14

ബേ​ക്ക​ല്‍: അ​ന്താ​രാ​ഷ്ട്ര വി​നോ​ദ​സ​ഞ്ചാ​ര ​ഭൂ​പ​ട​ത്തി​ല്‍ സ്ഥാ​നം പി​ടി​ച്ച ബേ​ക്ക​ല്‍ കോ​ട്ട​യു​ടെ മു​ന്നി​ല്‍ ല​ക്ഷ​ങ്ങ​ള്‍ വി​ല​യു​ള്ള ഒ​രു ഡീ​സ​ല്‍ ജ​ന​റേ​റ്റ​ര്‍ തു​രു​മ്പെ​ടു​ത്ത് ന​ശി​ക്കു​ന്നു​ണ്ട്. സം​സ്ഥാ​ന ടൂ​റി​സം വ​കു​പ്പി​ന്‍റെ കോ​ടി​ക​ള്‍ വെ​ള്ള​ത്തി​ലാ​ക്കി​യ പ​ദ്ധ​തി​യു​ടെ അ​വ​ശേ​ഷി​പ്പാ​ണ് നോ​ക്കു​കു​ത്തി​പോ​ലെ തു​രു​മ്പെ​ടു​ക്കു​ന്ന ഈ ​ജ​ന​റേ​റ്റ​ര്‍. 160 കി​ലോ​വാ​ട്ടി​ന്‍റെ 2018 മോ​ഡ​ല്‍ ജ​ന​റേ​റ്റ​ര്‍ സം​സ്ഥാ​ന ടൂ​റി​സം വ​കു​പ്പ് 2020 ലാ​ണ് ബേ​ക്ക​ല്‍ കോ​ട്ട​യു​ടെ മു​ന്നി​ല്‍ കൊ​ണ്ടു​വ​ന്നു​വ​ച്ച​ത്. ര​ണ്ടു​മൂ​ന്ന് ദി​വ​സം മാ​ത്ര​മാ​ണ് ഇ​തു പ്ര​വ​ര്‍​ത്തി​പ്പി​ച്ച​ത്. അ​ഞ്ചു​വ​ര്‍​ഷ​ത്തി​ല​ധി​ക​മാ​യി സ്റ്റാ​ര്‍​ട്ടാ​ക്കാ​തെ വെ​യി​ലും മ​ഴ​യും ഏ​റ്റു​കി​ട​ക്കു​ന്ന യ​ന്ത്രം ഇ​നി പ്ര​വ​ര്‍​ത്തി​ക്കു​മോ എ​ന്ന കാ​ര്യം പ​രീ​ക്ഷി​ച്ച​റി​യേ​ണ്ട അ​വ​സ്ഥ​യാ​ണ്.

ബേ​ക്ക​ല്‍ കോ​ട്ട​യു​ടെ മു​ന്നി​ല്‍ തു​രു​മ്പെ​ടു​ക്കു​ന്ന ജ​ന​റേ​റ്റ​റി​ന്‍റെ പി​ന്നാ​മ്പു​റം തേ​ടി ഇ​റ​ങ്ങു​മ്പോ​ള്‍ സം​സ്ഥാ​ന ഖ​ജ​നാ​വി​ലെ കോ​ടി​ക​ള്‍ പാ​ഴാ​യ ലൈ​റ്റ് ആ​ന്‍​ഡ് സൗ​ണ്ട് ഷോ​യി​ലേ​ക്കാ​ണ് എ​ത്തു​ക. ക​ഴി​ഞ്ഞ ര​ണ്ടു സ​ര്‍​ക്കാ​രു​ക​ള്‍ വ​ര്‍​ഷ​ങ്ങ​ളോ​ളം ഗ​വേ​ഷ​ണം ന​ട​ത്തി നാ​ലു​കോ​ടി​യി​ല​ധി​കം രൂ​പ മു​ട​ക്കി ബേ​ക്ക​ല്‍ കോ​ട്ട​യി​ല്‍ ലൈ​റ്റ് ആ​ന്‍​ഡ് സൗ​ണ്ട് ഷോ ​പ​ദ്ധ​തി ആ​വി​ഷ്‌​ക​രി​ച്ചു. ജ​ര്‍​മ​ന്‍ സാ​ങ്കേ​തി​ക​വി​ദ്യ, ലോ​കോ​ത്ത​ര സം​വി​ധാ​യ​ക​ന്‍, ബാ​ഹു​ബ​ലി ടീം, ​ജ​യ​റാം, ഭാ​ഗ്യ​ല​ക്ഷ്മി തു​ട​ങ്ങി​യ​വ​രു​ടെ ശ​ബ്ദം എ​ന്നു​വേ​ണ്ട, നാ​ടി​ള​ക്കു​ന്ന പ്ര​ചാ​ര​ണ​വു​മാ​യി നാ​ലു​കോ​ടി​യി​ലേ​റെ മു​ട​ക്കു​ള്ള ലൈ​റ്റ് ആ​ന്‍​ഡ് ഷോ ​അ​ണി​യ​റ​യി​ല്‍ ഒ​രു​ക്കി.

