9

മ​ഞ്ചേ​രി: പ​ണ​മു​ണ്ടാ​ക്കാ​നു​ള്ള ഭാ​ഗ്യ​പ​രീ​ക്ഷ​ണം ജ​ന​ങ്ങ​ളി​ല്‍ ല​ഹ​രി​യാ​യി മാ​റു​മ്പോ​ള്‍ ത​ടി​ച്ചു​കൊ​ഴു​ക്കു​ന്ന​ത് സ​മാ​ന്ത​ര എ​ഴു​ത്ത് ലോ​ട്ട​റി മാ​ഫി​യ. പ്ര​തി​ദി​നം ല​ക്ഷ​ക​ണ​ക്കി​ന് രൂ​പ​യാ​ണ് സ​മാ​ന്ത​ര ലോ​ട്ട​റി​യി​ലൂ​ടെ ജി​ല്ല​യി​ല്‍ എ​ഴു​ത്ത്് ലോ​ട്ട​റി മാ​ഫി​യ നേ​ടു​ന്ന​ത്. അ​ത​ത് പ്ര​ദേ​ശ​ങ്ങ​ളി​ലെ പോ​ലീ​സ് ഉ​ദ്യോ​ഗ​സ്ഥ​രു​ടെ മൗ​നാ​നു​വാ​ദ​ത്തോ​ടെ​യാ​ണി​ത്.

സാ​ധാ​ര​ണ​ക്കാ​രു​ടെ കീ​ശ കാ​ലി​യാ​ക്കു​ന്ന ചൂ​താ​ട്ട​ത്തി​നെ​തി​രേ സ​ര്‍​ക്കാ​ര്‍ ന​ട​പ​ടി ശ​ക്ത​മാ​ക്കി​യി​രു​ന്നെ​ങ്കി​ലും ഇ​തി​നെ ക​ട​ത്തി​വെ​ട്ടി വി​വ​ര​സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ അ​ന​ധി​കൃ​ത ലോ​ട്ട​റി മാ​ഫി​യ വേ​രു​റ​പ്പി​ക്കു​ക​യാ​ണ്.

ഇ​തി​നാ​യി പ്ര​ത്യേ​കം മൊ​ബൈ​ല്‍ ആ​പ്പു​ക​ള്‍ ഉ​ണ്ടാ​ക്കി​യി​ട്ടു​ണ്ട്. ഇ​ത​ര​സം​സ്ഥാ​ന തൊ​ഴി​ലാ​ളി​ക​ളെ​യും സാ​ധാ​ര​ണ​ക്കാ​രെ​യും കൊ​ള്ള​യ​ടി​ക്കു​ന്ന​താ​ണ് ലോ​ട്ട​റി ചൂ​താ​ട്ടം. ലോ​ട്ട​റി​ക്ക​ട​ക​ളു​ടെ മ​റ​വി​ലാ​ണ് സ​മാ​ന്ത​ര ലോ​ട്ട​റി പ്ര​വ​ര്‍​ത്ത​നം. സം​സ്ഥാ​ന ലോ​ട്ട​റി ഫ​ല​ത്തി​ന്‍റെ അ​വ​സാ​ന മൂ​ന്ന​ക്ക​ങ്ങ​ള്‍ പ്ര​വ​ചി​ക്കു​ന്ന​താ​ണ് മ​ത്സ​ര രീ​തി. ഒ​ന്നാം സ​മ്മാ​നാ​ര്‍​ഹ​മാ​യ ന​മ്പ​രി​ന്‍റെ അ​വ​സാ​ന മൂ​ന്ന​ക്ക​ങ്ങ​ള്‍ പ്ര​വ​ചി​ക്കു​ന്ന​വ​ര്‍​ക്ക് 5,000 രൂ​പ ല​ഭി​ക്കും.

ര​ണ്ട്, മൂ​ന്ന്, നാ​ല്, അ​ഞ്ച് സ​മ്മാ​ന ന​മ്പ​റു​ക​ളു​ടെ അ​വ​സാ​ന അ​ക്ക​മാ​ണ് വ​രു​ന്ന​തെ​ങ്കി​ല്‍ യ​ഥാ​ക്ര​മം 500, 250, 100, 50 രൂ​പ എ​ന്നി​ങ്ങ​നെ​യാ​ണ് ല​ഭി​ക്കു​ക. ഒ​രാ​ള്‍​ക്ക് എ​ത്ര ത​വ​ണ വേ​ണ​മെ​ങ്കി​ലും പ്ര​വ​ചി​ക്കാം. ഓ​രോ പ്ര​വ​ച​ന​ങ്ങ​ള്‍​ക്കും 10 രൂ​പ വീ​ത​മാ​ണ് ഈ​ടാ​ക്കു​ന്ന​ത്. നേ​ര​ത്തേ ന​മ്പ​റു​ക​ള്‍ ഏ​ജ​ന്‍റി​നെ ഏ​ല്‍​പ്പി​ക്കുകയായിരുന്നു.

