സുൽത്താൻ ബത്തേരി: മണ്ഡലത്തിൽ കാൻസർ ചികിത്സാ സൗകര്യം മെച്ചപ്പെടുത്തുന്നതിനായി റീജണൽ കാൻസർ സെന്റർ (ആർസിസി) സ്ഥാപിക്കുമെന്ന് എൻഡിഎ സ്ഥാനാർഥി എ.എസ്. കവിത വ്യക്തമാക്കി.
വനവാസി വിഭാഗങ്ങൾ കൂടുതലായി താമസിക്കുന്ന ബത്തേരിയിൽ ഗുരുതര അസുഖങ്ങൾ ബാധിക്കുന്പോൾ ഉയർന്ന ചികിത്സാചെലവ് വലിയ ബാധ്യതയാകുന്ന സാഹചര്യത്തിലാണ് ഇത്തരമൊരു പദ്ധതി മുന്നോട്ട് വയ്ക്കുന്നതെന്ന് അവർ പറഞ്ഞു. തെരഞ്ഞെടുപ്പിൽ വിജയിച്ചാൽ കേന്ദ്രസർക്കാരുമായി സഹകരിച്ച് ആർസിസി ബത്തേരിയിൽ തന്നെ ആരംഭിക്കുന്നതിനുള്ള നടപടികൾ കൈക്കൊള്ളുമെന്ന് സ്ഥാനാർഥി അറിയിച്ചു.
ഇതിനിടെ മണ്ഡലത്തിലെ ആരോഗ്യരംഗം ആവശ്യത്തിന് വികസിച്ചിട്ടില്ലെന്നും താലൂക്ക് ആശുപത്രിയെ ജില്ലാ ആശുപത്രിയായി ഉയർത്തുന്നതിൽ മുൻ ഭരണകൂടങ്ങൾ പരാജയപ്പെട്ടുവെന്നും സ്ഥാനാർഥി വിമർശിച്ചു. വലിയ പദ്ധതികൾ നടപ്പാക്കാൻ നിലവിലെ രാഷ്ട്രീയ മുന്നണികൾക്ക് സാധിച്ചിട്ടില്ലെന്നും അവർ പറഞ്ഞു. ആരോഗ്യരംഗ വികസനം മുൻനിർത്തിയാണ് തെരഞ്ഞെടുപ്പ് പ്രചാരണം നടത്തുന്നതെന്നും സാന്പത്തികമായി പിന്നാക്കം നിൽക്കുന്നവർക്കായി ചികിത്സാ സൗകര്യങ്ങൾ കൂടുതൽ ലഭ്യമാക്കുക എന്നതാണ് ലക്ഷ്യമെന്നും എ.എസ്. കവിത വ്യക്തമാക്കി.