District News
കല്ലമ്പലം: നിർമാണ സാമഗ്രി മോഷണ കേസിലെ പ്രതി പൊലിസ് പിടിയിൽ. കടമ്പാട്ടുകോണം കഴക്കൂട്ടം റീച്ചിലെ നാഷണൽ ഹൈവേ 66ന്റെ നിർമാണത്തിനായി കരുതിയിരുന്ന സാധന സാമഗ്രികൾ വാഹനത്തിൽ കടത്താൻ ശ്രമിച്ച കേസിലാണ് ഒരാളെ കല്ലമ്പലം പൊലിസ് കസ്റ്റഡിയിലെടുത്തത്. ആസാം സ്വദേശി റഫീഖുൽ ഇസ്ലാമാണ് പിടിയിലായത്.
കഴിഞ്ഞ ദിവസം പുലർച്ചെ അഞ്ചിനു നാവായിക്കുളം തട്ടുപാലത്തുനിന്നും സാധനങ്ങൾ പിക്അപ് വാഹനത്തിൽ കയറ്റി കൊണ്ടുപോകാൻ ശ്രമിക്കവേ ഹൈവേ പൊലിസിന്റെ ശ്രദ്ധയിൽപ്പെടുകയായിരുന്നു. തുടർന്ന് വാഹനവും മോഷണ മുതലുകളും ഉൾപ്പെടെ പ്രതിയെ കല്ലമ്പലം പൊലിസിനു കൈമാറി. മോഷണം സംബന്ധിച്ച് എൻഎച്ച്എഐ അധികൃതർ കല്ലമ്പലം പൊലിസിനു പരാതി നൽകി.
കിളിമാനൂർ തട്ടത്തുമലയിൽ ആക്രിക്കട നടത്തിവരുന്ന തെങ്കാശി സ്വദേശി മുത്തുവിന്റെ പിക്അപ് വാഹനം വീടുകളിൽ നിന്നും ആക്രിസാധനങ്ങൾ വിലയ്ക്കു വാങ്ങാനെന്ന വ്യാജേന പ്രതി വാടകയ്ക്ക് വാങ്ങിയാണ് മോഷണ മുതലുകൾ കയറ്റിയത്. അറസ്റ്റ് രേഖപ്പെടുത്തിയ പ്രതിയെ വൈദ്യപരിശോധനയ്ക്കുശേഷം കോടതിയിൽ ഹാജരാക്കി റിമാൻഡ് ചെയ്തു. ഏകദേശം മുപ്പതിനായിരം രൂപയുടെ സാധനസാമഗ്രികളാണ് ഇത്തവണ മോഷ്ടിക്കാൻ ശ്രമിച്ചത്. നേരത്തെ പലപ്പോഴായി 30 ലക്ഷത്തിലേറെ രൂപയുടെ നിർമാണ സാമഗ്രികൾ ഇത്തരത്തിൽ മോഷണം പോയിട്ടുള്ളതായി എൻഎച്ച്എഐ കൺസ്ട്രക്ഷൻ മാനേജർ സുരേഷ് പറഞ്ഞു.
District News
വെള്ളറട: കള്ളിക്കാട് പഞ്ചായത്തിന്റെയോ ബന്ധപ്പെട്ട അധികാരികളുടെയോ അനുമതിയില്ലാതെ നിരപ്പുകാല വാര്ഡില് ഇടവാച്ചല് ഉലയന്കോണം റോഡ് വെട്ടിപ്പൊളിച്ച് ഒപ്റ്റിക്കല് ഫൈബര് കേബിള് സ്ഥാപിക്കാന് ശ്രമിച്ച എയര്ടെല് കമ്പനിയുടെ നടപടി നാട്ടുകാരും വാര്ഡ് മെമ്പറും ചേര്ന്നു തടഞ്ഞു.
റോഡ് നിയമവിരുദ്ധമായി വെട്ടിപ്പൊളിച്ച വിവരം അറിഞ്ഞ ഉടന് തന്നെ വാര്ഡ് മെമ്പറുടെ നേതൃത്വത്തില് സ്ഥലത്തെത്തിയ നാട്ടുകാര് പ്രവൃത്തി ശക്തമായി എതിര്ക്കുകയായിരുന്നു. തുടര്ന്ന് ബന്ധപ്പെട്ട എഇ ഉള്പ്പെടെയുള്ള ഉദ്യോഗസ്ഥര് സ്ഥലത്തെത്തി സ്ഥിതിഗതികള് വിലയിരുത്തി. കൃത്യമായ അനുമതി വാങ്ങിയതിനു ശേഷവും റോഡ് പൂര്വസ്ഥിതിയിലാക്കി നല്കുമെന്നുള്ള (റീസ്റ്റോറേഷന്) ഉറപ്പ് നല്കിയാല് മാത്രമേ ഇനി തുടര്പ്രവര്ത്തനങ്ങള് നടത്താന് അനുവാദമുള്ളൂവെന്ന് ഉദ്യോഗസ്ഥരും നാട്ടുകാരും വ്യക്തമാക്കി.
ഇതിന്റെ അടിസ്ഥാനത്തില് നിലവില് കമ്പനിയുടെ പണികള് പൂര്ണമായി നിര്ത്തിവെപ്പിച്ചു. കൂടാതെ, റോഡിന് വരുത്തിയ നാശനഷ്ടങ്ങള് തീർത്ത് റോ ഡ് പൂർവവസ്ഥിതിയിലേക്കു മാറ്റുന്നതിന് ആവശ്യമായ നടപടികള് സ്വീകരിക്കുമെന്നും കമ്പനിക്കെതിരേ കര്ശന നടപടി ഉണ്ടാകുമെന്നും എഇ ഉറപ്പ് നല്കിയതിനെത്തുടര്ന്നാണ് വാര്ഡ് മെമ്പറുടെ നേതൃത്വത്തിലുള്ള സംഘം സ്ഥലത്തുനിന്നു പിരിഞ്ഞുപോയത്.
പഞ്ചായത്തിന്റെ അനുമതിയില്ലാതെ റോഡുകള് തകര്ക്കുന്ന കമ്പനികളുടെ നടപടിക്കെതിരെ ശക്തമായ പ്രതിഷേധമാണ് പ്രദേശത്ത് ഉയര്ന്നിട്ടുള്ളത്.
District News
പേരൂര്ക്കട: വീട് കുത്തിത്തുറന്നു പണം കവര്ന്നു. വട്ടിയൂര്ക്കാവ് കാച്ചാണി നെട്ടയം കൃഷിഭവനു സമീപം പിടയന്നൂര് റസി. അസോസിയേഷന് പരിധിയില് ഹൗസ് നമ്പര് 39-എ സുവര്ണവീട്ടില് ശശികുമാരന് നായരുടെ മകന് ജയദേവ് (53) ആണ് പരാതിക്കാരന്. ഇദ്ദേഹത്തിന്റെ നെട്ടയത്തെ കലാവിഹാര് എന്ന കുടുംബവീട്ടിലാണു മോഷണം നടന്നത്.
17നു വൈകുന്നേരം മൂന്നിനും 18ന് രാവിലെ ആറിനുമിടയിലാണ് സംഭവമെന്നു കരുതുന്നു. കലാവിഹാര് വീട് കഴിഞ്ഞ രണ്ടുമാസമായി പൂട്ടിക്കിടക്കുകയായിരുന്നു. കഴിഞ്ഞദിവസം വീടിന്റെ പെയിന്റിംഗ് പണിക്കായി തൊഴിലാളികള് എത്തിയപ്പോഴാണ് മോഷണവിവരം അറിഞ്ഞത്. ആയുധം ഉപയോഗിച്ച് വാതില് കുത്തിത്തുറന്ന മോഷ്ടാക്കള് ഉള്ളില്ക്കയറിയശേഷം ചുമരില് സ്ഥാപിച്ചിരുന്ന തടിയലമാര കുത്തിപ്പൊളിച്ച് ഇതിനുള്ളിലുണ്ടായിരുന്ന പണം കവരുകയായിരുന്നു.
വീട്ടിലെ സാധനസാമഗ്രികള് കുത്തിപ്പൊളിച്ച് നശിപ്പിച്ചതിലൂടെ തനിക്ക് 25,000 രൂപയുടെ നഷ്ടം സംഭവിച്ചതായി ജയദേവന് പറയുന്നു. വട്ടിയൂര്ക്കാവ് പൊലിസ് കേസെടുത്ത് അന്വേഷണം ആരംഭിച്ചു.
District News
നെയ്യാറ്റിന്കര ജനറല് ആശുപത്രിയില് നിർമാണം പൂർത്തീകരിച്ചിട്ടും തുറന്നുകൊടുക്കാതെ അടഞ്ഞു കിടക്കുന്ന ഹീ ആന്ഡ് ഷീ ടോയ്ലറ്റ്.
നെയ്യാറ്റിന്കര: നെയ്യാറ്റിന്കര ജനറല് ആശുപത്രിയില് ഹീ ആന്ഡ് ഷീ ടോയ് ലറ്റ് നോക്കുകുത്തിയെന്ന് ആക്ഷേപം. ലക്ഷങ്ങള് ചെലവഴിച്ച് നിര്മിച്ച യൂസ് ആന്ഡ് പേ ടോയ്ലറ്റാണ് വളരെ നാളുകളായി ഉപയോഗരഹിതമായിരിക്കുന്നതെന്ന് രോഗികളും കൂട്ടിരിപ്പുകാരും ആരോപിച്ചു.
ദിവസവും രണ്ടായിരത്തോളം രോഗികള് ഒപിയിലെത്തുന്ന സര്ക്കാര് ആതുരാലയത്തിലാണ് ഈ ഗതികേട്. ജലവിതരണ സംവിധാനത്തിലെ അപാകതയുടെ അടിസ്ഥാനത്തിലാണ് ടോയ്ലറ്റ് പൂട്ടിയതെന്ന് പറയപ്പെടുന്നു. ടോയ്ലറ്റ് ഉപയോഗിക്കുന്നതിന്റെ നിരക്ക് രേഖപ്പെടുത്തിയ കുറിപ്പ് ചുമരില് ഒട്ടിച്ചുവച്ചിട്ടുണ്ട്. തൊട്ടടുത്ത് തന്നെ താഴിട്ടുപൂട്ടിയ വാതിലുകളും കാണാനാവും. ആവശ്യമായ നവീകരണ പ്രവൃത്തികളും അറ്റകുറ്റപ്പണികളും പൂര്ത്തിയാക്കി ഹീ ആന്ഡ് ഷീ ടോയ് ലറ്റ് അടിയന്തരമായി തുറക്കണമെന്നും രോഗികള് ആവശ്യപ്പെട്ടു.
District News
വിഴിഞ്ഞം: കേരളത്തിലെ ചെറുകിട തുറമുഖങ്ങളിലെ ആഴം കൂട്ടുന്നതിനായി മാരിടൈം ബോർഡ് 12 കോടിയിൽപ്പരം രൂപ വിനിയോഗിച്ചു വാങ്ങിയ ഡെ്ര ഡ്ജർ നശിക്കുന്നു.
പ്രവർത്തനം നിലച്ച്, കടൽക്കാറ്റും മഴയുംകൊണ്ട് തുരുമ്പെടുത്ത യന്ത്രത്തെ പഴയ പടിയിലാക്കണമെങ്കിൽ യാർഡിലേക്ക് കെട്ടിവലിച്ചു കൊണ്ടു പോകേണ്ട ഗതികേടിലാണ്. കേരളത്തിലെ 17 തുറമുഖങ്ങളിലെ മണ്ണുമാറ്റുന്നതിനു ചുമതലപ്പെട്ട കട്ടർ സക്ഷൻ ഡ്രെഡ്ജറാണ് ഒന്നരവർഷമായി മുതലപ്പൊഴിയിൽ വെറുതെ കിടന്നു നശിക്കുന്നത്. 2013-ൽ നെതർലന്റിൽ നിന്നും വാങ്ങിയതാണ് ചന്ദ്രഗിരിയെന്ന് ഓമനപ്പേരുള്ള ഡ്രെഡ്ജർ. പരിപാലിക്കാനും നിയന്ത്രിക്കാനും ഓടിക്കാനുമായി വൈദഗ്ദ്യം നേടിയ ആവശ്യം വേണ്ട താത്കാലിക ജീവനക്കാരെയും നിയമിച്ചിരുന്നു. കണ്ണൂർ അഴീക്കൽ തുറമുഖത്ത് ഉണ്ടായിരുന്ന ഡ്രെഡ്ജറിനെ കഴിഞ്ഞ ഒന്നരവർഷം മുമ്പാണ് മുതലപ്പൊഴിയിലെത്തിച്ചത്.
