ലീ​ഡ്‌​സ്: രോ​ഹി​ത് ശ​ര്‍മ, വി​രാ​ട് കോ​ഹ്‌​ലി കാ​ല​ഘ​ട്ട​ത്തി​നു​ശേ​ഷം ഇ​ന്ത്യ​ന്‍ ക്രി​ക്ക​റ്റി​ന്‍റെ സാ​ര​ഥി​ക​ളാ​കാ​ന്‍ ത​ങ്ങ​ള്‍ ത​യാ​റാ​ണെ​ന്നു വ്യ​ക്ത​മാ​ക്കി ശു​ഭ്മാ​ന്‍ ഗി​ല്ലി​ന്‍റെ നേ​തൃ​ത്വ​ത്തി​ലു​ള്ള യു​വ സം​ഘ​ത്തി​ന്‍റെ ക്ലാ​സി​ക് പ്ലേ.

ഇം​ഗ്ല​ണ്ടി​ന് എ​തി​രാ​യ ഒ​ന്നാം ടെ​സ്റ്റി​ല്‍ ഓ​പ്പ​ണ​ര്‍ യ​ശ​സ്വി ജ​യ്‌​സ്വാ​ൾ (101), ശു​ഭ്മാ​ൻ ഗി​ൽ (127 നോ​ട്ടൗ​ട്ട് ) എ​ന്നി​വ​രു​ടെ സെ​ഞ്ചു​റി​യും ഋ​ഷ​ഭ് പ​ന്തി​ന്‍റെ (65 നോ​ട്ടൗ​ട്ട് ) അ​ർ​ധ​സെ​ഞ്ചു​റി​യും കെ.​എ​ൽ. രാ​ഹു​ലി​ന്‍റെ (42) പ്ര​ക​ട​ന​വും ചേ​ർ​ന്ന​പ്പോ​ൾ ആ​ദ്യ​ദി​നം ഇ​ന്ത്യ​ൻ യു​വ​താ​ര​ങ്ങ​ളു​ടെ ബാ​റ്റിം​ഗ് ഉ​ത്സ​വം.

85 ഓ​വ​റി​ൽ മൂ​ന്ന് വി​ക്ക​റ്റ് ന​ഷ്ട​ത്തി​ൽ 359 റ​ണ്‍​സ് എ​ന്ന ശ​ക്ത​മാ​യ നി​ല​യി​ൽ ഇ​ന്ത്യ ഒ​ന്നാം ദി​നം ക്രീ​സ് വി​ട്ടു. ക്യാ​പ്റ്റ​നാ​യു​ള്ള അ​ര​ങ്ങേ​റ്റ ഇ​ന്നിം​ഗ്സി​ൽ സെ​ഞ്ചു​റി നേ​ടു​ന്ന നാ​ലാ​മ​ത് ഇ​ന്ത്യ​ൻ താ​ര​മാ​ണ് ശു​ഭ്മാ​ൻ ഗി​ൽ. വി​ജ​യ് ഹ​സാ​രെ, സു​നി​ൽ ഗാ​വ​സ്ക​ർ, വി​രാ​ട് കോ​ഹ്‌ലി ​എ​ന്നി​വ​രാ​ണ് മു​ന്പ് ഈ ​നേ​ട്ടം സ്വ​ന്ത​മാ​ക്കി​യ ഇ​ന്ത്യ​ൻ ക്യാ​പ്റ്റ​ർ.

