1

ബംഗളൂരു: കർണാടകയിൽ തീവ്ര വോട്ടർ പട്ടിക പരിഷ്കരണത്തിന്‍റെ മറവിൽ ന്യൂനപക്ഷ വോട്ടുകൾ കൂട്ടത്തോടെ ഒഴിവാക്കാൻ ആസൂത്രിത നീക്കം നടക്കുന്നുവെന്നാരോപിച്ച് മുഖ്യമന്ത്രി ഡി.കെ. ശിവകുമാറും കർണാടക പിസിസി അധ്യക്ഷൻ ബി.കെ. ഹരിപ്രസാദും മന്ത്രിമാരും ചീഫ് ഇലക്ടറൽ ഓഫീസിൽ കുത്തിയിരുന്നു പ്രതിഷേധിച്ചു.

വോട്ടർമാരെ ഒഴിവാക്കാനായി ബിജെപി പ്രവർത്തകർ വ്യാപകമായി ഫോം 7 സമർപ്പിക്കുന്നുണ്ടെന്നാണ് കോൺഗ്രസ് നേതൃത്വത്തിന്‍റെ പ്രധാന ആരോപണം. വോട്ടർ പട്ടികയിൽ കൃത്രിമം കാണിച്ച് ലക്ഷക്കണക്കിന് വോട്ടുകൾ വെട്ടിച്ചുരുക്കാൻ ബോധപൂർവമായ ശ്രമങ്ങൾ നടക്കുന്നുണ്ടെന്ന് ശിവകുമാർ ആരോപിച്ചു.

വോട്ടർമാരെ ഒഴിവാക്കാൻ അനധികൃതമായി ഫോം 7 സമർപ്പിക്കുന്ന ബിജെപി പ്രവർത്തകർക്കെതിരെ എഫ്ഐആർ രജിസ്റ്റർ ചെയ്ത് സമഗ്രമായ അന്വേഷണം നടത്തണമെന്നും ശിവകുമാർ ആവശ്യപ്പെട്ടു.

അനുകൂലമായ തീരുമാനമുണ്ടാകും വരെ ഓഫീസിൽ തന്നെ കുത്തിയിരിക്കുമെന്ന് മുഖ്യമന്ത്രി അറിയിച്ചെങ്കിലും, വെള്ളിയാഴ്ച രാവിലെ വരെ സമയം വേണമെന്ന് ചീഫ് ഇലക്ടറൽ ഓഫീസർ അഭ്യർഥിച്ചു. തുടർന്ന് വൈകുന്നേരം അഞ്ചോടെ നേതാക്കൾ പ്രതിഷേധം താൽക്കാലികമായി അവസാനിപ്പിക്കുകയായിരുന്നു.

എങ്കിലും കുറ്റക്കാർക്കെതിരെ കേസെടുക്കണമെന്ന ആവശ്യത്തിൽ നിന്ന് പിന്നോട്ടില്ലെന്ന് ശിവകുമാർ വ്യക്തമാക്കി.

Tags : Karnataka ElectoralOfficersOffice DKShivakumar Voters Protest Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash