18

വി​ഴി​ഞ്ഞം: സ്വ​ർ​ണക്കൊ ലു​സ് പ​ണ​യം വ​ച്ച​ത് ഭാ​ര്യ​യി​ൽനി​ന്ന് മ​റ​യ്ക്കാ​ൻ സ്വ​ന്തം വീ​ട്ടി​ൽ മോ​ഷ​ണ നാ​ട​കം ന​ട​ത്തി​യ ഗൃ​ഗ​നാ​ഥ​ൻ ഒ​ടു​വി​ൽ മോ​ഷ​ണ​ക്കു​റ്റ​ത്തി​ന് അ​ക​ത്താ​യി. വെ​ങ്ങാ​നൂ​ർ നീ​ല​കേ​ശി റോ​ഡി​ൽ ആ​ദി​ത്യ​ൻ ഹൗ​സി​ൽ മ​നോ​ജാ​ണ് (38) അ​റ​സ്റ്റി​ലാ​യ​ത്. സ്വ​ർ​ണ ക്കൊ​ലു​സ് അ​ടി​ച്ചു മാ​റ്റി പ​ണ​യം വ​ച്ച​തു മ​റ​യ്ക്കാൻ ​വീ​ട്ടി​ൽ സൂ​ക്ഷി​ച്ചി​രു​ന്ന ഏ​ഴു​പ​വ​ന്‍റെ ആ​ഭ​ര​ണ​ങ്ങ​ളും 15,000 രൂ​പ​യും മോ​ഷ്ടി​ച്ച​ശേ​ഷം പോലീ​സി​ൽ മനോജ് പ​രാ​തി​ നൽകുകയായിരുന്നു.

പ​ര​സ്പ​ര വി​രു​ദ്ധ​മാ​യ മൊ​ഴി​യിൽ സം​ശ​യം തോ​ന്നി​യ മനോ ജ് പോ​ലീ​സി​ന്‍റെ ചോ​ദ്യം ചെ​യ്യ​ലി​ൽ കു​ടു​ങ്ങി കു​റ്റ​സ​മ്മ​ത​ം നട ത്തുകയായിരുന്നു. ഒ​ടു​വി​ൽ അ​റ​സ്റ്റ് ചെ​യ്ത പോ​ലീ​സ് മ​നോ​ജി​നെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. മോ​ഷ​ണ മു​ത​ലു​ക​ൾ വീ​ട്ടി​ൽ​നി​ന്നു ത​ന്നെ ക​ണ്ടെ​ടു​ത്തു.

ഏ​ഴു പ​വ​ന്‍റെ സ്വ​ർ​ണാ​ഭ​ര​ണ​ങ്ങ​ളും മേ​ശ​യി​ലു​ണ്ടാ​യി​രു​ന്ന 15,000 രൂ​പ​യും മോ​ഷ​ണം പോ​യെ​ന്നാ​ണ് ഇ​യാ​ൾ പോ​ലീ​സി​ൽ പ​രാ​തി ന​ൽ​കി​യ​ത്. കഴി ഞ്ഞ ദിവസമാണ് ഇ​യാ​ൾ മോ​ഷ​ണം ന​ട​ത്തി​യ​തെ​ന്ന് പോ​ലീ​സ് പ​റ​ഞ്ഞു. സ്വ​ർ​ണാ​ഭ​ര​ണ​ങ്ങ​ളും പ​ണ​വും മോ​ഷ്ടി​ച്ച ശേ​ഷം വീടിന്‍റെ പി​ൻ​വാ​തി​ൽ തു​റ​ന്നി​ടു​ക​യും ജ​നാ​ല​ക്ക​മ്പി ക​ട്ട​ർ ഉ​പ​യോ​ഗി​ച്ച് മു​റി​ച്ചു​മാ​റ്റു​ക​യു​മാ​യി​രു​ന്നു.

