കോട്ടയം: ദേശീയ സെന്സസ് 2027-ന്റെ ഭാഗമായി ഇന്നുമുതല് എന്യുമറേറ്റര്മാര് വിവരശേഖരണത്തിനായി വീടുകള് സന്ദര്ശിക്കും. 31 വരെ നീണ്ടുനില്ക്കുന്ന എന്യുമറേഷനുവേണ്ടി ജില്ലയില് 3144 ജീവനക്കാരെയാണ് നിയോഗിച്ചിട്ടുള്ളത്. ഇവരുടെ മേല്നോട്ടത്തിനായി 537 ചാര്ജ് ഓഫീസര്മാരുമുണ്ട്.
പൊതുജനങ്ങള് സ്വന്തം കുടുംബ വിവരങ്ങള് നേരിട്ട് ഓണ്ലൈനില് രേഖപ്പെടുത്തുന്ന സെല്ഫ് എന്യുമറേഷന് ഇന്നലെ അവസാനിച്ചു. ഇന്നലെ വൈകുന്നേരം അഞ്ചുവരെ ജില്ലയില് 60,916 കുടുംബങ്ങള് സെല്ഫ് എന്യൂമറേഷന് നടത്തി. സെല്ഫ് എന്യുമേറേഷന് നടത്തിയിട്ടുള്ളവര് ഓണ്ലൈനില് ലഭിച്ച സെല്ഫ് എന്യുമറേഷന് ഐഡി വിവരശേഖരണത്തിനെത്തുന്ന എന്യുമറേറ്റര്മാര്ക്ക് നല്കണം. ഇത് പരിശോധിച്ചു വിവരങ്ങള് സ്ഥിരീകരിച്ചശേഷം വിവര ശേഖരണം പൂര്ത്തീകരിക്കും. സെല്ഫ് എന്യൂമറേഷന് നടത്താത്ത കുടുംബങ്ങളുടെ വിവരങ്ങള് എന്യുമറേറ്റര്മാര് നേരിട്ട് രേഖപ്പെടുത്തും.
Tags : Nattuvishesham Districte News