പാണത്തൂർ: കാട്ടാനക്കൂട്ടം കൃഷി നശിപ്പിച്ച കല്ലപ്പള്ളി, മാമ്പള്ളം ഭാഗങ്ങളിലെ വിവിധയിടങ്ങൾ ജില്ലാ പഞ്ചായത്ത് പ്രസിഡന്റ് സാബു ഏബ്രഹാമിന്റെ നേതൃത്വത്തിലുള്ള സംഘം സന്ദർശിച്ചു.
ജില്ലാ പഞ്ചായത്ത് സ്ഥിരം സമിതി ചെയർമാൻ ഒക്ലാവ് കൃഷ്ണൻ, പനത്തടി പഞ്ചായത്ത് പ്രസിഡന്റ് പി. രഘുനാഥ്, സ്ഥിരം സമിതി ചെയർമാൻ കെ.ബി. രതീഷ്, ഡിവിഷണൽ ഫോറസ്റ്റ് ഓഫീസർ ജോസ് മാത്യു, കാഞ്ഞങ്ങാട് റേഞ്ച് ഫോറസ്റ്റ് ഓഫീസർ കെ. രാഹുൽ, സെക്ഷൻ ഫോറസ്റ്റ് ഓഫീസർ എം.പി. രാജു, മുൻ ബ്ലോക്ക് പഞ്ചായത്തംഗം അരുൺ രംഗത്തുമല എന്നിവരും ഒപ്പമുണ്ടായിരുന്നു.
സൗരോർജ വേലി ഇല്ലാത്ത സ്ഥലങ്ങളിൽ അടിയന്തിരമായി നിർമാണം നടത്താനും നിലവിലുള്ള വേലിയുടെ അറ്റകുറ്റപണി നടത്താനും കർഷകർക്കുള്ള ധനസഹായം എത്രയും പെട്ടെന്ന് ലഭ്യമാക്കാനുമുള്ള നടപടികൾ സ്വീകരിക്കുമെന്ന് സംഘം ഉറപ്പുനൽകി.
Tags : Nattuvishesham Districte News