ്‌​സി​ന്‍റെ ര​ണ്ട് താ​ൽ​ക്കാ​ലി​ക ഷെ​ൽ​ട്ട​റു​ക​ൾ ഒ​ലി​ച്ചു​പോ​കു​ക​യാ​യി​രു​ന്നു.

ഇ​വി​ടു​ണ്ടാ​യി​രു​ന്ന ഏ​ഴ് സൈ​നി​ക​രി​ൽ ര​ണ്ട് പേ​രെ ര​ക്ഷ​പ്പെ​ടു​ത്തി​യെ​ങ്കി​ലും അ​ഞ്ച് പേ​രെ​ക്കു​റി​ച്ച് വി​വ​ര​മൊ​ന്നു​മി​ല്ല. കാ​ണാ​താ​യ സൈ​നി​ക​ർ​ക്കാ​യി സ​മീ​പ ക്യാ​മ്പു​ക​ളി​ൽ നി​ന്നു​ള്ള ര​ക്ഷാ​സേ​ന​യു​ടെ നേ​തൃ​ത്വ​ത്തി​ൽ തെ​ര​ച്ചി​ൽ തു​ട​രു​ക​യാ​ണ്.

സം​സ്ഥാ​ന​ത്തു​ട​നീ​ളം ശ​ക്ത​മാ​യ മ​ഴ​യും പ്ര​കൃ​തി​ദു​ര​ന്ത​ങ്ങ​ളും തു​ട​രു​ക​യാ​ണ്. ഈ ​സീ​സ​ണി​ൽ മാ​ത്രം വെ​ള്ള​പ്പൊ​ക്ക​ത്തി​ലും ഉ​രു​ൾ​പൊ​ട്ട​ലി​ലും​പ്പെ​ട്ട് പ​ത്തി​ല​ധി​കം ആ​ളു​ക​ൾ​ക്ക് ജീ​വ​ൻ ന​ഷ്ട​പ്പെ​ട്ടു.

സം​സ്ഥാ​ന ദു​ര​ന്ത​നി​വാ​ര​ണ സേ​ന​യു​ടെ റി​പ്പോ​ർ​ട്ട് പ്ര​കാ​രം 235 റോ​ഡു​ക​ൾ, 40 പാ​ല​ങ്ങ​ൾ, 12 ജ​ല​വൈ​ദ്യു​ത പ​ദ്ധ​തി​ക​ൾ തു​ട​ങ്ങി നി​ര​വ​ധി പൊ​തു​സ്വ​ത്തു​ക്ക​ൾ മ​ഴ​ക്കെ​ടു​തി​യി​ൽ ത​ക​ർ​ന്നി​ട്ടു​ണ്ട്.

Tags : breakingnews arunachalpradesh landslide flashflood