കെ​ണി​യി​ൽ കു​ടു​ങ്ങാ​തെ പു​ലി; വീ​ണ്ടും കു​റു​ക്ക​നെ കൊ​ന്നു
Sunday, April 28, 2024 5:37 AM IST
തൊ​ടു​പു​ഴ: ക​രി​ങ്കു​ന്നം ഇ​ല്ലി​ചാ​രി മേ​ഖ​ല​യി​ൽ ഭീ​തി പ​ര​ത്തി വി​ല​സു​ന്ന പു​ലി വീ​ണ്ടും കു​റു​ക്ക​നെ കൊ​ന്നുതി​ന്നു. പു​ലി​യെ കു​ടു​ക്കാ​ൻ വ​നം​വ​കു​പ്പ് കൂ​ട് സ്ഥാ​പി​ച്ച് കെ​ണി​യൊ​രു​ക്കി കാ​ത്തി​രി​ക്കു​ന്ന​തി​നി​ടെ​യാ​ണ് ഇ​വി​ടെനി​ന്ന് അ​ക​ലെ​യാ​യി പാ​റ​ക്ക​ട​വി​ൽ കു​റു​ക്ക​നെ പു​ലി കൊ​ന്നു തി​ന്ന​ത്.

ഇ​വി​ടെ പു​ലി​യു​ടെ കാ​ൽ​പ്പാ​ടു​ക​ളും ക​ണ്ടെ​ത്തി. വ​ട​ക്കും​മു​റി അ​ഴ​കും​പാ​റ ഭാ​ഗ​ത്ത് നാ​യ​യെ ച​ത്ത നി​ല​യി​ൽ ക​ണ്ട​തും പു​ലി​യു​ടെ ആ​ക്ര​മ​ണ​മെ​ന്നാ​ണ് സൂ​ച​ന. വ​നം​വ​കു​പ്പു​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഇ​തി​നി​ടെ പു​ലി​യെ കൂ​ടി​ന​ടു​ത്തേ​ക്ക്് ആ​ക​ർ​ഷി​ക്കാ​ൻ ഇ​തി​നു സ​മീ​പ​ത്തു ത​ന്നെ ഇ​ന്ന​ലെ മ​റ്റൊ​രു കൂ​ടു സ​ജ്ജ​മാ​ക്കി അ​തി​ൽ ആ​ടി​നെ കെ​ട്ടി​യി​ട്ടു. ആ​ടി​ന്‍റെ ക​ര​ച്ചി​ൽ കേ​ട്ട് പു​ലി​യെ​ത്തു​മെ​ന്നും സ​മീ​പ​ത്ത് സ്ഥാ​പി​ച്ചി​രി​ക്കു​ന്ന കൂ​ട്ടി​ൽ ക​യ​റു​മെ​ന്നാ​ണ് വ​നം​വ​കു​പ്പു​ദ്യോ​ഗ​സ്ഥ​രു​ടെ നി​ഗ​മ​നം. പു​ലി​യെ വീ​ഴ്ത്താ​നാ​യി ത​യാ​റാ​ക്കി​യി​രി​ക്കു​ന്ന കൂ​ട്ടി​ൽ ച​ത്ത കോ​ഴി​യെ ആ​ണ് ഇ​ട്ടി​രി​ക്കു​ന്ന​ത്.

ക​ഴി​ഞ്ഞ ദി​വ​സം ഇ​ട്ട ച​ത്ത കോ​ഴി​യെ മാ​റ്റി വേ​റെ കോ​ഴി​യെ ഇ​ട്ടു. പു​ലി ഉ​ട​ൻ ത​ന്നെ കൂ​ട്ടി​ലാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് മു​ട്ടം റേ​ഞ്ച് ഓ​ഫീ​സ​ർ പ​റ​ഞ്ഞു.

ര​ണ്ടു മാ​സ​ത്തി​ലേ​റെ​യാ​യി ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മേ​ഖ​ല പു​ലി​യു​ടെ ഭീ​തി​യി​ലാ​ണ്. ഇ​വി​ടെ ഒ​ട്ടേ​റെ വ​ള​ർ​ത്തു മൃ​ഗ​ങ്ങ​ളെ​യാ​ണ് പു​ലി കൊ​ന്ന​ത്. കൂ​ടാ​തെ പ്ര​ദേ​ശ​വാ​സി​ക​ളാ​യ പ​ല​രും പു​ലി​യോ​ട് സ​മാ​ന​മാ​യ ജീ​വി​യെ കാ​ണു​ക​യും ചെ​യ്തു.

