7

ചെ​റു​പു​ഴ: ചെ​റു​പു​ഴ പ​ഞ്ചാ​യ​ത്തി​ലെ ക​രി​യ​ക്ക​ര​യി​ൽ മു​ള​ങ്കു​ഴി​യി​ൽ ജോ​ണി​യു​ടെ വീ​ടി​ന​ടു​ത്ത് പാ​ട്ട​ത്തി​നെ​ടു​ത്ത് കൃ​ഷി​യി​റ​ക്കി​യ 100 മൂ​ടി​ലേ​റെ ക​പ്പ​യും ചേ​ന​യും സാ​മൂ​ഹ്യ​ദ്രോ​ഹി​ക​ൾ ന​ശി​പ്പി​ച്ച​തി​ൽ നാ​ട്ടു​കാ​ർ പ്ര​തി​ഷേ​ധി​ച്ചു. വീ​ട്ടി​ൽ ആ​രു​മി​ല്ലാ​തി​രു​ന്ന ദി​വ​സം രാ​ത്രി​യി​ലാ​ണു വീ​ടി​നു തൊ​ട്ട​ടു​ത്ത സ്ഥ​ല​ത്തെ വി​ള​ക​ൾ ന​ശി​പ്പി​ച്ച​ത്. കാ​ട്ടു​മൃ​ഗ​ങ്ങ​ൾ വി​ള​ക​ൾ ന​ശി​പ്പി​ക്കു​ന്ന​ത് സാ​ധാ​ര​ണ​മാ​ണെ​ങ്കി​ലും ക​പ്പ​യും ചേ​ന​യു​മൊ​ക്കെ സാ​മൂ​ഹ്യ വി​രു​ദ്ധ​ർ ന​ശി​പ്പി​ച്ച​തി​ൽ പ്ര​തി​ഷേ​ധം ശ​ക്ത​മാ​കു​ക​യാ​ണ്. സം​ഭ​വ​ത്തി​ൽ ക​ർ​ഷ​ക​ൻ ജോ​ണി പോ​ലീ​സി​ൽ പ​രാ​തി ന​ൽ​കി. പോ​ലീ​സ് അ​ന്വേ​ഷ​ണം ന​ട​ത്തി​യി​രു​ന്നു.

ക​രി​യ​ക്ക​ര​യി​ൽ മ​ദ്യ​പ​ന്മാ​രു​ടെ​യും ല​ഹ​രി ഉ​പ​യോ​ഗി​ക്കു​ന്ന​വ​രു​ടെ​യും ശ​ല്യം അ​ടു​ത്ത കാ​ല​ത്ത് വ​ർ​ധി​ച്ച​തും ഇ​തി​ന് കാ​ര​ണ​മാ​കാ​മെ​ന്ന് ജാ​ഗ്ര​താ സ​മി​തി അ​ഭി​പ്രാ​യ​പ്പെ​ട്ടു. ഇ​ത്ത​രം സം​ഭ​വ​ങ്ങ​ൾ ഇ​നി​യും ആ​വ​ർ​ത്തി​ക്കാ​തി​രി​ക്കാ​നാ​ണ് നാ​ട്ടു​കാ​ർ ചേ​ർ​ന്ന് ജ​ന​കീ​യ ജാ​ഗ്ര​താ സ​മി​തി രൂ​പീ​ക​രി​ച്ച​ത്. യോ​ഗ​ത്തി​ൽ പ​ഞ്ചാ​യ​ത്ത് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ പേ​ഴ്സ​ൺ ലീ​നാ വി​ല്യം അ​ധ്യ​ക്ഷ​ത വ​ഹി​ച്ചു.

പ​ഞ്ചാ​യ​ത്തം​ഗം ശ്രു​തി രാ​ജേ​ഷ്, ഡെ​ന്നി കാ​വാ​ലം, എ.​ടി.​വി. ദാ​മോ​ദ​ര​ൻ, ജ​യിം​സ് രാ​മ​ത്ത​റ, വേ​ണു​ഗോ​പാ​ല​ൻ ചേ​ഞ്ചേ​രി, സി​ബി എം. ​തോ​മ​സ്, കു​ട്ടി​ച്ച​ൻ തെ​ന്ന​ടി, സ​ജി ഓ​ലി​ക്ക​ൽ, അ​ന്ന​മ്മ പ​ട​ന്ന​മാ​ക്ക​ൽ തു​ട​ങ്ങി​യ​വ​ർ പ്ര​സം​ഗി​ച്ചു. പ​ഞ്ചാ​യ​ത്തം​ഗ​ങ്ങ​ളാ​യ ലീ​ന വി​ല്യം, ശ്രു​തി രാ​ജേ​ഷ്-​ര​ക്ഷാ​ധി​കാ​രി​ക​ൾ, ഡെ​ന്നി കാ​വാ​ലം-​ചെ​യ​ർ​മാ​ൻ, ജ​യിം​സ് രാ​മ​ത്ത​റ, സി.​എം. തോ​മ​സ്-​വൈ​സ് ചെ​യ​ർ​മാ​ൻ​മാ​ർ, വേ​ണു​ഗോ​പാ​ല​ൻ ചെ​ഞ്ചേ​രി-​ക​ൺ​വീ​ന​ർ, കെ.​ജി. സ​തീ​ശ​ൻ, കു​ട്ടി​ച്ച​ൻ തെ​ന്ന​ടി-​ജോ​യി​ന്‍റ് ക​ൺ​വീ​ന​ർ എ​ന്നി​വ​ര​ട​ങ്ങു​ന്ന 17 അം​ഗ ജാ​ഗ്ര​താ സ​മി​തി​യാ​ണു രൂ​പീ​ക​രി​ച്ച​ത്.

ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​നും പ്ര​ദേ​ശ​ത്തെ പ​ര​സ്യ മ​ദ്യ​പാ​ന​വും ല​ഹ​രി ഉ​പ​യോ​ഗ​വും നീ​രീ​ക്ഷി​ക്കാ​നും സ​മി​തി പ്ര​വ​ർ​ത്തി​ക്കു​മെ​ന്ന് ഭാ​ര​വാ​ഹി​ക​ൾ പ​റ​ഞ്ഞു.

Tags : nattu vishesham Public vigilance committee