1

സാഹസികരായ സഞ്ചാരികൾ മാത്രം ഇവിടേക്കു വന്നാൽ മതി! കാരണം, പു​ലി​യും കാ​ട്ടു​പോ​ത്തും ആനയും സിം​ഹ​വാ​ല​ൻ കു​ര​ങ്ങും ക​ര​ടിയുമെല്ലാം വി​ഹ​രി​ക്കു​ന്ന മഹാവനമാണിവിടം. തമിഴ്നാട്-കേരള അതിർത്തിയിലെ 'പാണ്ടിപ്പത്ത്', പ്ര​കൃ​തി​ര​മ​ണീ​യ​മാ​യ, വ്യ​ത്യ​സ്ത അ​നു​ഭ​വം പ​ക​രു​ന്ന ഇടമാണ്. അ​ഗ​സ്ത്യാ​ർ​കൂ​ട​ത്തി​നു താ​ഴെ, പേ​പ്പാ​റ വ​ന്യ​ജീ​വി സ​ങ്കേ​ത​ത്തി​ൽ ഉ​ൾ​പ്പെ​ടു​ന്നതാണു പാ​ണ്ടി​പ്പ​ത്ത്. അതീവ ജാ​ഗ്ര​ത​യോ​ടെ വേ​ണം മ​ല ക​യ​റാ​ൻ. പാ​ണ്ടി​പ്പ​ത്ത് അ​തി​രു പ​ങ്കി​ടു​ന്ന​തു ത​മി​ഴ്നാ​ടി​ന്‍റെ മു​ണ്ട​ൻ​തു​റൈ ക​ടു​വാ സം​ര​ക്ഷ​ണ​കേ​ന്ദ്ര​വു​മ​യാ​ണ്.

തി​രു​വ​ന​ന്ത​പു​ര​ത്തുനിന്നു ബോ​ണ​ക്കാ​ട് എ​ത്തു​ക. അ​വി​ടെനിന്നു പ​തി​ന​ഞ്ചു കിലോമീറ്റർ സ​ഞ്ച​രി​ച്ചു വേ​ണം പാ​ണ്ടി​പ്പ​ത്ത് എ​ത്താ​ൻ. കു​ത്ത​നെ​യു​ള്ള ക​യ​റ്റ​വു​മി​റ​ക്ക​വു​മെ​ല്ലാം ക​ഴി​ഞ്ഞാ​ൽ മ​നോ​ഹ​ര​മാ​യ പു​ൽ​മേ​ടു​ക​ൾ നി​റ​ഞ്ഞ പ്ര​ദേ​ശം കാ​ണാം. അനന്തപുരിയുടെ കു​ടി​വെ​ള്ള സ്രോ​ത​സാ​യ ക​ര​മ​ന​യാ​റി​ന്‍റെ തു​ട​ക്കം കാ​ണാം. ഉ​ച്ച ക​ഴി​ഞ്ഞാ​ൽ മ​ഞ്ഞു​മൂ​ടി കി​ട​ക്കു​ന്ന പ്ര​ദേ​ശ​മാ​ണു പാ​ണ്ടി​പ്പ​ത്ത്.

പാ​ണ്ടി​പ്പ​ത്തി​ലേ​ക്കു സ​ഞ്ചാ​രി​ക​ൾ​ക്കുനേ​രേ പ്ര​വേ​ശി​ക്കാ​ൻ ക​ഴി​യി​ല്ല. വ​നം​വ​കു​പ്പി​ന്‍റെ അ​നു​മ​തി​യോ​ടെ​യാ​ണു പാ​ണ്ടി​പ്പ​ത്തി​ലേ​ക്കു സ​ഞ്ചാ​രി​ക​ൾക്കു പ്ര​വേ​ശനം അനുവദിക്കുക. വ​നം വ​കു​പ്പ് പ്ര​ത്യേ​ക ടൂ​ർ പാ​ക്കേ​ജ് ഏ​ർ​പ്പെ​ടു​ത്തി​യി​ട്ടു​ണ്ട്. ര​ജി​സ്റ്റ​ർ ചെ​യ്ത്, നി​ശ്ചി​ത ഫീ​സും അ​ട​യ്ക്ക​ണം. വ​നം വ​കു​പ്പ് ജീവനക്കാരായിരിക്കും ഗൈ​ഡു​ക​ളാ​യി സഞ്ചാരികൾക്കൊപ്പമുണ്ടാകുക.

രാ​ജ​ഭ​ര​ണ​കാ​ല​ത്തു കേ​ര​ള​വും ത​മി​ഴ്നാ​ടു​മാ​യി ബ​ന്ധി​ക്കു​ന്ന പാ​ത പാ​ണ്ടി​പ്പ​ത്തി​ലൂ​ടെ ഉ​ണ്ടാ​യി​രു​ന്നു. ബോ​ണ​ക്കാ​ട്ടുനി​ന്നു തു​ട​ങ്ങി മ​ധു​ര ജി​ല്ല​യി​ൽ അ​വ​സാ​നി​ക്കു​ന്ന​താ​യി​രു​ന്നു പാ​ത. പാ​ണ്ടി​പ്പ​ത്തി​ലേ​ക്കു തി​രു​വ​ന​ന്ത​പു​ര​ത്തുനി​ന്ന് അ​റു​പ​തു കിലോമീറ്റർ ദൂരമുണ്ട്. വി​തു​ര-​ബോ​ണ​ക്കാ​ട് വ​ഴി​യാ​ണു യാ​ത്ര. പാ​ണ്ടി എ​ന്നാ​ൽ പാ​ണ്ടി​നാ​ട് അ​ഥ​വാ ത​മി​ഴ്നാ​ട് എ​ന്ന​ർ​ഥം. പ​ത്ത് എ​ന്നാ​ൽ പ​ത്ത്. അ​താ​യ​ത്, ക​ല്ലാ​ർ മേ​ഖ​ല​യി​ൽനിന്നു പ​ത്തു മൈ​ൽ ദൂ​ര​മാ​ണു പ​ണ്ടി​പ്പ​ത്തി​ലേ​ക്കു​ള്ള​ത്. അ​ങ്ങ​നെ​യാ​ണ് ഈ ​സ്ഥ​ല​ത്തി​നു പാ​ണ്ടി​പ്പ​ത്ത് എ​ന്നു പേ​രു​വ​രാ​ൻ കാ​ര​ണ​മെ​ന്നും പ​റ​യ​പ്പെ​ടു​ന്നു.

സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​രാ​ണോ, എ​ങ്കി​ൽ വ​രൂ, പാ​ണ്ടി​പ്പ​ത്തി​ന്‍റെ വ​ശ്യ​സൗ​ന്ദ​ര്യം ആ​സ്വ​ദി​ക്കാ​ൻ.

Tags : Pandipathu Exploration Travel Adventure Explore TravelGram SoloTravel Ecotourism