അന്തിക്കാട് എൽഡിഎഫ് കുടുംബസംഗമം സിപിഐ ദേശീയ സെക്രട്ടേറിയറ്റ് അംഗം ആനി രാജ ഉദ്ഘാടനം ചെയ്യുന്നു.
അന്തിക്കാട്: രാജ്യത്തെ തെരഞ്ഞെടുപ്പുകൾ ബിജെപി കച്ചവടവൽക്കരിക്കാൻ ശ്രമിക്കുകയാണെന്ന് സിപിഐ ദേശീയ സെക്രട്ടേറിയറ്റ് അംഗം ആനി രാജ. നാട്ടിക നിയോജകമണ്ഡലം ഇടതുപക്ഷ ജനാധിപത്യ മുന്നണി സ്ഥാനാർഥി ഗീത ഗോപിയുടെ പ്രചാരണത്തിന്റെ ഭാഗമായി അന്തിക്കാട് വെസ്റ്റ് മേഖലയിൽ സംഘടിപ്പിച്ച എൽഡിഎഫ് കുടുംബ സംഗമം ഉദ്ഘാടനം ചെയ്തു സംസാരികയായിരുന്നു ആനി രാജ.
കോൺഗ്രസ് - ബിജെപി സഖ്യം രാജ്യമാകെ പടരുന്നു. പോണ്ടിച്ചേരിയിൽ ആ സഖ്യം ശക്തി പ്രാപിച്ചിരിക്കുന്നു. കേരളത്തിൽ പല നിയോജകമണ്ഡലങ്ങളിലും ഈ തെരഞ്ഞെടുപ്പ് ഡീൽ നടക്കുന്നുവെന്നും ആനി രാജ പറഞ്ഞു.
വൈശാഖ് അന്തിക്കാട് അധ്യക്ഷത വഹിച്ചു. ഇടതുപക്ഷ നേതാക്കളായ വി.എസ്. സുനിൽകുമാർ, കെ.പി. സന്ദീപ്, എ.വി. ശ്രീവത്സൻ, സി.കെ. കൃഷ്ണകുമാർ, ഷിബു പൈനൂർ, എ.ജി. ഗോപാലകൃഷ്ണൻ എന്നിവർ സംസാരിച്ചു.
Tags : Annie Raja nattuvishesham local news