National
ഇംഫാൽ: മണിപ്പുരിൽ തീവ്രവാദികളുടെ ഏറ്റുമുട്ടലിനിടെ കുക്കി വനിത വെടിയേറ്റു മരിച്ചു. കാംഗ്പോക്പി ജില്ലയിലെ ഗ്രാമത്തിലാണ് രണ്ടു വിഭാഗങ്ങൾ ഏറ്റുമുട്ടിയത്.
തൊട്ടടുത്ത കൃഷിയിടത്തിൽ ജോലി ചെയ്യുകയായിരുന്ന കുക്കി സമുദായത്തിൽപ്പെട്ട നെംഗ്ബോയി ചോംഗ്ലോയിക്കു വെടിയേറ്റു. പ്രദേശവാസികളും സുരക്ഷാസൈനികരും നടത്തിയ തെരച്ചിലിലാണ് മൃതദേഹം കണ്ടെത്തിയത്.
International
കയ്റോ: ഗാസയിലുണ്ടായ ഇസ്രേലി ആക്രമണങ്ങളിൽ അച്ഛനും പതിമൂന്നു വയസുള്ള മകനും അടക്കം ഏഴു പേർ കൊല്ലപ്പെട്ടു.
ഗാസ സിറ്റി പ്രാന്തത്തിലെ സെയ്ത്തൂനിൽ അഭയാർഥികേന്ദ്രത്തിലുണ്ടായ വ്യോമാക്രമണത്തിലാണ് അച്ഛനും മകനും കൊല്ലപ്പെട്ടത്. ഗാസ സിറ്റിക്കടുത്ത് ധരാജിലെ സ്കൂളിലുണ്ടായ വ്യോമാക്രമണത്തിൽ മറ്റൊരാളും കൊല്ലപ്പെട്ടു. രണ്ടിടത്തും തീവ്രവാദികളെ ലക്ഷ്യമിട്ടായിരുന്നു ആക്രമണമെന്ന് ഇസ്രേലി സേന പറഞ്ഞു.
ഗാസ സിറ്റിയിലെ സാബ്രയിലുണ്ടായ മറ്റൊരാക്രമണത്തിൽ മൂന്നുപേർ കൊല്ലപ്പെട്ടു. തെക്കൻ ഗാസയിലെ ഖാൻയൂനിസിൽ ഇസ്രേലി സൈനികരുടെ വെടിയേറ്റ് ഒരാൾ മരിച്ചു.
Kerala
കണ്ണൂർ: മറ്റൊരാളുമായി ബന്ധമുണ്ട് എന്ന സംശയത്തെ തുടർന്ന് ഭാര്യയെ കഴുത്തുഞെരിച്ച് കൊലപ്പെടുത്തി ആസാം സ്വദേശി. റഫീജുലാണ് ഭാര്യ സജദ ഖാത്തുവിനെ കൊലപ്പെടുത്തിയത്. സംഭവവുമായി ബന്ധപ്പെട്ട് റഫീജുവിനെ കണ്ണവം പൊലിസ് കസ്റ്റഡിയില് എടുത്തു.
കഴിഞ്ഞദിവസം ഇരുവരും തമ്മില് തര്ക്കമുണ്ടാക്കിയിരുന്നു. സജദ ഖാത്തുവിന്റെ മൃതദേഹം ആശുപത്രിയില് സൂക്ഷിച്ചിരിക്കുകയാണ്.
ആസാമിൽ നിന്ന് ബന്ധുക്കള് എത്തിയ ശേഷം മൃതദേഹം വിട്ടുകൊടുക്കും. ദമ്പതികൾക്ക് രണ്ടര വയസുള്ള ഒരു കുട്ടിയുണ്ട്. കഴിഞ്ഞദിവസം രാത്രിയില് ഇവരുടെ വീട്ടില് നിന്നും ശബ്ദം കേട്ടിരുന്നതായി അയല്വാസികൾ പറഞ്ഞു. ചിറ്റാരിപ്പറമ്പില് തൊഴിലാളിയാണ് റഫിജൂല്.
International
അമ്മാൻ: ജോർദാന്റെ തലസ്ഥാനമായ അമ്മാനിൽ സുരക്ഷാ ഓഫീസറെ അക്രമി കുത്തിക്കൊന്നു.
ശ്രീലങ്കൻ എംബസിക്കു സമീപമായിരുന്നു ആക്രമണം. ഭീകരാക്രമണമാണു നടന്നതെന്ന് ജോർദാൻ അധികൃതർ അറിയിച്ചു.
അക്രമിയെ അറസ്റ്റ് ചെയ്തു. ആഴ്ചകൾക്കു മുന്പ് ജോർദാനിലെ ക്രിസ്ത്യൻ പള്ളിയിലുണ്ടായ ഭീകരാക്രമണത്തിൽ ഒന്പതു പേർ കൊല്ലപ്പെട്ടിരുന്നു.
പള്ളിയിൽ മൃതസംസ്ക്കാര ചടങ്ങ് നടക്കവേ വെടിവയ്പുണ്ടാവുകയായിരുന്നു.
NRI
ഷാർജ: എമിറേറ്റ്സ് റോഡിലുണ്ടായ വാഹനാപകടത്തിൽ രണ്ട് മലയാളി യുവാക്കൾ മരിച്ചു. കോഴിക്കോട് നന്മണ്ട കൂളിപ്പൊയിൽ തണ്ടിക്കുന്നുമ്മൽ രമേഷ്കുമാർ (40), പാലക്കാട് ഒറ്റപ്പാലം അമ്പലപ്പാറ ചെറുമുണ്ടശേരി സ്വദേശി ഷാരിഖ് (25) എന്നിവരാണ് മരിച്ചത്.
അപകടത്തിൽ ഗുരുതരമായി പരിക്കേറ്റ ആലപ്പുഴ സ്വദേശി അജ്മൽ ഉമ്മുൽഖുവൈൻ ആശുപത്രിയിൽ ചികിത്സയിലാണ്. മൂവരും ഉമ്മുൽഖുവൈനിലെ കാറ്ററിംഗ് കമ്പനിയിലെ ജീവനക്കാരാണ്.
ചൊവ്വാഴ്ച രാത്രി എമിറേറ്റ്സ് റോഡിൽ ഷാർജ മസ്ജിദിന് സമീപം ഇവർ സഞ്ചരിച്ചിരുന്ന വാൻ ട്രക്കുമായി കൂട്ടിയിടിക്കുകയായിരുന്നു.
ഷാർജ അൽഖാസിമി ആശുപത്രിയിൽ സൂക്ഷിച്ചിരിക്കുന്ന മൃതദേഹങ്ങൾ നാട്ടിലെത്തിക്കാനുള്ള നടപടികൾ പുരോഗമിച്ചുവരികയാണ്.
National
ന്യൂഡൽഹി: പശ്ചിമേഷ്യയിലെ സംഘർഷങ്ങളെത്തുടർന്ന് 2026 ഫെബ്രുവരി മുതൽ ഇതുവരെ 23 ഇന്ത്യൻ പൗരന്മാർ കൊല്ലപ്പെട്ടതായി വിദേശകാര്യമന്ത്രാലയം അറിയിച്ചു. കൊല്ലപ്പെട്ടവരിൽ 15 പേർ നാവികരാണ്.
ഒമാൻ തീരത്ത് വാണിജ്യ കപ്പലിനുനേരേ തിങ്കളാഴ്ചയുണ്ടായ ആക്രമണത്തിലാണ് ഒടുവിലത്തെ മരണം റിപ്പോർട്ട് ചെയ്തത്. കപ്പലിലുണ്ടായിരുന്ന 14 ഇന്ത്യൻ ജീവനക്കാരിൽ 13 പേരെ ഒമാന്റെ സഹായത്തോടെ രക്ഷപ്പെടുത്തി.
രക്ഷപ്പെട്ടവരെ നാട്ടിലെത്തിക്കാനും കൊല്ലപ്പെട്ടയാളുടെ മൃതദേഹം നാട്ടിലെത്തിക്കാനുമുള്ള നടപടികൾ പുരോഗമിക്കുകയാണെന്ന് കേന്ദ്രസർക്കാർ വ്യക്തമാക്കി.
കരിങ്കടൽ മേഖലയിലുണ്ടായ ആക്രമണങ്ങളിൽ അഞ്ച് ഇന്ത്യൻ പൗരന്മാർ കൊല്ലപ്പെടുകയും രണ്ടുപേരെ കാണാതാകുകയും ചെയ്തിട്ടുണ്ടെന്നും ചർച്ചകളിലൂടെ പ്രശ്നം പരിഹരിക്കണമെന്നും വിദേശകാര്യ മന്ത്രാലയം അറിയിച്ചു.
National
മസ്കറ്റ്: ഒമാൻ തീരത്ത് ഇന്ത്യൻ പതാക വഹിച്ചിരുന്ന കപ്പലിന് നേരെ ആക്രമണം. ഇന്ത്യൻ നാവികന് ദാരുണാന്ത്യം. 14 ഇന്ത്യൻ നാവികരുമായി പോയിരുന്ന കാർഗോ കപ്പലിന് നേരെയാണ് ആക്രമണം നടന്നത്.
തിരിച്ചറിയാത്ത മേഖലയിൽ നിന്നുണ്ടായ വ്യോമാക്രമണത്തിലാണ് ഇന്ത്യൻ നാവികൻ കൊല്ലപ്പെട്ടതെന്നാണ് കേന്ദ്രമന്ത്രി സർബാനന്ത സോണോവാൾ വിശദമാക്കിയത്. എംഎസ്വി അൽ ജുസുഫി എന്ന കപ്പലിന് നേരെയാണ് ആക്രമണമുണ്ടായത്.
13 പേരെ കപ്പലിൽ നിന്ന് സുരക്ഷിതരായി രക്ഷപ്പെടുത്തിയിട്ടുണ്ട്. ഒമാൻ കോസ്റ്റ്ഗാർഡാണ് നാവികരെ രക്ഷപ്പെടുത്തിയത്. ഗുജറാത്ത് സ്വദേശിയായ നാവികൻ ഗൻഡാർ നഹിം അജിജ് ആണ് പരിക്കുകളേറ്റ് കൊല്ലപ്പെട്ടത്.
അമേരിക്ക ഇറാൻ യുദ്ധത്തിന് പിന്നാലെയുണ്ടായ ഹൂത്തികളുടെ സൗദി അറേബ്യയ്ക്കെതിരായ ആക്രമണങ്ങളിൽ ഇന്ത്യൻ പതാകയുള്ള കാർഗോ കപ്പലുകൾക്കെതിരെ ആക്രമണം താരതമ്യേന കുറവായിരുന്നു.
ഫെബ്രുവരി മുതൽ 22 ഇന്ത്യക്കാരാണ് അമേരിക്ക ഇസ്രയേൽ യുദ്ധത്തിനിടയിൽ കൊല്ലപ്പെട്ടത്. ഇതിൽ 14 പേർ നാവികരായിരുന്നുവെന്നാണ് കഴിഞ്ഞ ആഴ്ച കേന്ദ്രം പുറത്ത് വിട്ട കണക്ക് വിശദമാക്കുന്നത്.
