ചിറവംമുട്ടം-കണ്ണന്തറക്കടവ്-കുന്നലിക്കല് റോഡ് നിര്മാണത്തിന്റെ ഭാഗമായി നാഷണല് റൂറല് ഇന്ഫ്രാസ്ടക്ചര് ഡെവലപ്മെന്റ് അ
ചങ്ങനാശേരി: കുറിച്ചി പഞ്ചായത്തിലെ പന്ത്രണ്ടാം വാര്ഡിലെ കണ്ണന്തറക്കടവ് പ്രദേശത്തേക്ക് ഒരു റോഡ് എന്ന സ്വപ്നം യാഥാര്ഥ്യമാകുന്നു. പിഎംജിഎസ്വൈ-4 പദ്ധതിയില് ഉള്പ്പെടുത്തി കഴിഞ്ഞ സർക്കാരിന്റെ കാലത്ത് സമര്പ്പിച്ച പ്രൊപ്പോസലിന്റെ അന്തിമ അനുമതി നല്കുന്നതിന്റെ ഭാഗമായി നാഷണല് റൂറല് ഇന്ഫ്രാസ്ടക്ചര് ഡെവലപ്മെന്റ് അഥോറിറ്റി ജോയിന്റ് ഡയറക്ടര് ഇമ്രാന് ഇമാചീന് സ്ഥലം സന്ദര്ശിച്ചു.
പഞ്ചായത്ത് പ്രസിഡന്റ് എം.എന്. മുരളീധരന് നായരുടെ നേതൃത്വത്തില് അദ്ദേഹത്തെ സ്വീകരിച്ചു. പ്രദേശത്തെ യാത്രാദുരിതവും പദ്ധതിയുടെ ആവശ്യകതയും നാട്ടുകാര് വിശദമായി ബോധ്യപ്പെടുത്തി.
750 മീറ്റര് ദൂരം ബണ്ട് റോഡാണ് നിര്മിക്കുന്നത്. പദ്ധതിക്കായി 1.65 കോടി രൂപയാണ് അനുവദിച്ചിരിക്കുന്നത്. റോഡ് ഇരുനൂറ് കുടുംബങ്ങള്ക്ക് സഞ്ചാരസൗകര്യം സജ്ജമാക്കും.
ജനങ്ങളുടെ ആവലാതികള് ബോധ്യപ്പെട്ട് പദ്ധതി അനുഭാവപൂര്വം പരിഗണിക്കാമെന്നും അന്തിമ അനുമതി താമസം കൂടാതെ ലഭ്യമാക്കുമന്നും എന്ആര്ഐഡിഎ ജോയിന്റ് ഡയറക്ടര് അറിയിച്ചു.
പ്രഫ. ടോമിച്ചന് ജോസഫ്, ബിജു എസ്. മേനോന്, മനോഹര് തോമസ്, വി.ജെ. ജയകുമാര്, സതീശ് ബാബു, സുദര്ശന ബാലകൃഷ്ണന് എന്നിവര് സന്നിഹിതരായിരുന്നു.
Tags : Local News Nattuvishesham Kottayam