9

അ​മ്പ​ല​പ്പു​ഴ: അ​മ്പ​ല​പ്പു​ഴ​യി​ൽ വ​ൻ ല​ഹ​രി വേ​ട്ട. എ​ട്ടു ല​ക്ഷം രൂ​പ​യോ​ളം വി​ല വ​രു​ന്ന ഹാ​ൻ​സ് അ​ട​ച്ചി​ട്ട മു​റി​യി​ൽനി​ന്ന് പി​ടി​കൂ​ടി. അ​മ്പ​ല​പ്പു​ഴ ഗ​വ. മോ​ഡ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ന് എ​തി​ർ വ​ശ​മു​ള്ള കൊ​ച്ചീ​ത്ത​റ ബി​ൽ​ഡിം​ഗി​ൽനി​ന്നാ​ണ് 16 വ​ലി​യ ചാ​ക്കു​ക​ളി​ലാ​യി സൂ​ക്ഷി​ച്ചി​രു​ന്ന ഹാ​ൻ​സ് പി​ടി​കൂ​ടി​യ​ത്.

ക​ട​യു​ട​മ അ​മ്പ​ല​പ്പു​ഴ ഗൗ​രി സ​ദ​ന​ത്തി​ൽ ര​ഞ്ജി​ത് ലാ​ൽ ര​ക്ഷ​പ്പെ​ട്ടു. ഇ​ദ്ദേ​ഹ​ത്തി​ന്‍റെ വീ​ടി​നോ​ട് ചേ​ർ​ന്നു​ള്ള ക​ട​മു​റി​യി​ലാ​ണ് ചാ​ക്കു​ക​ളി​ലാ​യി ഹാ​ൻ​സ് സൂ​ക്ഷി​ച്ചി​രു​ന്ന​ത്. ര​ഹ​സ്യ​വി​വ​രം ല​ഭി​ച്ച​തി​നെ​ത്തു​ട​ർ​ന്ന് അ​മ്പ​ല​പ്പു​ഴ പോ​ലീ​സ് സം​ഘം ന​ട​ത്തി​യ തെ​ര​ച്ചി​ലി​ലാ​ണ് ഇ​വ ക​ണ്ടെ​ടു​ത്ത​ത്.

ഒ​രു ചാ​ക്കി​ൽ 50 വ​ലി​യ പാ​ക്ക​റ്റ് ഹാ​ൻ​സാ​ണു​ള്ള​ത്. ഇ​ത്ത​ര​ത്തി​ൽ പൊ​ട്ടി​ക്കാ​ത്ത 16 ചാ​ക്കും പൊ​ട്ടി​ച്ച നി​ല​യി​ലു​ള്ള ര​ണ്ടു ചാ​ക്കു​ക​ളി​ലു​മാ​യി​രു​ന്നു ഹാ​ൻ​സു​ണ്ടാ​യി​രു​ന്ന​ത്. ഇ​ദ്ദേ​ഹ​ത്തി​ന്‍റെ വീ​ട്ടി​ൽനി​ന്ന് പി​ടി​കൂ​ടി​യ ആ​ഡം​ബ​ര കാ​റി​ലും ചാ​ക്കു​ക​ളി​ൽ ഹാ​ൻ​സു​ണ്ടാ​യി​രു​ന്നു. ഏ​ക​ദേ​ശം എ​ട്ടു ല​ക്ഷം രൂ​പ വി​ലവ​രു​ന്ന ഹാ​ൻ​സാ​ണ് പി​ടി​കൂ​ടി​യ​ത്.
നേ​ര​ത്തെ​യും നി​രോ​ധി​ത പു​ക​യി​ല ഉ​ത്പന്നം വി​റ്റ കേ​സി​ൽ പ്ര​തി​യാ​യ ആ​ളാ​ണ് ര​ഞ്ജി​ത് ലാ​ൽ. ഹാ​ൻ​സ് ക​ട​ത്താ​നു​പ​യോ​ഗി​ച്ച കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തു. ഒ​ളി​വി​ൽ പോ​യ പ്ര​തി​ക്കാ​യി അ​ന്വേ​ഷ​ണ​മാ​രം​ഭി​ച്ച​താ​യി പോ​ലീ​സ് അ​റി​യി​ച്ചു.

അ​മ്പ​ല​പ്പു​ഴ ഡി​വൈ​എ​സ്പി കെ.​എ​ൻ. രാ​ജേ​ഷ്, അ​മ്പ​ല​പ്പു​ഴ പോ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ എം. ​പ്ര​തീ​ഷ് കു​മാ​ർ, സ​ബ് ഇ​ൻ​സ്പെ​ക്ട​ർ പി.​പി. സ​ജി​മോ​ൻ, പ്രൊ​ബേ​ഷ​ൻ സ​ബ് ഇ​ൻ​സ്പെ​ക്ട​ർ അ​മ​ൽ ച​ന്ദ്ര​ൻ, അ​സി​. സ​ബ് ഇ​ൻ​സ്പെ​ക്ട​ർ അ​ബ്ദു​ൾ സ​ലീം എ​ന്നി​വ​ർ അ​ട​ങ്ങി​യ സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

Tags : Nattuvisham District News