ജ​യ ജ​യ ജ​യ്‌​സ്വാ​ള്‍

ടോ​സ് ന​ഷ്ട​പ്പെ​ട്ട് ക്രീ​സി​ലെ​ത്തി​യ ഇ​ന്ത്യ​ക്കു​വേ​ണ്ടി യ​ശ​സ്വി ജ​യ്‌​സ്വാ​ളും കെ.​എ​ല്‍. രാ​ഹു​ലു​മാ​യി​രു​ന്നു ഓ​പ്പ​ണിം​ഗ് ഇ​റ​ങ്ങി​യ​ത്. ഇ​ന്നിം​ഗ്‌​സി​ന്‍റെ തു​ട​ക്ക​ത്തി​ല്‍ ജ​യ്‌​സ്വാ​ള്‍ ആ​ക്ര​മി​ച്ചു ക​യ​റി. എ​ന്നാ​ല്‍, രാ​ഹു​ല്‍ ഗി​യ​ര്‍ മാ​റി​യ​തോ​ടെ ജ​യ്‌​സ്വാ​ള്‍ ചു​വ​ടു​മാ​റി. 24.5-ാം ഓ​വ​റി​ല്‍ ഇ​ന്ത്യ​ക്ക് ആ​ദ്യ വി​ക്ക​റ്റ് ന​ഷ്ട​മാ​യി. 78 പ​ന്തി​ല്‍ എ​ട്ട് ഫോ​റി​ന്‍റെ സ​ഹാ​യ​ത്തോ​ടെ 42 റ​ണ്‍സ് നേ​ടി​യ കെ.​എ​ല്‍. രാ​ഹു​ല്‍ മ​ട​ങ്ങി.

എ​ന്നാ​ല്‍, ക്രീ​സി​ല്‍ തു​ട​ര്‍ന്ന ജ​യ്‌​സ്വാ​ള്‍ നേ​രി​ട്ട 96-ാം പ​ന്തി​ല്‍ അ​ര്‍ധ​സെ​ഞ്ചു​റി തി​ക​ച്ചു. ഉ​ച്ച​ഭ​ക്ഷ​ണ ഇ​ട​വേ​ള​യ്ക്കു​ശേ​ഷ​മാ​യി​രു​ന്നു ജ​യ്‌​സ്വാ​ളി​ന്‍റെ അ​ര്‍ധ​ശ​ത​കം. സെ​ഞ്ചു​റി​യി​ലേ​ക്കു കു​തി​ക്കു​ന്ന​തി​നി​ടെ ചെ​റി​യ പ​രി​ക്ക് ജ​യ്‌​സ്വാ​ളി​നെ വ​ല​ച്ചു.

86ല്‍ ​നി​ല്‍ക്കു​മ്പോ​ള്‍ കൈ​മ​ര​പ്പി​നെ​ത്തു​ട​ര്‍ന്ന് ജ​യ്‌​സ്വാ​ള്‍ ശു​ശ്രൂ​ഷ​തേ​ടി. 91ല്‍നി​ന്ന് തു​ട​ര്‍ച്ച​യാ​യി ര​ണ്ടു ഫോ​റി​ലൂ​ടെ 99ല്‍ ​എ​ത്തി​യ ജ​യ്‌​സ്വാ​ള്‍ സിം​ഗി​ളി​ലൂ​ടെ സെ​ഞ്ചു​റി തി​ക​ച്ചു. 23കാ​ര​നാ​യ ഇ​ടം​കൈ​യ​ന്‍റെ അ​ഞ്ചാം ടെ​സ്റ്റ് സെ​ഞ്ചു​റി. നേ​രി​ട്ട 144-ാം പ​ന്തി​ലാ​യി​രു​ന്നു ജ​യ്‌​സ്വാ​ളി​ന്‍റെ സെ​ഞ്ചു​റി നേ​ട്ടം.

ചാ​യ​യ്ക്കു​ശേ​ഷം തി​രി​ച്ചെ​ത്തി ഒ​രു റ​ണ്‍കൂ​ടി നേ​ടാ​നേ ജ​യ്‌​സ്വാ​ളി​നു സാ​ധി​ച്ചു​ള്ളൂ. 215/2 എ​ന്ന നി​ല​യി​ല്‍ ചാ​യ​യ്ക്കു പി​രി​ഞ്ഞ​ശേ​ഷം തി​രി​ച്ചെ​ത്തി, ആ​റ് റ​ണ്‍സ് കൂ​ടി സ്‌​കോ​ര്‍ബോ​ര്‍ഡി​ല്‍ ചേ​ര്‍ന്ന​പ്പോ​ള്‍ ജ​യ്‌​സ്വാ​ള്‍ പു​റ​ത്ത്.