Kerala
വയനാട്: വാഴവറ്റയിൽ വീട്ടമ്മ അമ്മിണിയുടെ (46) മരണം കൊലപാതകമാണെന്ന് പൊലിസ് സ്ഥിരീകരിച്ചു. സംഭവത്തിൽ അയൽവാസിയായ വയോധികയെ പൊലിസ് അറസ്റ്റ് ചെയ്തു. വാഴവറ്റ എടത്തിൽ ഉന്നതിയിൽ അമ്മിളിയാണ് പിടിയിലായത്.
കഴിഞ്ഞ ഒക്ടോബർ 28ന് രാത്രിയാണ് കൊലപാതകം നടന്നത്. ഇരുവരും തമ്മിലുണ്ടായ വാക്കുതർക്കമാണ് കൊലപാതകത്തിൽ കലാശിച്ചതെന്ന് പൊലിസ് വ്യക്തമാക്കി.
കഴുത്തുഞെരിച്ചാണ് പ്രതിയായ അമ്മിണി ഇവരെ കൊലപ്പെടുത്തിയതെന്നാണ് പോസ്റ്റ്മോർട്ടം റിപ്പോർട്ടിലുള്ളത്. കഴുത്തിനേറ്റ ഗുരുതരമായ ക്ഷതമാണ് മരണകാരണമെന്ന് പോസ്റ്റ്മോർട്ടത്തിൽ കണ്ടെത്തിയിട്ടുണ്ട്.
പ്രതിയും ഭർത്താവും മദ്യപാനികളാണെന്നും, സംഭവദിവസം ഇവർ മദ്യപിച്ചെത്തി കൊല്ലപ്പെട്ട അമ്മിണിയുടെ കുടുംബവുമായി വാക്കുതർക്കത്തിൽ ഏർപ്പെടുകയായിരുന്നുവെന്നും പൊലിസ് പറഞ്ഞു.
വാക്കേറ്റത്തിനിടെ പ്രതി അമ്മിണിയെ കഴുത്തുഞെരിച്ച് കൊലപ്പെടുത്തുകയായിരുന്നു. തുടർന്ന് നടത്തിയ വിശദമായ അന്വേഷണത്തിനൊടുവിൽ പ്രതിയെ പിടികൂടി ബത്തേരി ചീഫ് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു.
Kerala
തിരുവനന്തപുരം: പതിനാറുകാരനെ കൊലപ്പെടുത്തി മൃതദേഹം ചാക്കിൽ ഉപേക്ഷിച്ച നിലയിൽ കണ്ടെത്തി. പരുത്തിപ്പാറ എൻഎസ്എസ് ഹൈസ്കൂൾ വിദ്യാർഥി അഭിരാം കൊല്ലപ്പെട്ട സംഭവത്തിൽ പ്രായപൂർത്തിയാകാത്ത ഒരാൾ ഉൾപ്പെടെ രണ്ടു പേരെ പൊലിസ് കസ്റ്റഡിയിലെടുത്തു. ഒരു പെൺകുട്ടിയുമായുള്ള സൗഹൃദത്തെച്ചൊല്ലിയുണ്ടായ തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമിക വിവരം.
പെൺകുട്ടിയുടെ ഇൻസ്റ്റഗ്രാം ഐഡി ഉപയോഗിച്ച് ചാറ്റ് ചെയ്താണ് അഭിരാമിനെ പ്രതികൾ സ്ഥലത്തേക്ക് വിളിച്ചുവരുത്തിയത്. തുടർന്ന് ബെൽറ്റ് ഉപയോഗിച്ച് കഴുത്തുഞെരിച്ച് കൊലപ്പെടുത്തുകയായിരുന്നു. പിന്നീട് മൃതദേഹം ചാക്കിൽ കെട്ടി സമീപത്തെ പറമ്പിൽ ഉപേക്ഷിക്കുകയായിരുന്നു. അഭിരാമിനെ ഇന്നലെ മുതൽ കാണാനില്ലായിരുന്നു. സുഹൃത്തിന്റെ വീട്ടിലേക്ക് പോകുന്നു എന്ന് പറഞ്ഞാണ് ഞായറാഴ്ച വൈകുന്നേരം അഭിരാം ശ്രീകാര്യത്തെ സ്വന്തം വീട്ടിൽനിന്നും പുറത്തേക്ക് പോയത്.
വൈകുന്നേരം ഫോണിൽ ബന്ധപ്പെട്ടപ്പോൾ അധികം വൈകാതെ തിരിച്ചെത്തും എന്നാണ് പറഞ്ഞത്. എന്നാൽ രാത്രിയായിട്ടും വീട്ടിൽ എത്തിയില്ല. ഫോൺ സ്വിച്ച് ഓഫ് ആവുകകൂടി ചെയ്തതോടെ വീട്ടുകാർ പൊലിസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്തുവന്നത്. സംഭവത്തിൽ കസ്റ്റഡിയിലുള്ളവരെ ചോദ്യം ചെയ്തുവരികയാണ്. അഭിരാമിന്റെ കൂട്ടുകാരെ പൊലിസ് ഇന്നലെ തന്നെ ചോദ്യംചെയ്തിരുന്നുവെങ്കിലും കാര്യമായ വിവരങ്ങളൊന്നും ലഭിച്ചിരുന്നില്ല.
പിന്നീട് സിസിടിവി ദൃശ്യങ്ങളും മൊബൈൽ ടവർ കേന്ദ്രീകരിച്ചുള്ള അന്വേഷണത്തിനും ശേഷമാണ് മൃതദേഹം കണ്ടെത്തിയത്. കമ്മീഷണറുടെ നേതൃത്വത്തിലുള്ള സംഘം സ്ഥലത്തെത്തി പരിശോധനകൾ നടത്തിവരികയാണ്. പിടിയിലായ പ്രതികളിൽ ഒരാളുടെ പ്രായം 17 വയസാണെന്ന് പൊലിസ് വ്യക്തമാക്കി. കൊലപാതകത്തിലേക്ക് നയിച്ച സാഹചര്യങ്ങളും സംഭവത്തിൽ മറ്റാർക്കെങ്കിലും പങ്കുണ്ടോയെന്നും പൊലിസ് പരിശോധിച്ചുവരികയാണ്.
International
ഫെയർഫീൽഡ്: കലിഫോർണിയയിലെ സൊളാനോ ടൗൺ സെന്റർ മാളിലുണ്ടായ വെടിവയ്പിൽ ഒരാൾ കൊല്ലപ്പെടുകയും ആറ് പേർക്ക് പരിക്കേൽക്കുകയും ചെയ്തു. മാളിനുള്ളിലെ സ്പിരിറ്റ് ഹാലോവീൻ സ്റ്റോറിലാണ് വെടിവയ്പുണ്ടായത്.
പരിക്കേറ്റവരിൽ മൂന്ന് പേരുടെ നില അതീവ ഗുരുതരമാണെന്നാണ് റിപ്പോർട്ടുകൾ. പ്രാദേശിക സമയം വെള്ളിയാഴ്ച രാത്രി 8:30ഓടെയാണ് പൊലിസിന് വെടിവയ്പിനെക്കുറിച്ചുള്ള സന്ദേശം ലഭിക്കുന്നത്. സംഭവം നടന്ന് മണിക്കൂറുകൾ പിന്നിട്ടിട്ടും ഇതുവരെ ആരെയും കസ്റ്റഡിയിലെടുക്കാൻ പൊലിസിന് സാധിച്ചിട്ടില്ല.
അക്രമിയെക്കുറിച്ചോ ആക്രമണത്തിന്റെ യഥാർഥ കാരണത്തെക്കുറിച്ചോ ഉള്ള വിവരങ്ങൾ പൊലിസ് ഇതുവരെ പുറത്തുവിട്ടിട്ടില്ല. സംഭവത്തിൽ ഒന്നിലധികം പേർ ഉൾപ്പെട്ടിട്ടുണ്ടോയെന്ന കോണിലാണ് നിലവിൽ അന്വേഷണം പുരോഗമിക്കുന്നത്.
അഞ്ച് മുതൽ ഏഴ് തവണയോളം വെടിയൊച്ച കേട്ടതായും, ശബ്ദം കേട്ട ഉടൻ തന്നെ മാളിലുണ്ടായിരുന്നവർ പരിഭ്രാന്തരായി പുറത്തേക്ക് ഓടിരക്ഷപ്പെടാൻ ശ്രമിച്ചതായും ദൃക്സാക്ഷികൾ വ്യക്തമാക്കി.
International
കംപാല: യുക്രെയ്ൻ അധിനിവേശത്തിൽ റഷ്യക്കുവേണ്ടി യുദ്ധത്തിനിറങ്ങിയ 27 ഉഗാണ്ടക്കാർ കൊല്ലപ്പെട്ടു. മോസ്കോയിലെ ഉഗാണ്ടൻ എംബസി ഉഗാണ്ടൻ വിദേശകാര്യവകുപ്പിന് അയച്ച കത്തിലാണ് ഇക്കാര്യം പറയുന്നത്. 11 പേരുടെ മരണം സ്ഥിരീകരിച്ചിട്ടുണ്ട്. 16 പേരെക്കുറിച്ച് ഒരു വിവരവുമില്ലാത്തതിനാൽ മരിച്ചതായി അനുമാനിക്കുന്നു.
റഷ്യൻ വിദേശകാര്യമന്ത്രാലയത്തിൽനിന്നാണ് ഈ വിവരങ്ങൾ ലഭിച്ചതെന്നും ഉഗാണ്ടൻ വൃത്തങ്ങൾ സൂചിപ്പിച്ചു. റഷ്യയിൽ ജോലി നല്കാം എന്ന വാഗ്ദാനത്തോടെ റിക്രൂട്ട് ചെയ്യുന്ന ആഫ്രിക്കൻ യുവാക്കളെ യുദ്ധമുന്നണിയിലേക്ക് അയയ്ക്കുന്നതായി നേരത്തേ റിപ്പോർട്ടുണ്ടായിരുന്നു.
ദക്ഷിണാഫ്രിക്ക, കെനിയ തുടങ്ങിയ രാജ്യങ്ങളിൽ ഇതു വലിയ പ്രതിഷേധത്തിനിടയാക്കിയിരുന്നു. ആഫ്രിക്കൻ രാജ്യങ്ങളിലെ 1400 പേർ റഷ്യക്കുവേണ്ടി യുദ്ധം ചെയ്യുന്നതായി യുക്രെയ്ൻ കഴിഞ്ഞ വർഷം അറിയിച്ചിരുന്നു.
Kerala
കോഴിക്കോട്: കോടഞ്ചേരി നൂറാംതോട് കത്തിക്കുത്തിൽ ഒരാൾ കൊല്ലപ്പെട്ടു. നൂറാംതോട് സ്വദേശി ജിതിൻ(29) ആണ് മരിച്ചത്. ജിതിന്റെ സഹോദരനായ ജിബിൻ, സുരേഷ് എന്നിവർക്കും കുത്തേറ്റു. ഇവരെ ആശുപത്രിയിൽ പ്രവേശിപ്പിച്ചു.
