ചെത്തിപ്പുഴ സര്ഗക്ഷേത്ര ജര്മ്മന് അക്കാദമിയുടെ നേതൃത്വത്തില് സംഘടിപ്പിച്ച ജര്മന് ഫുഡ് ഫെസ്റ്റിവല് സര്ഗക്ഷേത്ര അസി. ഡയറക്ട
ചങ്ങനാശേരി: ജര്മനിയുടെ തനത് ഭക്ഷണസംസ്കാരവും രുചിവൈവിധ്യങ്ങളും മലയാളിക്ക് പരിചയപ്പെടുത്തി സര്ഗക്ഷേത്ര ജര്മന് അക്കാദമിയുടെ നേതൃത്വത്തില് ‘ഗ്രെന്സെന്ലോസ് ഗെനീസെന് ’ ജര്മന് ഫുഡ് ഫെസ്റ്റിവല് സംഘടിപ്പിച്ചു.
സര്ഗക്ഷേത്ര അസി. ഡയറക്ടര് ഫാ. ജിറ്റോ നെല്ലിക്കുന്നത്ത് സിഎംഐ ഉദ്ഘാടനം ചെയ്തു. നല്ല ഭക്ഷണം, നല്ല നിമിഷങ്ങള്, മികച്ച സൗഹൃദങ്ങള് എന്ന പ്രമേയത്തില് സംഘടിപ്പിച്ച ഭക്ഷ്യമേള വിദ്യാര്ഥികള്ക്കും പൊതുജനങ്ങള്ക്കും വേറിട്ട അനുഭവമായി.
ലോകപ്രശസ്തമായ ജര്മന് ബ്രാട്ട്വൂര്സ്റ്റ് സോസേജുകള്, പ്രെറ്റ്സെലുകള് തുടങ്ങി വൈവിധ്യമാര്ന്ന യൂറോപ്യന് വിഭവങ്ങള് മേളയുടെ പ്രധാന ആകര്ഷണമായിരുന്നു. സിഎംഐ വൈദികരുടെ മാനേജ്മെന്റിന് കീഴില് പ്രവര്ത്തിക്കുന്ന സര്ഗക്ഷേത്ര അക്കാദമി,
ഭാഷാപഠനത്തിനൊപ്പം തന്നെ ആഗോള സംസ്കാരങ്ങളെ വിദ്യാര്ഥികള്ക്ക് പരിചയപ്പെടുത്തുന്നതിലും എന്നും മുന്നിലാണ്. സര്ഗക്ഷേത്ര ഡയറക്ടര് ഫാ. അലക്സ് പ്രായിക്കളം, അക്കാദമിയിലെ ജര്മന് ട്യൂട്ടര്മാരായ പി.ടി. ഏബ്രഹാം, ഫാ. ജെറിന് സിഎംഐ എന്നിവര് പ്രസംഗിച്ചു.
Tags : Local News Nattuvishesham Kottayam