മുതലപ്പൊഴി അഴിമുഖത്ത് അടിഞ്ഞു കൂടിയ മണൽ നീക്കം ചെയ്തു മത്സ്യത്തൊഴിലാളികളുടെ ജീവനും സ്വത്തും സംരക്ഷിക്കുകയായിരുന്നു ലക്ഷ്യം. ഒരു മാസത്തോളം ഡ്രെഡ്ജർ പ്രവർത്തിപ്പിച്ച് അഴിമുഖത്തെ മണ്ണു മാറ്റിയെങ്കിലും തകരാറിലായതിനെ തുടർന്ന് കരാർ ജീവനക്കാർ കരാർ അവസാനിപ്പിച്ച് മടങ്ങി. അതോടെ യന്ത്രത്തിന്റെ പരിപാലനം കുക്കിന്റെയും ഇലക്ട്രീഷ്യന്റെയും കൈകളിലൊതുങ്ങി. ഒടുവിൽ കഴിഞ്ഞ സർക്കാർ ഡ്രെഡ്ജർ പ്രവർത്തന ക്ഷമമാക്കുന്നതിനുമായി ബോർഡിലെ തന്നെ മറൈൻ എൻജിനീയറായ ജീവനക്കാരനു പ്രൊമോഷൻ നല്കി നിയമിച്ചിരുന്നു.
വകുപ്പിൽ മുമ്പുണ്ടായിരുന്ന ഡ്രെഡ്ജറുകളിലെ തസ്ഥികകൾ അവയുടെ കാലാവധി അവസാനിച്ചതിനെ തുടർന്ന് 1991-ൽ അബോളിഷ് ചെയ്തിരുന്നു. നിയമനം നൽകിയിട്ടും പരിപാലനമില്ലാതെ ഡ്രെഡ്ജർ നാശത്തിന്റെ വക്കിലായതോടെ ഇയാൾക്കെതിരെ പരാതിയുമായി ജീവനക്കാരിൽ ഒരു വിഭാഗം രംഗത്തിറങ്ങിയിരുന്നു. എന്നാൽ പരാതിക്കിടയിലും യുഡിഎഫ് സർക്കാരും ഉദ്യോഗസ്ഥനെ കനിഞ്ഞനുഗ്രഹിച്ചു. സർക്കാരിന്റെ പൊതുസ്വത്ത് നാശത്തിന്റെ വക്കിലെത്തിച്ചെന്ന് ആരോപിക്കുന്ന ജീവനക്കാരന് ലക്ഷം രൂപാ ശമ്പളത്തിൽ പ്രൊമോഷൻ നല്കാൻ ഒരുങ്ങുകയാണ് ബോർഡെന്നും അറിയുന്നു. ന്നു
District News
വാളക്കാട് ക്രൈസ്റ്റ് നഗർ പബ്ളിക് സ്കൂളിലെ ശിശുദിനാഘോഷത്തിൽനിന്ന്.
ആറ്റിങ്ങൽ: വാളക്കാട് ക്രൈസ്റ്റ് നഗർ പബ്ളിക് സ്കൂളിൽ ശിശുദിനാഘോഷം സംഘടിപ്പിച്ചു. സ്കൂൾ മാനേജർ ഫാ. സിറിയക് മഠത്തിൽ സിഎംഐ, പ്രിൻസിപ്പൽ ഫാ. ജോമോൻ അഗസ്റ്റിൻ സിഎംഐ, വൈസ് പ്രിൻസിപ്പാൾ ബിന്ദു രമേഷ് എന്നിവർ പങ്കെടുത്തു. കോ-ഓർഡിനേറ്റർമാരായ നാഫില, സാനു, ഗായത്രി, ആര്യ എന്നിവർ നേതൃത്വം നൽകി. കുട്ടികളുടെ ഘോഷയാത്രയും വിവിധ കലാപരിപാടികളും അധ്യാപകരായ അജിത, മോനിഷ, സ്റ്റെഫാനി, അശ്വതി, വസന്തി, ഹഷ്ന എന്നിവർ നിയന്ത്രിച്ചു.
District News
തിരുവനന്തപുരം: കേരളത്തിലേക്ക് വൻതോതിൽ കഞ്ചാവ് കടത്തിക്കൊണ്ടുവന്ന കേസിൽ മൂന്നു പ്രതികൾക്ക് 14 വർഷം കഠിനതടവും ഒരു ലക്ഷം രൂപ വീതം പിഴയും വിധിച്ച് കോടതി. തിരുവനന്തപുരം ഒന്നാം അഡീഷണൽ സെഷൻസ് കോടതി ജഡ്ജി കെ.പി. അനിൽകുമാറാണ് പ്രതികൾക്ക് ശിക്ഷ വിധിച്ചത്. പിഴയൊടുക്കിയില്ലെങ്കിൽ ഇവർ ഒരു വർഷംകൂടി അധിക തടവ് അനുഭവിക്കണം. കേസിലെ നാലും അഞ്ചും പ്രതികളെ കുറ്റക്കാരല്ലെന്ന് കണ്ട് കോടതി വെറുതെ വിട്ടു.
വഞ്ചിയൂർ ഋഷിമംഗലം ലക്ഷ്മി ഭവനിൽ സുരേഷ്കുമാർ (38), മെഡിക്കൽ കോളജ് പഴയറോഡ് നവരംഗം ലെയിൻ അമ്പാടി നിലയത്തിൽ ജോമിറ്റ് (44), കഠിനംകുളം പഞ്ചായത്തുനട കരിയിൽ വീട്ടിൽ വിപിൻരാജ് (36) എന്നിവരെയാണ് കോടതി ശിക്ഷിച്ചത്. 2021 സെപ്റ്റംബർ 22-നായിരുന്നു കേസിനാസ്പദമായ സംഭവം. രണ്ട് ഇന്നോവ കാറുകളിലായി കഞ്ചാവ് കടത്തുകയായിരുന്ന പ്രതികളെ അതിസാഹസികമായാണ് എക്സൈസ് സംഘം പിടികൂടിയത്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ ബി.എൽ. മനേഷ്, അഭിഭാഷകയായ പ്രവീണ ജെ. എന്നിവർ ഹാജരായി.
District News
വട്ടപ്പാറ: ലൂർദ് മൗണ്ട് ഹയർ സെക്കൻഡറി സ്കൂളിലെ സ്റ്റുഡന്റ് പൊലിസ് കേഡറ്റ് യൂണിറ്റിന്റെ ഉദ്ഘാടനം സ്കൂൾ ഓഡിറ്റോറിയത്തിൽ തിരുവനന്തപുരം റൂറൽ ജില്ലാ പൊലിസ് മേധാവി ബി.കെ. പ്രശാന്തൻ കാണി നിർവഹിച്ചു.
സെന്റ് തോമസ് പ്രൊവിൻസ് പ്രൊവിൻഷ്യൽ സുപ്പീരിയർ ബ്രദർ ഡെന്നിസ് തെക്കേപറമ്പിൽ അധ്യക്ഷത വഹിച്ചു. സ്കൂൾ മാനേജർ ബ്രദർ അലോഷ്യസ് വാണിയപ്പുരയ്ക്കൽ, സ്കൂൾ അഡ്മിനിസ്ട്രേറ്റർ ബ്രദർ പീറ്റർ വാഴേപ്പറമ്പിൽ, ഡിവൈഎസ്പി വി. അനിൽ, പോത്തൻകോട് സിഐ സുനിൽ ഗോപി, വട്ടപ്പാറ എസ്എച്ച്ഒ എ. അൻവർഷാ, ഹയർ സെക്കൻഡറി സ്കൂൾ പ്രിൻസിപ്പൽ റാണി എം. അലക്സ്, സിബിഎസ്ഇ സ്കൂൾ പ്രിൻസിപ്പൽ ഡോ. ടി. ഷാഫി തോംപ്സൺ, പഞ്ചായത്ത് പ്രസിഡന്റ് ശ്രീജ, പിടിഎ പ്രസിഡന്റ് എ.കെ. അരുൺലാൽ തുടങ്ങിയവർ പങ്കെടുത്തു.
District News
പേരൂർക്കട: മദ്യപിക്കാൻ പണം നൽകാത്തതിന്റെ പേരിൽ ഇതര സംസ്ഥാന തൊഴിലാളിയെ കുത്തിപ്പരിക്കേൽപ്പിച്ചയാളെ ഫോർട്ട് സിഐ ആർ.എസ്. ശ്രീകാന്തും സംഘവും ചേർന്നു പിടികൂടി. മണക്കാട് ചാല കരിമഠം കോളനി മുംതാസ് മൻസിലിൽ മുഹമ്മദ് ഇർഷാദ് (24) ആണ് പിടിയിലായത്.
17ന് രാത്രി ഒന്പതോടെ കിള്ളിപ്പാലം എസ്കെപി ടിന്പേഴ്സിന് സമീപമായിരുന്നു സംഭവം. വെസ്റ്റ് ബംഗാൾ മാൽഡ സ്വദേശി പ്രശാന്ത് മണ്ഡൽ (24) ആണ് ആക്രമണത്തിന് ഇരയായത്. കരിമഠം കോളനിനു സമീപം വർഷങ്ങളായി താമസിച്ചു വരുന്ന ആളാണ് പ്രശാന്ത് മണ്ഡൽ. സംഭവദിവസം ജോലികഴിഞ്ഞു വീട്ടിലേക്ക് വരുന്നതിനിടെ മുഹമ്മദ് ഇർഷാദ് ഇയാളെ തടഞ്ഞുനിർത്തി മദ്യപിക്കാൻ പണം ആവശ്യപ്പെടുകയായിരുന്നു. ഇതു നിരസിച്ചതോടെ പ്രകാശ് മണ്ഡലിനെ ഭീഷണിപ്പെടുത്തുകയും കൈയിൽ കരുതിയിരുന്ന കത്തി ഉപയോഗിച്ച് കുത്തിപ്പരിക്കേൽപ്പിക്കുകയുമായി രുന്നു. കൈകൾക്കും നെഞ്ചിനും ഗുരുതര പരിക്കേറ്റ പ്രശാന്ത് മ ണ്ഡൽ ചികിത്സയിലാണ്. ഒരു മോഷണ കേസിൽ അറസ്റ്റിലാകുകയും പിന്നീട് ജാമ്യത്തിലിറങ്ങുകയും ചെയ്ത ആളാണ് പ്രതി.
ഇയാൾക്കെതിരെ ഫോർട്ട് സ്റ്റേഷൻ പരിധിയിൽ മാത്രം മൂന്നു കേസുകൾ നിലവിലുണ്ട്. എസ്ഐ ജഗ്മോഹൻ ദത്തൻ, ഗ്രേഡ് എസ്ഐ സജികുമാർ, സിപിഒമാരായ ലിബിൻ രാജ്, വിജയ് കിരൺ, ശ്യാം എന്നിവരും അന്വേഷണ സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
District News
തിരുവനന്തപുരം: സെന്റ് ജോസഫ്സ് ഹയർ സെക്കൻഡറി സ്കൂളിൽ നടന്ന 28-ാമത് ഫാ. എഫ്രേം ട്രോഫി ഓൾ കേരള ഇന്റർ സ്കൂൾ പ്രൈസ് മണി ബാസ്കറ്റ്ബോൾ ടൂർണമെന്റിൽ ആതിഥേയരായ സെന്റ് ജോസഫ്സ് ഹയർ സെക്കൻഡറി സ്കൂളിനു കിരീടം.
