18

പാ​രീ​സ്: യൂ​റോ​പ്പി​നെ ചു​ട്ടു​പൊ​ള്ളി​ക്കു​ന്ന ക​ടു​ത്ത ഉ​ഷ്ണ​ത​രം​ഗ​ത്തെ​യും മ​ഴ​ ഇല്ലാ​യ്മ​യെ​യും തു​ട​ർ​ന്ന് ഫ്രാ​ൻ​സി​ലെ ഏ​റ്റ​വും നീ​ളം കൂ​ടി​യ ന​ദി​യാ​യ "ലോ​വ​റ' പ​ല​യി​ട​ങ്ങ​ളി​ലും പൂ​ർ​ണ​മാ​യി വ​റ്റി വ​ര​ണ്ട് മ​ണ​ൽ​ത്തി​ട്ട​യാ​യി മാ​റി.

ഫ്രാ​ൻ​സി​ന്‍റെ സൗ​ന്ദ​ര്യ​ത്തിന്‍റെ പ്ര​തീ​ക​വും "ഫ്രാ​ൻ​സി​ന്‍റെ പൂ​ന്തോ​ട്ടം' എ​ന്ന​റി​യ​പ്പെ​ടു​ന്ന​തു​മാ​യ പ്ര​ശ​സ്ത​മാ​യ ലോ​വ​റ ന​ദീ​ത​ടം ച​രി​ത്ര​ത്തി​ലെ ഏ​റ്റ​വും ക​ടു​ത്ത ജ​ല​ക്ഷാ​മ​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

ന​ദി​യി​ലെ ജ​ല​നി​ര​പ്പ് താ​ഴ്ന്ന​തോ​ടെ ഈ ​മേ​ഖ​ല​യി​ലൂ​ടെ​യു​ള്ള ബോ​ട്ട് സ​ർ​വീ​സു​ക​ൾ പൂ​ർ​ണ​മാ​യി നി​ല​ച്ചു. വി​നോ​ദ​സ​ഞ്ചാ​രി​ക​ൾ വ​ള്ള​മി​റ​ക്കേ​ണ്ട പ​ല​യി​ട​ങ്ങ​ളി​ലും ഇ​പ്പോ​ൾ കാ​റു​ക​ൾ ഓ​ടി​ക്കാം എ​ന്ന അ​വ​സ്ഥ​യാ​ണ്.

ആ​യി​ര​ത്തി​ല​ധി​കം മ​ര​ണ​ങ്ങ​ൾ; സ​ർ​വ​കാ​ല ചൂ​ടി​ൽ ഫ്രാ​ൻ​സ്

ആ​ഗോ​ള​ത​ല​ത്തി​ൽ ച​രി​ത്ര​ത്തി​ലെ ഏ​റ്റ​വും ചൂ​ടേ​റി​യ ര​ണ്ടാ​മ​ത്തെ ജൂ​ൺ മാ​സ​മാ​ണ് ക​ട​ന്നു​പോ​യ​ത്. ക​ട​ലി​ലെ താ​പ​നി​ല​യും ഇ​ത്ത​വ​ണ റിക്കാ​ർ​ഡ് വേ​ഗ​ത​യി​ലാ​ണ് ഉ​യ​ർ​ന്ന​ത്. ഫ്രാ​ൻ​സി​ലെ പ​ല ന​ഗ​ര​ങ്ങ​ളി​ലും താ​പ​നി​ല 40 ഡി​ഗ്രി സെ​ൽ​ഷ്യ​സി​നും മു​ക​ളി​ലാ​ണ് ദി​വ​സ​ങ്ങ​ളോ​ളം തു​ട​ർ​ന്ന​ത്.

ക​ടു​ത്ത ചൂ​ട് കാ​ര​ണം മാ​ത്രം രാ​ജ്യ​ത്ത് ആ​യി​ര​ത്തി​ല​ധി​കം ആ​ളു​ക​ൾ മ​ര​ണ​മ​ട​ഞ്ഞി​ട്ടു​ണ്ടെ​ന്നാ​ണ് ഫ്ര​ഞ്ച് ആ​രോ​ഗ്യ മ​ന്ത്രാ​ല​യ​ത്തി​ന്‍റെ പ്രാ​ഥ​മി​ക ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. വ​രും ദി​വ​സ​ങ്ങ​ളി​ൽ ഈ ​മ​ര​ണ​നി​ര​ക്ക് ഇ​നി​യും ഉ​യ​ർ​ന്നേ​ക്കാ​മെ​ന്നാ​ണ് റി​പ്പോ​ർ​ട്ടു​ക​ൾ.

