10

ച​ങ്ങ​നാ​ശേ​രി: ച​ങ്ങ​നാ​ശേ​രി ന​ഗ​ര​സ​ഭ​യി​ല്‍ ആ​ധു​നി​ക അ​റ​വു​ശാ​ല എ​ന്ന ആ​വ​ശ്യം ശ​ക്ത​മാ​കു​ന്നു. ഇ​ത് വെ​റു​മൊ​രു മാം​സാ​ഹാ​ര വി​ഷ​യ​മ​ല്ല. മ​റി​ച്ച് പൊ​തു​ജ​നാ​രോ​ഗ്യ​ത്തി​ന്‍റെയും ഭ​ക്ഷ്യ​സു​ര​ക്ഷ​യു​ടെ​യും ഗൗ​ര​വ​മു​ള്ള വി​ഷ​യ​മാ​ണ്.
ച​ങ്ങ​നാ​ശേ​രി​യി​ല്‍ ആ​ളു​ക​ള്‍ ഉ​പ​യോ​ഗി​ക്കു​ന്ന മാം​സ​ത്തി​ന്‍റെ അ​ള​വ് എ​ത്ര, അ​ത് എ​വി​ടെ​യാ​ണ് ക​ശാ​പ്പു ചെ​യ്യു​ന്ന​ത്, അ​റക്കുന്നതിന് മു​ന്‍​പ് മൃ​ഗ​ങ്ങ​ളെ വെ​റ്റ​റി​ന​റി ഡോ​ക്ട​ര്‍ പ​രി​ശോ​ധി​ക്കു​ന്നു​ണ്ടോ, അ​റത്ത​ശേ​ഷം മാം​സം ഉ​പ​ഭോ​ഗ​യോ​ഗ്യ​മാ​ണെ​ന്ന് ഉ​റ​പ്പു​വ​രു​ത്തു​ന്നു​ണ്ടോ, മാ​ലി​ന്യ​ങ്ങ​ളും ര​ക്ത​വും എ​ങ്ങ​നെ​യാ​ണ് സം​സ്‌​ക​രി​ക്കു​ന്ന​ത്: ഇ​തി​നൊ​ന്നും അ​ധി​കാ​രി​ക​ള്‍​ക്ക് വ്യ​ക്ത​മാ​യ മ​റു​പ​ടി​യി​ല്ല.
ഫാ​ത്തി​മാ​പു​ര​ത്ത് അ​പ​രി​ഷ്‌​കൃ​ത​വും മാ​ലി​ന്യ​പൂ​രി​ത​വു​മാ​യി പ്ര​വ​ര്‍​ത്തി​ച്ചി​രു​ന്ന അ​റ​വു​ശാ​ല കാ​ല്‍​നൂ​റ്റാ​ണ്ടു​ മു​മ്പ് ജ​ന​കീ​യ പ്ര​ക്ഷോ​ഭ​ത്തെയും കോ​ട​തി ഇ​ട​പെ​ട​ലി​നെയും തു​ട​ര്‍​ന്ന് അ​ട​ച്ചുപൂട്ടിയിരുന്നു.

ഇതേത്തുടർന്ന് ച​ങ്ങ​നാ​ശേ​രി ന​ഗ​ര​സ​ഭ ര​ണ്ട് കോ​ടി​യോ​ളം രൂ​പ മു​ട​ക്കി സ​ര്‍​ക്കാ​ര്‍ ഏ​ജ​ന്‍​സി​യാ​യ സി​ല്‍​ക്കി​ന്‍റെ മേ​ല്‍​നോ​ട്ട​ത്തി​ല്‍ ആ​ധു​നി​ക അ​റ​വു​ശാ​ല സ്ഥാ​പി​ക്കാ​ന്‍ ന​ട​പ​ടി​ക​ളാ​രം​ഭി​ച്ചെ​ങ്കി​ലും സ്ഥ​ലം ല​ഭ്യ​മാ​കാതി​രു​ന്ന​തു​മൂ​ലം മാ​റി​മാ​റി​വ​ന്ന ന​ഗ​ര​സ​ഭാ ഭ​ര​ണ​സ​മി​തി​ക​ള്‍​ക്ക് അ​റ​വു​ശാ​ല എ​ന്ന പ​ദ്ധ​തി ന​ട​പ്പാ​ക്കാ​നാ​യി​ല്ല.