ബുധനാഴ്ച രാത്രിയായിരുന്നു സംഭവം. സുഹൃത്തായ ബിജുവാണ് മൂവരെയും കുത്തിയത്. ഇയാളെ പൊലിസ് കസ്റ്റഡിയിലെടുത്തു. വ്യക്തിവൈരാഗ്യമാണ് ആക്രമണത്തിന് കാരണമെന്നാണ് പ്രാഥമികവിവരം.
National
കോൽക്കത്ത: പതിനേഴു വയസുള്ള പെൺകുട്ടിയെ മാനഭംഗം ചെയ്തശേഷം കൊലപ്പെടുത്തിയ പ്രതിയെ പൊലിസ് ഏറ്റുമുട്ടലിൽ വധിച്ചു. നോർത്ത് 24 പർഗാനാസ് ജില്ലയിലാണു സംഭവം. മൂന്നുമാസത്തിനിടെ രണ്ടാമത്തെ ഏറ്റുമുട്ടൽ കൊലപാതകമാണെന്നും പൊലിസ് വിശദീകരിച്ചു. ഇന്നലെ പുലർച്ചെ 2.50ന് ഗായിഘാട്ടയിലായിരുന്നു സംഭവം.
പ്രതിയായ പ്രഹ്ലാദ് ദാസിനെ മൊഴിയെടുക്കാനായി ഇയാളുടെ വീട്ടിലെത്തിച്ചപ്പോൾ പൊലിസുകാരന്റെ കൈവശമുണ്ടായിരുന്ന റിവോൾവർ തട്ടിയെടുത്ത് വെടിയുതിർക്കുകയായിരുന്നു. പ്രത്യാക്രമണത്തിൽ വെടിയേറ്റ ഇയാളെ അടുത്തുള്ള ചന്ദ്രപാറ റൂറൽ ആശുപത്രിയിൽ പ്രവേശിപ്പിച്ചെന്നും ഇവിടെവച്ചാണ് ഇയാളുടെ മരണം സ്ഥിരീകരിച്ചതെന്നും പൊലിസ് പറഞ്ഞു.
മൃതദേഹം പോസ്റ്റ്മോർട്ടത്തിനായി അയച്ചു. പൊലിസൂകാർക്ക് വെടിയേറ്റിട്ടില്ല. അതേസമയം, പൊലിസിന്റെ നടപടിയിൽ തങ്ങൾ തൃപ്തരാണെന്ന് പെൺകുട്ടിയുടെ കുടുംബാംഗങ്ങൾ പറഞ്ഞു.
NRI
അബുജ: വടക്കുകിഴക്കൻ നൈജീരിയയിൽ കൊള്ളക്കാരുടെ ആക്രമണത്തിൽ 62 പേർ കൊല്ലപ്പെട്ടു. തരാബ സംസ്ഥാനത്ത് വെള്ളിയാഴ്ചയാണ് ആക്രമണം. 52 പേർക്കു പരിക്കേറ്റു. ഒട്ടേറെ പേർ പലായനം ചെയ്തു.
മരണസംഖ്യ ഇനിയും ഏറെ ഉയർന്നേക്കാമെന്നാണു വിലയിരുത്തൽ. ഇതുവരെ അഞ്ച് മൃതദേഹങ്ങൾ കണ്ടെടുത്തു. ഇതിൽ പതിനഞ്ചെണ്ണം ബെന്യു നദിയിൽനിന്നാണ് കണ്ടെടുത്തത്. വടക്കുകിഴക്കൻ നൈജീരിയിൽ നാട്ടുകാർക്കു നേർക്ക് സായുധ സംഘങ്ങളുടെ ആക്രമണം പതിവാണ്.
International
അബുജ: വടക്കുകിഴക്കൻ നൈജീരിയയിൽ കൊള്ളക്കാരുടെ ആക്രമണത്തിൽ 62 പേർ കൊല്ലപ്പെട്ടു. തരാബ സംസ്ഥാനത്ത് വെള്ളിയാഴ്ചയാണ് ആക്രമണം. 52 പേർക്കു പരിക്കേറ്റു.
ഒട്ടേറെ പേർ പലായനം ചെയ്തു. മരണസംഖ്യ ഇനിയും ഏറെ ഉയർന്നേക്കാമെന്നാണു വിലയിരുത്തൽ. ഇതുവരെ അഞ്ച് മൃതദേഹങ്ങൾ കണ്ടെടുത്തു. ഇതിൽ പതിനഞ്ചെണ്ണം ബെന്യു നദിയിൽനിന്നാണ് കണ്ടെടുത്തത്.
വടക്കുകിഴക്കൻ നൈജീരിയിൽ നാട്ടുകാർക്കു നേർക്ക് സായുധ സംഘങ്ങളുടെ ആക്രമണം പതിവാണ്.
International
അമ്മാൻ: ഓർത്തഡോക്സ് പള്ളിയിലെ ഭീകരാക്രമണത്തിനു മറുപടിയായി തെക്കൻ സിറിയയിൽ വ്യോമാക്രമണം നടത്തി ഇരുപതിലേറെ ഇസ്ലാമിക് സ്റ്റേറ്റ് ഭീകരരെ വധിച്ചതായി ജോർദാൻ സർക്കാർ അറിയിച്ചു. ഭീകരരുടെ ഒളിത്താവളങ്ങളിൽ തിങ്കളാഴ്ചയായിരുന്നു ആക്രമണം.
വെള്ളിയാഴ്ച ഒന്പതു പേർ കൊല്ലപ്പെട്ട പള്ളിയാക്രമണ ത്തിനു പിന്നിൽ അതിർത്തിക്കപ്പുറത്തുള്ള ഭീകരസംഘടനകളാണെന്നു ജോർദാൻ സർക്കാർ പറഞ്ഞിരുന്നു.
സിറിയൻ ഭരണകൂടത്തിന്റെ സഹകരണത്തോടെയാണ് വ്യോമാക്രമണങ്ങളെന്ന് ജോർദാൻ അവകാശപ്പെട്ടു. എന്നാൽ, സിറിയ ഇക്കാര്യം നിഷേധിച്ചു. ആക്രമണത്തിൽ മൂന്നു കുട്ടികളും ഒരു സ്ത്രീയും അടക്കം ഏഴു സിവിലിയന്മാർ കൊല്ലപ്പെട്ടെന്നും ജോർദാൻ ഭരണകൂടം ഇതിൽ ഖേദം പ്രകടിപ്പിച്ചുവെന്നും സിറിയ അവകാശപ്പെട്ടു.
വ്യോമാക്രമണത്തിനു പിന്നാലെ ജോര്ദാനുമായുള്ള അതിര്ത്തി അടച്ചതായി സിറിയ അറിയിച്ചു. വ്യോമാക്രമണത്തില് വിശദമായ അന്വേഷണം ആരംഭിച്ചെന്നും ജോര്ദാന് അധികൃതരെ ബന്ധപ്പെടുന്നുണ്ടെന്നും സിറിയ പറഞ്ഞു.
ഇതിനിടെ പള്ളിയാക്രമണവുമായി ബന്ധപ്പെട്ട് അടുത്ത ബന്ധുക്കളായ മൂന്നുപേരെ ജോർദാൻ പൊലീസ് കഴിഞ്ഞദിവസം അറസ്റ്റ് ചെയ്തിട്ടുണ്ട്.
ഹമൗദിലെ സെന്റ് ജോർജ് പള്ളിയിൽ മൃതസംസ്കാരച്ചടങ്ങിനിടെ ഉണ്ടായ ആക്രമണത്തിന്റെ ഉത്തരവാദിത്വം ഒരു സംഘടനയും ഏറ്റെടുത്തിട്ടില്ല.
International
ആഡിസ് അബാബ: എത്യോപ്യയിലെ സംഘർഷബാധിത ഒറോമിയ പ്രദേശത്തുണ്ടായ രണ്ട് ആക്രമണങ്ങളിൽ 60 ഓർത്തഡോക്സ് ക്രൈസ്തവർ കൊല്ലപ്പെട്ടു.
ഈ മാസം 20നുണ്ടായ ആക്രമണത്തിൽ 14ഉം 24ലെ ആക്രമണത്തിൽ 46ഉം പേരാണു മരിച്ചതെന്ന് എത്യോപ്യൻ ഓർത്തഡോക്സ് സഭ അറിയിച്ചു.
ആയുധധാരികൾ ക്രൈസ്തവരെ വെടിവച്ചും വെട്ടിയും കൊലപ്പെടുത്തിയെന്നാണു റിപ്പോർട്ട്. കൊല്ലപ്പെട്ടവരിൽ സ്ത്രീകളും കുട്ടികളും വയോധികരും ഉൾപ്പെടുന്നു.
20 വീടുകൾ അഗ്നിക്കിരയാക്കി. ഗുരുതരമായി പരിക്കേറ്റ 20 പേർ ആശുപത്രിയിൽ ചികിത്സയിലാണ്.
വടക്കൻ എത്യോപ്യയിലെ ടിഗ്രെയിൽ സർക്കാരിനെതിരേ പോരാടുന്ന വിമതരുമായി ബന്ധമുള്ള ഒറോമോ ലിബറേഷൻ ആർമി എന്ന സായുധ സംഘമാണ് ആക്രമണത്തിനു പിന്നിലെന്നു സൂചനയുണ്ട്.
National
ഹൈദരാബാദ്: തെലുങ്കാനയിലെ ഹൈദരാബാദിൽ റിട്ടയേഡ് ഐപിഎസ് ഓഫിസർ റേ വിനയ് രഞ്ജന്റെ ഭാര്യ തനുജ രഞ്ജൻ കൊല്ലപ്പെട്ട കേസിൽ നേപ്പാൾ ഗാംഗിലെ വനിത ഉൾപ്പടെ നാലു പേർ പിടിയിലായി.
ധർമ, ഗണേഷ് ബി.കെ. ചന്ദ്ര ബഹാദൂർ തമാംഗ്, ഗണേഷ് ബഹാദൂർ ഷാഹി എന്നിവരാണ് പിടിയിലായത്. തൊഴിലാളികൾ, പാചകക്കാർ, വാച്ച്മാൻ എന്നീ നിലകളിൽ ഇവർ ജോലി ചെയ്തുവരികയായിരുന്നു.
ഈ വർഷം മേയ് എട്ടിനു രാത്രിയാണ് തനുജ കൊല്ലപ്പെട്ടത്. 225 ഗ്രാം സ്വർണാഭരണങ്ങൾ അക്രമികൾ കവർന്നു.
Kerala
അടിമാലി: മദ്യപാനത്തിനിടെ സഹോദരങ്ങൾ തമ്മിലുണ്ടായ വാക്കേറ്റത്തിനൊടുവിൽ ജ്യേഷ്ഠൻ അനുജനെ കുത്തിക്കൊന്നു. വെള്ളത്തൂവൽ പഞ്ചായത്തിലെ തെക്കേ ശല്യംപാറ പൈതപ്ലായ്ക്കൽ അനിൽ (42) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് ജ്യേഷ്ഠൻ പ്രസാദിനെ വെള്ളത്തൂവൽ പൊലിസ് അറസ്റ്റ് ചെയ്തു.
