1

ന്യൂ​ഡ​ല്‍​ഹി: അ​ന്താ​രാ​ഷ്‌​ട്ര ഭീ​ക​ര​ത​യു​ടെ പ്ര​ഭ​വ​കേ​ന്ദ്ര​മാ​ണു പാ​ക്കി​സ്ഥാ​നെ​ന്നും ആ​വ​ശ്യ​മെ​ങ്കി​ല്‍ ദീ​ര്‍​ഘ​കാ​ല സം​ഘ​ര്‍​ഷ​ത്തി​ന് ഇ​ന്ത്യ പൂ​ര്‍​ണ​മാ​യും ത​യ​റാ​ണെ​ന്നും കേ​ന്ദ്ര പ്ര​തി​രോ​ധ മ​ന്ത്രി രാ​ജ്നാ​ഥ് സിം​ഗ്. സ്വ​ന്തം നി​ബ​ന്ധ​ന​ക​ളു​ടെ അ​ടി​സ്ഥാ​ന​ത്തി​ലാ​ണ് ഓ​പ്പ​റേ​ഷ​ന്‍ സി​ന്ദൂ​ര്‍ ഇ​ന്ത്യ നി​ര്‍​ത്തി​യ​തെ​ന്ന് മ​ന്ത്രി ആ​വ​ര്‍​ത്തി​ച്ച് അ​വ​കാ​ശ​പ്പെ​ട്ടു.

പ​ക്ഷേ ഓ​പ്പ​റേ​ഷ​ന്‍ സി​ന്ദൂ​റി​ല്‍ ആ​റ് ഇ​ന്ത്യ​ന്‍ സൈ​നി​ക​ര്‍ വീ​ര​മൃ​ത്യു വ​രി​ച്ച​തി​നെ​ക്കു​റി​ച്ചും പാ​ര്‍​ല​മെ​ന്‍റി​നെ തെ​റ്റി​ദ്ധ​രി​പ്പി​ച്ച​താ​യു​ള്ള വി​വാ​ദ​ത്തെ​ക്കു​റി​ച്ചും അ​വ​കാ​ശ​ലം​ഘ​ന നോ​ട്ടീ​സി​നെ​ക്കു​റി​ച്ചും രാ​ജ്‌​നാ​ഥ് ഇ​ന്ന​ലെ മൗ​നം പാ​ലി​ച്ചു. ഭീ​ക​ര​ത​യോ​ടു വീ​ട്ടു​വീ​ഴ്ച​ക​ളി​ല്ലാ​ത്ത സീ​റോ ടോ​ള​റ​ന്‍​സ് ന​യ​മാ​ണു കേ​ന്ദ്ര​ത്തി​ലെ ന​രേ​ന്ദ്ര മോ​ദി സ​ര്‍​ക്കാ​രി​ന്‍റേ​തെ​ന്ന് ഡ​ല്‍​ഹി​യി​ല്‍ എ​എ​ന്‍​ഐ വാ​ര്‍​ത്താ ഏ​ജ​ന്‍​സി സം​ഘ​ടി​പ്പി​ച്ച ര​ണ്ടാ​മ​തു ദേ​ശീ​യ സു​ര​ക്ഷാ ഉ​ച്ച​കോ​ടി​യി​ല്‍ പ്ര​തി​രോ​ധ​മ​ന്ത്രി വ്യ​ക്ത​മാ​ക്കി.