ക​ശാ​പ്പ് ന​ട​ത്തു​ന്ന​ത് വൃ​ത്തി​ഹീ​ന സാ​ഹ​ച​ര്യ​ത്തി​ല്‍; വി​ല നി​ശ്ച​യി​ക്കു​ന്ന​ത് ക​ച്ച​വ​ട​ക്കാ​ര​ന്‍

ച​ങ്ങ​നാ​ശേ​രി താ​ലൂ​ക്ക് പ​രി​ധി​യി​ല്‍ അ​റ​വു​ശാ​ല​യി​ല്ലാ​ത്ത​തി​നാ​ല്‍ ഇ​റ​ച്ചി സ്റ്റാ​ളു​ക​ളോ​ടു ചേ​ര്‍​ന്നും മ​റ്റു സ്ഥ​ല​ങ്ങ​ളി​ലും വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ല്‍ മാ​ടു​ക​ളെ ക​ശാ​പ്പു​ചെ​യ്താ​ണ് താ​ലൂ​ക്കി​ന്‍റെ വി​വി​ധ ഭാ​ഗ​ങ്ങ​ളി​ലെ ഇ​റ​ച്ചി സ്റ്റാ​ളു​ക​ളി​ല്‍ വി​ല്പന ന​ട​ത്തു​ന്ന​ത്.

അ​റ​വു​മാ​ടു​ക​ളു​ടെ ല​ഭ്യ​തക്കു​റ​വ് പ​റ​ഞ്ഞ് ഇ​റ​ച്ചി​ക്ക​ട​ക്കാ​ര്‍ ഇ​ഷ്ടാ​നു​സ​ര​ണം വി​ല വ​ര്‍​ധി​പ്പി​ക്കു​ക​യാ​ണ്. ച​ങ്ങ​നാ​ശേ​രി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ഒ​രു​കി​ലോ ഇ​റ​ച്ചി​വി​ല 500 രൂ​പ​യാ​ണ്. മൂ​ന്നു​ വ​ര്‍​ഷ​ങ്ങ​ള്‍​ക്കു​മു​മ്പ് ജി​ല്ലാ പ​ഞ്ചാ​യ​ത്ത് ഇ​റ​ച്ചി​വി​ല ഏ​കീ​ക​രി​ക്കാ​ന്‍ തീ​രു​മാ​ന​മെ​ടു​ത്തെ​ങ്കിലും ന​ട​പ്പാ​യി​ല്ല.