ഫൈനലിൽ പത്തനാപുരം സെന്റ് സ്റ്റീഫൻസ് എച്ച്എസ്എസിനെ (73- 60) എന്ന സ്കോറിനാണ് സെന്റ് ജോസഫ്സ് പരാജയപ്പെടുത്തിയത്. 14 പോയിന്റുകൾ നേടിയ ജിയാന്റെയും 12 പോയിന്റുകൾ വീതം നേടിയ ജോയൽ, ഋതുരാജ്, ആൽഡ്രിൻ എന്നിവരുടെയും 10 പോയിന്റുകൾ നേടിയ അമലിന്റെയും മികച്ച ടീം പ്രകടനമാണ് സെന്റ് ജോസഫ്സിന് വിജയമൊരുക്കിയത്. 33 പോയിന്റുമായി തിളങ്ങിയ ആർ. വാസുദേവ്, 12 പോയിന്റുകൾ നേടിയ ഷിജോണ് എന്നിവരുടെ മികവിൽ സെന്റ് സ്റ്റീഫൻസ് ശക്തമായ തിരിച്ചുവരവിനു ശ്രമിച്ചെങ്കിലും വിജയിച്ചില്ല.
പിടിഎ പ്രസിഡന്റ് ഹാഷിം സലീമിന്റെ അധ്യക്ഷതയിൽ നടന്ന സമാപന സമ്മേളനത്തിൽ ടോറസ് ഇൻവെസ്റ്റ്മെന്റ് ഹോൾഡിംഗ്സ് ഇന്ത്യ എക്സിക്യൂട്ടീവ് വൈസ് പ്രസിഡന്റും സിഒഒയും തിരുവനന്തപുരം കൊന്പൻസ് ഡയറക്ടറും ബാസ്കറ്റ്ബോൾ ലീഗ് കേരള പ്രൊമോട്ടറുമായ ആർ. അനിൽകുമാർ വിജയികൾക്കുള്ള ട്രോഫികളും ക്യാഷ് അവാർഡുകളും വിതരണം ചെയ്തു. സ്കൂൾ മാനേജർ ഫാ. ജെറോം അൽഫോൻസ്, പ്രിൻസിപ്പൽ ഡോ. സുനിൽകുമാർ മൊറൈസ്, ഹെഡ്മാസ്റ്റർ നിധീഷ് സെബാസ്റ്റ്യൻ, സ്റ്റാഫ് സെക്രട്ടറി എ. ഗ്ലാവിയസ്, ജനറൽ കണ്വീനർ മനോജ് സേവ്യർ എന്നിവർ പ്രസംഗിച്ചു.
District News
തിരുവനന്തപുരം: കോവളം സ്പാ പീഡനക്കേസിൽ രണ്ടു പേരെ കൂടി പ്രത്യേക അന്വേഷണ സംഘം അറസ്റ്റ് ചെയ്തു. പൂന്തുറ സ്വദേശി മോജോ എന്നു വിളിക്കുന്ന അനിൽ (41), പുതിയതുറ സ്വദേശി സുധീഷ് എന്നിവരാണ് അറസ്റ്റിലായത്. ഇതോടെ ഈ കേസിൽ അറസ്റ്റിലായവരുടെ എണ്ണം പന്ത്രണ്ടായി. നേരത്തെ പത്തു പേരെ പോലീസ് അറസ്റ്റ് ചെയ്തിരുന്നു.
സ്പായിൽ ജോലി ചെയ്തിരുന്ന പ്രായപൂർത്തിയാകാത്ത പെണ്കുട്ടിയെ കേരളത്തിലെ വിവിധ സ്പാകളിൽ എത്തിച്ചു പീഡിപ്പിച്ച കേസിൽ ഉൾപ്പെട്ടവരാണ് ഓരോ ദിവസവും പിടിയിലായിക്കൊണ്ടിരിക്കുന്നത്. സിറ്റി പൊലിസ് കമ്മീഷണർ അരുൾ കൃഷ്ണയുടെ മേൽനോട്ടത്തിൽ കണ്ട്രോൾ റൂം അസിസ്റ്റ ന്റ് കമ്മീഷണർ ചന്ദ്രകുമാറിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്.
തിരുവനന്തപുരം കോർപറേഷനിലെ ഹെൽത്ത് ഇൻസ്പെക്ടറും വനിതകളും ഉൾപ്പെടെ ഒന്പതു പേരാണ് ഈ കേസിൽ പ്രതികളായി റിമാന്റിൽ കഴിയുന്നത്. പെണ്കുട്ടിയുടെ ഇളയമ്മയും ഇളയച്ഛനുമാണ് പല സ്പാ ഉടമകൾക്ക് പെണ്കുട്ടിയെ വിൽപ്പന നടത്തിയിരുന്നതെന്ന് അന്വേഷണത്തിൽ കണ്ടെത്തിയിരുന്നു. പെണ്കുട്ടിക്കു പ്രായപൂർത്തിയായെന്ന് കാട്ടിയുള്ള വ്യാജരേഖകളും ഇവർ സംഘടിപ്പിച്ചിരുന്നു. ഇവരും നിലവിൽ ജയിലിലാണ്. ോം
District News
കോഴിക്കോട്: ആന്റിബയോട്ടിക്കുകളുടെ തെറ്റായ ഉപയോഗത്തിന്റെ ദോഷവശങ്ങളെക്കുറിച്ച് പൊതുജനങ്ങള്ക്കിടയില് ബോധവത്കരണം നടത്തുന്നതിന്റെ ഭാഗമായി 18 മുതല് 24 വരെ ലോക ആന്റിമൈക്രോബിയല് പ്രതിരോധ വാരമായി ആചരിക്കുന്നു.
വാരാചരണത്തിന്റെ ജില്ലാതല ഉദ്ഘാടനം കുന്നമംഗലം ബ്ലോക്ക് പഞ്ചായത്ത് ഹാളില് ബ്ലോക്ക് പഞ്ചായത്ത് പ്രസിഡന്റ് സി.കെ. ഫസീല നിര്വഹിച്ചു. കുന്നമംഗലം പഞ്ചായത്ത് പ്രസിഡന്റ് സി.വി. സംജിത് അധ്യക്ഷത വഹിച്ച ചടങ്ങില് ബ്ലോക്ക് പഞ്ചായത്ത് വൈസ് പ്രസിഡന്റ് വിനോദ് പടനിലം ദിനാചരണ പ്രതിജ്ഞ ചൊല്ലികൊടുത്തു.
നവകേരള കര്മ്മ പദ്ധതി നോഡല് ഓഫിസര് ഡോ. അഖിലേഷ് കുമാര് ദിനാചരണ സന്ദേശം നല്കി. എഎംആര് പ്രോഗ്രാം നോഡല് ഓഫിസര് ഡോ. സ്മിത റഹ്മാന് ബോധവത്കരണ ക്ലാസ് നയിച്ചു.
കുന്നമംഗലം കുടുംബാരോഗ്യ കേന്ദ്രം മെഡിക്കല് ഓഫിസര് ഡോ. അര്ച്ചന, ചെറുവാടി ബ്ലോക്ക് മെഡിക്കല് ഓഫിസര് ഡോ. മായ, ജില്ലാ മെഡിക്കല് ഓഫീസിലെ ടെക്നിക്കല് അസിസ്റ്റന്റ് എന്. സുരേന്ദ്രന്, സ്റ്റോര് വെരിഫിക്കേഷന് ഓഫിസര് അഷിത, ജില്ലാ നഴ്സിംഗ് ഓഫിസര് ഇന്ദിര, ജില്ലാ എഡ്യൂക്കേഷന് മീഡിയ ഓഫിസര് ഡോ. എല്. ഭവില , ഡെപ്യൂട്ടി ജില്ലാ എഡ്യൂക്കേഷന് മീഡിയ ഓഫിസര് ഡോ. കെ.ടി. മുഹ്സിന്, കുന്നമംഗലം കുടുംബാരോഗ്യ കേന്ദ്രം ഹെല്ത്ത് ഇന്സ്പെക്ടര് സജീഷ് തുടങ്ങിയവര് പ്രസംഗിച്ചു.
24 വരെ ജില്ലയിലെ വിവിധ ആരോഗ്യ സ്ഥാപനങ്ങളില് ആന്റിമൈക്രോബിയല് റെസിസ്റ്റന്സ് സംബന്ധിച്ച ബോധവത്കരണ പ്രവര്ത്തനങ്ങള് നടത്തും.
പൊതുജനങ്ങള്, വിദ്യാര്ഥികള്, മെഡിക്കല് ഷോപ്പ് ജീവനക്കാര് എന്നിവര്ക്കുള്ള ബോധവത്കരണ ക്ലാസുകള്, സാമൂഹികമാധ്യമങ്ങള് വഴിയുള്ള ബോധവത്കരണം, സ്വകാര്യ ആശുപത്രികളിലെയും ആയുഷ്, ഹോമിയോ വകുപ്പ് സ്ഥാപനങ്ങളിലെയും ജീവനക്കാര്ക്കുള്ള ക്ലാസുകള്, ആന്റിബയോട്ടിക് ഉപയോഗത്തെക്കുറിച്ചുള്ള പൊതുജനങ്ങളുടെ അറിവ് പരിശോധിക്കുന്നതിനുള്ള ഓണ്ലൈന് ക്വിസ് തുടങ്ങിയ പരിപാടികള് വാരാചരണത്തിന്റെ ഭാഗമായി സംഘടിപ്പിക്കുന്നുണ്ട്.
ോ
District News
തിരുവമ്പാടി: കല്ലുരുട്ടിയിലെ എസ്എംഎ രോഗബാധിതരായ മൂന്ന് കുരുന്നുകളുടെ ചികിത്സയ്ക്കായി നാട്ടുകാർ നടത്തുന്ന ജനകീയ ധനസമാഹരണ യജ്ഞത്തിൽ പങ്കാളികളായി തിരുവമ്പാടിയിലെ ഇതര സംസ്ഥാന തൊഴിലാളികളും.
തൊഴിലാളിയായി തിരുവമ്പാടിയിലെത്തി പിന്നീട് നാൽപതോളം തൊഴിലാളികളുടെ മേസ്തിരിയായി മാറിയ പശ്ചിമ ബംഗാൾ സ്വദേശി ജീവൻ ഉറാവാണ് പ്രവർത്തനത്തിന് നേതൃത്വം നൽകിയത്.
തിരുവമ്പാടി ടികെ സൗണ്ട്സ് ഉടമ മുസ്തഫയുടെയും ടൂൾസ് റെന്റൽ സ്ഥാപനം നടത്തുന്ന സുമേഷിന്റെയും നേതൃത്വത്തിൽ നടന്ന സംഭാവന കൈമാറ്റച്ചടങ്ങ് പഞ്ചായത്ത് പ്രസിഡന്റ് ജിതിൻ പല്ലാട്ട് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് പി.ആർ. അജിത അധ്യക്ഷത വഹിച്ചു. പഞ്ചായത്ത് സ്ഥിരംസമിതി അധ്യക്ഷൻ ഫിറോസ് ഖാൻ, പഞ്ചായത്ത് അംഗം ബിജു എണ്ണാർമണ്ണിൽ, തിരുവമ്പാടി മാർക്കറ്റിംഗ് സൊസൈറ്റി പ്രസിഡന്റ് ബാബു പൈക്കാട്ട് എന്നിവർ പ്രസംഗിച്ചു.
ഇതര സംസ്ഥാന തൊഴിലാളികളായ ജീവൻ, പ്രകാശൻ, അറിവ്, രോഹിണി, യഹിയ, പുനയ്യ്, അഭിരാം, കണ്ണാടി, കറുപ്പ, ദേവദാസ്, ബപ്പുൺ തുടങ്ങിയവർ പങ്കാളികളായി.
