25

ന്യൂ​ഡ​ൽ​ഹി: തെ​ക്കു​പ​ടി​ഞ്ഞാ​റ​ൻ ഡ​ൽ​ഹി​യി​ൽ കാ​ർ നി​യ​ന്ത്ര​ണം വി​ട്ട് ഡ്രെ​യി​നേ​ജി​ലേ​യ്ക്ക് മ​റി​ഞ്ഞ് സൈ​നി​ക ഉ​ദ്യോ​ഗ​സ്ഥ​ന്‍റെ മ​ക​ൻ മ​രി​ച്ചു. ഇ​ന്ത്യ​ൻ സൈ​നി​ക ഉ​ദ്യോ​ഗ​സ്ഥ​ന്‍റെ മ​ക​നാ​യ യ​ശ്വേ​ന്ദ്ര (20) ആ​ണ് മ​രി​ച്ച​ത്.

ന​ങ്ക​ൽ ദേ​വ​ത് പ്ര​ദേ​ശ​ത്തി​ന് സ​മീ​പം വെ​ള്ളി​യാ​ഴ്ച രാ​വി​ലെ ആ​ണ് അ​പ​ക​ട​മു​ണ്ടാ​യ​ത്. കാ​ർ നി​യ​ന്ത്ര​ണം വി​ട്ട് ഡ്രെ​യി​നേ​ജി​ലേ​യ്ക്ക് മ​റി​യു​ക​യാ​യി​രു​ന്നു. യ​ശ്വേ​ന്ദ്ര​യോ​ടൊ​പ്പം കാ​റി​ലു​ണ്ടാ​യി​രു​ന്ന പെ​ൺ​സു​ഹൃ​ത്തി​ന് പ​രി​ക്കേ​റ്റു. ഇ​രു​വ​രും സ​ഞ്ച​രി​ച്ചി​രു​ന്ന കാ​ർ പെ​ൺ​കു​ട്ടി​യു​ടേ​താ​യി​രു​ന്നു എ​ന്ന് പോ​ലീ​സ് അ​റി​യി​ച്ചു.

സം​ഭ​വ​സ്ഥ​ല​ത്തെ​ത്തി​യ വ​സ​ന്ത് കു​ഞ്ച് സൗ​ത്ത് പോ​ലീ​സ് സ്റ്റേ​ഷ​നി​ലെ സം​ഘം ഡ്രെ​യി​നേ​ജി​നു​ള്ളി​ൽ ത​ല​കീ​ഴാ​യി മ​റി​ഞ്ഞ നി​ല​യി​ലാ​ണ് കാ​ർ ക​ണ്ടെ​ത്തി​യ​ത്. യ​ശ്വേ​ന്ദ്ര​യും വ​സ​ന്ത് കു​ഞ്ച് സ്വ​ദേ​ശി​യാ​യ സു​ഹൃ​ത്തും കൂ​ടി പെ​ൺ​കു​ട്ടി​യു​ടെ വീ​ട്ടി​ലേ​ക്ക് പോ​കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​തെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ൽ വ്യ​ക്ത​മാ​യ​താ​യി പോ​ലീ​സ് ഉ​ദ്യോ​ഗ​സ്ഥ​ൻ പ​റ​ഞ്ഞു.

ന​ങ്ക​ൽ ദേ​വ​ത് ട്രാ​ഫി​ക് സി​ഗ്ന​ലി​ന് സ​മീ​പ​മു​ള്ള വ​ള​വി​ൽ റോ​ഡി​ലെ വ​ഴു​ക്ക​ൽ കാ​ര​ണം കാ​റി​ന്‍റെ നി​യ​ന്ത്ര​ണം ന​ഷ്ട​പ്പെ​ടു​ക​യും തു​ട​ർ​ന്ന് റോ​ഡി​ൽ നി​ന്ന് ഡ്രെ​യി​നേ​ജി​ലേ​ക്ക് മ​റി​യു​ക​യു​മാ​യി​രു​ന്നു എ​ന്നാ​ണ് നി​ഗ​മ​നം. ഗു​രു​ത​ര​മാ​യി പ​രി​ക്കേ​റ്റ യ​ശ്വേ​ന്ദ്ര ചി​കി​ത്സ​യി​ലി​രി​ക്കെ​യാ​ണ് മ​ര​ണ​ത്തി​ന് കീ​ഴ​ട​ങ്ങി​യ​ത്.

യ​ശ്വേ​ന്ദ്ര​യു​ടം സു​ഹൃ​ത്തും അ​മേ​രി​ക്ക​യി​ലെ ഒ​രേ വി​ദ്യാ​ഭ്യാ​സ സ്ഥാ​പ​ന​ത്തി​ലെ വി​ദ്യാ​ർ​ഥി​ക​ളാ​ണ്. അ​വി​ടെ വ​ച്ചാ​ണ് ഇ​വ​ർ സൗ​ഹൃ​ദ​ത്തി​ലാ​യ​ത്.

Tags : accident car Falls drain Army Officer's Son killed