15

ച​മോ​ലി: ഉ​ത്ത​രാ​ഖ​ണ്ഡി​ലെ ച​മോ​ലി ജി​ല്ല​യി​ലെ പീ​പ്പ​ൽ​കോ​ട്ടി​യി​ൽ നി​ർ​മാ​ണ​ത്തി​ലി​രു​ന്ന ടി​എ​ച്ച്ഡി​സി ജ​ല​വൈ​ദ്യു​ത പ​ദ്ധ​തി​യു​ടെ ട​ണ​ലി​ലു​ണ്ടാ​യ അ​പ​ക​ട​ത്തി​ൽ മ​ര​ണ​സം​ഖ്യ എ​ട്ടാ​യി ഉ​യ​ർ​ന്ന​താ​യി അ​ധി​കൃ​ത​ർ അ​റി​യി​ച്ചു. ട​ണ​ലി​നു​ള്ളി​ൽ നി​ന്ന് ശ​നി​യാ​ഴ്ച ഒ​രു മൃ​ത​ദേ​ഹം കൂ​ടി ക​ണ്ടെ​ടു​ക്കു​ക​യാ​യി​രു​ന്നു. കു​ടു​ങ്ങി​ക്കി​ട​ക്കു​ന്ന മ​റ്റ് ര​ണ്ടു​പേ​ർ​ക്കാ​യി ര​ക്ഷാ​പ്ര​വ​ർ​ത്ത​നം തു​ട​രു​ക​യാ​ണ്.

ബി​ർ​ഹി ന​ദി​ക്ക് സ​മീ​പ​മു​ണ്ടാ​യ ഉ​രു​ൾ​പൊ​ട്ട​ലി​നെ തു​ട​ർ​ന്ന് വ​ൻ​തോ​തി​ൽ വെ​ള്ള​വും ചെ​ളി​യും അ​വ​ശി​ഷ്ട​ങ്ങ​ളും പെ​ട്ടെ​ന്ന് ട​ണ​ലി​ലേ​ക്ക് ഇ​ര​ച്ചു​ക​യ​റി​യ​താ​ണ് അ​പ​ക​ട​ത്തി​ന് കാ​ര​ണ​മാ​യ​ത്. അ​പ​ക​ട​സ​മ​യ​ത്ത് ജോ​ലി​യി​ലു​ണ്ടാ​യി​രു​ന്ന 22ഓ​ളം തൊ​ഴി​ലാ​ളി​ക​ൾ ട​ണ​ലി​നു​ള്ളി​ൽ കു​ടു​ങ്ങി​പ്പോ​വു​ക​യാ​യി​രു​ന്നു.

ദേ​ശീ​യ ദു​ര​ന്ത​നി​വാ​ര​ണ സേ​ന , സം​സ്ഥാ​ന ദു​ര​ന്ത​നി​വാ​ര​ണ സേ​ന, ക​ര​സേ​ന, ഐ​ടി​ബി​പി എ​ന്നി​വ​രു​ടെ നേ​തൃ​ത്വ​ത്തി​ലാ​ണ് രാ​പ്പ​ക​ലി​ല്ലാ​തെ ര​ക്ഷാ​പ്ര​വ​ർ​ത്ത​നം പു​രോ​ഗ​മി​ക്കു​ന്ന​ത്. ട​ണ​ലി​നു​ള്ളി​ൽ ഉ​യ​ർ​ന്ന അ​ള​വി​ൽ വെ​ള്ള​വും ചെ​ളി​യും കെ​ട്ടി​ക്കി​ട​ക്കു​ന്ന​ത് ര​ക്ഷാ​പ്ര​വ​ർ​ത്ത​ന​ത്തി​ന് വ​ലി​യ ത​ട​സം സൃ​ഷ്ടി​ക്കു​ന്നു​ണ്ട്. തു​ട​ർ​ന്ന് പ്ര​ത്യേ​ക പ​മ്പു​ക​ൾ ഉ​പ​യോ​ഗി​ച്ച് വെ​ള്ളം പു​റ​ത്തേ​ക്ക് ക​ള​ഞ്ഞ ശേ​ഷ​മാ​ണ് കൂ​ടു​ത​ൽ തെ​ര​ച്ചി​ൽ സാ​ധ്യ​മാ​ക്കി​യ​ത്.

സം​ഭ​വ​ത്തി​ൽ മ​ജി​സ്‌​ട്രേ​റ്റ് ത​ല അ​ന്വേ​ഷ​ണ​ത്തി​ന് ഉ​ത്ത​രാ​ഖ​ണ്ഡ് മു​ഖ്യ​മ​ന്ത്രി പു​ഷ്ക​ർ സിം​ഗ് ധാ​മി ഉ​ത്ത​ര​വി​ട്ടി​ട്ടു​ണ്ട്. ഇ​ത്ത​രം നി​ർ​മാ​ണ പ​ദ്ധ​തി​ക​ളി​ൽ തൊ​ഴി​ലാ​ളി​ക​ളു​ടെ സു​ര​ക്ഷ​യ്ക്കാ​ണ് പ്ര​ഥ​മ പ​രി​ഗ​ണ​ന ന​ൽ​കേ​ണ്ട​തെ​ന്നും അ​പ​ക​ട​ത്തി​ന്‍റെ യ​ഥാ​ർ​ഥ കാ​ര​ണം ക​ണ്ടെ​ത്തു​മെ​ന്നും മു​ഖ്യ​മ​ന്ത്രി അ​റി​യി​ച്ചു.

Tags : breakingnews uttarakhand tunnel collapse death