District News
കൂരാച്ചുണ്ട്: നവീകരണ പ്രവൃത്തി പൂര്ത്തിയായ കൂരാച്ചുണ്ട് സെന്റ് തോമസ് ഫൊറോന പള്ളിയുടെ പുനര്കൂദാശ കര്മവും കൃതജ്ഞത ബലിയര്പ്പണവും 21ന് നടക്കും.
വൈകുന്നേരം 4.15ന് താമരശേരി ബിഷപ്പ് മാര് റെമീജിയോസ് ഇഞ്ചനാനിയില് കൂദാശകര്മം നിര്വഹിക്കും. 1962ന് അന്നത്തെ വികാരിയായിരുന്ന മോണ്. തോമസ് മൂലക്കുന്നേല് ആണ് കൂരാച്ചുണ്ട് സെന്റ് തോമസ് ഇടവകയ്ക്കായി പുതിയ പള്ളി നിര്മിച്ചത്. അന്ന് തലശേരി ബിഷപ്പായിരുന്ന മാര് സെബാസ്റ്റ്യന് വള്ളോപ്പിള്ളിയായിരുന്നു പള്ളിയുടെ കൂദാശകര്മം നിര്വഹിച്ചത്. നിലവിലെ വികാരി ഫാ.വിന്സെന്റ് കണ്ടത്തില്, അസിസ്റ്റന്റ് വികാരി ഫാ.സെബാസ്റ്റ്യന് തോട്ടമറ്റത്തില് എന്നിവരുടെ നേതൃത്വത്തിലാണ് ആറുമാസം സമയമെടുത്ത് പള്ളിയുടെ നവീകരണ പ്രവര്ത്തി ദ്രുതഗതിയില് പൂര്ത്തീകരിച്ചത്.
District News
താമരശേരി: കല്ലുരുട്ടിയിലെ എസ്എംഎ ബാധിച്ച കുഞ്ഞുങ്ങളുടെ ചികിത്സയ്ക്കും തുടർപരിചരണത്തിനും ആവശ്യമായ സഹായങ്ങൾ ലഭ്യമാക്കുക എന്ന ലക്ഷ്യത്തോടെ താമരശേരി പഞ്ചായത്ത് ഭരണസമിതിയുടെ നേതൃത്വത്തിൽ വിവിധ സംഘടനകളെയും പൊതു ജനങ്ങളെയും ഉൾപ്പെടുത്തി ഫണ്ട് സമാഹരണം എകോപിപ്പിക്കുവാൻ കമ്മിറ്റി രൂപീകരിച്ചു. യോഗത്തിൽ താമരശേരി പഞ്ചായത്ത് വൈസ് പ്രസിഡന്റ് നവാസ് ഈർപ്പോണ അധ്യക്ഷത വഹിച്ചു.
മുൻ എംഎൽഎ ഉമ്മർ മാസ്റ്റർ, പഞ്ചായത്ത് പ്രസിഡന്റ് റസിന സിയലി, മേരി മാതാ കത്തീഡ്രൽ വികാരി ഫാ. അഭിലാഷ് ചിലമ്പികുന്നേൽ, മുൻ പഞ്ചായത്ത് പ്രസിഡന്റ് എ. അരവിന്ദൻ, സ്റ്റാൻഡിംഗ് കമ്മിറ്റി ചെയർപേഴ്സൺ നസീറ ഷെരീഫ്, റിട്ട. പൊലിസ് സൂപ്രണ്ട് സി.ടി. ടോം, ബിജെപി സംസ്ഥാന കമ്മിറ്റി അംഗം ഗിരിഷ് തേവള്ളി, പഞ്ചായത്ത് മെമ്പർമാരായ ഷീജ ദിലീപ്, ബിന്ദു ആനന്ദ്, സൗജ അബ്ദുറഹ്മാൻ, ബബിത, രജിന, മുസ്ലിം ലീഗ് ജില്ല നിർവഹക സമിതി അംഗം ഹഫിസ് റഹ്മാൻ, ഡിവൈഎഫ്ഐ മേഖല പ്രസിഡന്റ് സി.പി. ഷിനു, യൂത്ത് കോൺഗ്രസ് ജില്ല സെക്രട്ടറി ജംഷിദ്, യുവ മോർച്ച മണ്ഡലം പ്രസിഡന്റ് മിഥുൻ, സണ്ണി കുഴമ്പാല തുടങ്ങിയവർ പ്രസംഗിച്ചു.
District News
കോഴിക്കോട്: മാളിക്കടവ് ഗവ. ഐടിഐയ്ക്ക് മുമ്പില് വച്ച് കെഎസ്യു സംസ്ഥാന കമ്മിറ്റി അംഗം എ.കെ. ജാനിബിന് നേരെ ക്രൂരമായ ആക്രമണം. 25 ഓളം എസ്എഫ്ഐ പ്രവര്ത്തകരാണ് ജാനിബിനെ ആക്രമിച്ചതെന്ന് കെഎസ്യു ആരോപിച്ചു.
ഐടിഐയിലെ യൂണിയന് തെരഞ്ഞെടുപ്പുമായി ബന്ധപ്പെട്ട് നാമനിര്ദേശ പത്രിക സമര്പ്പിക്കാനെത്തിയ കെഎസ്യു പ്രവര്ത്തകരെ എസ്എഫ്ഐ പ്രവര്ത്തകര് തടഞ്ഞതിനെക്കുറിച്ച് കോളജ് അധികൃതരോട് അന്വേഷിക്കാനെത്തിയതായിരുന്നു ജാനിബ്. പ്രിന്സിപ്പലുമായി സംസാരിച്ച് മടങ്ങുന്നതിനിടെയാണ് നടുറോഡില് വെച്ച് എസ്എഫ്ഐക്കാര് വളഞ്ഞിട്ട് മര്ദ്ദിച്ചത്. ബൈക്കിന്റെ ചാവി, ഇടിവള, കരിങ്കല്ല് എന്നിവ ഉപയോഗിച്ച് ജാനിബിന്റെ കണ്ണിനും ചെവിക്കും തലയ്ക്കും കൈയ്ക്കും ഷോള്ഡറിനും ഉള്പ്പെടെ ഇടിച്ചതായും ദേഹത്ത് ചവിട്ടി വീഴ്ത്തിയതായും കെഎസ്യു ആരോപിച്ചു.
കണ്ണിനും തലയ്ക്കും തോളെല്ലിനും ചെവിക്കും സാരമായി പരിക്കേറ്റ ജാനിബിനെ കോഴിക്കോട്ടെ സ്വകാര്യ ആശുപത്രിയില് പ്രവേശിപ്പിച്ചു.
അക്രമം നിഷ്ഠൂരം:
മന്ത്രി ടി. സിദ്ദിഖ്
കോഴിക്കോട്: കെഎസ്യു സംസ്ഥാന കമ്മിറ്റി അംഗം എ.കെ ജാനിബിനെ ആക്രമിച്ച എസ്എഫ്ഐ നടപടി നിഷ്ഠൂരവും നിന്ദ്യവുമാണെന്ന് കൃഷിമന്ത്രി ടി.സിദ്ദിഖ്. അക്രമികള്ക്കെതിരേ പൊലിസ് കര്ശന നടപടി സ്വീകരിക്കണം. പൊതുസ്ഥലത്ത് ഇത്തരം അക്രമങ്ങള് അനുവദിക്കാനാവില്ല. കലാലയങ്ങളിലെ എസ്എഫ്ഐയുടെ അക്രമരാഷ്ട്രീയത്തിന് സിപിഎം നേതൃത്വം തടയിടണം.കലാലയങ്ങള് ആശയസംവാദങ്ങള്ക്കും രാഷ്ട്രീയ മൂല്യങ്ങള് ഉയര്ത്തിപ്പിടിക്കുന്നതിനുമുള്ള വേദികളാകണം. അല്ലാതെ അക്രമങ്ങള്ക്കും ഗുണ്ടായിസത്തിനുമുള്ള ഇടങ്ങളായി മാറരുതെന്നും മന്ത്രി ടി.സിദ്ദിഖ് വ്യക്തമാക്കി.
District News
മുക്കം: എസ്എംഎ ബാധിച്ച മൂന്ന് പിഞ്ചു കുഞ്ഞുങ്ങളുടെ ചികിത്സക്കായി സഹായ ഹസ്തവുമായി കൊടിയത്തുർ പിടിഎം ഹയർ സെക്കൻഡറി സ്കൂളും.
വിദ്യാർഥികളിൽ നിന്നും അധ്യാപകരിൽ നിന്നും ശേഖരിച്ച 1,79, 215 രൂപ ചികിത്സ സഹായ കമ്മിറ്റി ഭാരവാഹികൾക്ക് കൈമാറി. സ്കൂളിൽ നടന്ന ചടങ്ങിൽ പിടിഎ പ്രസിഡന്റ് സി. ഫസൽബാബു, പ്രധാനാധ്യാപകൻ കെ.പി മുഹമ്മദ്, എംപിടിഎ പ്രസിഡന്റ് കസ്ന ഹമീദ് എന്നിവരിൽ നിന്ന് ചികിത്സാ സഹായ കമ്മിറ്റിക്കുവേണ്ടി സംസ്ഥാന അധ്യാപക അവാർഡ് ജേതാവ് ജെയിംസ് ജോഷി, സുബ്രഹ്മണ്യൻ മുറ്റൂളി, റസാഖ് നായർക്കുഴി, ബിജുമാത്യു എന്നിവർ ഏറ്റുവാങ്ങി.
ചടങ്ങിൽ പിടിഎ കമ്മ്റ്റി അംഗങ്ങൾ, അധ്യാപകർ, വിദ്യാർഥികൾ തുടങ്ങിയവർ പങ്കെടുത്തു.
District News
പേരാമ്പ്ര: പേരാമ്പ്ര ബ്ലോക്ക് പഞ്ചായത്തിന്റെ 2026 വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന വനിതകൾക്കുള്ള കംപ്യൂട്ടർ അധിഷ്ഠിത നൈപുണ്യ പരിശീലന പരിപാടി ബ്ലോക്ക് പഞ്ചായത്ത് പ്രസിഡന്റ് മിനി വട്ടക്കണ്ടി ഉദ്ഘാടനം ചെയ്തു.
കോഴിക്കോട് സ്കിൽ ഡെവലപ്പ്മെന്റ് സെന്ററുമായി സഹകരിച്ചാണ് പദ്ധതി. ആറ് മാസത്തെ പരിശീലന പരിപാടിയ്ക്കു ശേഷം നൽകുന്ന സർട്ടിഫിക്കറ്റുകൾ പിഎസ്സി പരീക്ഷക്കുള്ള യോഗ്യതാ സർട്ടിഫിക്കറ്റായി ഉപയോഗപ്പെടുത്തുവാൻ കഴിയും. പരിപാടിയിൽ ചങ്ങരോത്ത് പഞ്ചായത്ത് പ്രസിഡന്റ് നസീമ വാഴയിൽ അധ്യക്ഷത വഹിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് വഹീദ പാറേമ്മൽ, അംഗങ്ങളായ യു. അനിത, ലിജി ഷിജു, എൻ.പി. ബാബു, രാജൻ മരുതേരി, കെ.കെ. സുവർണ്ണ, പി.പി. സമീർ, ബിജു സി. എരവട്ടൂർ, ഗ്രാമപഞ്ചായത്ത് അംഗം സെക്കീന കാസിം, വ്യവസായ ഓഫിസർ ഇബ്രാഹികുട്ടി, സ്കിൽ ഡെവലപ്പ്മെന്റ് ഓഫിസർ സ്കാലിൻ ചിറ്റിലപ്പള്ളി തുടങ്ങിയവർ പ്രസംഗിച്ചു.