ഇ​ന്ത്യ​യു​ടെ സൈ​നി​ക​ശ​ക്തി​യു​ടെ മൂ​ര്‍​ത്ത​മാ​യ പ്ര​ക​ട​ന​മാ​യി​രു​ന്നു ഓ​പ്പ​റേ​ഷ​ന്‍ സി​ന്ദൂ​ര്‍. രാ​ജ്യ​ത്തി​ന്‍റെ സു​ര​ക്ഷാ സ​മീ​പ​ന​ത്തി​ലെ വ​ഴി​ത്തി​രി​വാ​ണി​ത്. ഭ​യ​മി​ല്ലാ​തെ സ്‌​നേ​ഹം ഉ​ണ്ടാ​കി​ല്ല (ഭാ​യ് ബി​ന്‍ ഹോ​യേ ന ​പ്രീ​ത്) എ​ന്ന പ്ര​തി​രോ​ധ​ത്തി​ന്‍റെ സ​ത്ത ഇ​ത് ഉ​ള്‍​ക്കൊ​ള്ളു​ന്നു. വെ​റും 72 മ​ണി​ക്കൂ​ര്‍ നീ​ണ്ടു​നി​ന്ന ഓ​പ്പ​റേ​ഷ​ന്‍ സി​ന്ദൂ​റി​ന് വി​പു​ല​മാ​യ ത​യാ​റെ​ടു​പ്പും ലോ​ജി​സ്റ്റി​ക്‌​സ് പി​ന്തു​ണ​യു​മു​ണ്ടാ​യി.

2025-26 സാ​മ്പ​ത്തി​ക​വ​ര്‍​ഷ​ത്തി​ല്‍ പ്ര​തി​രോ​ധ ക​യ​റ്റു​മ​തി ഏ​ക​ദേ​ശം 39,000 കോ​ടി രൂ​പ​യി​ലെ​ത്തി. മു​ന്‍ വ​ര്‍​ഷ​ത്തേ​ക്കാ​ള്‍ 62.66 ശ​ത​മാ​നം വ​ര്‍​ധ​ന​യാ​ണി​ത്. ഇ​ന്ത്യ​യു​ടെ ത​ദ്ദേ​ശീ​യ ക​ഴി​വു​ക​ളി​ല്‍ ആ​ഗോ​ള​ത​ല​ത്തി​ല്‍ ആ​ത്മ​വി​ശ്വാ​സം വ​ള​ര്‍​ന്നി​ട്ടു​ണ്ട്.

പ​ശ്ചി​മേ​ഷ്യ​യി​ലും യൂ​റോ​പ്പി​ലും വ​ര്‍​ധി​ച്ചു​വ​രു​ന്ന സം​ഘ​ര്‍​ഷ​ങ്ങ​ളും ത​ന്ത്ര​പ​ര​മാ​യ മ​ത്സ​ര​ങ്ങ​ളും ആ​ഗോ​ള​ക്ര​മ​ത്തെ പു​ന​ര്‍​നി​ര്‍​മി​ക്കു​ന്നു​ണ്ടെ​ന്ന് പ്ര​തി​രോ​ധ​മ​ന്ത്രി ചൂ​ണ്ടി​ക്കാ​ട്ടി. സാ​ങ്കേ​തി​ക​വി​ദ്യ, വി​ത​ര​ണ ശൃം​ഖ​ല​ക​ള്‍, ഡി​ജി​റ്റ​ല്‍ ഉ​പ​ക​ര​ണ​ങ്ങ​ള്‍ എ​ന്നി​വ കൂ​ടു​ത​ല്‍ ആ​യു​ധ​മാ​ക്ക​പ്പെ​ടു​ന്നു. അ​തേ​സ​മ​യം അ​ന്താ​രാ​ഷ്‌​ട്ര സ്ഥാ​പ​ന​ങ്ങ​ള്‍ ദു​ര്‍​ബ​ല​മാ​കു​ക​യാ​ണെ​ന്നും അ​ദ്ദേ​ഹം മു​ന്ന​റി​യി​പ്പ് ന​ല്‍​കി. ലോ​കം പു​തി​യൊ​രു ലോ​ക​ക്ര​മ​ത്തി​ലേ​ക്കു നീ​ങ്ങു​ക​യാ​ണ്. പ​ല​പ്പോ​ഴും അ​തൊ​രു ക്ര​മ​വു​മി​ല്ലാ​ത്ത ലോ​ക​മാ​യി കാ​ണ​പ്പെ​ടു​ന്നു. ഇ​ന്ത്യ കൂ​ടു​ത​ല്‍ ജാ​ഗ്ര​ത​യോ​ടെ മു​ന്നോ​ട്ടു പോ​ക​ണ​മെ​ന്നും രാ​ജ്‌​നാ​ഥ് പ​റ​ഞ്ഞു.

Tags : Rajnath singh operation sindoor new delhi bjp