പുല്ലാട്: റോഡു നിര്മാണത്തിനിടെ അമിതവേഗത്തില് വന്ന വാഹനം ഇടിച്ച് അതിഥി തൊഴിലാളിക്ക് ഗുരുതര പരിക്ക്. 14-ന് രാത്രി 11.30ന് ടികെ റോഡിലെ കോയിപ്രം പഞ്ചായത്ത് ഓഫീസിനു മുന്നില് റോഡ് നവീകരണത്തില് ഏര്പ്പെട്ടിരുന്ന ആസാം സ്വദേശി ദേവരാജ് ഭാരതി (21) നെയാണ് കോഴഞ്ചേരി ഭാഗത്തുനിന്ന് വന്ന ഓട്ടോറിക്ഷ ഇടിച്ചുവീഴ്ത്തിയിട്ട് നിര്ത്താതെ ഓടിച്ചുപോയത്.
ദേവരാജനെ കോഴഞ്ചേരി ഗവണ്മെന്റ് ആശുപത്രിയില് എത്തിച്ചെങ്കിലും പരിക്ക് ഗുരുതരമായതിനാല് കോട്ടയം മെഡിക്കല് കോളജിലെ തീവ്രപരിചരണ വിഭാഗത്തിലേക്കു മാറ്റുകയായിരുന്നു. നിര്ത്താതെ പോയ ഓട്ടോറിക്ഷ കസ്റ്റഡിയില് എടുക്കാന് ഇതേവരെയും പോലീസിനു കഴിഞ്ഞിട്ടില്ല. പൊതുമരാമത്ത്-ജലസേചന വകുപ്പ് എന്നിവയുടെ രജിസ്റ്റേര്ഡ് കരാറുകാരനായ മാത്യു കെ. ചാക്കോയുടെ നേതൃത്വത്തില് പണി നടക്കുമ്പോഴാണ് അപകടം ഉണ്ടായത്
Tags : nattu vishesham Guest worker injured