പ്രതീകാത്മക ചിത്രം
വാഷിംഗ്ടൺ ഡിസി: ബെല്ലിംഗ്ഹാമിൽ വീടിനു പിന്നിലെ തോട്ടത്തിൽ വച്ചുണ്ടായ കരടിയുടെ ആക്രമണത്തെ മകനും പിതാവും ചേർന്ന് ധീരമായി ചെറുത്തുതോൽപ്പിച്ചു.
12 വയസുകാരനായ റോബിൻ വെസ്റ്റ്ഗേറ്റും പിതാവ് നോഹ വെസ്റ്റ്ഗേറ്റുമാണ് അത്ഭുതകരമായി രക്ഷപെട്ടത്. വീടിനു പിന്നിലെ തോട്ടത്തിലേക്ക് പോയ റോബിനെ കരടി ആക്രമിക്കുകയായിരുന്നു.
പതറാതെ ചെറുത്തുനിന്ന റോബിൻ കരടിയുടെ കണ്ണിൽ കുത്തി പ്രതിരോധിച്ചു. നിലവിളി കേട്ട് തോട്ടത്തിലേക്ക് ഓടിയെത്തിയ പിതാവ് നോഹ കരടിയെ അടിച്ച് തുരത്തുകയായിരുന്നു.
തങ്ങൾ അഭ്യസിച്ച ജിയു-ജിത്സു മാർഷ്യൽ ആർട്സ് പരിശീലനമാണ് കരടിയെ നേരിടാൻ തങ്ങളെ സഹായിച്ചതെന്ന് പിതാവും മകനും പറയുന്നു. ആക്രമണത്തിൽ ഇരുവർക്കും നിസാര പരിക്കുകൾ മാത്രമാണ് ഏറ്റത്.
വലിയൊരു അപകടത്തിൽനിന്ന് അത്ഭുതകരമായി രക്ഷപെട്ടതിന്റെ ആശ്വാസത്തിലാണ് കുടുംബം.
Tags : Bellingham BearAttack Washington 12YearOld USNews