തിങ്കളാഴ്ച വൈകുന്നേരം ആറരയോടെയാണ് കൊലപാതകം നടന്നത്. വെള്ളത്തൂവൽ ഗവൺമെന്റ് ഹൈസ്കൂളിന് സമീപം താമസിക്കുന്ന പ്രസാദ് അമ്മയെ കാണാനായി നെല്ലിയാമ്പറയിലെ തറവാട്ടു വീട്ടിലെത്തുകയായിരുന്നു. മദ്യപിച്ചെത്തിയ പ്രസാദ്, അനുജൻ അനിലിനോടൊപ്പം വീണ്ടും മദ്യപിച്ചു. ഇതിനിടയിലുണ്ടായ തർക്കം അക്രമത്തിൽ കലാശിക്കുകയും പ്രകോപിതനായ പ്രസാദ് അനിലിനെ കുത്തിവീഴ്ത്തുകയുമായിരുന്നു.
സംഭവം നടക്കുമ്പോൾ വീട്ടിൽ അമ്മ മാത്രമാണുണ്ടായിരുന്നത്. മക്കൾ തമ്മിൽ വാക്കേറ്റം ഉണ്ടായതിനെത്തുടർന്ന് ഭയന്നുപോയ അമ്മ മുറിക്കുള്ളിൽ കയറി വാതിലടച്ചു. ഈ സമയം അനിലിന്റെ ഭാര്യയും കുട്ടിയും പുറത്തുപോയിരുന്നു.
ഭാര്യ തിരിച്ചെത്തിയപ്പോഴാണ് അനിൽ കുത്തേറ്റ് കിടക്കുന്നതായി കണ്ടത്. ഉടൻതന്നെ നാട്ടുകാരെ വിവരം അറിയിക്കുകയും അയൽവാസികളും ബന്ധുക്കളും ചേർന്ന് അടിമാലി താലൂക്ക് ആശുപത്രിയിൽ എത്തിക്കുകയും ചെയ്തെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപ് തന്നെ മരണം സംഭവിച്ചിരുന്നു.
അനിലിന്റെ മൃതദേഹം അടിമാലി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
International
പാരീസ്: ഫ്രാൻസിന്റെ തലസ്ഥാനമായ പാരീസിൽ വെടിവയ്പ്പ്. വെടിവെയ്പ്പിൽ ഒരാൾ കൊല്ലപ്പെട്ടു. ഒരു കുട്ടി ഉൾപ്പെടെ നാല് പേർക്ക് പരിക്കേറ്റു. അക്രമിയെ പൊലിസ് പിടികൂടി.
സംഭവത്തിന് തീവ്രവാദബന്ധമുണ്ടോ എന്നും സംശയമുണ്ട്. ഇക്കാര്യം അന്വേഷിച്ചുവരികയാണെന്ന് പ്രോസിക്യൂട്ടർമാർ അറിയിച്ചു.
വെള്ളിയാഴ്ച പ്രാദേശിക സമയം രാവിലെ പത്തരയോടെ പാരീസിന് സമീപത്തെ ട്രാപ്പെസിലായിരുന്നു സംഭവം. കാറിലെത്തിയാണ് അക്രമി വെടിയുതിർത്തതെന്നാണ് റിപ്പോർട്ട്. കാറിൽ പോകുന്നതിനിടെ അക്രമി കൺമുന്നിൽ കണ്ടവർക്ക് നേരേയെല്ലാം വെടിയുതിർത്തെന്ന് ട്രാപ്പെസ് മേയർ അലി റബേഹ് മാധ്യമങ്ങളോട് പ്രതികരിച്ചു.
പരിക്കേറ്റവരിൽ 12 വയസുള്ള പെൺകുട്ടിയുമുണ്ട്. എട്ടുതവണയാണ് ഈ കുട്ടിക്ക് വെടിയേറ്റതെന്നും കുട്ടി അപകടനില തരണം ചെയ്തതായും ലാ വെറീരെ മേയർ നിക്കോളാസ് ഡെയ്ൻവില്ലെ വാർത്താ ഏജൻസിയായ പറഞ്ഞു.
International
ദുബായി: സൗദിയിൽ ഹൂതികളുടെ മിസൈൽ, ഡ്രോൺ ആക്രമണങ്ങളിൽ ഇന്ത്യക്കാരൻ ഉൾപ്പെടെ നാല് പേർ കൊല്ലപ്പെട്ടു. ദമാമിലെ കിംഗ് ഫഹദ് രാജ്യാന്തര വിമാനത്താവളത്തിലുണ്ടായ ആക്രമണത്തിലാണ് ഗ്രൗണ്ട് സപ്പോർട്ട് സ്റ്റാഫായ യുപി ഗോരഖ്പുർ സ്വദേശി കമലേഷ് പാണ്ഡെ (37) മരിച്ചത്. സൗദി പൗരനും കൊല്ലപ്പെട്ടു.
രണ്ട് ഇന്ത്യക്കാരുൾപ്പെടെ എട്ട് പേർക്കു പരുക്കേറ്റു. സൗദി എണ്ണക്കമ്പനിയായ അരാംകോയുടെ ഷൈബ എണ്ണപ്പാടത്തുണ്ടായ ആക്രമണത്തിൽ ഫിലിപ്പീൻസ്, നേപ്പാൾ സ്വദേശികളും കൊല്ലപ്പെട്ടു. ഇന്ത്യക്കാരനും പാക്കിസ്ഥാൻകാരനും പരിക്കേറ്റു.
ഈ മാസം ആദ്യം റിയാദ് കിംഗ് ഖാലിദ് വിമാനത്താവളത്തിലെ ആക്രമണത്തിലും ഇന്ത്യക്കാരൻ കൊല്ലപ്പെട്ടിരുന്നു.
International
ദുബായ്: സൗദി അറേബ്യക്കു നേരേ യെമനിലെ ഹൂതി വിമതരുടെ ആക്രമണം തുടരുന്നു. ദമാം വിമാനത്താവളത്തിനു നേരേയുണ്ടായ ആക്രമണത്തിൽ ഇന്ത്യക്കാരൻ ഉൾപ്പടെ രണ്ടുപേർ കൊല്ലപ്പെട്ടു. രണ്ട് ഇന്ത്യക്കാർ ഉൾപ്പടെ എട്ടു പേർക്കു പരിക്കേറ്റു.
ബുധനാഴ്ച രാത്രിയാണ് ദമാമിൽ കിംഗ് ഫഹദ് അന്താരാഷ്ട്ര വിമാനത്താവളത്തിനുനേരേ ആക്രമണമുണ്ടായതെന്ന് ഇന്ത്യൻ എംബസി സമൂഹമാധ്യമത്തിലൂടെ അറിയിച്ചു. കൊല്ലപ്പെട്ടവരിൽ ഒരാൾ സൗദി പൗരനാണ്. വിമാനത്താവളത്തിന്റെ പ്രവർത്തനം ഇന്നലെ പുനരാരംഭിച്ചു. വിമാനസർവീസുകൾ സാധാരണനിലയിലായിട്ടുണ്ട്.
ബുധനാഴ്ച സൗദി അരാംകോ ഷായ്ബ എണ്ണപ്പാടത്തിനുനേരേയുണ്ടായ ആക്രമണത്തിൽ രണ്ടുപേർ കൊല്ലപ്പെട്ടിരുന്നു. ഫിലിപ്പീൻസ്, നേപ്പാൾ പൗരന്മാരാണു കൊല്ലപ്പെട്ടത്. ഒരു ഇന്ത്യക്കാരനടക്കം രണ്ടുപേർക്ക് പരിക്കേറ്റു. സൗദി വ്യോമ പ്രതിരോധ സംവിധാനം ഹൂതി ഡ്രോൺ തകർത്തെങ്കിലും ഷാർപനൽ പതിച്ചു രണ്ടുപേർ കൊല്ലപ്പെടുകയായിരുന്നു.
സൗദി അറേബ്യയിലെ വിമാനത്താവളങ്ങളും ഊർജകേന്ദ്രങ്ങളും മറ്റു സുപ്രധാന സ്ഥാപനങ്ങളും ലക്ഷ്യമിട്ട് ഹൂതികൾ നിരന്തരം ഡ്രോൺ, മിസൈൽ ആക്രമണം നടത്തിവരികയാണ്. ഈ മാസം ആദ്യം റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിനുനേരേയുണ്ടായ ഹൂതി ആക്രമണത്തിൽ ഇന്ത്യക്കാരൻ ഉൾപ്പടെ 13 പേർ കൊല്ലപ്പെട്ടിരുന്നു. അന്ന് ദമാം വിമാനത്താവളവും ഹൂതികൾ ആക്രമിച്ചിരുന്നു.
അതേസമയം, ഹൂതി വിമതർ സൗദി അറേബ്യയില് നടത്തുന്ന ആക്രമണങ്ങളെ ഇന്ത്യ ശക്തമായി അപലപിച്ചു. സൗദിയിലെ സാധാരണക്കാർക്കുനേരേയും ഊർജകേന്ദ്രങ്ങൾക്കുനേരേയും മേഖലയുമായി ബന്ധപ്പെട്ട മേഖലകളിലേക്കും തുടരുന്ന ആക്രമണങ്ങളെ ശക്തമായി അപലപിക്കുന്നുവെന്ന് വിദേശകാര്യ മന്ത്രാലയം പുറത്തിറക്കിയ പ്രസ്താവനയില് പറഞ്ഞു.
സൗദിയുടെ പരമാധികാരം സംരക്ഷിക്കുന്ന കാര്യത്തില് ആ രാജ്യത്തെ ജനങ്ങള്ക്കും സര്ക്കാരിനുമൊപ്പം തങ്ങള് നിലകൊള്ളുന്നു. മേഖലയില് എത്രയും വേഗം സമാധാനവും സാധാരണ നിലയും തിരിച്ചുവരുമെന്ന് തങ്ങള് പ്രത്യാശിക്കുന്നുവെന്നും വിദേശകാര്യ മന്ത്രാലയം വ്യക്തമാക്കി.
സൗദി അറേബ്യയിലുള്ള ഉംറ തീർഥാടകരെ തിരികെയെത്തിക്കാൻ റിയാദിലെ ഇന്ത്യൻ എംബസിയും ജിദ്ദയിലെ കോൺസുലേറ്റും വിമാനക്കന്പനികളുമായും ടൂർ ഓപ്പറേറ്റർമാരുമായും ബന്ധപ്പെട്ടു. വിദേശകാര്യ മന്ത്രാലയം വക്താവ് രൺധീർ ജയ്സ്വാൾ ആണ് ഇക്കാര്യം അറിയിച്ചത്.
റിയാദിലെ എംബസിയിലും ജിദ്ദയിലെ കോൺസുലേറ്റിലും കൺട്രോൾ റൂം തുറന്നു. ഒരാഴ്ചയ്ക്കിടെ 3000 ഉംറ തീർഥാടകർ ഇന്ത്യയിലേക്കു മടങ്ങിയെത്തിയിരുന്നു. വിമാനസർവീസുകൾ നിർത്തിവച്ചതിനെത്തുടർന്ന് മക്കയിലും മദീനയിലും 4000 തീർഥാടകർ കുടുങ്ങിക്കിടക്കുകയാണ്.