158 പ​ന്തി​ല്‍ ഒ​രു സി​ക്‌​സും 16 ഫോ​റും അ​ട​ക്കം 101 റ​ണ്‍സ് നേ​ടി​യ ജ​യ്‌​സ്വാ​ളി​നെ ഇം​ഗ്ല​ണ്ട് ക്യാ​പ്റ്റ​ന്‍ ബെ​ന്‍ സ്റ്റോ​ക്‌​സ് ബൗ​ള്‍ഡാ​ക്കി. ശു​ഭ്മാ​ന്‍ ഗി​ല്ലി​ന് ഒ​പ്പം മൂ​ന്നാം വി​ക്ക​റ്റി​ല്‍ 129 റ​ണ്‍സ് കൂ​ട്ടു​കെ​ട്ടു​ണ്ടാ​ക്കി​യ​ശേ​ഷ​മാ​ണ് ജ​യ്‌​സ്വാ​ള്‍ മ​ട​ങ്ങി​യ​ത്.


ഇം​ഗ്ല​ണ്ടി​ലെ ആ​ദ്യ ഇ​ന്നിം​ഗ്‌​സി​ല്‍ത്ത​ന്നെ സെ​ഞ്ചു​റി സ്വ​ന്ത​മാ​ക്കാ​ന്‍ ജ​യ്‌​സ്വാ​ളി​നു സാ​ധി​ച്ചെ​ന്ന​തും ശ്ര​ദ്ധേ​യം. വെ​സ്റ്റ് ഇ​ന്‍ഡീ​സ്, ഇ​ന്ത്യ, ഓ​സ്‌​ട്രേ​ലി​യ, ഇം​ഗ്ല​ണ്ട് എ​ന്നി​വി​ട​ങ്ങ​ളി​ലെ ആ​ദ്യ ടെ​സ്റ്റി​ല്‍ 50+ സ്‌​കോ​ര്‍ നേ​ടാ​ന്‍ ജ​യ്‌​സ്വാ​ളി​നു സാ​ധി​ച്ചു. ഇ​തു​വ​രെ ദ​ക്ഷി​ണാ​ഫ്രി​ക്ക​യി​ല്‍ മാ​ത്ര​മാ​ണ് ഈ ​നേ​ട്ടം കൈ​വ​രി​ക്കാ​ന്‍ ജ​യ്‌​സ്വാ​ളി​നു ക​ഴി​യാ​തി​രു​ന്ന​ത്.

ക്യാ​പ്റ്റ​ന്‍ ഗി​ല്‍, റി​ക്കാ​ര്‍ഡ്

കെ.​എ​ല്‍. രാ​ഹു​ല്‍, സാ​യ് സു​ദ​ര്‍ശ​ന്‍ (0) എ​ന്നി​വ​ര്‍ അ​ഞ്ച് പ​ന്തി​ന്‍റെ ഇ​ട​വേ​ള​യി​ല്‍ പു​റ​ത്താ​യ​തോ​ടെ 92/2 എ​ന്ന നി​ല​യി​ലാ​ണ് ഉ​ച്ച​ഭ​ക്ഷ​ണ​ത്തി​നു പി​രി​ഞ്ഞ​ത്. നാ​ലാം ന​മ്പ​റാ​യി ക്യാ​പ്റ്റ​ന്‍ ശു​ഭ്മാ​ന്‍ ഗി​ല്‍ ക്രീ​സി​ലെ​ത്തി.

ജ​യ്‌​സ്വാ​ളി​നു പൂ​ര്‍ണ​പി​ന്തു​ണ ന​ല്‍കു​ന്ന​തി​നൊ​പ്പം കൃ​ത്യ​മാ​യി സ്‌​കോ​ര്‍ ഉ​യ​ര്‍ത്തു​ന്ന​തി​ലും ഗി​ല്‍ മി​ക​വു​പു​ല​ര്‍ത്തി. നേ​രി​ട്ട 56-ാം പ​ന്തി​ല്‍ ഗി​ല്‍ അ​ര്‍ധ​സെ​ഞ്ചു​റി തി​ക​ച്ചു. നേ​രി​ട്ട 140-ാം പ​ന്തി​ൽ ബൗ​ണ്ട​റി​യി​ലൂ​ടെ ഗി​ൽ സെ​ഞ്ചു​റി പിന്നിട്ടു. ടെ​സ്റ്റി​ൽ ഗി​ല്ലി​ന്‍റെ ആ​റാം സെ​ഞ്ചു​റി.