District News
പേരാമ്പ്ര: കായണ്ണ പഞ്ചായത്ത് ഔദ്യോഗിക ജീവജാതികളെ പ്രഖ്യാപിച്ചു. മത്സ്യങ്ങളിൽ മാനത്തു കണ്ണിയും വൃക്ഷങ്ങളിൽ പൂവവും പൂക്കളിൽ കാക്കപ്പൂവും പക്ഷികളിൽ മരതക പ്രാവും തുമ്പികളിൽ ഓണത്തുമ്പിയും പൂമ്പാറ്റകളിൽ വിലാസിനിയും മൃഗങ്ങളിൽ പുള്ളി വെരുകും പാമ്പുകളിൽ പച്ചില പാമ്പും കായണ്ണയുടെ ഔദ്യോഗിക ജീവജാതികളായി. സംരക്ഷണ പ്രാധാന്യമുള്ള ഔദ്യോഗിക ജീവ ജാതികളെ പ്രാദേശിക ജൈവ വൈവിധ്യ കർമ പദ്ധതിയിൽ ഉൾപ്പെടുത്തി സംരക്ഷിക്കാൻ പദ്ധതി തയാറാക്കുന്നുണ്ട്.
ഔദ്യോഗിക ജീവജാതികളുടെ പേര്, ശാസ്ത്രനാമം, പ്രത്യേകതകൾ, സംരക്ഷണ പ്രാധാന്യം എന്നിവ രേഖപ്പെടുത്തിയ ഫ്ലാഷ് ബോർഡുകൾ പഞ്ചായത്തിലെ എല്ലാ സ്ഥാപനങ്ങളിലും പ്രദർശിപ്പിക്കും. പഞ്ചായത്ത് നടപ്പിലാക്കുന്ന വിദ്യാഭ്യാസ പരിപോഷണ പദ്ധതിയായ "ഇൻസ്പെയർ ദ ഫ്യൂച്ചർ' പദ്ധതിയിൽ ഉൾപ്പെടുത്തി കുട്ടികളെയും ഈ ജീവ ജാതികളെ സംരക്ഷിക്കുന്നതിനായി വൈവിധ്യമാർന്ന പ്രവർത്തനങ്ങളിൽ പങ്കാളികളാക്കുന്നതിനും തീരുമാനിച്ചിട്ടുണ്ട്.
പഞ്ചായത്തിൽ വിവിധ ഘട്ടങ്ങളിലായി നടന്ന പരിശീലന ബോധവത്കരണങ്ങളിലൂടെ പൊതുജനങ്ങളും കുടുംബശ്രീ പ്രവർത്തകരും വിദ്യാർഥികളും നിർദേശിച്ച ജീവ ജാതികളിൽ നിന്ന് ജൈവ വൈവിധ്യ വിദഗ്ധ സമിതിയാണ് ഔദ്യോഗിക ജീവജാതികളെ കണ്ടെത്തിയത്. പ്രശസ്ത ശാസ്ത്രജ്ഞനും പരിസ്ഥിതി പ്രവർത്തകനുമായ ഡോ. എം.ഡി. ജാഫർ പാലോട്ടിന്റെ നേതൃത്വത്തിലുള്ള വിദഗ്ധ സമിതിയാണ് നേതൃത്വപരമായ പങ്കു വഹിച്ചത്. കായണ്ണ പഞ്ചായത്ത് പ്രസിഡന്റ് ഇ.സി. സന്തോഷ് അധ്യക്ഷത വഹിച്ച യോഗത്തിൽ ജില്ലാ ജൈവ വൈവിധ്യ പരിപാലന സമിതി കോ ഓർഡിനേറ്റർ ഡോ കെ.പി. മഞ്ജു ജീവ ജാതികളെ പ്രഖ്യാപിച്ചു. പഞ്ചായത്ത് വൈസ് പ്രസിഡന്റ് പി.കെ. രജിത, കെ.കെ. അബൂബക്കർ, അബ്ദുൾ ലത്തീഫ്, കെ.വി.സി. ഗോപി, സി. ശശിധരൻ, ടി. സത്യൻ എന്നിവർ പ്രസംഗിച്ചു.
District News
കോഴിക്കോട്: കോഴിക്കോട് മെഡിക്കല് കോളജ് ബസ് ടെര്മിനല് നിര്മാണ പദ്ധതി ഫയലിലുറങ്ങുമ്പോള് ജനങ്ങളുടെ ദുരിതം വര്ധിക്കുകയാണ്. മലബാറില് നിന്നുള്ള ജനങ്ങള് ആശ്രയിക്കുന്ന പ്രധാന ആതുരശുശ്രൂഷാകേന്ദ്രമായ മെഡിക്കല് കോളജില് മഴയത്തും വെയിലത്തും സുരക്ഷിതമായി ബസ് കാത്തുനില്ക്കാനൊരിടമില്ല. 17 വര്ഷമായിട്ടും ബസ് ടെര്മിനല് കടലാസില് ഉറങ്ങുകയാണ്.
നാല് സര്ക്കാരുകള് മാറി മാറി വന്നെങ്കിലും ഫലമുണ്ടായിട്ടില്ല. 2009ല് അന്നത്തെ തദ്ദേശ സ്വയംഭരണവകുപ്പ് മന്ത്രിയായിരുന്ന പാലോളി മുഹമ്മദ് കുട്ടിയാണ് ബസ് ടെര്മിനലിന് തറക്കല്ലിട്ടത്. നിലവില് അവിടം കാടുമൂടി കിടക്കുകയാണ്. പരിണിത ഫലം അനുഭവിക്കുന്നതാകട്ടെ മെഡിക്കല് കോളജിനെ ആശ്രയിക്കുന്ന പതിനായിരക്കണക്കിന് ആളുകള്.
ബസ് ടെര്മിനല് ഇല്ലാത്തതിനാല് മെഡിക്കല് കോളജ് പരിസരത്ത് രൂക്ഷമായ ഗതാഗത കുരുക്കും ബസ് പാര്ക്കിംഗും വലിയ തലവേദനയായി മാറിയിട്ടുണ്ട്. വയനാട്, മാവൂര്, കുറ്റിക്കാട്ടൂര് തുടങ്ങി സ്ഥലങ്ങളിലേക്കുള്ള ബസുകള് ഈ റൂട്ടുവഴി കടന്നുപോകുന്നുണ്ട്. ബസ് കയറുന്നതിനും ഇറങ്ങുന്നതിനും കൃത്യമായ സ്ഥാനം ഇല്ലാത്തതിനാല് യാത്രക്കാരും ദുരിതത്തിലാണ്.
ബന്ധപ്പെട്ട വകുപ്പുകളുടെ അനുമതികളുടെയും നിയമനടപടികളുടെയും കുരുക്കില്പ്പെട്ടാണ് ബസ് ടെര്മിനല് നിര്മാണം വൈകുന്നത്.
മെഡിക്കല് കോളജ്-മാവൂര് റോഡിലാണ് നിര്ദ്ദിഷ്ട പദ്ധതി വിഭാവനം ചെയ്തിരിക്കുന്നത്. പദ്ധതിക്ക് തറക്കല്ലിട്ടെങ്കിലും അതില് നിന്ന് ഒരടിപോലും മുന്നോട്ട് പോയിട്ടില്ലെന്ന് യാത്രക്കാര് പറയുന്നു. പദ്ധതിയ്ക്കായി കണ്ടെത്തിയ ഭൂമിയെ ചൊല്ലി നിയമപ്രശ്നങ്ങളും വിജിലന്ലസ് കേസും വന്നതോടെ തടസ്സമായി. 2011ല് കോടതിയില് കേസായെങ്കിലും 2023ല് അനുകൂല വിധി വന്നു. എന്നാല് വീണ്ടും പദ്ധതിയ്ക്കുള്ള അനുമതി വൈകുകയും നിര്മാണം പാതിവഴിയിലാകുകയുമായിരുന്നു.
രണ്ടേമുക്കാല് ഏക്കര് സ്ഥലത്ത് അഞ്ച് ലക്ഷം ചതുരശ്ര അടിയില് വന്കിട പദ്ധതിയാണ് ലക്ഷ്യം വയ്ക്കുന്നത്. പൂര്ണമായും സ്വകാര്യ പങ്കാളിത്തത്തോടെ ബിഒഒ അടിസ്ഥാനത്തില് നടപ്പിലാക്കാനായിരുന്നു ലക്ഷ്യമിട്ടിരുന്നത്. മിന്ഫ്ര സ്ട്രക്ച്ചേഴ്സ് പ്രൈവറ്റ് ലിമിറ്റഡ് എന്ന സ്ഥാപനത്തെയാണ് പദ്ധതി ഏല്പ്പിച്ചിരുന്നത്. ഏകദേശം 200 കോടി രൂപയാണ് ഇതിന് ചെലവ് പ്രതീക്ഷിക്കുന്നത്. ബസ് ടെര്മിനലിനൊപ്പം വ്യാപാരസമുച്ചയവും വാഹന പാര്ക്കിംഗ് സൗകര്യവും ഉള്പ്പെടുന്നു.
ചെലവ് മുഴുവന് സ്വകാര്യ കമ്പനി വഹിക്കാമെന്നും ലഭിക്കുന്ന തുകയുടെ 75 ശതമാനം തുക സര്ക്കാരിനും ശേഷിക്കുന്ന 25 ശതമാനം കമ്പനിയ്ക്കുമെന്നതായിരുന്നു തീരുമാനം. സര്ക്കിള് ഇന്സ്പെക്ടര് ഓഫീസിനു സമീപത്ത് കൂടെ ബസുകള്ക്ക് എന്ട്രിയും മാവൂര് റോഡ് ഭാഗത്തു കൂടി എക്സിറ്റുമായിരുന്നു ലക്ഷ്യമിട്ടിരുന്നത്. എന്നാല്, സര്ക്കിള് ഇന്സ്പെക്ടര് ഓഫീസിനു സമീപത്തുള്ള ആരോഗ്യവകുപ്പിന്റെയും ആഭ്യന്തരവകുപ്പിന്റെയും കൈവശമുള്ള ആറ് സെന്റ് സ്ഥലം ബസുകളുടെ എന്ട്രിക്കായി ഏറ്റെടുക്കണമെന്ന് ആവശ്യമുയര്ന്നു. കോര്പ്പറേഷന് ഇവിടെ 60 സെന്റ് സ്ഥലം ഏറ്റെടുക്കണമെന്ന് ആവശ്യപ്പെട്ടതോടെ പദ്ധതി വെളിച്ചം കാണാതെ പോകുകയായിരുന്നു.
വി.ഡി. സതീശന് സര്ക്കാരും ബസ് ടെര്മിനല് പൂര്ത്തിയാക്കുമെന്ന് പ്രഖ്യാപിച്ചിരുന്നു. എന്നാല് ഇതുവരെയും യാതൊരുവിധ നടപടികളും സ്വീകരിച്ചിട്ടില്ലെന്ന് ലോട്ടറി വില്പ്പന നടത്തുന്ന രവി പറഞ്ഞു. ബസ് ടെര്മിനല് നിര്മാണത്തിനൊപ്പം ഓട്ടോ സ്റ്റാന്ഡ് നിര്മാണം, മെഡിക്കല് കോളജ് പരിസരത്തെ വഴിയോരക്കച്ചവടക്കാര്ക്ക് പ്രത്യേകമായ സൗകര്യം എന്നിവയും വാഗ്ദാനത്തിലുണ്ടായിരുന്നു. എന്നാല്, ഇക്കാര്യത്തിലൊന്നും ഇതുവരെ തീരുമാനമുണ്ടായിട്ടില്ല.
ടോയ്ലറ്റ് സൗകര്യവും വേണം
രോഗികള്, കൂട്ടിരിപ്പുകാര്, വിവിധ സ്ഥാപനങ്ങളിലെ ജീവനക്കാര്, തൊഴിലാളികള്, ടാക്സി ഡ്രൈവര്മാര്, വിദ്യാര്ഥികള് തുടങ്ങി ഒരു ദിവസം ധാരാളം ആളുകളാണ് മെഡിക്കല് കോളജ് ആശുപത്രിയിലും പരിസര പ്രദേശങ്ങളിലുമായി എത്തുന്നത്. എന്നാല്, ഇത്രയധികം ആളുകള്ക്ക് പ്രാഥമിക ആവശ്യങ്ങള് നിറവേറ്റാന് ഇവിടെ പൊതുടോയ്ലറ്റ് സൗകര്യമില്ല.