ബേ​ക്ക​ല്‍ കോ​ട്ട​യു​ടെ ഉ​ള്ളി​ല്‍ രാ​ത്രി ഏ​ഴോ​ടെ ഷോ ​തു​ട​ങ്ങാ​മെ​ന്നാ​യി​രു​ന്നു തീ​രു​മാ​നം. ഷോ​യ്ക്കി​ട​യി​ല്‍ വൈ​ദ്യു​തി മു​ട​ങ്ങി​യാ​ല്‍, ബ​ദ​ല്‍ സം​വി​ധാ​ന​മെ​ന്ന നി​ല​യി​ല്‍ കോ​ട്ട​യു​ടെ മു​ന്നി​ല്‍ അ​ധി​കം ശ​ബ്ദ​മി​ല്ലാ​ത്ത ഡീ​സ​ല്‍ ജ​ന​റേ​റ്റ​റും സ്ഥാ​പി​ച്ചു. കോ​വി​ഡ് അ​ല്പം ശ​മി​ച്ച 2020 ഡി​സം​ബ​ര്‍ 20നു ​ക്ഷ​ണി​ക്ക​പ്പെ​ട്ട 325 പേ​ര്‍​ക്ക് മു​ന്നി​ല്‍ ആ​ദ്യ​പ്ര​ദ​ര്‍​ശ​നം ന​ട​ന്നു. ഇ​ത്ര​യും ആ​സ്വാ​ദ​ക​ര്‍ പി​ന്നീ​ട് ഒ​രി​ക്ക​ലും പ്ര​ദ​ര്‍​ശ​നം കാ​ണാ​ന്‍ എ​ത്തി​യി​രു​ന്നി​ല്ല. പ്ര​ദ​ര്‍​ശ​നം കാ​ണാ​ന്‍ നി​ശ്ചി​ത​തു​ക ന​ല്‍​കി ടി​ക്ക​റ്റ് എ​ടു​ക്ക​ണ​മാ​യി​രു​ന്നു.
പ്ര​ദ​ര്‍​ശ​നം തു​ട​ങ്ങി ര​ണ്ടാ​ഴ്ച ക​ഴി​ഞ്ഞ​തോ​ടെ കാ​ഴ്ച​ക്കാ​ര്‍ അ​ഞ്ചും പ​ത്തും പേ​ര്‍ മാ​ത്ര​മാ​യി ചു​രു​ങ്ങി. ആ​ളു​ക​ള്‍ കു​റ​ഞ്ഞ​തോ​ടെ പ്ര​ദ​ര്‍​ശ​നം ഞാ​യ​റാ​ഴ്ച​ക​ളി​ല്‍ മാ​ത്ര​മാ​ക്കി ചു​രു​ക്കി. അ​പ്പോ​ഴും കാ​ഴ്ച​ക്കാ​രി​ല്ലാ​തെ വ​ന്ന​തോ​ടെ ര​ണ്ടു​മാ​സ​ത്തി​നു​ശേ​ഷം ലൈ​റ്റ് ആ​ന്‍​ഡ് സൗ​ണ്ട് ഷോ ​പൂ​ര്‍​ണ​മാ​യും പൂ​ട്ടി​ക്കെ​ട്ടി. പ്രോ​ജ​ക്ട​ര്‍, ശ​ബ്ദ​സം​വി​ധാ​നം, ക​സേരകൾ​ തു​ട​ങ്ങി​യ​വ ബേ​ക്ക​ല്‍ കോ​ട്ട​യു​ടെ കി​ഴ​ക്കേ​മൂ​ല​യി​ലെ ഒ​രു കെ​ട്ടി​ട​ത്തി​ലി​ട്ട് പൂ​ട്ടി. ജ​ന​റേ​റ്റ​ര്‍ ലൈ​റ്റ് ആ​ന്‍​ഡ് ഷോ​യു​ടെ സ്മാ​ര​ക​മാ​യി ഇ​പ്പോ​ഴും ബേ​ക്ക​ല്‍ കോ​ട്ട​യു​ടെ മു​ന്‍​പി​ല്‍ തു​രു​മ്പെ​ടു​ക്കു​ന്നു​മു​ണ്ട്.

Tags : NattuVishesham DistrictNews