18

കു​റ്റി​ച്ച​ൽ: ആ​ന​യും കാ​ട്ടു​പോ​ത്തും മേ​യു​ന്ന കൊ​ടും​കാ​ട്ടി​ൽ ഒ​രു പോ​ളിം​ഗ് സ്റ്റേ​ഷ​ൻ. അ​ഗ​സ്ത്യ​മ​ല​യി​ലെ വി​വി​ധ കേ​ന്ദ്ര​ങ്ങ​ളി​ലാ​യി ചി​ത​റി​ക്കി​ട​ക്കു​ന്ന ആ​ദി​വാ​സി​ക​ൾ​ക്കു​വേ​ണ്ടി​യാ​ണ് ഈ ​പോ​ളിം​ഗ് സ്റ്റേ​ഷ​ൻ അ​നു​വ​ദി​ച്ചി​രി​ക്കു​ന്ന​ത്.

പു​റം​നാ​ട്ടി​ൽ​നി​ന്നും 14 കി​ലോ​മീ​റ്റ​ർ അ​ക​ലെ​യാ​ണ് പൊ​ടി​യം. 26 കി​ലോ​മീ​റ്റ​ർ അ​ക​ലെ​യു​ള്ള പാ​റ്റാം​പാ​റ സെ​റ്റി​ൽ​മെ​ന്‍റ് മു​ത​ൽ അ​ടു​ത്തു​കി​ട​ക്കു​ന്ന ചോ​നം​പാ​റ വ​രെ​യു​ള്ള​വ​ർ​ക്കു​വേ​ണ്ടി സ്ഥാ​പി​ച്ച​താ​ണ് ഈ ​പോ​ളിം​ഗ് ബൂ​ത്ത്. കു​റ്റി​ച്ച​ൽ പ​ഞ്ചാ​യ​ത്തി​ലെ 1000 ളം ​വോ​ട്ട​ർ​മാ​ർ ഇ​വി​ടെ​യു​ണ്ട്. വോ​ട്ടിം​ഗി​ന് ത​ലേ​ദി​വ​സം പു​ല​ർ​ച്ചെ കാ​ട്ടി​ൽ​നി​ന്നും യാ​ത്ര തി​രി​ച്ചാ​ലെ ഇ​വി​ടെ എ​ത്താ​നാ​കൂ.

വോ​ട്ട് ചെ​യ്തു ക​ഴി​ഞ്ഞാ​ൽ പു​ല​ർ​ച്ചെ ഊ​രി​ലെ​ത്തും. വ​ര​ൾ​ച്ച കാ​ര​ണം കാ​ട്ടു​മ്യ​ഗ​ങ്ങ​ൾ സ​ദാ ഊ​രു​ചു​റ്റു​ന്ന കാ​ട്ടി​ലൂ​ടെ​വേ​ണം പോ​ളിം​ഗ് ബൂ​ത്തി​ലെ​ത്താ​ൻ. പോ​ളിം​ഗ് സാ​മ​ഗ്രി​ക​ളു​മാ​യി ഉ​ദ്യോ​ഗ​സ്ഥ​ർ ജീ​പ്പി​ലാ​ണ് ഇ​വി​ടെ എ​ത്തു​ന്ന​ത്. ഇ​പ്പോ​ൾ വൈ​ദ്യു​തി എ​ത്തി​യ​തി​നാ​ൽ പ്ര​യാ​സ​വു​മി​ല്ല. രാ​ത്രി​യി​ൽ കാ​ട്ടാ​ന ശ​ല്യ​മു​ള്ള​തി​നാ​ൽ തീ​യി​ട്ട് ആ​ന​യെ ഓ​ടി​ക്കു​ക​യാ​ണ് പ​തി​വ്. ക​ഴി​ഞ്ഞ ത​വ​ണ കാ​ട്ടാ​ന​കൂ​ട്ടം പോ​ളിം​ഗ് സാ​ധ​ങ്ങ​ളു​മാ​യി പോ​യ ഉ​ദ്യോ​ഗ​സ്ഥ​രെ വ​ള​ഞ്ഞി​രു​ന്നു. ആ​ദി​വാ​സി​ക​ൾ ചി​ല ത​ന്ത്ര​ങ്ങ​ൾ ഉ​പ​യോ​ഗി​ച്ചാ​ണ് ആ​ന​ക​ളെ ഓ​ടി​ച്ചു​വി​ട്ട​ത്.

ജി​ല്ല​യി​ലെ പ്ര​ധാ​ന ആ​ദി​വാ​സി മേ​ഖ​ല​ക​ളി​ലെ​ങ്ങും നി​ല​വി​ൽ പോ​ളിം​ഗ് ബൂ​ത്തു​ക​ളി​ല്ല. കു​റ്റി​ച്ച​ൽ പ​ഞ്ചാ​യ​ത്തി​ലെ അ​ണ​കാ​ൽ, ആ​യി​രം​കാ​ൽ, പാ​റ്റാം​പാ​റ, എ​റു​മ്പി​യാ​ട്, പൊ​ത്തോ​ട് ഊ​രു​ക​ളി​ലു​ള്ള ആ​ദി​വാ​സി​ക​ൾ കി​ലോ​മീ​റ്റ​റു​ക​ൾ താ​ണ്ടി​യാ​ണ് ഇ​വി​ടെ എ​ത്തു​ന്ന​ത്. ഇ​ന്ന​ലെ പോ​ളിം​ഗ് ഡൂ​ട്ടി​ക്കാ​യി പോ​ളിം​ഗ് ഉ​ദ്യോ​ഗ​സ്ഥ​ർ കൊ​ടും​കാ​ട്ടി​ലെ​ത്തി​ക്ക​ഴി​ഞ്ഞു.

Tags : Local News Nattuvishesham Kollam Thiruvananthapuram