11

ധാ​ക്ക: ലോ​ക ക്രി​ക്ക​റ്റി​ലെ വ​മ്പ​ന്മാ​രാ​യ ഓ​സ്‌​ട്രേ​ലി​യ​ക്കെ​തി​രെ ച​രി​ത്ര വി​ജ​യം കു​റി​ച്ച് ബം​ഗ്ലാ​ദേ​ശ്. ര​ണ്ടാം ഏ​ക​ദി​ന​ത്തി​ൽ മ​ഴ​നി​യ​മ​പ്ര​കാ​രം അ​ഞ്ച് വി​ക്ക​റ്റി​ന് ഓ​സീ​സി​നെ ത​ക​ർ​ത്താ​ണ് ബം​ഗ്ലാ​ദേ​ശ് ഏ​ക​ദി​ന പ​ര​മ്പ​ര സ്വ​ന്ത​മാ​ക്കി​യ​ത്. ഇ​തോ​ടെ മൂ​ന്ന് മ​ത്സ​ര​ങ്ങ​ള​ട​ങ്ങി​യ പ​ര​മ്പ​ര​യി​ൽ 2-0 എ​ന്ന നി​ല​യി​ൽ അ​വ​ർ ലീ​ഡ് നേ​ടി

സ്കോ​ർ: ഓ​സ്ട്രേ​ലി​യ 187/8 ബം​ഗ്ലാ​ദേ​ശ് 195/5 (35). മ​ഴ മു​ട​ക്കി​യ ക​ളി 42 ഓ​വ​റാ​ക്കി ചു​രു​ക്കി​യി​രു​ന്നു. ആ​ദ്യം ബാ​റ്റ് ചെ​യ്ത ഓ​സീ​സ് എ​ട്ടു വി​ക്ക​റ്റ് ന​ഷ്‌‌​ട​ത്തി​ൽ 187 റ​ൺ​സ് നേ​ട‌ി. 188 റ​ൺ​സ് വി​ജ​യ ല​ക്ഷ്യ​വു​മാ​യി ഇ​റ​ങ്ങി​യ ബം​ഗ്ലാ​ദേ​ശ് അ​ഞ്ചു​വി​ക്ക​റ്റ് ന​ഷ്‌​ട​ത്തി​ൽ 195 റ​ൺ​സ് നേ​ടി. സൗ​മ്യ സ​ർ​ക്കാ​ർ (42), ന​ജ്മു​ൽ ഹു​സൈ​ൻ ഷാ​ന്‍റോ (41), തൗ​ഹീ​ദ് ഹൃ​ദോ​യ് (40) എ​ന്നി​വ​ർ മി​ക​ച്ച പ്ര​ക​ട​നം പു​റ​ത്തെ​ടു​ത്തു.

ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റി​ങ്ങി​നി​റ​ങ്ങി​യ ഓ​സ്‌​ട്രേ​ലി​യാ​യു​ടെ തു​ട​ക്കം വ​ൻ ത​ക​ർ​ച്ച​യോ​ടെ​യാ​യി​രു​ന്നു. ബം​ഗ്ലാ​ദേ​ശ് ബൗ​ള​ർ​മാ​രു​ടെ മൂ​ർ​ച്ച​യേ​റി​യ പ​ന്തു​ക​ൾ​ക്ക് മു​ന്നി​ൽ പ​ക​ച്ച ഓ​സീ​സ് ഒ​രു ഘ​ട്ട​ത്തി​ൽ 86 റ​ൺ​സി​ന് അ​റു വി​ക്ക​റ്റ് എ​ന്ന നി​ല​യി​ൽ പ​ത​റി. എ​ന്നാ​ൽ മ​ധ്യ​നി​ര​യി​ൽ മാ​ർ​ന​സ് ല​ബു​ഷെ​യ്നും (55) സേ​വി​യ​ർ ബാ​ർ​ട്ട്ല​റ്റും (52) അ​ർ​ധ​സെ​ഞ്ചു​റി​ക​ളോ​ടെ ന​ട​ത്തി​യ ര​ക്ഷാ​പ്ര​വ​ർ​ത്ത​ന​മാ​ണ് ഭേ​ദ​പ്പെ​ട്ട സ്കോ​റി​ലേ​ക്ക് ന​യി​ച്ച​ത്.

ജോ​ഷ് ഇം​ഗ്ലി​സും (34) ഇ​വ​ർ​ക്ക് മി​ക​ച്ച പി​ന്തു​ണ ന​ൽ​കി. ബം​ഗ്ലാ​ദേ​ശി​നാ​യി ട​സ്കി​ൻ അ​ഹ​മ്മ​ദും മു​സ്ത​ഫി​സു​ർ റ​ഹ്മാ​നും മൂ​ന്ന് വി​ക്ക​റ്റു​ക​ൾ വീ​തം വീ​ഴ്ത്തി തി​ള​ങ്ങി​യ​പ്പോ​ൾ ത​ൻ​വി​ർ ഇ​സ്ലാം ര​ണ്ട് വി​ക്ക​റ്റും നേ​ടി.

Tags : Australia Bangladesh cricket