കൊല്ലം : ഡിജിറ്റല് സെന്സസിന്റെ ഭാഗമായി സ്വയംവിവരങ്ങള് നല്കാവുന്ന സെല്ഫ് എന്യൂമറേഷന് പ്രയോജനപ്പെടുത്തി എല്ലാവരും ഭരണഘടനപരമായ ഉത്തരവാദിത്തം നിറവേറ്റണമെന്ന് ജില്ലാ പ്രിന്സിപ്പല് സെന്സസ് ഓഫീസറായ ജില്ലാ ക ളക്ടര് ആനി ജൂല തോമസ്. 16 മുതല് 30 വരെയാണ് സ്വയം വിവരങ്ങള് രേഖപ്പെടുത്താവുന്നത് (സെല്ഫ് എന്യൂമറേഷന്).
ജൂലൈ ഒന്ന് മുതല് 31 വരെ വീടുവീടാന്തര വിവരശേഖരണം നടത്തും. വിവരശേഖരണത്തിന് ചുമതലപ്പെടുത്തിയ സൂപ്പര്വൈസര്മാര്, എന്യൂമറേറ്റര്മാര് എന്നിവരുടെ പരിശീലനം താലൂക്ക് തലങ്ങളില് തുടരുകയാണെന്നും ജില്ലാ കളക്ടര് അറിയിച്ചു.
സെല്ഫ് എന്യൂമറേഷന്റെ ഭാഗമായി സെന്സസ് ഡയറക്ടറേറ്റ് ഒരുക്കിയ പോര്ട്ടല് മുഖേന (https://se.census.gov.in) 33 ചോദ്യങ്ങള്ക്കാണ് മറുപടി നല്കേണ്ടത്. പോര്ട്ടലില് സംസ്ഥാനം തെരഞ്ഞെടുത്തശേഷം കുടുംബനാഥന്റെ പേരും മൊബൈല് നമ്പറും നല്കി രജിസ്റ്റര് ചെയ്യാം.
ഒരു കുടുംബത്തിന് ഒരു മൊബൈല് നമ്പര് മാത്രമാണ് ഉപയോഗിക്കാനാകുക. മറുപടി നല്കി കഴിഞ്ഞാല് ലഭിക്കുന്ന സെല്ഫ് എന്യൂമറേഷന് ഐഡി സെന്സസ് ഉദ്യോഗസ്ഥര് വീട്ടിലെത്തുമ്പോള് കൈമാറി വിവരങ്ങള് ഡിജിറ്റലായി സൂക്ഷിക്കാം.
Tags : Local News Nattuvishesham Kollam