വട്ടപ്പാറ ലൂർദ് മൗണ്ട് ഹയർ സെക്കൻഡറി സ്കൂൾ സ്റ്റുഡന്റ് പൊലിസ് കേഡറ്റ് യൂണിറ്റിന്റെ ഉദ്ഘാടനം
വട്ടപ്പാറ: ലൂർദ് മൗണ്ട് ഹയർ സെക്കൻഡറി സ്കൂളിലെ സ്റ്റുഡന്റ് പൊലിസ് കേഡറ്റ് യൂണിറ്റിന്റെ ഉദ്ഘാടനം സ്കൂൾ ഓഡിറ്റോറിയത്തിൽ തിരുവനന്തപുരം റൂറൽ ജില്ലാ പൊലിസ് മേധാവി ബി.കെ. പ്രശാന്തൻ കാണി നിർവഹിച്ചു.
സെന്റ് തോമസ് പ്രൊവിൻസ് പ്രൊവിൻഷ്യൽ സുപ്പീരിയർ ബ്രദർ ഡെന്നിസ് തെക്കേപറമ്പിൽ അധ്യക്ഷത വഹിച്ചു. സ്കൂൾ മാനേജർ ബ്രദർ അലോഷ്യസ് വാണിയപ്പുരയ്ക്കൽ, സ്കൂൾ അഡ്മിനിസ്ട്രേറ്റർ ബ്രദർ പീറ്റർ വാഴേപ്പറമ്പിൽ, ഡിവൈഎസ്പി വി. അനിൽ, പോത്തൻകോട് സിഐ സുനിൽ ഗോപി, വട്ടപ്പാറ എസ്എച്ച്ഒ എ. അൻവർഷാ, ഹയർ സെക്കൻഡറി സ്കൂൾ പ്രിൻസിപ്പൽ റാണി എം. അലക്സ്, സിബിഎസ്ഇ സ്കൂൾ പ്രിൻസിപ്പൽ ഡോ. ടി. ഷാഫി തോംപ്സൺ, പഞ്ചായത്ത് പ്രസിഡന്റ് ശ്രീജ, പിടിഎ പ്രസിഡന്റ് എ.കെ. അരുൺലാൽ തുടങ്ങിയവർ പങ്കെടുത്തു.