പ​രാ​തി ല​ഭി​ച്ച​യു​ട​ൻ ത​ന്നെ പോലീ​സ് വീ​ട്ടി​ലെ​ത്തി പ​രി​ശോ​ധ​ന ന​ട​ത്തി. വി​ര​ല​ട​യാ​ള വി​ദ​ഗ്ദ​രും ശ്വാനസേനയും പ​രി​ശോ​ധ​ന ന​ട​ത്തുമ്പോ​ഴും ഒ​ന്നും കൂ​സാ​തെ മ​നോ​ജും കൂ​ടെ​യു​ണ്ടാ​യി​രു​ന്നു.

ഹാ​ളി​ലെ ജ​ന​ൽ​ക്കമ്പി​ക​ൾ മു​റി​ച്ചാ​ണ് മോ​ഷ്ടാ​വ് ഉ​ള്ളി​ൽ ക​ട​ന്ന​തെ​ന്ന് ഇ​യാ​ൾ മൊ​ഴി ന​ൽ​കി​യെ​ങ്കി​ലും ​ക​മ്പി​ക​ൾ മു​റി​ച്ച​ത് അ​ക​ത്തു നി​ന്നു​ത​ന്നെ​യാണെന്നു പോ​ലീ​സ് ക​ണ്ടെ​ത്തി. പോ​ലീ​സി​നെ തെ​റ്റി​ധ​രി​പ്പി​ക്കാ​നാ​യി ജ​ന​ൽ ചി​ല്ലു​ക​ൾ പു​റ​ത്തുനി​ന്നു പൊ​ട്ടി​ച്ചി​രു​ന്നു. സ​മീ​പ​ത്തെ വീ​ട്ടി​ൽ ജോ​ലി​ക​ൾ ന​ട​ക്കു​ന്ന​തി​നാ​ൽ ഇ​രു​മ്പ് ക​ട്ട​ർ അ​വി​ടെ ഉ​ണ്ടാ​കു​മെ​ന്ന​റി​ഞ്ഞ പ്ര​തി അ​തെ​ടു​ത്തുവ​ന്ന് വീ​ടി​നു​ള്ളി​ൽനി​ന്നും ജ​ന​ൽ ക​മ്പി​ക​ൾ മു​റി​ച്ചു മാ​റ്റു​ക​യാ​യി​രു​ന്നു. ഇ​രു​മ്പി​ന്‍റെ പൊ​ടി​ക​ൾ വീ​ടി​നു​ള്ളി​ൽ ത​ന്നെ​യാ​യി​രു​ന്ന​താ​ണ് വീ​ട്ടു​കാ​രെ സം​ശ​യി​ക്കാ​ൻ കാ​ര​ണ​മാ​യ​ത്.

മോ​ഷ​ണം പോ​യ സ്വ​ർ​ണാ​ഭ​ര​ണ​ങ്ങ​ൾ​ക്കൊ​പ്പം​വ​ച്ചി​രു​ന്ന മു​ക്കു​പ​ണ്ടം അ​ല​മാ​ര​യി​ൽ ത​ന്നെ ഉ​ണ്ടാ​യി​രു​ന്ന​തും പോ​ലീ​സി​ൽ സം​ശ​യ​മു​ണ്ടാ​ക്കി. ക​വ​ർ​ച്ചാ നാ​ട​കം ന​ട​ത്തി​യശേ​ഷം ഓ​ട്ടോ ഓ​ടി​ക്കാ​ൻ പോ​യ പ്ര​തി രാ​ത്രി ഭാ​ര്യ​ യു​മൊ​ത്ത് മ​ട​ങ്ങി​യെ​ത്തി​യ​പ്പോ​ഴാ​ണ് മോ​ഷ​ണം അ​റി​ഞ്ഞ​തെ​ന്നു ഭാ​വി​ച്ച് പ​രാ​തി ന​ൽ​കിയത്.

Tags : nattu vishesham man who staged robbery