ബസ് ടെര്മിനല് പോലെ അത്യാവശ്യമാണ് പൊതു ടോയ്ലറ്റ് എന്ന് വ്യാപാരികള് പറയുന്നു. മുമ്പ് ഇവിടെ ഇ-ടോയ്ല റ്റ് സൗകര്യമുണ്ടായിരുന്നു. അറ്റകുറ്റപ്പണികള് ചെയ്യാത്തതിനാല് ഏതാനും നാളുകള്ക്കുള്ളില് അത് നശിച്ചുപോയി. വഴിയോര കച്ചവടക്കാരും ദൂരെ നിന്നെത്തുന്ന രോഗികളുള്പ്പെടെയുള്ളവരും നിലവില് ഒരു സ്വകാര്യ സ്ഥാപനത്തിന്റെ മേല്നോട്ടത്തിലുള്ള ടോയ്ലറ്റ് സൗകര്യമാണ് ഉപയോഗിക്കുന്നത്.
അവിടെ വൃത്തിയില്ലെന്നും സര്ക്കാര് തലത്തില് പൊതുസംവിധാനം വേണമെന്നും ലോട്ടറി വ്യാപാരിയായ പി. മോഹനന് ആവശ്യപ്പെട്ടു. പൊതുടോയ്ലറ്റ് സൗകര്യം വളരെ അത്യാവശ്യമാണെന്ന് വെള്ളിപറമ്പ് സ്വദേശിയായ അബു പറഞ്ഞു.
തടസം നീക്കണം:
സെയ്തലവി പൂക്കാടന്
പദ്ധതി നടപ്പിലാക്കേണ്ട അധികൃതര് തന്നെ മുടക്കുന്ന സ്ഥിതി വിശേഷമാണ് മെഡിക്കല് കോളജ് ബസ് ടെര്മിനലിന്റെ കാര്യത്തിലുള്ളതെന്ന് വ്യാപാരി വ്യവസായി ഏകോപന സമിതി മെഡിക്കല് കോളജ് യൂണിറ്റ് സെക്രട്ടറി സെയ്തലവി പൂക്കാടന് പറഞ്ഞു. ചെറിയ പ്രശ്നങ്ങളാണ് പദ്ധതിയ്ക്ക് വഴിമുടക്കി നില്ക്കുന്നത്. അധികൃതര് ഇടപെട്ട് ഇക്കാര്യത്തില് വേഗത്തില് തീരുമാനമെടുത്താല് എത്രയും പെട്ടെന്ന് ബസ് ടെര്മിനല് പദ്ധതി നടപ്പിലാക്കാനാവുമെന്നും അദ്ദേഹം ചൂണ്ടിക്കാട്ടി.
ഇടപെടും: കെ. ജയന്ത് എംഎല്എ
വര്ഷങ്ങളായി മുടങ്ങിക്കിടക്കുന്ന പദ്ധതിയാണത്. പുതിയ സര്ക്കാര് വന്നതിന് ശേഷം മെഡിക്കല് കോളജില് ടെര്മിനല് നിര്മിക്കുന്നതിനുള്ള തയ്യാറെടുപ്പുകള് നടത്തി വരികയാണ്. വൈകാതെ തന്നെ വിഷയത്തില് ഇടപെടുകയും തീരുമാനം എടുക്കുകയും ചെയ്യുമെന്ന് കെ. ജയന്ത് എംഎല്എ പറഞ്ഞു.
District News
കോഴിക്കോട്: ഔദ്യോഗിക തിരക്കുകൾ മാറ്റിവച്ച് കുട്ടികളിലൊരാളായി കളിച്ചും ചിരിച്ചും വിശേഷങ്ങൾ പങ്കുവെച്ചും ജില്ലാ കളക്ടർ എം.എസ്. മാധവിക്കുട്ടി.
ജില്ലാ ഭരണകൂടം സംഘടിപ്പിക്കുന്ന "കുട്ട്യോളും കളക്ടറും' സൗഹൃദ സംവാദപരിപാടിയുടെ ഏഴാം പതിപ്പിലാണ് എളേറ്റിൽ ജിഎംയുപി സ്കൂളിലെ വിദ്യാർഥികൾക്കൊപ്പം കളക്ടർ സമയം ചെലവഴിച്ചത്. അഞ്ച്, ആറ്, ഏഴ് ക്ലാസുകളിലെ 30 വിദ്യാർഥികളും ഏഴ് അധ്യാപകരുമടങ്ങിയ സംഘമാണ് കളക്ടറുമായി സംവദിക്കാനായി ചേംബറിലെത്തിയത്. കുട്ടികളുമായി സൗഹൃദം പങ്കുവെച്ച കളക്ടർ അവരിലൊരാളായി മാറി വിവിധ കളികളിലും പങ്കുചേർന്നു. ഇതോടെ പതിവ് ഗൗരവം നിറഞ്ഞ കളക്ടറുടെ ചേംബർ കളിചിരികളാൽ സജീവമായി.
ദി ലിസ്റ്റ്, ഹ്യൂമൻ ഷേപ്സ്, വിസ്പർ റിലേ തുടങ്ങിയ രസകരമായ ഐസ് ബ്രേക്കിംഗ് സെഷനുകളിലൂടെയാണ് പരിപാടി ആരംഭിച്ചത്. തുടർന്ന് കുട്ടികളുമായി നേരിട്ട് സംവദിച്ച കളക്ടർ അവരുടെ സംശയങ്ങൾക്കും ചോദ്യങ്ങൾക്കും മനസിലാകുന്ന ലളിതമായ ഭാഷയിൽ മറുപടി നൽകി.
"കുട്ട്യോളും കളക്ടറും' എന്ന പരിപാടിയുടെ ലക്ഷ്യമെന്തെന്ന കുട്ടികളുടെ ചോദ്യത്തിന് വ്യക്തമായ മറുപടി നൽകിയ കളക്ടർ, ഈ കൂടിക്കാഴ്ച ജീവിതത്തിലെ മറക്കാനാവാത്ത അനുഭവമായി മാറുമെന്നും കുട്ടികൾക്ക് അത് പ്രചോദനമാകുമെന്നും പറഞ്ഞു.
പഠനകാലത്തെ മറക്കാനാവാത്ത അനുഭവങ്ങൾ, കുട്ടികൾക്കുള്ള ഉപദേശങ്ങൾ, ജില്ലയിലെ വികസന കാഴ്ചപ്പാടുകൾ, കളക്ടറാകാൻ എന്തൊക്കെ പഠിക്കണം തുടങ്ങിയ വിഷയങ്ങളും സംവാദത്തിൽ കടന്നുവന്നു. പഠിച്ച് ജീവിതത്തിൽ ഉയരങ്ങളിലെത്തുന്നതിനൊപ്പം ചുറ്റുമുള്ളവരെയും ചേർത്തുപിടിക്കണമെന്നും അവരുടെ പ്രയാസങ്ങൾ മനസിലാക്കി പിന്തുണയ്ക്കണമെന്നും കളക്ടർ കുട്ടികളോട് പറഞ്ഞു. "പഠിച്ച് പഠിച്ച് നല്ല മനുഷ്യരാവുക' എന്ന സന്ദേശവും അവർ വിദ്യാർഥികൾക്ക് നൽകി.
സ്കൂൾ പ്രധാനാധ്യാപകൻ എം.വി. അനിൽകുമാർ, അധ്യാപകരായ സി.കെ. അബ്ദുൽ അമീർ, കെ.എം. അരുൺജിത്, സവിത പി. മോഹൻ, ടി.പി. സിജില, ഇ. ഷീല, കെ.ജി. പ്രജിഷ എന്നിവരും പരിപാടിയിൽ പങ്കെടുത്തു.
District News
തിരുവമ്പാടി: ഓമശേരി ശാന്തി ഹോസ്പിറ്റലിൽ ശാന്തി പ്രിവന്റീവ് ആൻഡ് ലൈഫ് സ്റ്റൈൽ ക്ലിനിക് പ്രവർത്തനം ആരംഭിച്ചു.
ഫാമിലി ഫിസിഷ്യൻ ഡോ. നിഷാത്ത് റഹിമാന്റെ നേതൃത്വത്തിലാണ് ക്ലിനിക്കിന്റെ പ്രവർത്തനം. രോഗസാധ്യതകൾ നേരത്തേ തിരിച്ചറിഞ്ഞ് പ്രതിരോധ നടപടികൾ സ്വീകരിക്കുന്നതിനും ആരോഗ്യകരമായ ജീവിതശൈലി പിന്തുടരുന്നതിനും ക്ലിനിക്ക് പ്രാധാന്യം നൽകും.
രോഗപ്രതിരോധം, ജീവിതശൈലിയിൽ ആവശ്യമായ മാറ്റങ്ങൾ, ദീർഘകാല ആരോഗ്യസംരക്ഷണം എന്നിവയ്ക്ക് മാർഗനിർദേശവും പരിചരണവും ഉറപ്പാക്കുകയാണ് ക്ലിനിക്കിന്റെ ലക്ഷ്യം.
District News
കോട്ടയം: ദിവസേന നിരവധി യാത്രക്കാർ വന്നുപോകുന്ന കോട്ടയം കെഎസ്ആർടിസി ബസ് സ്റ്റാൻഡിൽ മതിയായ സൗകര്യങ്ങളില്ലെന്ന് പരാതി . ശബരിമല മണ്ഡലകാലം ആരംഭിച്ചതോടെ സ്റ്റാൻഡിലെത്തുന്ന യാത്രക്കാരുടെ എണ്ണം ഇരട്ടിയായി വർധിച്ചിരിക്കുകയാണ്. മതിയായ ഇരിപ്പിടങ്ങൾ ഇല്ലാത്തതാണ് യാത്രക്കാരെ പ്രധാനമായി വലയ്ക്കുന്നത്. സ്റ്റാന്ഡില് യാത്രക്കാര്ക്ക് ഇരിക്കുന്നതിനായി ആകെ 39 സീറ്റുകളാണുള്ളത്. ഇതില് എട്ടെണ്ണം ഉപയോഗശൂന്യമായ നിലയിലാണ്. സ്റ്റേഷന് മാസ്റ്ററുടെ ഓഫിസിനു മുന്നിലുള്ള എട്ട് സീറ്റുകളില് രണ്ടെണ്ണവും ഒടിഞ്ഞനിലയിലാണ്. പ്രായമായവരെയാണ് ഇതേഎറേ വലയ്ക്കുന്നത്. സ്റ്റാന്ഡിനുള്ളിൽ പ്രവർത്തിക്കുന്ന കടകളിലേക്ക് സാധനങ്ങളുമായെത്തുന്ന വണ്ടികൾക്ക് ആവശ്യമായ പാര്ക്കിംഗ് സൗകര്യമില്ലാത്ത സ്ഥിതിയാണ്. കൂടാതെ കെഎസ്ആർടിസിയുടെ കൊറിയര് സര്വീസ് പോലുള്ള സേവനങ്ങള്ക്കായി എത്തുന്നവര്ക്കും പണം നൽകി വാഹനങ്ങൾ പാർക്ക് ചെയ്യേണ്ട സ്ഥിതിയാണ്. ഇത് പുനഃപരിശോധിക്കണമെന്നാആവശ്യം ശക്തമാണ്.
സ്ഥലമുണ്ട്, പക്ഷേ
ഉപയോഗിക്കുന്നില്ല
ബസ് സ്റ്റാന്ഡിന് സ്ഥലം കിടപ്പുണ്ടെങ്കിലും അവ കൃത്യമായി വിനിയോഗിക്കാത്തതാണ് നിലവിലെ പ്രതിസന്ധിക്ക് കാരണം. നിലവിലുള്ള സ്ഥലങ്ങള് ഫലപ്രദമായി ഉപയോഗപ്പെടുത്തി സ്റ്റാന്ഡിന്റെ പ്രവര്ത്തനം പുനഃക്രമീകരിക്കണമെന്നാണ് നാട്ടുകാരുടെ ആവശ്യം.
