18

തൃ​ശൂ​ർ: പ്ര​കൃ​തി​യു​ടെ മ​നോ​ഹാ​രി​തകൊ​ണ്ട് സ​ഞ്ചാ​രി​ക​ളു​ടെ മ​നം​ക​വ​ർ​ന്ന ഒ​ര​പ്പ​ൻ​കെ​ട്ടി​ൽ വി​ക​സ​ന​പ്ര​വ​ർ​ത്ത​ന​ങ്ങ​ൾ ഇ​ഴ​ഞ്ഞു നീ​ങ്ങു​ന്നു.

വെ​ള്ള​ച്ചാ​ട്ട​വും പാ​റ​ക്കെ​ട്ടു​ക​ളും പ്ര​കൃ​തി​യു​ടെ പ​ച്ച​പ്പു​മാ​ണ് പീ​ച്ചി വ​ന​ഗ​വേ​ഷ​ണ​കേ​ന്ദ്ര​ത്തി​നോ​ടു ചേ​ർ​ന്നു​ള്ള ഒ​ര​പ്പ​ൻ​കെ​ട്ടി​ലേ​ക്ക് സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​ത്. മ​ഴ​ക്കാ​ല​ത്ത് വെ​ള്ള​ച്ചാ​ട്ടം കാ​ണാ​നാ​യി നി​ര​വ​ധി ആ​ളു​ക​ളെ​ത്തി തു​ട​ങ്ങി​യ​തോ​ടെ ഒ​ര​പ്പ​ൻ​കെ​ട്ടി​നെ ജി​ല്ല​യു​ടെ വി​നോ​ദസ​ഞ്ചാ​ര ഇ​ട​നാ​ഴി​യി​ലെ, പ്ര​ധാ​ന വി​നോ​ദസ​ഞ്ചാ​ര​കേ​ന്ദ്ര​മാ​യി വി​ക​സി​പ്പി​ച്ചെ​ടു​ക്കാ​നു​ള്ള പ​ദ്ധ​തി​ക​ളു​മാ​യി ക​ഴി​ഞ്ഞ സ​ർ​ക്കാ​ർ മു​ന്നോ​ട്ടു​പോ​യി​.

സു​ര​ക്ഷാ​സം​വി​ധാ​ന​ങ്ങ​ൾ, ന​ട​പ്പാ​ത​ക​ൾ, വി​ശ്ര​മ​സൗ​ക​ര്യ​ങ്ങ​ൾ, ശു​ചി​മു​റി​ക​ൾ, പാ​ർ​ക്കിം​ഗ് ഏ​രി​യ എ​ന്നി​വ​യും വി​നോ​ദസ​ഞ്ചാ​രി​ക​ളെ ധാ​രാ​ള​മാ​യി ഇ​വി​ടേ​ക്കെ​ത്തി​ക്കാ​ൻ ഗ്ലാ​സ് ബ്രി​ഡ്ജ്, സി​പ് ലൈ​ൻ, ബോ​ട്ട് ജെ​ട്ടി, ചെ​ക്ക്ഡാം തു​ട​ങ്ങി​യ​വ​യും പ​ദ്ധ​തി​യു​ടെ ഭാ​ഗ​മാ​യി പ്ര​ഖ്യാ​പി​ച്ച് ന​വീ​ക​ര​ണ, വി​ക​സ​ന പ്ര​വൃ​ത്തി​ക​ൾ വേ​ഗ​ത്തി​ലാ​ക്കി​യി​രു​ന്നു.

മ​ന്ത്രി​യും ഒ​ല്ലൂ​ർ മ​ണ്ഡ​ലം എം​എ​ൽ​എ​യു​മാ​യി​രു​ന്ന കെ. ​രാ​ജ​ന്‍റെ ഫ​ണ്ടി​ൽ​നി​ന്ന് 4.99 കോ​ടി രൂ​പ ചെ​ല​വി​ട്ട് ഒ​ര​പ്പ​ൻ​കെ​ട്ട് ടൂ​റി​സം യാ​ഥാ​ർ​ഥ്യ​മാ​ക്കാ​നാ​ണ് ശ്ര​മി​ച്ച​ത്. ക​ഴി​ഞ്ഞ ഫെ​ബ്രു​വ​രി​യി​ൽ നി​ർ​മാ​ണ പ്ര​വൃ​ത്തി​ക​ളെ​ല്ലാം പൂ​ർ​ത്തി​യാ​ക്കി ഒ​ര​പ്പ​ൻ​കെ​ട്ട് ടൂ​റി​സം പ​ദ്ധ​തി ഉ​ദ്ഘാ​ട​നംചെ​യ്യാ​നും തീ​രു​മാ​നി​ച്ചു.

എ​ന്നാ​ൽ തെ​ര​ഞ്ഞെ​ടു​പ്പും സ​ർ​ക്കാ​രി​ന്‍റെ മാ​റ്റ​വും വ​ന്ന​തോ​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ മ​ര​വി​ച്ചെ​ന്ന് നാ​ട്ടു​കാ​രും ജ​ന​പ്ര​തി​നി​ധി​ക​ളും പ​റ​യു​ന്നു.വ​ൻ പ​ദ്ധ​തി​ക​ൾ പ്ര​ഖ്യാ​പി​ച്ചെ​ങ്കി​ലും ടി​ക്ക​റ്റ് കൗ​ണ്ട​ർ, ഡ്ര​സ് മാ​റാ​നു​ള്ള മു​റി​ക​ൾ, ശു​ചി​മു​റി​ക​ളു​ടെ പ​ണി​ക​ൾ, ന​ട​പ്പു​വ​ഴി​ക​ളി​ൽ ക​ന്പി​ക​ൾ നാ​ട്ടു​ന്ന പ​ണി​ക​ൾ തു​ട​ങ്ങി​യ​വ മാ​ത്ര​മാ​ണ് ന​ട​ക്കു​ന്ന​ത്. ക​രാ​ർ ഏ​റ്റെ​ടു​ത്ത​വ​ർ കാ​ര്യ​മാ​യി പ​ണി​ക​ൾ ന​ട​ത്തു​ന്നി​ല്ലെ​ന്നും ആ​ക്ഷേ​പ​മു​ണ്ട്. ക​ഴി​ഞ്ഞ​ദി​വ​സം പ​ണി​കൾ ന​ട​ക്കു​ന്ന​യി​ടം സ​ന്ദ​ർ​ശി​ച്ച​പ്പോ​ൾ ഒ​രു സ്ത്രീ ​മാ​ത്ര​മാ​ണ് ജോ​ലി ചെ​യ്തി​രു​ന്ന​തെ​ന്ന് വാ​ർ​ഡ് മെ​ന്പ​ർ സീ​ന വ​ർ​ഗീ​സ് പ​റ​യു​ന്നു.

ഒ​ല്ലൂ​ർ എം​എ​ൽ​എ​യാ​യി കെ. ​രാ​ജ​ൻ തു​ട​രു​ന്ന സാ​ഹ​ച​ര്യ​ത്തി​ൽ പ​ണി​ക​ൾ വേ​ഗ​ത്തി​ലാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. സു​വോ​ള​ജി​ക്ക​ൽ പാ​ർ​ക്ക്, പീ​ച്ചി​ഡാം, എ​ന്നി​വി​ട​ങ്ങ​ളി​ൽ എ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്ക് ഒ​ര​പ്പ​ൻ​കെ​ട്ടും ന​വ്യാ​നു​ഭ​വ​മാ​കും.

Tags : Nattuvisesham District News