International
റിയാദ്: സൗദി അറേബ്യയിലെ എണ്ണപ്പാടത്തിന് നേരേ ഹൂത്തി ആക്രമണം. ഷൈബയിലെ എണ്ണപ്പാടം ലക്ഷ്യമിട്ടാണ് ഹൂത്തികൾ ആക്രമണം നടത്തിയത്. ആക്രമണത്തിൽ ഡ്രോൺ അവശിഷ്ടം വീണ് രണ്ട് പ്രവാസികൾ കൊല്ലപ്പെട്ടു. ഫിലിപ്പീൻസ്, നേപ്പാൾ സ്വദേശികളാണ് മരിച്ചത്. ഒരു ഇന്ത്യക്കാരനും പാകിസ്ഥാൻകാരനും പരിക്കേറ്റതായും മന്ത്രാലയം അറിയിച്ചു.
സൗദി അരാംകോയുടെ തെക്കുകിഴക്കൻ സൗദിയിലുള്ള എണ്ണപ്പാടമാണ് ഷൈബ. യുഎഇ അതിർത്തിയോട് ചേർന്നാണ് ഈ എണ്ണപ്പാടം സ്ഥിതി ചെയ്യുന്നത്. ഷൈബ എണ്ണപ്പാടം ലക്ഷ്യമിട്ടാണ് ഡ്രോൺ ആക്രമണമുണ്ടായതെന്ന് സൗദി ഊർജമന്ത്രാലയം സ്ഥിരീകരിച്ചു. ഡ്രോൺ അവശിഷ്ടം വീണ് ഒരു വാഹനത്തിനു തീപിടിച്ചെന്നും റിപ്പോർട്ടുണ്ട്.
സൗദിയിൽ ഹൂത്തി ആക്രമണം തുടരുന്നതിനിടെ എംബസി ജീവനക്കാരോട് രാജ്യംവിടാൻ യുഎസ് നിർദേശിച്ചു. അത്യാവശ്യ ജോലികളിൽ അല്ലാത്ത യുഎസ് സർക്കാർ ജീവനക്കാരും കുടുംബാംഗങ്ങളും സൗദി വിടണമെന്നാണ് യുഎസ് സ്റ്റേറ്റ് ഡിപ്പാർട്ട്മെന്റിന്റെ ഉത്തരവ്.
International
കയ്റോ: തെക്കൻ യെമനിൽ സർക്കാർ സൈനിക ക്യാന്പിനു നേർക്കുണ്ടായ ഹൂതി ആക്രമണത്തിൽ 53 സൈനികർ കൊല്ലപ്പെട്ടു.
അടുത്തകാലത്തുണ്ടായ ഏറ്റവും മാരക ഹൂതി ആക്രമണമാണിത്. തെക്കൻ യെമനിലെ ഷബ്വ പ്രവിശ്യയിലെ അൽ-അലാം സൈനിക ക്യാന്പിനു നേർക്കാണ് ഹൂതികൾ ബാലിസ്റ്റിക് മിസൈൽ ആക്രമണം നടത്തിയത്.
ഇരുനൂറിലേറെ സൈനികർക്കു പരിക്കേറ്റു. പുതുതായി സൈന്യത്തിലെത്തിയവരാണു കൊല്ലപ്പെട്ടതെന്നു പ്രസിഡൻഷ്യൽ ലീഡർഷിപ്പ് കൗൺസിൽ തലവൻ റഷാദ് അൽ-അലിമി പറഞ്ഞു.
പൊലിസിന്റെ പരിശീലനകേന്ദ്രത്തിലേക്ക് മൂന്നു ബാലിസ്റ്റിക് മിസൈലുകളാണ് ഹൂതികൾ തൊടുത്തത്. ആക്രമണത്തിൽ ഒട്ടേറെ പേർ കൊല്ലപ്പെട്ടെന്ന് ഹൂതികൾ സ്ഥിരീകരിച്ചു.
യുഎഇയുടെ പിന്തുണയുള്ള സായുധസംഘം മുന്പ് ഉപയോഗിച്ചിരുന്നതാണ് ആക്രമണം നടന്ന ക്യാന്പ്. ഞായറാഴ്ച സൗദിയുടെ നേതൃത്വത്തിലുള്ള സേനയുടെ ആക്രമണത്തിൽ അഞ്ചു കുട്ടികൾ ഉൾപ്പടെ ഒന്പതു പേർ കൊല്ലപ്പെട്ടെന്ന് ഹൂതികൾ അറിയിച്ചു.
Kerala
പാലക്കാട്: പിരായിരിയിൽ മദ്യപിച്ചെത്തിയ ജ്യേഷ്ഠന്റെ ആക്രമണത്തിൽ സഹോദരൻ കൊല്ലപ്പെട്ടു. കല്ലേക്കാട് സ്വദേശി രാജേന്ദ്രൻ (42) ആണ് കൊല്ലപ്പെട്ടത്.
സഹോദരൻ ശെൽവനെ (53) നോർത്ത് പൊലിസ് കസ്റ്റഡിയിലെടുത്തു. ഞായറാഴ്ച രാത്രിയായിരുന്നു ആക്രമണം നടന്നത്.
മദ്യപിച്ചെത്തിയ ശെൽവൻ അയൽവാസിയും സഹോദരനുമായ രാജേന്ദ്രൻ താമസിക്കുന്ന വീട്ടിലെത്തി ബഹളംവച്ചു. ഇത് രാജേന്ദ്രൻ ചോദ്യം ചെയ്തതിനുള്ള വിരോധം കാരണം വീട്ടിൽ പോയി കത്തി എടുത്തു കൊണ്ടുവന്ന് രാജേന്ദ്രനെ ആക്രമിക്കുകയായിരുന്നു.
International
സനാ: യെമനിലെ ധമാർ പ്രവിശ്യയിൽ സൗദി നടത്തിയ വ്യോമാക്രമണത്തിൽ മൂന്നു കുട്ടികൾ കൊല്ലപ്പെട്ടതായി ഹൂതി വിമതർ അറിയിച്ചു.
സെപ്റ്റംബറിൽ പശ്ചിമേഷ്യാ സംഘർഷത്തിൽ പങ്കാളിയായശേഷം തങ്ങളുടെ നിയന്ത്രണത്തിലുള്ള യെമനി പ്രദേശത്ത് കൊല്ലപ്പെട്ടവരുടെ എണ്ണം 124 ആയെന്നും ഹൂതികൾ പറഞ്ഞു.
National
പ്രയാഗ്രാജ്: ഭൂമി തർക്കത്തെത്തുടർന്ന് അന്പത്തിരണ്ടുകാരനായ അഭിഭാഷകൻ വെടിയേറ്റു കൊല്ലപ്പെട്ടു. സതീഷ്കുമാർ ശ്രീവാസ്തവ ആണ് കൊല്ലപ്പെട്ടത്. വ്യാഴാഴ്ച സലോറി മേഖലയിലാണ് സംഭവം. മറ്റൊരു അഭിഭാഷകനാണു വെടിവെച്ചതെന്നാണ് നിഗമനം. കൊല്ലപ്പെട്ട സതീഷ് ശ്രീവാസ്തവ കോളജിൽ ലാബ് അറ്റൻഡന്റായി ജോലി ചെയ്തിരുന്നു.
അഡീഷണൽ ഗവ. അഡ്വക്കറ്റ് ദേവേന്ദ്ര നാഥ് മിശ്ര, ലൈസൻസുള്ള റിവോൾവർ ഉപയോഗിച്ച് ഭർത്താവിനെ വെടിവെച്ചു കൊലപ്പെടുത്തിയെന്നാണു സതീഷിന്റെ ഭാര്യ വർഷയുടെ ആരോപണം. നസൂൽ ഭൂമിയുമായി ബന്ധപ്പെട്ട തർക്കമാണ് സംഭവത്തിനു പിന്നിലെന്നാണു വിവരം.
വ്യാഴാഴ്ച ഉച്ചയോടെ തർക്കഭൂമിയിലെത്തിയ ദേവേന്ദ്ര നാഥ് മിശ്ര, സതീഷ് സ്ഥാപിച്ചിരുന്നുവെന്നു പറയപ്പെടുന്ന പൂട്ടു തകർത്തതോടെയാണു സംഘർഷമുണ്ടായതെന്ന് ഡെപ്യൂട്ടി പോലീസ് കമ്മീഷണർ സാഗർ ജെയിൻ പറഞ്ഞു. തുടർന്നുണ്ടായ തർക്കത്തിനിടെ വെടിയുതിർക്കുകയും സതീഷിന്റെ വയറ്റിൽ വെടിയേൽക്കുകയുമായിരുന്നു.
ദേവേന്ദ്ര നാഥ് മിശ്ര, ഭാര്യ ശൈൽ മിശ്ര, മകൻ അമരേന്ദ്ര നാഥ് മിശ്ര, നിപേന്ദ്ര മിശ്ര എന്നിവർക്കും തിരിച്ചറിയാത്ത പത്തു പേർക്കും എതിരേ വർഷ പോലീസിൽ പരാതി നൽകി. ജില്ലാ സെഷൻസ് കോടതിയിലെ അഭിഭാഷകനായിരുന്ന സതീഷ്, ഈശ്വർ ശരൺ ഡിഗ്രി കോളേജിൽ ലാബ് അസിസ്റ്റന്റായും ജോലി ചെയ്തിരുന്നു.
International
ബാഗ്ദാദ്: വടക്കൻ ഇറാക്കിലെ കിർക്കുക്കിൽ വഴിവക്കിലുണ്ടായ ബോംബ് സ്ഫോടനത്തിൽ കരസേനാ ബ്രിഗേഡിയറും ഭടനും കൊല്ലപ്പെട്ടു.
ഇസ്ലാമിക് ഭീകരരുടെ ഒളിത്താവളങ്ങളിൽ പരിശോധന നടത്തുകയായിരുന്ന സൈനികരുടെ വാഹനങ്ങൾ സ്ഫോടനത്തിൽ തകരുകയായിരുന്നു.
ഇറാക്കി വ്യോമസേന കഴിഞ്ഞദിവസം മേഖലയിൽ ബോംബിട്ടിരുന്നു.
International
റിയാദ്: സൗദി അറേബ്യയിലെ റിയാദ് വിമാനത്താവളത്തിനു നേർക്കുണ്ടായ ഹൂതി ആക്രമണത്തിൽ കൊല്ലപ്പെട്ട ഇന്ത്യൻ പൗരൻ മുഹമ്മദ് യൂസഫ് അലിയുടെ സംസ്കാരം റിയാദിൽ നടത്തി.
ശനിയാഴ്ചയാണ് അലി കൊല്ലപ്പെട്ടത്. സംസ്കാരം സൗദിയിൽത്തന്നെ നടത്താൻ കുടുംബാംഗങ്ങൾ തീരുമാനിക്കുകയായിരുന്നുവെന്ന് ഇന്ത്യൻ എംബസി അറയിച്ചു. പരിക്കേറ്റ അഞ്ച് ഇന്ത്യക്കാർ ഐസിയുവിൽ കഴിയുകയാണ്.
International
ഇസ്ലാമാബാദ്: പാക്കിസ്ഥാനിൽ സൈനിക പരിശീലന വിമാനം തകർന്നുവീണ് രണ്ടു പൈലറ്റുമാർ കൊല്ലപ്പെട്ടു.