യാത്രക്കാരുടെ ആവശ്യങ്ങൾ
നല്ല ഇരിപ്പിടങ്ങൾ, വൃത്തിയുള്ള വിശ്രമമുറികള്, ശുചിത്വമുള്ള ടോയ്ലറ്റുകൾ, ആവശ്യമായ പാര്ക്കിംഗ് സൗകര്യങ്ങള്
District News
കോട്ടയം: കുമാരനല്ലൂര് റെയില്വേ സ്റ്റേഷനു സമീപത്തെ റോഡില് അടിപ്പാത നിര്മിക്കുവാന് റെയില്വേ മന്ത്രാലയം അനുമതി നല്കിയതായി ഫ്രാന്സിസ് ജോര്ജ് എംപി ഇതിന്റെ നിര്മാണത്തിനായി രണ്ടു കോടി 75 ലക്ഷം രൂപയാണ് അനുവദിച്ചിരിക്കുന്നത്. ടെന്ഡര് നടപടികള് പൂര്ത്തിയാക്കി നിര്മ്മാണ പ്രവര്ത്തനങ്ങള് ഉടന് ആരംഭിക്കുമെന്ന് അദ്ദേഹം പറഞ്ഞു.
നേരത്തേ റെയില്വേ ഗേറ്റ് സ്ഥിതി ചെയ്തിരുന്ന സ്ഥലത്താണ് അടിപ്പാത നിര്മിക്കുന്നത്. രണ്ടര മീറ്റര് വീതിയിലും രണ്ടര മീറ്റര് പൊക്കത്തിലുമാണ് നിര്മിക്കുക. ഇതിലേക്ക് മഴവെള്ളം ഒഴുകി എത്താതിരിക്കാനുള്ള സംവിധാനം ഉണ്ടാകും. ഏതെങ്കിലും വിധത്തില് വെള്ളം ഉണ്ടായാല് പമ്പ് ചെയ്ത് കളയുന്ന തിനുള്ള പമ്പും ഓടയും ഇതിനോട് അനുബന്ധിച്ച് സ്ഥാപിക്കുമെന്ന് ഫ്രാന്സിസ് ജോര്ജ് കൂട്ടിച്ചേര്ത്തു.
District News
കോട്ടയം: കേള്വിക്കുറവ് അനുഭവിക്കുന്നവര്ക്കായുള്ള ശബ്ദ ഹിയറിംഗിന്റെ നവീകരിച്ച കഞ്ഞിക്കുഴി ക്ലിനിക്കിന്റെ ഉദ്ഘാടനം കെ. ഫ്രാന്സീസ് ജോര്ജ് എംപി നിര്വഹിച്ചു. തുരുത്തി ഫൊറോന പള്ളി വികാരി ഫാ. ജേക്കബ് ചീരംവേലില് വെഞ്ചരിപ്പു നിര്വഹിച്ചു.
കേള്വിക്കുറവ് സംബന്ധിച്ച് ബുദ്ധിമുട്ടുന്നവര്ക്ക് പരിഹാരമായിട്ട് സൗജന്യ കേള്വി പരിശോധനയും ശ്രവണസഹായി വച്ചുള്ള ട്രയലും 25 വരെ ശബ്ദ ഹിയറിംഗ് എയ്ഡിന്റെ കേരളത്തിലെ 23 ബ്രാഞ്ചുകളില് നടത്തുന്നു. കൂടാതെ പുറത്തുകാണാത്ത വിദേശ നിര്മ്മിത ഗുണമേന്മയുളളതും മൊബൈല് കണക്ടിവിറ്റിയുമുളള പുതിയ ശ്രവണസഹായികളാണ് ട്രയലിനായി ഒരുക്കിയിട്ടുള്ളത്.
പഴയ ശ്രവണസഹായികള് മാറ്റി പുതിയത് വാങ്ങുവാന് എക്സ്ചേഞ്ച് സൗകര്യമുണ്ട്. ചടങ്ങില് മാത്തച്ചന് കുരുവിനാല്കുന്നേൽ, കോട്ടയം നഗരസഭാംഗം സാലി മാത്യൂസ്, ജിബി ജോണ്, കെവിവിഇഎസ് കഞ്ഞിക്കുഴി യൂണിറ്റ് പ്രസിഡന്റ് ജോജി തോമസ്, കോട്ടയം ഇഎന്റ്റി സര്ജന് ഡോ. മാത്യു ചുരയ്ക്കൻ, പ്ലാന്റര് കെ.എന്. നിക്കോളാസ് ആനത്താനം, കോട്ടയം സിറ്റിസണ് ക്ലബ് സെക്രട്ടറി രാരിച്ചന് പാലയ്ക്കൽ, റോട്ടറി ക്ലബ് കോട്ടയം സെന്ട്രല് പ്രസിഡന്റ് റോയി ആന്റണി, അഭയ ആംബുലന്സ് സർവീസ് എം.ഡി. ബിനുബ് നന്ദകുമാര് എന്നിവര് പ്രസംഗിച്ചു.
District News
മണർകാട് : പഴയ കെകെ റോഡിന്റെ ടാറിംഗ് ജോലികൾ ആരംഭിച്ചു. കഴിഞ്ഞ ദിവസമാണ് ടാറിംഗ് ജോലികൾ ആരംഭിച്ചത്. റോഡ് തകർന്നത് സംബന്ധിച്ച വാർത്ത ദീപിക പ്രസിദ്ധീകരിച്ചിരുന്നു. പൊട്ടിപ്പൊളിഞ്ഞ് കുണ്ടും കുഴിയുമായി മാറിയ പഴയ കെകെ. റോഡിലെ കുഴിയിൽ ചാടിയുള്ള യാത്ര സംബന്ധിച്ച് ദീപികയി ൽ വന്ന വാർത്ത ആധി കൃതരുടെ കണ്ണുതുറപ്പിച്ചു.
റോഡ് ബിഎം ബിസി നിലവാരത്തിലാണ് നവീകരിക്കുന്നത്. പലതവണ അറ്റകുറ്റപ്പണികൾ നട ത്തിയിട്ടും മാസങ്ങൾക്കുള്ളിൽ പൊളിയുന്നതിനെ തുടർന്നാണ് റോഡ് അടിമുടി പുനർനിർമിക്കാൻ നടപടിയായത്. മണർകാട് കവലമുതൽ ദേശീയപാതയിൽ ആറാം മൈൽ ഇളപ്പുങ്കൽ കവലവരെയുള്ള ഭാഗത്തെ ടാറിംഗ് കുത്തി പൊളിച്ചതിനു ശേഷമാണ് പുതിയ ടാറിംഗ് നടത്തുന്നത്.
റോഡ് നിർമാണത്തിന്റെ പേരിൽ റോഡ് അടച്ച് ഇതുവഴിയുള്ള വാഹനഗതാഗതവും നിരോധിച്ചു.
District News
കോട്ടയം: വിമലഗിരി കത്തീഡ്രലില് പരിശുദ്ധ കന്യാമറിയത്തിന്റെ അമലോല്ഭവത്തിരുനാള് 29 മുതല് ഡിസംബര് എട്ടു വരെ ആഘോഷിക്കും.29ന് വൈകുന്നേരം 5.15നു ബിഷപ് ഡോ. സെബാസ്റ്റ്യന് തെക്കെതേച്ചേരില് കൊടിയേറ്റും. 5.30നു രൂപതാ ചാന്സലര് മോണ്. ജോസ് നവസ് സംയുക്ത ദിവ്യബലിക്ക് മുഖ്യകാര്മികത്വം വഹിക്കും. വചനപ്ര ഘോഷണം ഫാ. ജോണ്സണ് ഒറ്റതെങ്ങുങ്കൽ.
ഡിസംബര് രണ്ടിന് നെയ്യാറ്റിന്കര രൂപത ബിഷപ് ഡോ. ഡി. സെല്വരാജന് സമൂഹബലിയര്പ്പിച്ച് വചനപ്രഘോഷണം നടത്തും. മൂന്നിന് സീറോ-മലങ്കര റീത്തില് തിരുവനന്തപുരം മലങ്കര അതിരൂപത സഹായമെത്രാന് ഡോ. യൂഹാനോന് മാര് അലക്സിയോസ് വിശുദ്ധ കുര്ബാനയര്പ്പിച്ച് വചനപ്രഘോഷണം നടത്തും. നാലിന് കോട്ടയം അതിരൂപത സഹായ മെത്രാന് മാര് തോമസ് ആനിമൂട്ടില് വിശുദ്ധ കുര്ബാനയര്പ്പിക്കും. ദിവസവും വൈകുന്നേരം 5.30ന് വിശുദ്ധ കുര്ബാന, വചനപ്രഘോഷണം, 7.15ന് നൊവേന, ദിവ്യകാരുണ്യാശീര്വാദം എന്നിവ ഉണ്ടായിരിക്കും.
ഏഴിനു വൈകുന്നേരം 5.30 ന് സഹായ മെത്രാന് ബിഷപ് ഡോ. ജസറ്റിന് മഠത്തില്പ്പറമ്പില് വിശുദ്ധ കുര്ബാനയര്പ്പിച്ച് വചനപ്രഘോഷണം നടത്തും. നൊവേനയ്ക്കുശേഷം 7.30 ന് പട്ടണപ്രദക്ഷിണം. തുടര്ന്ന് രാത്രി ഒമ്പതിന് പരിശുദ്ധ അമ്മയുടെ നടതുറക്കല്. എട്ടിനു രാത്രി 12നു നട അടയ്ക്കും.
സമാപനദിനമായ എട്ടിന് രാവിലെ ആറിന് വിശുദ്ധ കുര്ബാന, വിശുദ്ധ അന്തോനീസിന്റെ നൊവേന, ഒമ്പതിന് കുമളി ഉത്ഥാനാശ്രമം സുപ്പീരിയര് അബ്ബാ ലോറന്സ് ബുദ്ധയുടെ കാര്മികത്വത്തില് ഗ്രിഗോറിയന് ക്രമത്തില് വിശുദ്ധ കുര്ബാന. ഉച്ചയ്ക്ക് 12ന് രൂപതയുടെ വിവിധ ഭാഗങ്ങളില് നിന്നുള്ള തീര്ഥാടടക പദയാത്രകള് കോട്ടയം നല്ലിടയന് ദൈവാലയത്തില് സംഗമിക്കും. നേര്ച്ച സദ്യയ്ക്കുശേഷം ഉച്ചകഴിഞ്ഞ് 1.30ന് തീര്ഥാടകര് വിശ്വാസ പ്രഖ്യാപന റാലിയായി വിമലഗിരി കത്തിഡ്രലിലേക്ക് പുറപ്പെടും. 2.30ന് തിരുനാള് സമൂഹബലിയില് ബിഷപ് ഡോ. സെബാസ്റ്റ്യന് തെക്കെതേച്ചേരില് മുഖ്യകാര്മ്മികത്വം വഹിക്കും. രൂപതയിലെ എല്ലാ വൈദികരും സഹകാര്മികരാകും. തുടര്ന്ന് ദിവ്യകാരുണ്യ പ്രദക്ഷിണത്തോടെ തിരുനാള് സമാപിക്കും. രാത്രി 12ന് നട അടയ്ക്കും. എട്ടാമിട ആഘോഷങ്ങള് 13നു ഉച്ചകഴിഞ്ഞു മൂന്നിനു കൃതജ്ഞതാബലി. തുടർന്ന് ദിവ്യകാരുണ്യ ആശീര്വാദത്തോടെ ചടങ്ങുകൾ സമാപിക്കും.
