കുണ്ടന്നൂരിൽ അനധികൃത കടകൾ പൊളിച്ചു നീക്കുന്നു.
മരട്: കുണ്ടന്നൂർ ജംഗ്ഷൻ സൗന്ദര്യവത്കരണ പദ്ധതിയുടെ ഭാഗമായി പുറമ്പോക്ക് ഭൂമിയിലെ അനധികൃത ഷെഡുകളും തട്ടുകടകളും നഗരസഭയുടെ നേതൃത്വത്തിൽ പൊളിച്ചു നീക്കി. സിഐടിയുവിന്റെ ഓഫീസും മറ്റ് മൂന്ന് കടകളും ശനിയാഴ്ച വരെ സാവകാശം ചോദിച്ചതിനാൽ അവ പൊളിച്ചു നീക്കിയിട്ടില്ല.
ബിപിസിഎല്ലിന്റെ സഹകരണത്തോടെ കുണ്ടന്നൂർ ജംഗ്ഷനെ കൂടുതൽ മനോഹരവും ജനസൗഹൃദവുമായ പൊതുസ്ഥലമാക്കി മാറ്റുന്നതിനാണ് മരട് നഗരസഭ പദ്ധതി തയാറാക്കിയിരിക്കുന്നത്.
കുണ്ടന്നൂർ ജംഗ്ഷൻ, പാർക്ക് ഉൾപ്പെടെ ആധുനിക സൗകര്യങ്ങളോടെ വികസിപ്പിക്കാനാണ് നഗരസഭ ലക്ഷ്യമിടുന്നത്. നഗരസഭാ ചെയർപേഴ്സൻ അജിത നന്ദകുമാർ, വൈസ് ചെയർപേഴ്സൻ ജിൻസൺ പീറ്റർ, സ്ഥിരം സമിതിയധ്യക്ഷൻമാരായ ടി.കെ.സച്ചിദാനന്ദൻ, സുനീല സിബി, പി.ഡി.രാജേഷ്, നിഷ ഷിഹാബ്, മോളി ജയിംസ്, കൗൺസിലർമാരായ പി.പി.സന്തോഷ്, ബോബൻ നെടുമ്പറമ്പിൽ തുടങ്ങിയവർ പങ്കെടുത്തു.
Tags : Local News Nattuvishesham Ernakulam