7

ച​വ​റ : തെ​രു​വ് നാ​യ​ക​ളു​ടെ ശ​ല്യം രൂ​ക്ഷ​മാ​യ​തിനെ തുടർന്ന് പ​ഞ്ചാ​യ​ത്തി​ലും വാ​ര്‍​ഡ് മെ​മ്പ​ര്‍​ക്കും പ​രാ​തി ന​ല്‍​കി നാ​ട്ടു​കാ​ര്‍. ച​വ​റ തോ​ട്ടി​ന് വ​ട​ക്കാണ് തെ​രു​വ് നാ​യ​ക​ള്‍ വ​ള​ര്‍​ത്തു​മൃ​ഗ​ങ്ങ​ള്‍​ക്കും പ്ര​ദേ​ശ​വാ​സി​ക​ള്‍​ക്കും ഭീ​ഷ​ണി​യാ​യി മാ​റു​ന്ന​ത്. ക​ഴി​ഞ്ഞ ദി​വ​സം തോ​ട്ടി​ന് വ​ട​ക്ക് സ​ര​സ്വ​തി വി​ലാ​സ​ത്തി​ല്‍ ത്യാ​ഗ​രാ​ജ​ന്‍റെ ഉ​ട​മ​സ്ഥ​ത​യി​ലു​ള്ള ആ​ടി​നെ തെ​രു​വ് നാ​യകള്‍ കൊ​ന്നു.

മ​റ്റൊ​രു ആ​ടി​നെ ക​ടി​ച്ച് പ​രി​ക്കേ​ല്‍​പി​ച്ചു. ര​ണ്ട് മാ​സം മു​മ്പ് ഇ​വ​രു​ടെ ത​ന്നെ കു​ട്ടി ആ​ടി​നെ​യും കൊ​ന്നി​രു​ന്നു. മ​തി​ല്‍ ചാ​ടി ക​ട​ന്നാ​ണ് നാ​യകള്‍ അ​ക്ര​മ​ണം ന​ട​ത്തി​യ​ത്. ആ​ടി​ന്‍റെ ക​ര​ച്ചി​ല്‍ കേ​ട്ട് വീ​ട്ടു​കാ​ര്‍ ഉ​ണ​ര്‍​ന്ന് വെ​ളി​യി​ല്‍ ഇ​റ​ങ്ങി നാ​യകളെ ഓ​ടി​ക്കാ​ന്‍ ശ്ര​മി​ച്ചെ​ങ്കി​ലും നാ​യകള്‍ ആ​ക്ര​മിച്ചതിനെ തു​ട​ര്‍​ന്ന് വീ​ട്ടു​കാ​ര്‍ വീ​ട്ടി​നു​ള്ളി​ല്‍ ക​യ​റി ര​ക്ഷ​പ്പെ​ടു​ക​യാ​യി​രു​ന്നു.

ഇ​തേ വാ​ര്‍​ഡി​ല്‍ ത​ന്നെ ഒ​രാ​ഴ്ച്ച​യ്ക്ക് മു​മ്പ് കോ​ഴി​ക​ളെ കൂ​ട് ത​ക​ര്‍​ത്ത് പി​ടി​ച്ചു​കൊ​ണ്ടു​പോ​യി. സ്‌​കൂ​ളി​ല്‍ സൈ​ക്കി​ളി​ല്‍ പോ​കു​ന്ന വി​ദ്യാ​ര്‍​ഥി​ക​ള്‍​ക്ക് പു​റ​കെ തെ​രു​വ് നാ​യ്ക്ക​ള്‍ ഓ​ടി​ച്ചെ​ല്ലു​ന്ന​ത് കാ​ര​ണം വി​ദ്യാ​ര്‍​ഥി​ക​ളും ഭീ​തി​യി​ലാ​ണ്.

വാ​ര്‍​ഡി​ല്‍ ക​ഴി​ഞ്ഞ ദി​വ​സ​ങ്ങ​ളി​ല്‍ ചി​ല വീ​ടു​ക​ളി​ലെ കോ​ഴി​ക്കൂ​ടു​ക​ള്‍ ത​ക​ര്‍​ത്തു കോ​ഴി​ക​ളെ തെ​രു​വ് നാ​യ​ക​ള്‍ കൊ​ണ്ടു​പോ​കാ​നു​ള്ള ശ്ര​മ​വും ന​ട​ന്നു. ഒ​രു മാ​സം മു​മ്പ് മ​റ്റൊ​രു വീ​ട്ടി​ല്‍ ആ​ടു​ക​ളെ തെ​രു​വ് നാ​യ​ക​ള്‍ ആ​ക്ര​മി​ച്ച് കൊ​ന്ന സം​ഭ​വ​വും ഉ​ണ്ടാ​യി. തെ​രു​വ് നാ​യ​ക​ളു​ടെ ആ​ക്ര​മ​ണം മൂ​ലം കു​ട്ടി​ക​ള്‍​ക്കും മു​തി​ര്‍​ന്ന​വ​ര്‍​ക്കും ഭീ​ഷ​ണി ഉ​യ​രു​ക​യാ​ണെ​ന്നും വ​ള​ര്‍​ത്തു​മൃ​ഗ​ങ്ങ​ള്‍​ക്കും ക​ന്നു​കാ​ലി​ക​ള്‍​ക്കും സു​ര​ക്ഷ ഉ​റ​പ്പാ​ക്കാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും പ​രാ​തി​ക്കാ​ര്‍ ആ​വ​ശ്യ​പ്പെ​ട്ടു.

Tags : Local News Nattuvishesham Kollam