District News
ഏറ്റുമാനൂർ: ജനകീയ വികസന സമിതി പി.വി. തോമസ് പുല്ലാട് അനുസ്മരണം നടത്തി. ചീഫ് വിപ് അപു ജോൺ ജോസഫ് ഉദ്ഘാടനം ചെയ്തു. സമിതി പ്രസിഡന്റ് ബി. രാജീവ് അധ്യക്ഷത വഹിച്ചു. വികസന സമിതിയുടെ ഡയറക്ടറി ജില്ലാ പഞ്ചായത്ത് അംഗം ജോസ്മോൻ മുണ്ടയ്ക്കൽ പ്രകാശനം ചെയ്തു. അതിരമ്പുഴ റീജണൽ സർവീസ് ബാങ്ക് പ്രസിഡന്റ് കെ.പി. ദേവസ്യ, വ്യാപാരി വ്യവസായി സമിതി ജില്ലാ സെക്രട്ടറി എം.കെ. സുഗതൻ, വികസന സമിതി സെക്രട്ടറി ഇ.എം. അബ്ദുൽ റഹ്മാൻ, പിടി കോളജ് ഡയറക്ടർ ജയ്സൺ തോമസ് തുടങ്ങിയവർ പ്രസംഗിച്ചു.
അനുസ്മരണ സമ്മേളനത്തിന് മുമ്പായി പി.എൻ. പണിക്കർ ഫൗണ്ടേഷന്റെ ആഭിമുഖ്യത്തിൽ ജില്ലാതല ചിത്രരചന മത്സരം നടത്തി. ഫൗണ്ടേഷൻ ഡയറക്ടർ ക്യാപ്റ്റൻ രാജീവ് കെ. നായർ ഉദ്ഘാടനം ചെയ്തു. ഇടം ആർട്ട് ഡയറക്ടർ ടി.എസ്. പ്രസാദ് യോഗത്തിൽ അധ്യക്ഷത വഹിച്ചു. എംജി യൂണിവേഴ്സിറ്റി മുൻ അസിസ്റ്റന്റ് രജിസ്ട്രാർ ജെ.ആർ. കുറുപ്പ്, വി.എം. തോമസ് വേമ്പേനി, എൻ. അരവിന്ദാക്ഷൻ നായർ എന്നിവർ പ്രസംഗിച്ചു.
District News
ചങ്ങനാശേരി: അതിരൂപതയുടെ മരിയന് തീര്ഥാടനകേന്ദ്രമായ പാറേല് മര്ത്ത്മറിയം വലിയപള്ളിയുടെ കൂദാശയും ആദ്യബലിയര്പ്പണവും ബസിലിക്ക പ്രഖ്യാപനവും 21ന് ഉച്ചകഴിഞ്ഞ് രണ്ടിന് നടക്കുമെന്ന് വികാരി ജനറാളും തീര്ഥാടനകേന്ദ്രം റെക്ടറുമായ മോണ്. മാത്യു ചങ്ങങ്കരി, അതിരൂപത പ്രൊക്യുറേറ്റര് ഫാ. ആന്റണി മാളേയ്ക്കല്, വികാരി ഫാ. ജേക്കബ് വാരിക്കാട്ട് എന്നിവര് പത്രസമ്മേളനത്തില് അറിയിച്ചു.
21ന് ഉച്ചകഴിഞ്ഞ് രണ്ടിന് ആര്ച്ച്ബിഷപ് എമരിറ്റസ് മാര് ജോസഫ് പെരുന്തോട്ടം കൂദാശ കര്മത്തിന് മുഖ്യകാര്മികനായിരിക്കും. പാലാ ബിഷപ് മാര് ജോസഫ് കല്ലറങ്ങാട്ട് സന്ദേശം നല്കും. ബിഷപ്പുമാരും അതിരൂപതയിലെ മുഴുവന് വൈദികരും സഹകാര്മികരായിരിക്കും. ആര്ച്ച്ബിഷപ് മാര് തോമസ് തറയില് ബസിലിക്കാ പ്രഖ്യാപനം നടത്തും.
22ന് രാവിലെ അഞ്ചിന് വിശുദ്ധ കുര്ബാന ഫാ. ജോസഫ് മുണ്ടകത്തില്. രാവിലെ ഏഴിന് കര്ദിനാള് മാര് ജോര്ജ് ആലഞ്ചേരി വിശുദ്ധ കുര്ബാന അര്പ്പിച്ച് കല്ക്കുരിശിന്റെ വെഞ്ചരിപ്പു കര്മം നിര്വഹിക്കും.
9.30ന് ബിഷപ് മാര് തോമസ് പാടിയത്ത് വിശുദ്ധ കുര്ബാന അര്പ്പിച്ച് കൊടിമരം വെഞ്ചരിപ്പ്കര്മം നിര്വഹിക്കും. ഉച്ചകഴിഞ്ഞ് 3.15ന് ചങ്ങനാശേരി ചന്തക്കടവിലുള്ള കുരിശുപള്ളിയില്നിന്ന് അതിരൂപത യുവദീപ്തി എസ്എംവൈഎമ്മിന്റെ നേതൃത്വത്തില് ജപമാല മഹാറാലി ആരംഭിച്ച് പാറേല്പള്ളിയില് എത്തിച്ചേരും. അഞ്ചിന് ആര്ച്ച്ബിഷപ് മാര് തോമസ് തറയില് വിശുദ്ധ കുര്ബാന അര്പ്പിച്ച് സന്ദേശം നല്കും.
6.30ന് എസ്ബി കോളജ് മൈതാനത്ത് അല്ഫോന്സ് ജോസഫ്, സ്റ്റീഫന് ദേവസി എന്നിവരുടെ നേതൃത്വത്തില് ക്രസ്റ്റ്യന് ബാന്ഡ് അരങ്ങേറും.
23ന് അമലോത്ഭവമാതാ
പള്ളി കൂദാശ
23ന് പാറേല് അമലോത്ഭവമാതാ പള്ളി കൂദാശയ്ക്കും വിശുദ്ധകുര്ബാനയ്ക്കും ആര്ച്ച്ബിഷപ് മാര് തോമസ് തറയില് മുഖ്യകാര്മികത്വം വഹിക്കും. ബിഷപ് മാര് ജോസ് പുളിക്കല്, ആര്ച്ച്ബിഷപ് എമെരിറ്റസ് മാര് ജോസഫ് പെരുന്തോട്ടം, ബിഷപ് മാര് ജോര്ജ് രാജേന്ദ്രന്, മോണ്. മാത്യു ചങ്ങങ്കരി, ഫാ. ജോസഫ് വാണിയപ്പുരയ്ക്കല്, ഫാ. ജോസഫ് മുണ്ടകത്തില്, ഫാ. ഫിലിപ്പ് തയ്യില്, ഫാ. ചെറിയാന് കാരിക്കൊമ്പില്, ഫാ. മാര്ട്ടിന് കുരിശിങ്കല്, ഫാ. വര്ഗീസ് പുതുവേലില് എന്നിവര് സഹകാര്മികരായിരിക്കും.
24ന് വൈകുന്നേരം 4.15ന് വിശുദ്ധ കുര്ബാന മോണ്. ആന്റണി എത്തയ്ക്കാട്ട്. ആറിന് സാംസ്കാരിക സമ്മേളനം.
25ന് വൈകുന്നേരം 4.30ന് ആര്ച്ച്ബിഷപ് മാര് മാത്യു മൂലക്കാട്ട് വിശുദ്ധകുര്ബാന അര്പ്പിക്കും. ആറിന് നിത്യാരാധന കപ്പേളയുടെയും കുമ്പസാരവേദിയുടെയും വെഞ്ചരിപ്പുകര്മം മുന് വത്തിക്കാന് നുണ്ഷ്യോ ആര്ച്ച്ബിഷപ് മാര് ജോര്ജ് കോച്ചേരി നിര്വഹിക്കും. എസ്ബി കോളജ് ഗ്രൗണ്ടില് 6.30ന് ഫാ. ഷാജി തുമ്പേച്ചിറയില് നയിക്കുന്ന സ്റ്റേജ് ഷോ അമ്മയോടൊപ്പം. 26ന് വൈകുന്നേരം 4.30ന് വിശുദ്ധ കുര്ബാന മോണ്. സ്കറിയ കന്യാക്കോണില്.
27ന് മാര് മാത്യു മാക്കില്, മോണ്. സിറിയക് കണ്ടങ്കരി എന്നിവരുടെ അനുസ്മരണം 4.30ന് വിശുദ്ധകുര്ബാനയും തീര്ഥജല കിണറിന്റെ വെഞ്ചരിപ്പും നടക്കും. വികാരി ജനറാള് മോണ്. ജോണ് തെക്കേക്കര കാര്മികത്വം വഹിക്കും.
ഡിസംബര് എട്ടിന് അമലോത്ഭവ തിരുനാള്. വൈകുന്നേരം 4.30ന് സീറോമലബാര് സഭയുടെ മേജര് ആര്ച്ച്ബിഷപ് മാര് റാഫേല് തട്ടില് വിശുദ്ധ കുര്ബാന അര്പ്പിച്ച് സന്ദേശം നല്കും.
24ന് പാറേല് എമ്മേ ദ മ്ശിഹ ഭൂഗര്ഭ കപ്പേളയുടെ കൂദാശകര്മത്തിനും വിശുദ്ധ കുര്ബാനയ്ക്കും കര്ദിനാള് മാര് ജോര്ജ് കൂവക്കാട് കാര്മികത്വം വഹിക്കും.
കോ വികാരി ഫാ. ടെജി പുതുവീട്ടില്കളം, പിആര്ഒ ഫാ. ജയിംസ് കൊക്കാവയലില്, മീഡിയ കണ്വീനര് ഫാ. ജോജിന് ഇലഞ്ഞക്കല്, ജോയിന്റ് കണ്വീനര് ജോസുകുട്ടി കുട്ടംപേരൂര്, കൈക്കാരന്മാരായ പ്രിന്സ് കുട്ടംപേരൂര്, സിറിയക് കളത്തിപറമ്പില് എന്നിവരും പത്രസമ്മേളനത്തില് പങ്കെടുത്തു.
സാംസ്കാരിക
സമ്മേളനം 24ന്
പാറേല്പ്പള്ളിയുടെ കൂദാശയോടനുബന്ധുച്ച് 24ന് വൈകുന്നേരം ആറിന് സാംസ്കാരിക സമ്മേളനം നടക്കും. മുഖ്യമന്ത്രി വി.ഡി. സതീശന് മുഖ്യാതിഥിയായിരിക്കും. ആര്ച്ച്ബിഷപ് മാര് തോമസ് തറയില് അധ്യക്ഷത വഹിക്കും.
ശിവഗിരി മഠം ശ്രീനാരായണ ധര്മസംഘം ട്രസ്റ്റ് പ്രസിഡന്റ് സ്വാമി ഋതംഭരാനന്ദ, ഇന്ത്യന് യൂണിയന് മുസ്ലിം ലീഗ് പ്രസിഡന്റ് സയ്യിദ് സാദിഖ് അലി ശിഹാബ് തങ്ങള് എന്നിവര് മുഖ്യപ്രഭാഷണം നടത്തും. പി.എസ് ശ്രീധരന് പിള്ള, ശശി തരൂര് എംപി, കൊടിക്കുന്നില് സുരേഷ് എം.പി, വിനു ജോബ് എംഎല്എ, മുന്മന്ത്രി വി.എന്.വാസവന്, മുനിസിപ്പല് ചെയര്പേഴ്സന് ജോമി ജോസഫ്, എന്എസ്എസ് താലൂക്ക് യൂണിയന്പ്രസിഡന്റ് എസ്. സുരേഷ് കുമാര്, വാര്ഡ് കൗണ്സിലര് ശോഭന വിശ്വംഭരന്, റെക്ടര് ഫാ. മാത്യു ചങ്ങങ്കരി, ജോയിന്റ് കണ്വീനര് ഡോ. റൂബിള് രാജ് എന്നിവര് പ്രസംഗിക്കും.