കെഎസ്എഫ്ഇ ഹാര്‍മണി ചിട്ടി: സമ്മാനവിതരണം നടത്തി
Wednesday, June 25, 2025 1:43 AM IST
തൃശൂര്‍: കെഎസ്എഫ്ഇ ഹാര്‍മണി ചിട്ടികളുടെ ശാഖാതലസമ്മാനമായ ഫ്യുവല്‍ കാര്‍ഡിന്‍റെ സംസ്ഥാനതല വിതരണോദ്ഘാടനം എറണാകുളം ഇടപ്പള്ളി ശാഖയില്‍ ലുലു ഗ്രൂപ്പ് ഇന്ത്യ ചീഫ് ഫിനാന്‍ഷല്‍ ഓഫീസര്‍ സതീഷ് കുറുപ്പത്ത് നിര്‍വഹിച്ചു. സമ്മാനാര്‍ഹയായ വി.പി. പ്രിയ കാര്‍ഡ് ഏറ്റുവാങ്ങി.
ഐഒസി ജനറല്‍ മാനേജര്‍ ഗൗരവ കുന്ദ്ര, ഡെപ്യൂട്ടി ജനറല്‍ മാനേജര്‍ അനില്‍ വാസു, കെഎസ്എഫ്ഇ ചെയര്‍മാന്‍ വരദരാജന്‍, മാനേജിംഗ് ഡയറക്ടര്‍ ഡോ.എസ്.കെ. സനില്‍, എറണാകുളം അര്‍ബന്‍ അസിസ്റ്റന്‍റ് ജനറല്‍ മാനേജര്‍ റീന ജോസഫ് തുടങ്ങിയവര്‍ പങ്കെടുത്തു.
ഹാര്‍മണി ചിട്ടികളുടെ ആദ്യഘട്ടം ഈമാസം 30നു സമാപിക്കും. ഇപ്പോള്‍ ചിട്ടിയില്‍ ചേരുന്ന അഞ്ചു പേരില്‍ ഒരാള്‍ക്കുവീതം നറുക്കെടുപ്പുവഴി ഫ്യുവല്‍ കാര്‍ഡ് ലഭിക്കും.
ഇന്ത്യന്‍ ഓയില്‍ കോര്‍പറേഷന്‍റെ സംസ്ഥാനത്തെ ഏത് ഔട്ട്‌ലെറ്റില്‍നിന്നും 1500 രൂപയുടെ പെട്രോള്, ഡീസല്‍ തുടങ്ങിയവ ഇതുപയോഗിച്ച് സൗജന്യമായി വാങ്ങാമെന്നു കെഎസ്എഫ്ഇ ചെയര്‍മാനും എംഡിയും അറിയിച്ചു.