കേ​ര​ള മൃ​ഗ​സം​ര​ക്ഷ​ണ വ​കു​പ്പി​ന്‍റെ 2018-19 ക​ണ​ക്കു​ക​ള്‍ പ്ര​കാ​രം കോ​ട്ട​യം ജി​ല്ല​യി​ല്‍ മാ​ത്രം പ്ര​തി​വ​ര്‍​ഷം ഏ​ക​ദേ​ശം 4,659 ട​ണ്‍ എ​രു​മ​ മാം​സം, 1,173 ട​ണ്‍ പ​ന്നി​യി​റ​ച്ചി, 13,847 ട​ണ്‍ കോ​ഴി​യി​റ​ച്ചി എ​ന്നി​വ ഉ​പ​യോ​ഗി​ച്ച​താ​യി ക​ണ​ക്കാ​ക്കു​ന്നു. 2011-ലെ ​ജ​ന​സം​ഖ്യാ ക​ണ​ക്കു​ക​ള്‍ അ​ടി​സ്ഥാ​ന​മാ​ക്കി​യാ​ല്‍ ച​ങ്ങ​നാ​ശേ​രി താ​ലൂ​ക്കി​ന്‍റെ ജ​ന​സം​ഖ്യ കോ​ട്ട​യം ജി​ല്ല​യു​ടെ ഏ​ക​ദേ​ശം 11.5 ശ​ത​മാ​ന​മാ​ണ്.
ഈ ​അ​നു​പാ​ത​ത്തി​ല്‍ ക​ണ​ക്കാ​ക്കി​യാ​ല്‍ ച​ങ്ങ​നാ​ശേ​രി മേ​ഖ​ല​യി​ലെ എ​രു​മ, പ​ന്നി, കോ​ഴി മാം​സ​ത്തി​ന്‍റെ വാ​ര്‍​ഷി​ക ഉ​പ​ഭോഗം 2,200 ട​ണ്ണി​ല​ധി​കം വ​രാ​ന്‍ സാ​ധ്യ​ത​യു​ണ്ട്. അ​താ​യ​ത് പ്ര​തി​ദി​നം ശ​രാ​ശ​രി ആ​റ് ട​ണ്ണി​ല​ധി​കം. ജി​ല്ലാ​ത​ല ക​ണ​ക്കു​ക​ളി​ല്‍ നി​ന്നു​ള്ള ഒ​രു ഏ​ക​ദേ​ശ വി​ല​യി​രു​ത്ത​ല്‍ മാ​ത്ര​മാ​ണിത്.

ആ​ധു​നി​ക അ​റ​വു​ശാ​ല​യു​ടെ മാ​ന​ദ​ണ്ഡം

ഒ​രു ആ​ധു​നി​ക അ​റ​വു​ശാ​ല സാ​ധാ​ര​ണ അ​റ​വു​കേ​ന്ദ്ര​ത്തി​ല്‍ നി​ന്ന് തി​ക​ച്ചും വ്യ​ത്യ​സ്ത​മാ​ണ്. മൃ​ഗ​ത്തെ അ​റക്കു​ന്ന​തി​ന് മു​ന്‍​പ് ആ​ന്‍റി​മോ​ര്‍​ട്ടം പ​രി​ശോ​ധ​ന ന​ട​ത്തു​ന്നു. രോ​ഗ​ല​ക്ഷ​ണ​ങ്ങ​ളു​ള്ള​തോ മ​നു​ഷ്യ ഉ​പ​ഭോ​ഗ​ത്തി​ന് അ​നു​യോ​ജ്യ​മ​ല്ലാ​ത്ത​തോ ആ​യ മൃ​ഗ​ങ്ങ​ളെ ഇ​തി​ലൂ​ടെ ക​ണ്ടെ​ത്താം.

അ​റത്ത​ശേ​ഷം പോ​സ്റ്റ്മോ​ര്‍​ട്ടം മീ​റ്റ് ഇ​ന്‍​സ്‌​പെ​ക്‌ഷനും ന​ട​ത്തു​ന്നു. മാം​സ​വും ആ​ന്ത​രി​ക അ​വ​യ​വ​ങ്ങ​ളും പ​രി​ശോ​ധി​ച്ച് ഗു​ണ​നി​ല​വാ​രം ഉ​റ​പ്പാ​ക്കു​ക, രോ​ഗ​ബാ​ധി​ത​മാ​യ മാം​സം ഭ​ക്ഷ്യ​ശൃം​ഖ​ല​യി​ല്‍ എ​ത്തു​ന്നി​ല്ലെ​ന്ന് ഉ​റ​പ്പു​വ​രു​ത്തു​ക എ​ന്നി​വ​യാ​ണ് ഇ​തി​ന്‍റെ ല​ക്ഷ്യം.