മൂ​ന്നി​ലൊ​ന്ന് കൃ​ഷി​യും ന​ശി​ച്ചു; കാ​ർ​ഷി​ക മേ​ഖ​ല​യ്ക്ക് വ​ൻ തി​രി​ച്ച​ടി

ഫ്രാ​ൻ​സി​ലെ പ്ര​ധാ​ന കൃ​ഷി​യി​ട​ങ്ങ​ളാ​യ പാ​രീ​സ് മേ​ഖ​ല​യും പേ ​ഡെ ലാ ​ലോ​വ​റ​യും വ​ര​ണ്ടു​ണ​ങ്ങി. രാ​ജ്യ​ത്തെ പ്ര​ധാ​ന വി​ള​യാ​യ ചോ​ള​പ്പാ​ട​ങ്ങ​ൾ ഉ​ൾ​പ്പെ​ടെ ക​രി​ഞ്ഞു​ണ​ങ്ങി​യ അ​വ​സ്ഥ​യി​ലാ​ണ്.

ഈ ​വ​ർ​ഷ​ത്തെ ആ​കെ വി​ള​വെ​ടു​പ്പി​ന്‍റെ മൂ​ന്നി​ലൊ​ന്ന് ഭാ​ഗ​വും വ​ര​ൾ​ച്ച കാ​ര​ണം ഇ​തി​ന​കം ത​ന്നെ ന​ശി​ച്ചു​പോ​യ​താ​യി ബ്ലൂം​ബെ​ർ​ഗ് റി​പ്പോ​ർ​ട്ട് ചെ​യ്യു​ന്നു.

94 ഡി​പ്പാ​ർ​ട്ട്മെന്‍റു​ക​ളി​ൽ ക​ടു​ത്ത ജ​ല​നി​യ​ന്ത്ര​ണം

ഫ്രാ​ൻ​സി​ലെ ആ​കെ 96 ഡി​പ്പാ​ർ​ട്ട്മെ​ന്‍റു​ക​ളി​ൽ 94 ഇ​ട​ങ്ങ​ളി​ലും ഭ​ര​ണ​കൂ​ടം ക​ടു​ത്ത ജ​ല​നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​രി​ക്കു​ക​യാ​ണ്. ജ​ന​ങ്ങ​ൾ ത​ങ്ങ​ളു​ടെ തോ​ട്ട​ങ്ങ​ൾ ന​ന​യ്ക്കു​ന്ന​തി​നും സ്വി​മ്മിം​ഗ് പൂ​ളു​ക​ളി​ൽ വെ​ള്ളം നി​റ​യ്ക്കു​ന്ന​തി​നും കാ​റു​ക​ൾ ക​ഴു​കു​ന്ന​തി​നും ക​ടു​ത്ത വി​ല​ക്കു​ണ്ട്.

വ​രും ദി​വ​സ​ങ്ങ​ളി​ൽ ഫ്രാ​ൻ​സി​ന്‍റെ തെ​ക്ക​ൻ-​മ​ധ്യ മേ​ഖ​ല​ക​ളി​ൽ ചൂ​ട് ഇ​നി​യും ക്ര​മാ​തീ​ത​മാ​യി ഉ​യ​രു​മെ​ന്നാ​ണ് കാ​ലാ​വ​സ്ഥാ പ്ര​വ​ച​നം. മ​ഴ പെ​യ്യാ​ൻ യാ​തൊ​രു സാ​ധ്യ​ത​യു​മി​ല്ലാ​ത്ത​തി​നാ​ൽ വ​രും ആ​ഴ്ച​ക​ളി​ൽ യൂ​റോ​പ്പി​ലെ ജ​ല-​ഭ​ക്ഷ്യ പ്ര​തി​സ​ന്ധി കൂ​ടു​ത​ൽ രൂ​ക്ഷ​മാ​കു​മെ​ന്നാ​ണ് വി​ല​യി​രു​ത്ത​ൽ.

ജ​ർ​മ​നി​യി​ലെ റൈ​ൻ ന​ദി​യി​ലെ ജ​ല​നി​ര​പ്പി​നെ​യും ഈ ​ഉ​ഷ്ണ​ത​രം​ഗം ബാ​ധി​ച്ചു​തു​ട​ങ്ങി​യി​ട്ടു​ണ്ട്.

Tags : France Loire River Heatwave