ബലൂചിസ്ഥാൻ പ്രവിശ്യയിലെ ക്വറ്റയിൽ പതിവ് പരിശീലനപ്പറക്കലിനിടെയുണ്ടായ സാങ്കേതിക തകരാറിനെത്തുടർന്നാണു വിമാനം തകർന്നുവീണതെന്ന് പാക് സൈന്യം അറിയിച്ചു.
ഇൻസ്ട്രക്ടർ പൈലറ്റായ മേജർ ഹുസൈൻ ഷെഹ്സാദ് ഹുമയൂൺ, ട്രെയിനി പൈലറ്റ് ക്യാപ്റ്റൻ അബ്ദുൾ സമദ് എന്നിവരാണു കൊല്ലപ്പെട്ടത്.
പാക്കിസ്ഥാൻ ആർമി ഏവിയേഷന്റെ മുഷ്ഷാഖ് പരിശീലന വിമാനമാണ് അപകടത്തിൽപ്പെട്ടത്. സംഭവത്തിൽ അന്വേഷണമാരംഭിച്ചെന്ന് സൈന്യം അറിയിച്ചു.
International
റിയാദ്: സൗദി അറേബ്യയിലെ റിയാദ് കിംഗ് ഖാലിദ് രാജ്യാന്തര വിമാനത്താവളത്തിനു നേരെ ഉണ്ടായ വ്യോമാക്രമണത്തിൽ ഹൈദരാബാദ് സ്വദേശിയായ ഇന്ത്യൻ പൗരൻ കൊല്ലപ്പെടുകയും 11 ഇന്ത്യക്കാർക്ക് പരിക്കേൽക്കുകയും ചെയ്തു.
വിമാനത്താവളത്തിലെ ആഭ്യന്തര സർവീസുകൾ കൈകാര്യം ചെയ്യുന്ന നാലാം നമ്പർ പാസഞ്ചർ ഹാളിനു നേരെയാണ് തിരിച്ചറിയാത്ത ആയുധം ഉപയോഗിച്ച് ആക്രമണമുണ്ടായത്. വിമാനത്താവളത്തിനു സമീപമെത്തിയ ക്രൂയിസ് മിസൈൽ സൗദി വ്യോമപ്രതിരോധ സംവിധാനം തകർത്തെങ്കിലും, ആക്രമണത്തെ തുടർന്ന് ഇന്ധന സംഭരണശാലയിലുണ്ടായ വലിയ തീപിടിത്തം നിയന്ത്രണവിധേയമാക്കാനുള്ള ശ്രമങ്ങൾ തുടരുകയാണ്.
കൊല്ലപ്പെട്ട ഹൈദരാബാദ് സ്വദേശി അലി മുഹമ്മദ് അലിയുടെ ഭാര്യയും മക്കളും പരിക്കേറ്റ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. കഴിഞ്ഞ ദിവസങ്ങളിലായി വിമാനത്താവളത്തിനു നേരെ തുടർച്ചയായി ഉണ്ടാകുന്ന ആക്രമണങ്ങളിൽ ഇതുവരെ 12 പേർ കൊല്ലപ്പെടുകയും മുന്നൂറിലധികം പേർക്ക് പരിക്കേൽക്കുകയും ചെയ്തിട്ടുണ്ട്.
പരിക്കേറ്റ ഇന്ത്യൻ പൗരന്മാരുടെ ആരോഗ്യനിലയും സുരക്ഷയും ഉറപ്പാക്കാൻ ഇന്ത്യൻ എംബസി അധികൃതർ പ്രാദേശിക ഭരണകൂടവുമായി നിരന്തരം ബന്ധപ്പെടുന്നുണ്ട്. എംബസി ഉദ്യോഗസ്ഥർ വിവിധ ആശുപത്രികളിൽ നേരിട്ടെത്തി സ്ഥിതിഗതികൾ വിലയിരുത്തുന്നുണ്ട്.
കൊല്ലപ്പെട്ടയാളുടെ മൃതദേഹം എത്രയും പെട്ടെന്ന് നാട്ടിലെത്തിക്കാനുള്ള നടപടികൾ പുരോഗമിക്കുന്നതായി ഔദ്യോഗിക വക്താക്കൾ അറിയിച്ചു. കൂടുതൽ വിവരങ്ങൾ ലഭ്യമാകുന്ന മുറയ്ക്ക് എംബസി ഔദ്യോഗികമായി പുറത്തുവിടും.
International
പെൻസിൽവാനിയ: യുഎസിലെ നോർത്തേൺ പെൻസിൽവാനിയയിലെ ഈറി നഗരത്തിലുണ്ടായ വെടിവയ്പിലും തുടർന്നുണ്ടായ ഏറ്റുമുട്ടലിലും രണ്ടു കുട്ടികൾ ഉൾപ്പടെ ഒമ്പതു പേർ കൊല്ലപ്പെട്ടു.
സംഭവത്തിനുശേഷം വെടിയുതിർത്തതെന്നു സംശയിക്കുന്ന അക്രമിയും മരിച്ചതായി പൊലിസ് സ്ഥിരീകരിച്ചു. വെള്ളിയാഴ്ചയുണ്ടായ സംഭവം ഇന്നലെ പെൻസിൽവാനിയ ഗവർണർ ജോഷ് ഷാപിറോയാണ് പുറത്തുവിട്ടത്.
സംഭവത്തിന്റെ കൂടുതൽ വിവരങ്ങൾ വെളിപ്പെടുത്താൻ പൊലിസ് വിസമ്മതിച്ചെങ്കിലും വെടിവയ്പിലേക്കു നയിച്ച സാഹചര്യങ്ങൾ തീർത്തും അസ്വസ്ഥതയുണ്ടാക്കുന്നതാണെന്ന് അവർ വ്യക്തമാക്കി.
മറ്റൊരു സംഭവത്തിൽ ജോർജിയ സംസ്ഥാനത്തെ ഡഗ്ലസ് നഗരത്തിൽ ഒരു വീട്ടിൽ അഞ്ചുപേരെ വെടിയേറ്റ് മരിച്ചനിലയിൽ കണ്ടെത്തി.
International
കീവ്: കിഴക്കൻ യുക്രെയ്നിലെ റഷ്യൻ ആക്രമണത്തിൽ രണ്ട് ബസുകൾക്ക് തീപിടിച്ച് 33 പേർ കൊല്ലപ്പെട്ടു. ഈ വർഷം യുക്രെയ്നിൽ റഷ്യ ഒറ്റ ദിവസം നടത്തുന്ന ഏറ്റവും മാരകമായ ആക്രമണമാണിത്.
ഡൊനെറ്റ്സ്ക് മേഖലയിലെ ക്രാമറ്റോർസ്ക് നഗരത്തിലുണ്ടായ ആക്രമണത്തിൽ 18 പേർക്ക് പരിക്കേൽക്കുകയും ചെയ്തിട്ടുണ്ട്. ആക്രമണത്തെ തുടർന്ന് പ്രദേശത്തെ പൊതുഗതാഗത സംവിധാനം പൂർണമായി നിർത്തിവച്ചു. സുരക്ഷിതമായി ജീവൻ നിലനിർത്തുന്നതിനായി രാജ്യത്തിന്റെ മറ്റ് ഭാഗങ്ങളിലേക്ക് മാറിത്താമസിക്കാൻ അധികൃതർ ജനങ്ങൾക്ക് നിർദ്ദേശം നൽകിയിട്ടുണ്ട്.
റഷ്യൻ സേന മനഃപൂർവം സാധാരണക്കാരെ ലക്ഷ്യമിടുകയാണെന്നും, ഒറ്റയടിക്ക് പരമാവധി ആളുകളെ കൊല്ലുന്നതിനാണ് യാത്രക്കാരുള്ള ബസുകൾ തെരഞ്ഞെടുത്തതെന്നും ഡൊനെറ്റ്സ്ക് റീജിയണൽ മിലിട്ടറി അഡ്മിനിസ്ട്രേഷൻ തലവൻ വാഡിം ഫിലാഷ്കിൻ വ്യക്തമാക്കി.
International
ദുബായ്: സൊമാലിയൻ തീരത്തിനു സമീപം കടൽക്കൊള്ളക്കാർ തട്ടിയെടുത്ത കപ്പലിലെ ഇന്ത്യക്കാരൻ ഉൾപ്പടെ അഞ്ചു ജീവനക്കാർ കൊല്ലപ്പെട്ടു. പലാവു പതാകയേന്തിയ എംടി ഓണർ 25 എന്ന എണ്ണ ടാങ്കറിലെ ജീവനക്കാരാണു കൊല്ലപ്പെട്ടത്.
ഇന്നലെ രാവിലെയാണു സംഭവം. കൊല്ലപ്പെട്ടവരിൽ മൂന്നു പാക്കിസ്ഥാൻകാരും ഒരു മ്യാൻമർ പൗരനും ഉൾപ്പെടുന്നു. മൂന്നു പാക്കിസ്ഥാൻകാർക്കും ഒരു ഇന്ത്യക്കാരനും പരിക്കേറ്റുവെന്ന് പുന്ത്ലാൻഡ് മാരിടൈം പൊലിസ് ഫോഴ്സ് (പിഎംപിഎഫ്) അറിയിച്ചു.
കപ്പലിന്റെ നിയന്ത്രണം പിഎംപിഎഫ് ഏറ്റെടുത്തു. സൊമാലിയയിലെ അർധ സ്വയംഭരണ പ്രദേശമാണ് പുന്ത്ലാൻഡ്. 16 കടൽക്കൊള്ളക്കാരെ പിഎംപിഎഫ് പിടികൂടി. മറ്റുള്ളവർക്കായി തെരച്ചിൽ നടന്നുവരികയാണ്.
18,500 ബാരൽ എണ്ണയുമായി മൊഗാദിഷുവിലേക്കു പോകുകയായിരുന്ന കപ്പൽ ഏപ്രിൽ 21നാണ് കടൽക്കൊള്ളക്കാർ തട്ടിയെടുത്തത്. 17 ജീവനക്കാരാണ് കപ്പലിലുണ്ടായിരുന്നത്.
ഇന്നലെ മറ്റൊരു സംഭവത്തിൽ സൊമാലിയൻ കടൽക്കൊള്ളക്കാർ ടോഗോ പതാകയേന്തിയ എംടി യൂറേക്ക എന്ന കപ്പൽ വിട്ടയച്ചു. പുന്ത്ലാൻഡിലെ കർകാർ മേഖലയിലായിരുന്നു കപ്പൽ തടഞ്ഞുവച്ചത്. നാല് ഇന്ത്യക്കാർ ഉൾപ്പടെ 12 ജീവനക്കാരെ സുരക്ഷാസേനയ്ക്കു കൈമാറി. കടൽക്കൊള്ളക്കാർ കപ്പലിനു കേടുപാട് വരുത്തി.
National
പരമക്കുടി : തമിഴ്നാട്ടിലെ പരമക്കുടി സർക്കാർ ആശുപത്രിയിൽ രണ്ട് സംഘങ്ങൾ തമ്മിലുള്ള കൈയാങ്കളി തടയാന് ശ്രമിക്കുന്നതിനിടെ വീണു പരിക്കേറ്റ വനിതാ പൊലിസ് ഹെഡ് കോണ്സ്റ്റബിള് മരണമടഞ്ഞു.
