18

വേ​മ്പ​നാ​ട്ടു കാ​യ​ലി​ന്‍റെ ഓ​ള​പ്പ​ര​പ്പി​ലൂ​ടെ വൈ​ക്കം ബോ​ട്ട് ജെ​ട്ടി​യി​ലേ​ക്ക് നീ​ന്തി​ക്ക​യ​റി​യ​പ്പോ​ള്‍ എ​ട്ടു വ​യ​സു​കാ​ര​ന്‍ കെ.​എ​സ്. സാ​വ​ന്‍ കൃ​ഷ്ണ നി​റ​ഞ്ഞ ആ​വേ​ശ​ത്തി​ലാ​യി​രു​ന്നു. പെ​രി​യാ​റി​നു കു​റു​കെ വി​ജ​യ​ക​ര​മാ​യി നീ​ന്തി​ക്ക​ട​ന്ന ആ​ത്മ​വി​ശ്വാ​സ​ത്തി​ലാ​യി​രു​ന്നു സാ​വ​ന്‍ കൃ​ഷ്ണ നീ​ന്താ​നി​റ​ങ്ങി​യ​ത്.

വേ​മ്പ​നാ​ട് കാ​യ​ലി​ല്‍ ചൂ​ര​ക്ക​ട​വ് നി​ന്ന് വൈ​ക്കം ബീ​ച്ചു​വ​രെ 3.1 കി​ലോ​മീ​റ്റ​റാ​ണ് സാ​വ​ന്‍ നീ​ന്തി​ക്ക​യ​റി​യ​ത്.

മ​ക​ന്‍റെ ഇ​ഷ്ടം അ​റി​ഞ്ഞ്....

എ​റ​ണാ​കു​ളം പ​ച്ചാ​ളം ക​രു​വേ​ലി​പ്പ​റ​മ്പി​ല്‍ കെ.​ആ​ര്‍. സ​ജി​ത് കു​മാ​ര്‍-​ശ്രു​തി ദ​മ്പ​തി​ക​ളു​ടെ മ​ക​നാ​യ സാ​വ​ന്‍ കൃ​ഷ്ണ​യ്ക്ക് തീ​രെ കൊ​ച്ചു കു​ട്ടി​യാ​യി​രി​ക്കു​മ്പോ​ള്‍ ത​ന്നെ പു​ഴ​യും ക​ട​ലു​മൊ​ക്കെ കാ​ണു​ന്ന​ത് ഇ​ഷ്ട​മാ​യി​രു​ന്നു.

മാ​താ​പി​താ​ക്ക​ള്‍​ക്കൊ​പ്പം ബീ​ച്ചി​ല്‍ പോ​കു​മ്പോ​ള്‍ കൊ​ച്ചു സാ​വ​ന്‍ അ​ച്ഛ​ന്‍റെ കൈ​പി​ടി​ച്ച് വെ​ള്ള​ത്തി​ലി​റ​ങ്ങും. കാ​ലി​ലേ​ക്ക് തി​ര അ​ടി​ച്ചു ക​യ​റു​മ്പോ​ഴെ​ല്ലാം വ​ള​രെ സ​ന്തോ​ഷ​ത്തോ​ടെ ആ ​കു​ഞ്ഞ് കൈ​ക്കൊ​ട്ടി​ച്ചി​രി​ക്കു​മാ​യി​രു​ന്നു.

ക​ഴി​ഞ്ഞ വ​ര്‍​ഷം സ​ജി​ത്ത് ത​ന്നെ​യാ​ണ് മ​ക​നോ​ട് നീ​ന്ത​ല്‍ പ​ഠി​ക്കു​ന്ന കാ​ര്യം സൂ​ചി​പ്പി​ച്ച​ത്. സ​മീ​പ​ത്തു​ള്ള കു​ട്ടി​ക​ള്‍ ആ​ലു​വ​യി​ല്‍ നീ​ന്ത​ല്‍ പ​ഠി​ക്കാ​ന്‍ പോ​കു​മാ​യി​രു​ന്നു. അ​ങ്ങ​നെ​യാ​ണ് സ​ജി വാ​ള​ശേ​രി​യു​ടെ ശി​ക്ഷ​ണ​ത്തി​ല്‍ സാ​വ​ന്‍ നീ​ന്ത​ല്‍ പ​ഠി​ക്കാ​ന്‍ ചേ​ര്‍​ന്ന​ത്.

