9

ടൊ​റ​ന്‍റോ: കാ​ന​ഡ​യി​ലെ തൃ​ശൂ​ർ സ്വ​ദേ​ശി​ക​ളു​ടെ​യും തൃ​ശൂ​രി​നെ സ്നേ​ഹി​ക്കു​ന്ന സു​ഹൃ​ത്തു​ക്ക​ളു​ടെ​യും കൂ​ട്ടാ​യ്മ​യാ​യ തൃ​ശൂ​ർ ഗ​ഡീ​സ് ഇ​ൻ കാ​ന​ഡ​യു​ടെ ര​ണ്ടാ​മ​ത് സം​ഗ​മ​മാ​യ ഗ​ഡീ​സ് പി​ക്നി​ക് 2026 ശ​നി​യാ​ഴ്ച മി​ൽ​ട്ട​ൺ സ്പോ​ർ​ട്സ് സെ​ന്‍റർ ക​മ്യൂ​ണി​റ്റി പാ​ർ​ക്കി​ൽ ന​ട​ക്കും.

ഉ​ച്ച​യ്ക്ക് ഒന്ന് മു​ത​ൽ വൈ​കുന്നേരം ആറ് വ​രെ​യാ​ണ് പ​രി​പാ​ടി​ക​ൾ. കാ​ന​ഡ​യി​ലെ വി​വി​ധ പ്ര​വി​ശ്യ​ക​ളി​ൽ നി​ന്നും ന​ഗ​ര​ങ്ങ​ളി​ൽ നി​ന്നു​മാ​യി നൂ​റു​ക​ണ​ക്കി​ന് തൃ​ശൂ​ർ സ്വ​ദേ​ശി​ക​ളും കു​ടും​ബാം​ഗ​ങ്ങ​ളും സു​ഹൃ​ത്തു​ക്ക​ളും പി​ക്നി​ക്കി​ൽ പ​ങ്കെ​ടു​ക്കും.

പ്ര​വാ​സ​ജീ​വി​ത​ത്തി​ന്‍റെ തി​ര​ക്കു​ക​ൾ​ക്കി​ട​യി​ൽ തൃ​ശൂ​രി​ന്‍റെ സൗ​ഹൃ​ദ​വും കൂ​ട്ടാ​യ്മ​യും ആ​ഘോ​ഷി​ക്കാ​നും പ​ഴ​യ ബ​ന്ധ​ങ്ങ​ൾ പു​തു​ക്കാ​നും പു​തി​യ സൗ​ഹൃ​ദ​ങ്ങ​ൾ സൃ​ഷ്ടി​ക്കാ​നു​മു​ള്ള വേ​ദി​യാ​യി​രി​ക്കും പി​ക്നി​ക്.

ഗി​ന്ന​സ് വേ​ൾ​ഡ് റിക്കാ​ർ​ഡ് നേ​ടി​യ ത​രം​ഗം ന​യാ​ഗ്ര​യു​ടെ നേ​തൃ​ത്വ​ത്തി​ലു​ള്ള ചെ​ണ്ട​മേ​ളം, ആ​വേ​ശ​ക​ര​മാ​യ വ​ടം​വ​ലി, ഫാ​മി​ലി ഗെ​യിം​സ്, വി​വി​ധ വി​നോ​ദ പ​രി​പാ​ടി​ക​ൾ, സ​മൃ​ദ്ധ​മാ​യ ഭ​ക്ഷ​ണം എ​ന്നി​വ​യാ​ണ് പി​ക്നി​ക്കി​ന്‍റെ പ്ര​ധാ​ന ആ​ക​ർ​ഷ​ണ​ങ്ങ​ൾ.

വി​വി​ധ മ​ത്സ​ര​ങ്ങ​ളി​ൽ വി​ജ​യി​ക്കു​ന്ന​വ​ർ​ക്ക് സ​മ്മാ​ന​ങ്ങ​ളും ഒ​രു​ക്കി​യി​ട്ടു​ണ്ട്. വാ​ട്ട​ർ​ലൂ​വി​ലെ ഗ്രാ​ൻ​ഡ് മ​ല​ബാ​ർ റ​സ്റ്റ​റ​ന്‍റ് ആ​ണ് പ​രി​പാ​ടി​യു​ടെ മു​ഖ്യ പ്രാ​യോ​ജ​ക​ർ.

തൃ​ശൂ​രി​ന്‍റെ സാം​സ്കാ​രി​ക പൈ​തൃ​ക​വും സൗ​ഹൃ​ദ​വും കൂ​ട്ടാ​യ്മ​യു​ടെ മ​ന​സും കാ​ന​ഡ​യി​ലും നി​ല​നി​ർ​ത്തു​ക​യും പു​തു​ത​ല​മു​റ​യി​ലേ​ക്ക് കൈ​മാ​റു​ക​യും ചെ​യ്യു​ന്ന​തി​നൊ​പ്പം, സ​ഹ​ജീ​വി​ക​ൾ​ക്ക് ആ​വ​ശ്യ​മാ​യ ഘ​ട്ട​ങ്ങ​ളി​ൽ കൈ​ത്താ​ങ്ങാ​കു​ക എ​ന്ന​തും തൃ​ശൂ​ർ ഗ​ഡീ​സ് ഇ​ൻ കാ​ന​ഡ​യു​ടെ പ്ര​ധാ​ന ല​ക്ഷ്യ​ങ്ങ​ളി​ലൊ​ന്നാ​ണെ​ന്ന് ഫൗ​ണ്ട​ർ​മാ​രാ​യ രാ​ധി​ക, ന​ഹ്‌​ല, സോ​ണി, ഷി​റാ​സ്, സാ​ബി​ർ, ഹാ​ഫി​സ് എ​ന്നി​വ​ർ അ​റി​യി​ച്ചു.

എ​ല്ലാ തൃ​ശൂ​ർ ഗ​ഡി​ക​ളെ​യും കു​ടും​ബാം​ഗ​ങ്ങ​ളെ​യും സു​ഹൃ​ത്തു​ക്ക​ളെ​യും പി​ക്നി​ക്കി​ലേ​ക്ക് സ്വാ​ഗ​തം ചെ​യ്യു​ന്ന​താ​യി സം​ഘാ​ട​ക​ർ അ​റി​യി​ച്ചു. ര​ജി​സ്ട്രേ​ഷ​ൻ വ്യാ​ഴാ​ഴ്ച അ​വ​സാ​നി​ക്കും.

Tags : ThrissurGadies Picnic Canada NRINews