രാമനാഥപുരം പാര്ഥിബനൂര് സ്റ്റേഷനിലെ കോണ്സ്റ്റബിൾ കണ്ണകി (35) ആണ് മരിച്ചത്. സർക്കാർ ആശുപത്രിയിൽ ഡ്യൂട്ടിക്കായി നിയോഗിച്ചതായിരുന്നു കണ്ണകിയെ.
രണ്ടു സംഘങ്ങൾ തമ്മിലുള്ള ഏറ്റുമുട്ടലിനെത്തുടർന്ന് ഏതാനും പേർ തിങ്കളാഴ്ച രാത്രിയോടെ ആശുപത്രിയിൽ ചികിത്സതേടിയിരുന്നു.
ആശുപത്രിക്കുള്ളിലും സംഘം പോരടിച്ചതോടെ സംഘര്ഷം തടയാനും ഇരുവിഭാഗങ്ങളെയും മാറ്റാനും കണ്ണകി ശ്രമിച്ചു. ഇതിനിടെ കറുപ്പുരാജ എന്നയാള് ഇവരെ ശക്തമായി തള്ളിമാറ്റുകയായിരുന്നു. തലയ്ക്ക് ഗുരുതരമായി പരിക്കേറ്റ കണ്ണകിയെ ഉടൻ ആശുപത്രിയിലേക്കു മാറ്റിയെങ്കിലും ജീവൻ രക്ഷിക്കാനായില്ല.
സംഭവത്തെക്കുറിച്ചു പൊലിസ് അന്വേഷണം തുടങ്ങി. പ്രതി കറുപ്പുരാജയെ അറസ്റ്റ് ചെയ്തു. ഇയാള്ക്കെതിരേ കൊലപാതകക്കുറ്റവും ചുമത്തി.
International
കറാച്ചി: ബലൂചിസ്ഥാൻ വനിതാ കമാൻഡോകളുടെ ആക്രമണത്തിൽ ഒമ്പതു പാക് സൈനികർ കൊല്ലപ്പെട്ടു. ബിഎൽഎഫിന്റെ പുതുതായി രൂപീകരിച്ച വനിതാ സായുധ യൂണിറ്റായ കരീമ ആംഡ് അസോൾട്ട് ഡിവിഷനാണ് ആക്രമണത്തിന് പിന്നിലെന്നാണ് സംഘടനയുടെ അവകാശവാദം. തുർബത്തിലെ ജുസാക്കിന് സമീപം സഞ്ചരിച്ചിരുന്ന സൈന്യത്തിക സംഘത്തിനുനേരെയാണ് ആക്രമണമുണ്ടായത്.
തുടർന്ന് കലാത് ജില്ലയിലെ മംഗുചാർ മേഖലയിലും വനിതാ യൂണിറ്റ് സൈനിക വാഹനവ്യൂഹത്തെ ആക്രമിച്ചതായി ബിഎൽഎഫ് അവകാശപ്പെട്ടു. ഈ രണ്ട് ആക്രമണങ്ങളിലുമായി ഒമ്പതു സൈനികർ കൊല്ലപ്പെട്ടെന്നാണ് റിപ്പോർട്ട്. ആക്രമണത്തിന്റെ ദൃശ്യങ്ങളും ബിഎൽഎഫ് പുറത്തുവിട്ടിട്ടുണ്ട്. വനിതാ പോരാളികൾ സൈനിക വാഹനങ്ങൾക്ക് നേരെ വെടിയുതിർക്കുന്നതും ആക്രമണത്തിന് ശേഷം പിൻവാങ്ങുന്നതും ദൃശ്യങ്ങളിലുണ്ട്.
അതേസമയം സംഭവം സംബന്ധിച്ച് പാക് അധികൃതരുടെ സ്ഥിരീകരണം ഇതുവരെ ലഭ്യമായിട്ടില്ല. കാനഡയിലെ ടൊറന്റോയിൽ 2020ൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയ ബലൂച് സ്റ്റുഡന്റ്സ് ഓർഗനൈസേഷൻ മുൻ ചെയർപഴ്സൺ കരിമ ബലൂചിന്റെ സ്മരണാർഥമാണ് വനിതാ സായുധ വിഭാഗത്തിനു ഈ പേര് നൽകിയിരിക്കുന്നത്.
National
ജോഹന്നാസ്ബർഗ്: ദക്ഷിണാഫ്രിക്കയിൽ മണിക്കൂറുകളുടെ വ്യത്യാസത്തിലുണ്ടായ രണ്ട് വെടിവയ്പുകളിൽ 27 പേർ കൊല്ലപ്പെട്ടു. 26 പേർക്ക് പരിക്കേറ്റിട്ടുണ്ട്.
ജോഹന്നാസ്ബർഗിന് സമീപമുള്ള വെഡെല ടൗൺഷിപ്പിലെ ബാറിലാണ് ആദ്യ ആക്രമണമുണ്ടായത്. എകെ-47 റൈഫിളുകളും പിസ്റ്റളുകളുമായെത്തിയ എട്ടംഗ സംഘം നടത്തിയ വെടിവയ്പിൽ 17 പേർ കൊല്ലപ്പെടുകയും 15 പേർക്ക് പരിക്കേൽക്കുകയും ചെയ്തു. ആളുകളുടെ മൊബൈൽ ഫോണുകൾ മോഷ്ടിച്ചാണ് അക്രമികൾ രക്ഷപ്പെട്ടത്.
ഇതിന് നാല് മണിക്കൂറിനു ശേഷം കേപ് ടൗണിന് സമീപമുള്ള ല്വാണ്ട്ലെ ടൗൺഷിപ്പിലെ കടയിലുണ്ടായ രണ്ടാമത്തെ വെടിവയ്പിൽ 10 പേർ കൊല്ലപ്പെടുകയും 11 പേർക്ക് പരിക്കേൽക്കുകയും ചെയ്തു.
പ്രതികൾക്കായുള്ള തെരച്ചിൽ പൊലിസ് ഊർജിതമാക്കിയിട്ടുണ്ട്. അഞ്ച് ദിവസം മുൻപ് ഡർബന് സമീപമുണ്ടായ സമാനമായ ആക്രമണത്തിൽ ഗർഭിണിയുൾപ്പെടെ 11 പേർ കൊല്ലപ്പെട്ടിരുന്നു.
National
ഇംഫാൽ: മണിപ്പുരിൽ സേനാപതി ജില്ലയിലെ കലൻജാങ് ഗ്രാമത്തിലുണ്ടായ വെടിവയ്പിൽ രണ്ട് നാഗാ വിഭാഗക്കാർ കൊല്ലപ്പെട്ടു. രണ്ട് പേർക്ക് പരിക്കേറ്റിട്ടുണ്ട്. ചൗവൈനാമേയി ഗ്രാമത്തിൽ നിന്നുള്ള റോക്കി മാവോ, ലായി ഷിറാഫി സ്വദേശിയായ കുമാർ പൗമായി എന്നിവരാണ് കൊല്ലപ്പെട്ടത്.
പരിക്കേറ്റവരെ ചികിത്സയ്ക്കായി സ്വകാര്യ ആശുപത്രിയിൽ പ്രവേശിപ്പിച്ചു. മൃതദേഹങ്ങൾ സേനാപതി ജില്ലാ ആശുപത്രിയിലേക്ക് മാറ്റി.
ശനിയാഴ്ച ഉച്ചയോടെയാണ് സംഭവം. കലൻജാങ് ഗ്രാമത്തലവന്റെ വീട്ടിലുണ്ടായിരുന്ന ഇവർക്ക് നേരെ അജ്ഞാതരായ ആയുധധാരികൾ വെടിയുതിർക്കുകയായിരുന്നു. എന്നാൽ ആക്രമണ സമയത്ത് നാഗാ യുവാക്കൾ കുക്കി ഗ്രാമത്തലവന്റെ വസതിയിൽ എങ്ങനെയെത്തി എന്നതിൽ വ്യക്തത വന്നിട്ടില്ല.
സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്. കുക്കി ഗോത്രവിഭാഗത്തിൽപ്പെട്ടവരാണ് ആക്രമണം നടത്തിയതെന്നാണ് പ്രാദേശിക വൃത്തങ്ങൾ നൽകുന്ന സൂചന.
National
ഇസ്ലാമാബാദ്: വടക്കുപടിഞ്ഞാറൻ പാക്കിസ്ഥാനിൽ സ്ഫോടനം. ഡെറാ ഇസ്മായിൽ ഖാനിലുണ്ടായ ചാവേർ ബോംബാക്രമണത്തിൽ 11 പേർ കൊല്ലപ്പെടുകയും 30 പേർക്ക് പരിക്കേൽക്കുകയും ചെയ്തു.
ശനിയാഴ്ച പൊലിസ് ചെക്ക് പോസ്റ്റിനു സമീപമാണ് ബോംബാക്രമണം ഉണ്ടായത്. സ്ഫോടനത്തിൽ പരിക്കേറ്റവരെ ആശുപത്രിയിലേക്ക് മാറ്റിവരികയാണ്. ആക്രമണത്തിന്റെ ഉത്തരവാദിത്തം ടിടിപി ഏറ്റെടുത്തു.
അഫ്ഗാനിസ്ഥാൻ അതിർത്തിയോട് ചേർന്ന ഖൈബർ പക്തൂൺഖ്വ പ്രവിശ്യയിൽ ഉൾപ്പെടുന്ന ജില്ലയാണ് ഡെറ ഇസ്മായിൽ ഖാൻ. ഇവിടുത്തെ ദരാസിന്ദ മേഖലയിലെ അമൻ മേള എന്ന പ്രദേശത്തിന് സമീപമാണ് സ്ഫോടനം ഉണ്ടായത്. ഏറെ നാളായി സംഘഷഭരിതമാണ് ഖൈബർ പക്തൂൺഖ്വ പ്രവിശ്യ.
Kerala
തിരുവനന്തപുരം: കേരളം-തമിഴ്നാട് അതിര്ത്തിയായ നിദ്രവിളയില് ടെമ്പോ ഇടിച്ച് 13 വയസുകാരൻ മരിച്ചു. നിദ്രവിള സ്വദേശി ജെയിൻ ജൂഡ്സ് ആണ് മരിച്ചത്.
സഹോദരിയോടൊപ്പം സ്കൂളിലേക്ക് കാൽനടയായി പോകുമ്പോയായിരുന്നു അപകടം. ഇടുങ്ങിയ റോഡിലൂടെ വന്ന ടെംപോ ഇടിച്ചുകയറുകയായിരുന്നു.
സംഭവസ്ഥലത്തുവച്ചുതന്നെ കുട്ടി മരിച്ചു. മൃതദേഹം കുഴിത്തുറ ആശുപത്രിയിൽ. ടെംപോ ഡ്രൈവറെ പൊലിസ് അറസ്റ്റ് ചെയ്തു.