ആ​ദ്യ ദി​ന​ങ്ങ​ളി​ലൊ​ക്കെ ചെ​റി​യ പേ​ടി കാ​ണി​ച്ചെ​ങ്കി​ലും പേ​ടി മാ​റ്റാ​നാ​യി സ​ജി​ത്തും മ​ക​നൊ​പ്പം വെ​ള്ള​ത്തി​ലേ​ക്ക് ഇ​റ​ങ്ങി. കു​റ​ഞ്ഞ സ​മ​യ​ത്തി​ന​കം ത​ന്നെ സാ​വ​ന്‍ നീ​ന്ത​ല്‍ പ​ഠി​ച്ചു തു​ട​ങ്ങി.

എ​ന്നും രാ​വി​ലെ അ​ഞ്ച​ര​യ്ക്ക് സ​ജി​ത്ത് മ​ക​നെ ആ​ലു​വ മ​ണ​പ്പു​റം ദേ​ശം ക​ട​വി​ലെ​ത്തി​ക്കും. വ്യാ​യാ​മ​ത്തി​നു​ശേ​ഷം ആ​റു മു​ത​ല്‍ എ​ട്ട​ര വ​രെ നീ​ന്ത​ല്‍ പ​രി​ശീ​ല​നം.

അ​തു​ക​ഴി​ഞ്ഞ് പ​ച്ചാ​ള​ത്തെ വീ​ട്ടി​ലെ​ത്തി സ്‌​കൂ​ളി​ലേ​ക്ക് പോ​കും. പൊ​റ്റ​ക്കു​ഴി തെ​രേ​സ സ്പി​നെ​ല്ലി‍ പ​ബ്ലി​ക് സ്‌​കൂ​ളി​ലെ മൂ​ന്നാം ക്ലാ​സ് വി​ദ്യാ​ര്‍​ഥി​യാ​ണ് സാ​വ​ന്‍ കൃ​ഷ്ണ.

വാ​ള​ശേ​രി റി​വ​ര്‍ സ്വി​മ്മിം​ഗ് ക്ല​ബി​ന്‍റെ നേ​തൃ​ത്വ​ത്തി​ല്‍ ക​ഴി​ഞ്ഞ മേ​യ് 17ന് ​ആ​ലു​വ പെ​രി​യാ​റി​നു കു​റു​കെ 780 മീ​റ്റ​ര്‍ സാ​വ​ന്‍ കൃ​ഷ്ണ വി​ജ​യ​ക​ര​മാ​യി നീ​ന്തി​ക്ക​ട​ന്നി​രു​ന്നു.

വേ​മ്പ​നാ​ട്ടു കാ​യ​ലി​ലേ​ക്ക്...

ക​ഴി​ഞ്ഞ ഫെ​ബ്രു​വ​രി 15നാ​യി​രു​ന്നു സാ​വ​ന്‍ കൃ​ഷ്ണ വേ​മ്പ​നാ​ട്ട് കാ​യ​ല്‍ നീ​ന്തി​ക്ക​ട​ന്ന​ത്. അ​ന്ന് രാ​വി​ലെ ഏ​ഴി​ന് വേ​മ്പ​നാ​ട്ടു കാ​യ​ലി​ല്‍ ചൂ​ര​ക്ക​ട​വ് നി​ന്ന് വൈ​ക്കം ബീ​ച്ചു​വ​രെ 3.1 കി​ലോ​മീ​റ്റ​റാ​ണ് നീ​ന്തി​യ​ത്.

പെ​രി​യാ​റി​ല്‍ നീ​ന്തി​യ​തി​നെ​ക്കാ​ള്‍ എ​ളു​പ്പ​ത്തി​ല്‍ വേ​മ്പ​നാ​ട്ട് കാ​യ​ലി​ല്‍ നീ​ന്താ​നാ​യെ​ന്ന് സാ​വ​ന്‍ പ​റ​ഞ്ഞു. ക​യാ​ക്കിം​ഗ് പ്രീ ​ടെ​സ്റ്റ് പാ​സാ​യ ഈ ​കു​ട്ടി നി​ല​വി​ല്‍ സ​ജി വാ​ള​ശേ​രി​യു​ടെ കീ​ഴി​ല്‍ ക​യാ​ക്കിം​ഗി​ലും പ​രി​ശീ​ല​നം നേ​ടു​ന്നു​ണ്ട്.