എ​ന്നാ​ല്‍ ഇ​ത് ഇ​പ്പോ​ള്‍ മൊ​ബൈ​ല്‍ ആ​പ്ലി​ക്കേ​ഷ​ന്‍ വ​ഴി​യാ​ക്കി​യി​ട്ടു​ണ്ട്. ഇ​തി​നാ​യി ഓ​രോ ഏ​ജ​ന്‍റ​ിനും പ്ര​ത്യേ​കം യൂ​സ​ര്‍​നെ​യി​മും പാ​സ്‌​വേ​ഡും ന​ല്‍​കും. ഇ​തി​ലൂ​ടെ​യാ​ണ് ന​മ്പ​റു​ക​ള്‍ എന്‍റ​ര്‍ ചെ​യ്യു​ന്ന​ത്. ല​ഹ​രി ഉ​പ​യോ​ഗം പോ​ലെ പ​ല​രും ഈ ​ചൂ​താ​ട്ട​ത്തി​ല്‍ ആ​കൃ​ഷ്ട​രാ​യി നി​ര​ന്ത​രം പ​ണം ന​ഷ്ട​പ്പെ​ടു​ത്തു​ക​യാ​ണ്.

സ്ഥി​രം ഇ​ര​ക​ള്‍ വി​ദ്യാ​ര്‍​ഥി​ക​ള്‍ ‍

മ​ഞ്ചേ​രി: വി​ദ്യാ​ര്‍​ഥി​ക​ള്‍ അ​ട​ക്ക​മു​ള്ള​വ​ര്‍ സ​മാ​ന്ത​ര എ​ഴു​ത്ത് ലോ​ട്ട​റി​യു​ടെ സ്ഥി​രം ഇ​ര​ക​ളാ​ണ്. ലോ​ട്ട​റി ടി​ക്ക​റ്റെ​ടു​ക്കു​ന്ന പ​ണം എ​ഴു​ത്ത് ലോ​ട്ട​റി​ക്ക് വേ​ണ്ട എ​ന്ന​താ​ണ് മു​ഖ്യ ആ​ക​ര്‍​ഷ​ണം. ഒ​ന്നി​ല്‍ കൂ​ടു​ത​ല്‍ ത​വ​ണ പ​ണം ന​ല്‍​കി അ​ക്ക​ങ്ങ​ള്‍ എ​ഴു​തി ന​ല്‍​കു​ന്ന​തി​നും ത​ട​സ​മി​ല്ല. ഒ​രി​ക്ക​ല്‍ പ​ണം ല​ഭി​ക്കു​ന്ന​തോ​ടെ പി​ന്നീ​ട് പ​ണം ല​ഭി​ച്ചി​ല്ലെ​ങ്കി​ലും അ​ക്ക​ങ്ങ​ള്‍ പ്ര​വ​ചി​ക്കാ​ന്‍ പ​ണം മു​ട​ക്കു​ന്ന പ്ര​വ​ണ​ത ഇ​ത്ത​ര​ക്കാ​രി​ല്‍ വ​ര്‍​ധി​ക്കു​ക​യാ​ണ്.

ആ​സൂ​ത്രി​ത​മാ​യു​ള്ള ഈ ​ചൂ​താ​ട്ട​ത്തി​ന് പി​ന്നി​ല്‍ വ​ന്‍ ലോ​ബി ത​ന്നെ​യു​ണ്ട്. ഇ​ക്ക​ഴി​ഞ്ഞ ദി​വ​സം ര​ഹ​സ്യ​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ മ​ഞ്ചേ​രിഎസ്ഐ‍ ബാ​ല​മു​രു​ക​നും സം​ഘ​വും മ​ഞ്ചേ​രി രാ​മം​കു​ള​ത്ത് മി​ന്ന​ല്‍പ​രി​ശോ​ധ​ന ന​ട​ത്തി​യി​രു​ന്നു. മൂ​ന്ന​ക്ക ന​മ്പ​ര്‍ ചൂ​താ​ട്ടം ന​ട​ത്തി​യ വ്യ​ക്തി പ​രി​ശോ​ധ​ന​യി​ല്‍ അ​ന്ന് കു​ടു​ങ്ങി. ജാ​മ്യം ല​ഭി​ക്കാ​വു​ന്ന കേ​സാ​യ​തി​നാ​ല്‍ നി​യ​മ​ലം​ഘ​നം തു​ട​രു​ന്നു.

Tags : Local News Nattuvishesham Malappuram