ഇ​തി​നു​പു​റ​മേ, ശു​ചി​ത്വ​മു​ള്ള അ​റ​വുരീ​തി​ക​ള്‍, ശീ​തീ​ക​ര​ണ സം​വി​ധാ​ന​ങ്ങ​ള്‍, ര​ക്ത​ത്തി​ന്‍റെയും മ​റ്റ് അ​റ​വ് മാ​ലി​ന്യ​ങ്ങ​ളു​ടെ​യും ശാ​സ്ത്രീ​യ സം​സ്‌​ക​ര​ണം, മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റ് എ​ന്നി​വ​യും അ​റ​വു​ശാ​ല​യി​ലു​ണ്ടാ​കും. ഭ​ക്ഷ്യ​സു​ര​ക്ഷ, പൊ​തു​ജ​നാ​രോ​ഗ്യം, പ​രി​സ്ഥി​തി സം​ര​ക്ഷ​ണം, മൃ​ഗ​ക്ഷേ​മം എ​ന്നി​വ ഒ​രു​പോ​ലെ പ​രി​ഗ​ണി​ക്കു​ന്ന സം​വി​ധാ​ന​മാ​ണി​ത്. ഈ ​പ​രി​ശോ​ധ​ന​ക​ള്‍ ന​ട​ത്തേ​ണ്ട​ത് സ​ര്‍​ക്കാ​ര്‍ നി​യ​യോ​ഗി​ച്ച ഒ​രു വെ​റ്റ​റി​ന​റി ഡോ​ക്ട​റാ​യി​രി​ക്ക​ണം.
ആ​ധു​നി​ക അ​റ​വു​ശാ​ല​യി​ല്ലാ​ത്ത​തി​നാ​ല്‍ ച​ങ്ങ​നാ​ശേ​രി ന​ഗ​ര​സ​ഭ​യി​ലും സ​മീ​പ​ത്തെ മ​റ്റ് പ​ഞ്ചാ​യ​ത്തു​ക​ളി​ലും ഈ ​നി​ബ​ന്ധ​ന​ക​ളൊ​ന്നും പാ​ലി​ക്ക​പ്പെ​ടു​ന്നി​ല്ല.

ക​ശാ​പ്പ് ചെ​യ്യു​ന്ന ഉ​രു​ക്ക​ളെയും മാം​സ​ത്തി​ന്‍റെ ഗു​ണ​നി​ല​വാ​ര​വും പ​രി​ശോ​ധി​ക്ക​ണം

കേ​ര​ള​ത്തി​ലെ അ​റ​വു​ശാ​ല നി​യ​മ​ങ്ങ​ളും ച​ട്ട​ങ്ങ​ളും മൃ​ഗ​ങ്ങ​ളു​ടെ​യും മാം​സ​ത്തി​ന്‍റെയും വെ​റ്റ​റി​ന​റി പ​രി​ശോ​ധ​ന നി​ര്‍​ബ​ന്ധ​മാ​ക്കു​ന്നു​ണ്ട്. ക​ശാ​പ്പി​നു മു​മ്പും ശേ​ഷ​വു​മു​ള്ള പ​രി​ശോ​ധ​ന​ക​ളി​ല്‍ യോ​ഗ്യ​മ​ല്ലെ​ന്ന് ക​ണ്ടെ​ത്തു​ന്ന മാം​സം പി​ടി​ച്ചെ​ടു​ക്കാ​നും ന​ശി​പ്പി​ക്കാ​നും നി​യ​മ​ത്തി​ല്‍ വ്യ​ക്ത​മാ​യ വ്യ​വ​സ്ഥ​ക​ളു​ണ്ട്.