National
ദേവരിയ: ഹോർമുസ് കടലിടുക്കിൽ ബുധനാഴ്ച ചരക്കുകപ്പലിനു നേർക്കുണ്ടായ മിസൈൽ ആക്രമണത്തിൽ കൊല്ലപ്പെട്ട ഇന്ത്യക്കാകൻ യുപി സ്വദേശി സൂരജ് യാദവ് (23). ഒമാന്റെ കിഴക്കൻ തീരത്തായിരുന്നു ആക്രമണം. ഓഗസ്റ്റ് 19നാണ് സൂരജ് ഒമാനിലേക്കു പോയത്.
എംവി കേപ് ഡാവോ എന്ന കപ്പലിനു നേർക്കായിരുന്നു ആക്രമണം. കപ്പലിലെ ഇന്ത്യക്കാരായ 19 ജീവനക്കാരെ റോയൽ ഒമാൻ നേവി സുരക്ഷിതമായി ഒഴിപ്പിച്ചു.
ദേവരിയ ജില്ലയിലെ കർമാൻഡിപുർ അഹിർവതി തോല ഗ്രാമക്കാരനാണ് വൈപ്പറായി ജോലി ചെയ്തിരുന്ന സൂരജ്. ഇദ്ദേഹത്തിന്റെ പിതാവ് ഓംപ്രകാശ് യാദവ് കുവൈറ്റിൽ ജോലി ചെയ്യുകയാണ്.
International
ടെഹ്റാൻ: ഹോർമുസിൽ ചരക്കുക്കപ്പലിന് നേരെയുണ്ടായ ആക്രമണത്തിൽ ഇന്ത്യക്കാരൻ കൊല്ലപ്പെട്ടതായി മസ്കറ്റിലെ ഇന്ത്യൻ എംബസി. ഉത്തർ പ്രദേശ് സ്വദേശി സൂരജ് യാദവ് ആണ് മരിച്ചത്. കപ്പലിൽ 20 ഇന്ത്യക്കാരാണ് ഉണ്ടായിരുന്നത്. ഇവരുൾപ്പെടെ 28 പേരാണ് കപ്പലിലുണ്ടായിരുന്നത്.
ആക്രമണത്തെ തുടർന്ന് തീപിടിച്ച കപ്പലിൽനിന്ന് ജീവനക്കാരെ സുരക്ഷിതമായി ഒഴിപ്പിച്ചിരുന്നു. ഇന്ത്യക്കാരന്റെ മരണത്തിൽ മസ്കറ്റിലെ ഇന്ത്യൻ എംബസി അനുശോചനം രേഖപ്പെടുത്തി. കരീബിയൻ രാഷ്ട്രമായ ആന്റിഗ്വ ആൻഡ് ബാർബുഡ പതാകയേന്തിയ ‘കേപ്പ് ദാവോ' എന്ന ബൾക്ക് കാരിയറാണ് ഈ കപ്പലെന്ന് തിരിച്ചറിഞ്ഞിട്ടുണ്ട്. ഇറാന്റെ പേർഷ്യൻ ഗൾഫ് സ്ട്രെയ്റ്റ് അഥോറിറ്റി പട്ടികപ്പെടുത്തിയ കപ്പലുകളുടെ കൂട്ടത്തിൽ ഈ കപ്പൽ ഉൾപ്പെട്ടിരുന്നില്ല.
Kerala
കൊച്ചി: വിവാഹാഭ്യര്ഥന നിരസിച്ചതിനു കോഴിക്കോട് എന്ഐടിയിലെ ഗവേഷണ വിദ്യാര്ഥിനിയായിരുന്ന തിരുവനന്തപുരം കുമാരപുരം സ്വദേശിനി കെ. ഇന്ദുവിനെ ട്രെയിനില്നിന്നു തള്ളിയിട്ടു കൊന്നുവെന്ന കേസിലെ വിചാരണ ആരംഭിച്ചു.
ഇന്ദുവിന്റെ പിതാവ് കൃഷ്ണന് നായര്, അമ്മ ഓമന കുഞ്ഞമ്മ, മാതൃ സഹോദരി ബേബിക്കുട്ടിയമ്മ, ഭര്ത്താവ് ഗോപിനാഥന് നായര് എന്നിവരെ എറണാകുളം പ്രിന്സിപ്പല് സെഷന്സ് കോടതിയില് ഇന്നലെ വിസ്തരിച്ചു. പ്രോസിക്യൂഷന് വേണ്ടി സ്പെഷ്യല് പബ്ലിക് പ്രോസിക്യൂട്ടര് എം.എ. ജോസ് മണവാളന് ഹാജരായി.
ട്രെയിനില് വച്ച് 2011 ഏപ്രില് 25ന് പുലര്ച്ചെ രണ്ടിനായിരുന്നു സംഭവം. ഇന്ദുവിനൊപ്പം ട്രെയിനില് യാത്ര ചെയ്ത കോഴിക്കോട് എന്ഐടി അസി.പ്രഫസര് കെ.സുഭാഷിനെ ക്രൈംബ്രാഞ്ച് കൊലപാതക കുറ്റത്തിന് അറസ്റ്റ് ചെയ്തു.
തിരുവനന്തപുരത്തുനിന്ന് കോഴിക്കോട്ടേക്കു മംഗലാപുരം എക്സ്പ്രസില് യാത്ര ചെയ്യുന്നതിനിടയിലാണ് ഇന്ദുവിനെ കാണാതായത്. ആലുവ പുഴയില്നിന്ന് ഇന്ദുവിന്റെ മൃതദേഹം കണ്ടെത്തുകയായിരുന്നു. ആദ്യം ആത്മഹത്യയാണെന്ന് കരുതിയ മരണം വിശദ അന്വേഷണത്തിലാണ് കൊലപാതകമാണെന്നു കണ്ടെത്തിയത്.
ഇന്ദുവിന്റെ വിവാഹം അഭിഷേക് എന്നയാളുമായി ഉറപ്പിച്ചതിലുള്ള വിരോധമാണു കൊലപാതകത്തിലേക്ക് നയിച്ചതെന്നാണു പൊലിസ് കണ്ടെത്തല്.
തിരുവനന്തപുരത്തുനിന്ന് ഇന്ദുവുമായി ട്രെയിനില് കയറിയ സുഭാഷ് കോഴിക്കോട്ടെത്തി ഉടന് രജിസ്റ്റര് വിവാഹം കഴിഞ്ഞ് സിക്കിമിലേക്കു പോകണമെന്ന് ആവശ്യപ്പെട്ടു.
എന്നാല്, ഇന്ദു ആവശ്യം നിരസിച്ചതാണ് കൊലപാതകത്തിനു കാരണമായത്. സുഭാഷ് ഇന്ദുവിനെ ട്രെയിനില്നിന്ന് ആലുവ പാലത്തിനു മുകളില്വച്ച് പുഴയിലേക്കു തള്ളിയിട്ട് കൊലപ്പെടുത്തുകയായിരുന്നെന്നു കുറ്റപത്രത്തില് പറയുന്നു.
International
ടോക്കിയോ: ജപ്പാനിൽ വീശിയടിച്ച ഡുജുആൻ ചുഴലിക്കാറ്റിൽ വ്യാപകനാശം. ശക്തമായ മഴയിലും പ്രളയത്തിലും മണ്ണടിച്ചിലിലും പെട്ട് ആറ് പേർ കൊല്ലപ്പെട്ടു. 22 ലേറെ പേർക്ക് പരിക്കേറ്റു. നിരവധി പേരെ കാണാതായിട്ടുണ്ട്.
പ്രതികൂല കാലവസ്ഥ മൂലം മുന്നൂറോളം വിമാനങ്ങൾ റദ്ദാക്കി. ടോക്കിയോയിലും സമീപ സംസ്ഥാനങ്ങളിലും വ്യാപക മഴയും ശക്തമായ കാറ്റും അനുഭവപ്പെട്ടു. 50,000 വീടുകളിൽ വൈദ്യുതി മുടങ്ങി.
ജപ്പാന്റെ പസഫിക് തീരത്തുകൂടി കടന്നുപോയ ചുഴലിക്കാറ്റ് വൻ നാശനഷ്ടമാണ് ജപ്പാനിൽ സൃഷ്ടിച്ചത്. കനത്ത മഴയെത്തുടർന്ന് ചിബ പ്രവിശ്യയിലെ അമ്പത്തെണ്ണായിരത്തോളം വീടുകളിൽ വൈദ്യുതി ബന്ധം നഷ്ടമായി. നിരവധി വീടുകളിലേക്ക് വെള്ളം കയറി.
ജപ്പാനിൽ സിൽവർ വീക്ക് എന്ന പേരിൽ അറിയപ്പെടുന്ന അവധിക്കാലത്താണ് ഈ പ്രകൃതിദുരന്തം ഉണ്ടായത്. ഓഗസ്റ്റിലും സെപ്റ്റംബർ തുടക്കത്തിലും കനത്ത മഴ നേരിട്ട ചിബ പ്രവിശ്യയെയാണ് ഈ കൊടുങ്കാറ്റും ഏറ്റവും കൂടുതൽ ബാധിച്ചിട്ടുള്ളത്.
ചിബയിൽ മാത്രം റോഡ് പുനരുദ്ധാരണ പ്രവർത്തനങ്ങളിൽ ഏർപ്പെട്ടിരുന്ന അമ്പത്തൊന്നുകാരൻ ഉൾപ്പെടെ അഞ്ചുപേർ മരണപ്പെട്ടതായി സ്ഥിരീകരിച്ചിട്ടുണ്ട്. കൊല്ലപ്പെട്ട മറ്റുള്ളവർ 70നും 80നും ഇടയിൽ പ്രായമുള്ളവരാണ്.
ടോക്കിയോയ്ക്ക് സമീപമുള്ള കനഗാവ പ്രവിശ്യയിലെ യോക്കോസുക, മിയുര എന്നിവിടങ്ങളിൽ തുടർച്ചയായ മണ്ണടിച്ചിലുകൾ ഉണ്ടായി. കാണാതായവർക്കായി നാലുപേർക്കായി പൊലിസ് തെരച്ചിൽ തുടരുകയും ചെയ്യുകയാണ്.
Kerala
പാലക്കാട്: കൊടുവായൂരിൽ ഭർത്താവ് ഭാര്യയെ കഴുത്തുഞെരിച്ച് കൊന്നു. കൊടുവായൂർ പിട്ട്പീടിക ആയില്യം കോംപ്ലക്സിൽ വാടകയ്ക്ക് താമസിക്കുന്ന കെ. മണികണ്ഠന്റെ ഭാര്യ അനുപ്രിയ (31) ആണ് കൊല്ലപ്പെട്ടത്.
ഉച്ചയ്ക്ക് ഊണ് കഴിക്കാൻ മണികണ്ഠൻ എത്തിയപ്പോൾ ഭാര്യയുമായി വാക്കുത്തർക്കമുണ്ടായി. പ്രകോപിതനായ മണികണ്ഠൻ ഷാൾ ഉപയോഗിച്ച് അനുപ്രിയയുടെ കഴുത്തിൽ മുറുക്കുകയായിരുന്നു.
പൊലിസ് സ്ഥലത്തെത്തി മണികണ്ഠനെ കസ്റ്റഡിയിലെടുത്തു. മൃതദേഹം ജില്ലാ ആശുപത്രിയിലേക്ക് മാറ്റി.