മന്ത്രി റോജി എം. ജോണ്
കൊച്ചി: സംസ്ഥാനത്തെ സര്വകലാശാലകള്ക്ക് ഗള്ഫ് രാജ്യങ്ങളില് ഓഫ് കാമ്പസുകള് (ബ്രാഞ്ച് കാമ്പസുകള്) ആരംഭിക്കാന് സാധിക്കുന്ന തരത്തില് നിയമഭേദഗതികള് കൊണ്ടുവരാന് സര്ക്കാര് നടപടികള് ആരംഭിച്ചതായി ഉന്നതവിദ്യാഭ്യാസ മന്ത്രി റോജി എം. ജോണ്.
സംസ്ഥാന സര്വകലാശാലകളെ നിയന്ത്രിക്കുന്ന നിലവിലെ നിയമചട്ടക്കൂട് സര്ക്കാര് പരിശോധിച്ചുവരികയാണെന്നും അവയുടെ പ്രവര്ത്തനപരിധിയിലുള്ള ഘടനാപരമായ നിയന്ത്രണങ്ങള് മറികടക്കാന് ആവശ്യമായ ഭേദഗതികള് കൊണ്ടുവരുമെന്നും മന്ത്രി വ്യക്തമാക്കി. കൊച്ചി ഡയലോഗ് 2026ല് പ്രസംഗിക്കുകയായിരുന്നു അദ്ദേഹം.
കേരള സര്വകലാശാല, മഹാത്മാഗാന്ധി സര്വകലാശാല, കാലിക്കട്ട് സര്വകലാശാല, കണ്ണൂര് സര്വകലാശാല എന്നിവ നിലവില് അതത് നിയമങ്ങള് നിശ്ചയിച്ചിട്ടുള്ള ഭൂമിശാസ്ത്രപരമായ പരിധിക്കുള്ളിലാണു പ്രവര്ത്തിക്കുന്നത്. ഈ നിയന്ത്രണങ്ങള് കാരണം ഗള്ഫ് രാജ്യങ്ങള് ഉള്പ്പടെയുള്ള പുറംനാടുകളില് കാമ്പസുകള് സ്ഥാപിക്കാന് ഇവയ്ക്കു സാധിക്കുന്നില്ലെന്നും മന്ത്രി പറഞ്ഞു.
ഇന്ത്യയും ഗള്ഫ് സഹകരണ കൗണ്സില് (ജിസിസി) രാജ്യങ്ങളും തമ്മിലുള്ള പങ്കാളിത്തം കൂടുതല് ശക്തമാക്കണമെന്ന ആഹ്വാനത്തോടെ കൊച്ചി ഡയലോഗ് 2026 സമാപിച്ചു.
Tags : Campuses Universities Gulf Countries Minister Roji M. John