ഇ​നി​യൊ​രു മു​ങ്ങി​മ​ര​ണം ഉ​ണ്ടാ​വാ​തി​രി​ക്ക​ട്ടെ

ഇ​നി​യൊ​രു മു​ങ്ങി​മ​ര​ണം ഉ​ണ്ടാ​വാ​തി​രി​ക്ക​ട്ടെ, അ​തി​നാ​യി നീ​ന്ത​ല്‍ പ​ഠി​ക്കൂ എ​ന്ന സ​ന്ദേ​ശ​മു​യ​ര്‍​ത്തി​യാ​ണ് ക​ഴി​ഞ്ഞ 17 വ​ര്‍​ഷ​മാ​യി സ​ജി വാ​ള​ശേ​രി സൗ​ജ​ന്യ​മാ​യി നീ​ന്ത​ല്‍ പ​ഠി​പ്പി​ക്കു​ന്ന​ത്.

കൊ​ച്ചു കു​ട്ടി​ക​ളും സ്ത്രീ​ക​ളും മു​തി​ര്‍​ന്ന പു​രു​ഷ​ന്മാ​രും ഉ​ള്‍​പ്പെ​ടെ ഇ​തി​ന​കം ഏ​ക​ദേ​ശം 16,000 പേ​രെ ഇ​ദ്ദേ​ഹം നീ​ന്ത​ല്‍ പ​ഠി​പ്പി​ച്ചി​ട്ടു​ണ്ട്.

എ​ല്ലാ വ​ര്‍​ഷ​വും ന​വം​ബ​ര്‍ ഒ​ന്നു മു​ത​ല്‍ മേ​യ് 31 വ​രെ​യു​ള്ള സ​മ​യ​ത്താ​ണ് സൗ​ജ​ന്യ നീ​ന്ത​ല്‍ പ​രി​ശീ​ല​നം. തു​ട​ര്‍​ന്ന് പ​ഠി​ക്കാ​ന്‍ താ​ല്‍​പ​ര്യ​മു​ള്ള​വ​രെ പ​ഠി​പ്പി​ക്കും.

കൂ​ട്ടാ​യി കു​ടും​ബം

സ്‌​കൂ​ളി​ല്‍ ഡാ​ന്‍​സും കീ​ബോ​ര്‍​ഡു​മൊ​ക്കെ പ​ഠി​ക്കു​ന്ന സാ​വ​ന് കൂ​ട്ടാ​യി അ​ച്ഛ​ന്‍ സ​ജി​ത്തും സ​ജി​ത്തി​ന്‍റെ മൂ​ത്ത സ​ഹോ​ദ​രി സ​ജി​ത​യും ഭ​ര്‍​ത്താ​വ് രാ​ജീ​വും മ​ക​ള്‍ നി​യ​യും കൂ​ടെ​യു​ണ്ട്.

വേ​മ്പ​നാ​ട് കാ​യ​ല്‍ നീ​ന്തി​ക്ക​ട​ന്ന​തി​ന്‍റെ പേ​രി​ൽ കൊ​ച്ചി കോ​ര്‍​പ്പ​റേ​ഷ​ന്‍ പ​ച്ചാ​ളം 22-ാം ഡി​വി​ഷ​ന്‍ സാ​വ​ന്‍ കൃ​ഷ്ണ​യെ അ​നു​മോ​ദി​ച്ചി​രു​ന്നു.

സ്‌​കൂ​ളി​ലും വി​വി​ധ ക്ല​ബു​ക​ളി​ലും അ​ടു​ത്ത ദി​വ​സ​ങ്ങ​ളി​ല്‍ സ്വീ​ക​ര​ണം ഒ​രു​ക്കി​യി​ട്ടു​ണ്ട്.

Tags : Special News Savan Krishna Swimming