ച​ങ്ങ​നാ​ശേ​രി ന​ഗ​ര​ത്തി​ലും പ​രി​സ​ര പ​ഞ്ചാ​യ​ത്തു​ക​ളി​ലും ക​ശാ​പ്പു ചെ​യ്യു​ന്ന ക​ന്നു​കാ​ലി​ക​ളു​ടെ പ​രി​ശോ​ധ​ന​യും ശു​ചി​ത്വ​പാലനവും മാ​ലി​ന്യ​സം​സ്‌​ക​ര​ണ​വും മാം​സ​ത്തി​ന്‍റെ ഗു​ണ​നി​ല​വാ​രം ഉറപ്പുവരു ത്തലും എ​ത്ര​ത്തോ​ളം കാ​ര്യ​ക്ഷ​മ​മാ​ണെ​ന്ന് പ​രി​ശോ​ധി​ക്ക​പ്പെ​ട​ണം. 2014-ല്‍ ​കേ​ര​ള​ത്തി​ലെ ചി​ല ഒ​ന്നാം ക്ലാ​സ് ന​ഗ​ര​സ​ഭ​ക​ളി​ല്‍ നി​ല​വി​ലു​ള്ള അ​റ​വു​ശാ​ല​ക​ള്‍ ആ​ധു​നി​ക​വ​ത്കരിക്കു​ന്ന​തി​നും പു​തി​യ​വ നി​ര്‍​മിക്കു​ന്ന​തി​നു​മാ​യി ത​യാ​റാ​ക്കി​യ പ​ദ്ധ​തി​യി​ല്‍ ച​ങ്ങ​നാ​ശേ​രി​യും ഉ​ള്‍​പ്പെ​ട്ടി​രു​ന്നെ​ങ്കി​ലും പ​ന്ത്ര​ണ്ട് വ​ര്‍​ഷ​ങ്ങ​ള്‍ പി​ന്നി​ട്ടി​ട്ടും പ​ദ്ധ​തി എ​ങ്ങു​മെ​ത്തി​യി​ട്ടി​ല്ല.

അ​ജ​യ്കുമാർ ഗം​ഗോ​ത്രി മു​ൻ‍​ പ്ര​വാ​സി, ച​ങ്ങ​നാ​ശേ​രി

ആ​ധു​നി​ക അ​റ​വു​ശാ​ല​യ്ക്കുള്ള അ​നു​യോ​ജ്യ സ്ഥ​ലം ക​ണ്ടെ​ത്തും

ആ​ധു​നി​ക അ​റ​വു​ശാ​ല ച​ങ്ങ​നാ​ശേ​രി​ക്ക് അ​ത്യാ​വ​ശ്യ​മാ​ണ്. ശു​ചി​യായ തും ഗു​ണ​നി​ല​വാ​ര​വു​മു​ള്ളതുമായ മാം​സം ലഭ്യമാകുക എ​ന്ന​ത് ഓ​രോ ഉ​പ​ഭോ​ക്താ​വി​ന്‍റെയും അ​വ​കാ​ശ​മാ​ണ്.അ​റ​വു​ശാ​ല​യ്ക്കായി ആ​ള്‍​പാര്‍​പ്പ് കു​റ​ഞ്ഞ​തും അ​നു​യോ​ജ്യ​വു​മാ​യ സ്ഥ​ലം ക​ണ്ടെ​ത്താ​ന്‍ ന​ഗ​ര​സ​ഭാ ഭ​ര​ണ​സ​മി​തി ശ്ര​മ​ങ്ങ​ള്‍ ന​ട​ത്തി​വ​രി​ക​യാ​ണ്. ഇ​തി​ന് ജ​ന​ങ്ങ​ളു​ടെ പി​ന്തുണയും സ​ഹ​ക​ര​ണ​വും അ​നി​വാ​ര്യ​മാ​ണ്.

കു​ഞ്ഞു​മോ​ന്‍ പു​ളി​മൂ​ട്ടി​ല്‍ ആ​രോ​ഗ്യ​ സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​മാ​ന്‍, ച​ങ്ങ​നാ​ശേ​രി ന​ഗ​ര​സ​ഭ

Tags : Nattuvishesham DistrictNews DeepikaNews Slaughterhouse