ക്യാ​പ്റ്റ​നാ​യും നാ​ലാം ന​മ്പ​റാ​യു​മു​ള്ള അ​ര​ങ്ങേ​റ്റ ഇ​ന്നിം​ഗ്‌​സി​ല്‍ 50+ സ്‌​കോ​ര്‍ നേ​ടാ​ന്‍ ഗി​ല്ലി​നു സാ​ധി​ച്ചെ​ന്ന​തും ശ്ര​ദ്ധേ​യം. വി​രാ​ട് കോ​ഹ്‌ലി ​ഒ​ഴി​ച്ചി​ട്ട ബാ​റ്റിം​ഗ് സ്ഥാ​ന​മാ​ണ് നാ​ലാം ന​മ്പ​ര്‍.

കോ​ഹ്‌ലി​ക്കു​ശേ​ഷം എം​ആ​ര്‍എ​ഫ് ബാ​റ്റ് കൈ​യി​ലേ​ന്തു​ന്ന ഗി​ല്‍, ഇം​ഗ്ല​ണ്ടി​ല്‍ ടെ​സ്റ്റ് ക്യാ​പ്റ്റ​ന്‍സി അ​ര​ങ്ങേ​റ്റം ന​ട​ത്തു​ന്ന മൂ​ന്നാ​മ​ത് ഇ​ന്ത്യ​ക്കാ​ര​നാ​ണ്. സി.​കെ. നാ​യി​ഡു (1932, ലോ​ഡ്‌​സ്), ജ​സ്പ്രീ​ത് ബും​റ (2022, എ​ഡ്ജ്ബാ​സ്റ്റ​ണ്‍) എ​ന്നി​വ​രാ​യി​രു​ന്നു മു​മ്പ് ഇം​ഗ്ലീ​ഷ് മ​ണ്ണി​ല്‍ ഇ​ന്ത്യ​ക്കാ​യി ക്യാ​പ്റ്റ​ന്‍സി അ​ര​ങ്ങേ​റ്റം ന​ട​ത്തി​യ​വ​ര്‍. ഇം​ഗ്ല​ണ്ട് മ​ണ്ണി​ലെ ഏ​റ്റ​വും പ്രാ​യം കു​റ​ഞ്ഞ ഇ​ന്ത്യ​ന്‍ ക്യാ​പ്റ്റ​ന്‍ എ​ന്ന നേ​ട്ട​വും 25കാ​ര​നാ​യ ശു​ഭ്മാ​ന്‍ ഗി​ല്‍ സ്വ​ന്ത​മാ​ക്കി.

സാ​യ് ഡ​ക്ക്

ഇ​ന്ത്യ​ക്കാ​യി സാ​യ് സു​ദ​ര്‍ശ​ന്‍ ടെ​സ്റ്റ് അ​ര​ങ്ങേ​റ്റം ന​ട​ത്തു​ന്ന​തി​നും ഇ​ന്ന​ലെ ലീ​ഡ്‌​സി​ലെ ഹെ​ഡിം​ഗ്‌ലി ​സ്റ്റേ​ഡി​യം സാ​ക്ഷ്യം​വ​ഹി​ച്ചു. ഇ​ന്ത്യ​യു​ടെ 317-ാം ടെ​സ്റ്റ് ക​ളി​ക്കാ​ര​നാ​ണ് സാ​യ് സു​ദ​ര്‍ശ​ന്‍. മൂ​ന്നാം ന​മ്പ​ര്‍ ബാ​റ്റ​റാ​യി ക്രീ​സി​ലെ​ത്തി, നേ​രി​ട്ട നാ​ലാം പ​ന്തി​ല്‍ സാ​യ് സു​ദ​ര്‍ശ​ന്‍ പൂ​ജ്യ​ത്തി​നു പു​റ​ത്താ​യി. മൂ​ന്നാം ന​മ്പ​റി​ല്‍ ഇ​ന്ത്യ​ക്കാ​യി അ​ര​ങ്ങേ​റ്റ മ​ത്സ​രം ക​ളി​ക്കു​ന്ന 18-ാമ​നാ​ണ് സാ​യ് സു​ദ​ര്‍ശ​ന്‍. മൂ​ന്നാം ന​മ്പ​റി​ല്‍ അ​ര​ങ്ങേ​റി പൂ​ജ്യ​ത്തി​നു പു​റ​ത്താ​കു​ന്ന ആ​ദ്യ ഇ​ന്ത്യ​ന്‍ താ​ര​വും.