2

ചെ​ന്നൈ: ഡി​എം​കെ അ​ധ്യ​ക്ഷ​നും മു​ൻ മു​ഖ്യ​മ​ന്ത്രി​യു​മാ​യ എം.​കെ.​സ്റ്റാ​ലി​ന്‍റെ തെ​ര​ഞ്ഞെ​ടു​പ്പ് പ​രാ​ജ​യ​ത്തി​നു കാ​ര​ണം ഇ​വി​എം അ​ട്ടി​മ​റി​യാ​ണെ​ന്ന് ആരോപിച്ച് ഡി​എം​കെ കോടതിയിലേക്ക്. കൊ​ള​ത്തൂ​ർ മ​ണ്ഡ​ല​ത്തി​ൽ ഉ​പ​യോ​ഗി​ച്ച ഇ​വി​എം പ​രി​ശോ​ധി​ച്ച​പ്പോ​ൾ മു​പ്പ​ത് ശ​ത​മാ​ന​ത്തി​ലേ​റെ​യും അ​ട്ടി​മ​റി​ക്ക​പ്പെ​ട്ട​താ​യി ക​ണ്ടെ​ത്തി​യെ​ന്ന് ഡി​എം​കെ നി​യ​മ​വി​ഭാ​ഗം സെ​ക്ര​ട്ട​റി എ​ൻ.​ആ​ർ. ഇ​ള​ങ്കോ വ്യ​ക്ത​മാ​ക്കി.

വി​ഷ​യ​ത്തി​ൽ കോ​ട​തി​യെ സ​മീ​പി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. എ​ന്നാ​ൽ അ​ട്ടി​മ​റി ആ​രോ​പ​ണ​ങ്ങ​ൾ പൂ​ർ​ണ​മാ​യും ത​ള്ളി ജി​ല്ലാ തെ​ര​ഞ്ഞെ​ടു​പ്പ് അ​ധി​കൃ​ത​ർ രം​ഗ​ത്തെ​ത്തി. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ടി​വി​കെ സ്ഥാ​നാ​ർ​ഥി വി.​എ​സ്. ബാ​ബു​വി​നോ​ട് 8,795 വോ​ട്ടു​ക​ൾ​ക്കാ​ണ് എം.​കെ. സ്റ്റാ​ലി​ൻ പ​രാ​ജ​യ​പ്പെ​ട്ട​ത്.

തു​ട​ർ​ന്ന് മ​ണ്ഡ​ല​ത്തി​ലെ 14 പോ​ളിം​ഗ് സ്റ്റേ​ഷ​നു​ക​ളി​ലെ ഇ​വി​എ​മ്മു​ക​ളി​ൽ സം​ശ​യം പ്ര​ക​ടി​പ്പി​ച്ച് സ്റ്റാ​ലി​നും ഡി​എം​കെ​യും രം​ഗ​ത്തെ​ത്തി​യി​രു​ന്നു. ഇ​തേ​ത്തു​ട​ർ​ന്ന് ക​ഴി​ഞ്ഞ 29 മു​ത​ൽ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളു​ടെ സാ​ന്നി​ധ്യ​ത്തി​ൽ യ​ന്ത്ര​ങ്ങ​ൾ പ​രി​ശോ​ധി​ച്ചി​രു​ന്നു.

എ​ട്ട് യ​ന്ത്ര​ങ്ങ​ൾ പ​രി​ശോ​ധി​ച്ച​തി​ൽ മൂ​ന്നെ​ണ്ണ​ത്തി​ലും ഗു​രു​ത​ര​മാ​യ അ​പാ​ക​ത​ക​ൾ ക​ണ്ടെ​ത്തി​യ​താ​യി ഡി​എം​കെ ചൂ​ണ്ടി​ക്കാ​ട്ടു​ന്നു. 157-ാം ന​മ്പ​ർ പോ​ളിം​ഗ് സ്റ്റേ​ഷ​നി​ലെ ഇ​വി​എ​മ്മു​ക​ളി​ൽ ചി​ല​തി​ന്‍റെ വി​വി​പാ​റ്റ്, ക​ൺ​ട്രോ​ൾ യൂ​ണി​റ്റു​ക​ൾ എ​ന്നി​വ​യി​ലെ അ​ഡ്ര​സ് ടാ​ഗു​ക​ൾ പൂ​രി​പ്പി​ച്ചി​രു​ന്നി​ല്ല. കൂ​ടാ​തെ സീ​ലു​ക​ൾ കൃ​ത്യ​മ​ല്ലാ​യി​രു​ന്നു​വെ​ന്നും അ​ഡ്ര​സ് ടാ​ഗു​ക​ൾ പു​തി​യ​ത് പോ​ലെ തോ​ന്നി​ച്ചെ​ന്നും ഇ​ള​ങ്കോ ആ​രോ​പി​ച്ചു.

അ​തേ​സ​മ​യം ഡി​എം​കെ​യു​ടെ ആ​രോ​പ​ണ​ങ്ങ​ൾ പൂ​ർ​ണ​മാ​യും വ്യാ​ജ​മാ​ണെ​ന്ന് ജി​ല്ലാ തെ​ര​ഞ്ഞെ​ടു​പ്പ് ഓ​ഫീ​സ​റും ഗ്രേ​റ്റ​ർ ചെ​ന്നൈ കോ​ർ​പ​റേ​ഷ​ൻ ക​മ്മീ​ഷ​ണ​റു​മാ​യ ജി.​എ​സ്. സ​മീ​ര​ൻ പ​റ​ഞ്ഞു. ഒ​രു വി​വി​പാ​റ്റ് യൂ​ണി​റ്റി​ൽ മാ​ത്ര​മാ​ണ് ചെ​റി​യ സാ​ങ്കേ​തി​ക ത​ക​രാ​ർ ക​ണ്ടെ​ത്തി​യ​ത്. അ​ത് പോ​ളിം​ഗ് ദി​ന​ങ്ങ​ളി​ൽ സാ​ധാ​ര​ണ​യാ​യി ക​ണ്ടു​വ​രു​ന്ന പ്ര​ശ്നം മാ​ത്ര​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

Tags : M.K.Stalin Election Kolathur Assembly DMK EVM Controversy TamilNadu