ക​ഴി​ഞ്ഞ 16ന് ​വ​നം​വ​കു​പ്പ് പ്ര​ദേ​ശ​ത്ത് സ്ഥാ​പി​ച്ച കാ​മ​റ​യി​ൽ പു​ലി​യു​ടെ ദൃ​ശ്യം പ​തി​ഞ്ഞ​തോ​ടെ​യാ​ണ് ഇ​ക്കാ​ര്യ​ത്തി​ൽ സ്ഥി​രീ​ക​ര​ണ​മു​ണ്ടാ​യ​ത്. തു​ട​ർ​ന്നാ​ണ് പെ​രി​യാ​ർ ടൈ​ഗ​ർ റി​സ​ർ​വി​ൽ നി​ന്നെ​ത്തി​ച്ച കൂ​ട് ഇ​വി​ടെ സ്ഥാ​പി​ച്ച​ത്. പു​ലി​യു​ടെ സാ​ന്നി​ധ്യം കൂ​ടു​ത​ലാ​യി ക​ണ്ട ഇ​ല്ലി​ചാ​രി മ​ല​യു​ടെ മു​ക​ളി​ലാ​യാ​ണ് കൂ​ട് സ്ഥാ​പി​ച്ചി​രി​ക്കു​ന്ന​ത്.

മൂ​ന്നാ​റി​ൽ ജ​ന​വാ​സ മേ​ഖ​ല​യി​ൽ ക​ടു​വ​ക്കൂ​ട്ടം;​ ജ​നം പ​രി​ഭ്രാ​ന്തി​യി​ൽ

തൊ​ടു​പു​ഴ: മൂ​ന്നാ​റി​ലെ ജ​ന​വാ​സമേ​ഖ​ല​ക​ളി​ൽ ക​ടു​വ​ക​ളു​ടെ വി​ള​യാ​ട്ടം. മൂ​ന്നാ​ർ ക​ന്നി​മ​ല ലോ​വ​ർ ഡി​വി​ഷ​നി​ലെ തേ​യി​ലത്തോ​ട്ട​ത്തി​ലാ​ണ് ക​ടു​വ​ക​ളെ ക​ണ്ട​ത്. തേ​യി​ല എ​സ്റ്റേ​റ്റി​നു സ​മീ​പ​ത്തു​കൂ​ടി മൂ​ന്നു ക​ടു​വ​ക​ൾ ന​ട​ന്നു നീ​ങ്ങു​ന്ന​ത് ശ്ര​ദ്ധ​യി​ൽ​പ്പെ​ട്ട തൊ​ഴി​ലാ​ളി​ക​ൾ ദൃ​ശ്യ​ങ്ങ​ൾ പ​ക​ർ​ത്തി. പ്ര​ദേ​ശ​ത്ത് ക​ടു​വ​ക​ൾ സ്ഥി​ര​മാ​യി എ​ത്തു​ന്ന​താ​യി നാ​ട്ടു​കാ​ർ പ​റ​ഞ്ഞു. ക​ഴി​ഞ്ഞ ദി​വ​സം ക​ന്നി​മ​ല​യി​ലെ ക​ർ​ഷ​ക​ന്‍റെ പ​ശു​വി​നെ ക​ടു​വ പി​ടി​ച്ചി​രു​ന്നു. കാ​ണാ​താ​യ പ​ശു​വി​നെ തി​ര​ക്കി​യി​റ​ങ്ങി​യ​വ​രാ​ണ് കൂ​ട്ട​ത്തോ​ടെ ന​ട​ന്നു നീ​ങ്ങു​ന്ന ക​ടു​വ​ക​ളെ ക​ണ്ട​ത്.

ആ​ളു​ക​ളെ ക​ണ്ട​തോ​ടെ ക​ടു​വ​ക​ൾ സ​മീ​പ​ത്തെ വ​ന​ത്തി​ലേ​ക്ക് ക​യ​റി​പ്പോ​യി. ഇ​തോ​ടെ പ്ര​ദേ​ശ​ത്തെ ജ​ന​ങ്ങ​ൾ ഭീ​തി​യി​യി​ലാ​യി​രി​ക്കു​ക​യാ​ണ്.​ സം​ഭ​വ​മ​റി​ഞ്ഞ് വ​ന​പാ​ല​ക​ർ സ്ഥ​ല​ത്തെ​ത്തി​യി​രു​ന്നു.

Copyright @ 2022 , Rashtra Deepika Ltd.