ഫോർജ് അഹെഡ് സ്കോളർഷിപ് പദ്ധതി തുടങ്ങി
Thursday, June 19, 2025 11:54 PM IST
തൃശൂർ: പത്താം ക്ലാസിൽ ഉന്നത വിജയം നേടിയ വിദ്യാർഥികൾക്ക് പ്ലസ് ടു പഠനത്തിന് സ്കോളർഷിപ് പദ്ധതി അവതരിപ്പിച്ച് എഡ്യൂപോർട്ട്.
കുറഞ്ഞ കാലംകൊണ്ട് ആയിരക്കണക്കിനു വിദ്യാർഥികളെ മികച്ച വിദ്യാഭ്യാസ സ്ഥാപനങ്ങളിൽ പ്രവേശനത്തിന് അർഹരാക്കിയ പരിശീലന സ്ഥാപനമായ എഡ്യൂപോർട്ട് പീകെ സ്റ്റീൽ കന്പനിയുമായി ചേർന്നാണ് ഫോർജ് അഹെഡ് എന്ന സ്കോളർഷിപ് നൽകുന്നത്.
പ്ലസ് വൺ, പ്ലസ് ടു ക്ലാസുകൾക്ക് നീറ്റ്- ജെഇഇ ഇന്‍റഗ്രേറ്റഡ് റസിഡൻഷ്യൽ പ്രോഗ്രാമാണ് ഉണ്ടാവുക. ഇതിന് ഹോസ്റ്റൽ ഫീസുകൾ ഉൾപ്പെടെ എല്ലാ ചെലവുകളും സ്കോളർഷിപ്പായി നേടാനാണ് അവസരം. തെരഞ്ഞെടുക്കപ്പെടുന്ന വിദ്യാർഥികൾക്ക് പൂർണമായും സൗജന്യമായി പ്ലസ് ടു പഠനം പൂർത്തിയാക്കി എൻട്രൻസ് പരീക്ഷകൾ എഴുതാം.
ഐഐടി, എൻഐടി എന്നിവിടങ്ങളിൽ പഠിച്ച അധ്യാപകരും എംബിബിഎസ് ഡോക്ടർമാരും ഉൾപ്പെടുന്ന ടീമാണ് എഡ്യൂപോർട്ടിൽ ക്ലാസുകൾ നടത്തുന്നത്. കാന്പസുകളോടനുബന്ധിച്ച് ഹോസ്റ്റൽ സൗകര്യം, എയർ കണ്ടീഷൻചെയ്ത പഠനമുറികൾ എന്നിവയുണ്ടാകും.
പത്താം ക്ലാസിൽ ഫുൾ എ പ്ലസ്, എ വൺ നേടിയവർക്ക് അപേക്ഷിക്കാം. സാന്പത്തികമായി പിന്നാക്കം നിൽക്കുന്നവർക്കും എൻഎംഎംഎസ്, നാഷണൽ ഒളിന്പ്യാഡ് എന്നിവയിൽ ജയിച്ചവർക്കും മുൻഗണനയുണ്ടാകും.
താഴെ കാണുന്ന ലിങ്ക് വഴി അപേക്ഷിക്കാം.
https://eduport.app/neet-jee-scholarship-2025/