18

കൊ​ല്ലം: പൊ​തു​നി​ര​ത്തു​ക​ളി​ൽ വാ​ഹ​ന​ങ്ങ​ൾ ഉ​പ​യോ​ഗി​ച്ച് അ​ഭ്യാ​സ പ്ര​ക​ട​നം ന​ട​ത്തു​ന്ന​തും ന​ട​ത്തു​ന്ന​തും ക​ടു​ത്ത നി​യ​മ​വി​രു​ദ്ധ പ്ര​വ​ർ​ത്ത​ന​മാ​ണെ​ങ്കി​ലും ജി​ല്ല​യു​ടെ വി​വി​ധ ന​ഗ​ര​ങ്ങ​ളി​ൽ വ​ർ​ധി​ച്ചു​വ​രി​ക​യാ​ണ്.​ന​ഗ​ര​ത്തി​ലും ഇ​ട​റോ​ഡു​ക​ളി​ലും യു​വാ​ക്ക​ളു​ടെ വാ​ഹ​നാ​ഭ്യാ​സം വ​ര്‍​ധി​ക്കു​ന്ന​ത് നാ​ട്ടു​കാ​ര്‍​ക്ക് ഭീ​ഷ​ണി​യാ​കു​ന്നു. ന​മ്പ​രി​ല്ലാ​ത്ത ബൈ​ക്കു​ക​ള്‍ ഉ​ള്‍​പ്പെടെ​യു​ള്ള​വ​യി​ലാ​ണ് യു​വാ​ക്ക​ളു​ടെ മ​ത്സ​ര​യോ​ട്ടം. തീ​ തു​പ്പു​ന്ന കാ​റു​ക​ളി​ലും മി​ന്ന​ൽ പി​ണ​റാ​യ ബൈ​ക്കു​ക​ളി​ലും തു​റ​ന്ന കാ​റി​ൽ സ​ഞ്ച​രി​ച്ച​തി​നും കേ​സെ​ടു​ത്ത ജി​ല്ല​യി​ലാ​ണ് വീ​ണ്ടും അ​ഭ്യാ​സ​പ്ര​ക​ട​നം ത​ല​പ്പൊ​ക്കി​യി​രി​ക്കു​ന്ന​ത്.

ത​ല​ങ്ങും വി​ല​ങ്ങും ബൈ​ക്കു​ക​ള്‍ വ​ലി​യ ശ​ബ്ദ​ത്തോ​ടെ ചീ​റി പാ​യു​ന്ന​ത് ജ​ന​ങ്ങ​ളെ ഭീ​തി​യി​ലാ​ഴ്‌​ത്തു​ന്നു. യു​വാ​ക്ക​ളു​ടെ കൈ​വി​ട്ട ക​ളി​യി​ല്‍ പൊ​റു​തി​മു​ട്ടി​യ ജ​നം പ​രാ​തി​യു​മാ​യി രം​ഗ​ത്തെ​ത്തി. പോ​ലീ​സി​നെ ക​ണ്ടാ​ല്‍ ഇ​ക്കൂ​ട്ട​ര്‍ അ​മി​ത​വേ​ഗ​ത്തി​ല്‍ ചീ​റി​പ്പാ​യു​ന്ന​തു മ​റ്റു വാ​ഹ​നയാ​ത്ര​ക്കാ​ര്‍​ക്കും ബു​ദ്ധി​മു​ട്ടു​ണ്ടാ​ക്കു​ന്നു. വാ​ഹ​നാ​ഭ്യാ​സ​ങ്ങ​ള്‍​ക്ക് എ​ത്തു​ന്ന പ​ല ഇ​രു​ച​ക്ര​വാ​ഹ​ന​ങ്ങ​ള്‍​ക്കും കൃ​ത്യ​മാ​യി ന​മ്പ​ര്‍​പ്ലേ​റ്റോ രേ​ഖ​ക​ളോ ഉ​ണ്ടാ​കാ​റി​ല്ല. ഇ​ത്ത​ര​ക്കാ​രെ പി​ടി​കൂ​ടു​മ്പോ​ള്‍ പ​ല​ര്‍​ക്കും ലൈ​സ​ന്‍​സും കാ​ണു​ക​യി​ല്ല.

കൂ​ടു​ത​ലും പ്രാ​യ​പൂ​ര്‍​ത്തി​യാ​കാ​ത്ത​വ​രാ​ണ് ഇ​രു​ച​ക്ര വാ​ഹ​ന​ങ്ങ​ളു​മാ​യി നി​ര​ത്തി​ല്‍ ഇ​റ​ങ്ങു​ന്ന​ത്. അ​ഭ്യാ​സം റീ​ല്‍​സി​ന് സാ​മൂ​ഹ്യ​മാ​ധ്യ​മ​ങ്ങ​ളി​ല്‍ റീ​ല്‍​സ് ഉ​ണ്ടാ​ക്കി വീ​ഡി​യോ ഷെ​യ​ര്‍ ചെ​യ്യാ​നാ​യി നി​യ​മ​വി​രു​ദ്ധ​മാ​യി വാ​ഹ​ന​ങ്ങ​ളി​ല്‍ ലൈ​റ്റു​ക​ള്‍ ഉ​ള്‍​പ്പെ​ടെ ഘ​ടി​പ്പി​ച്ച് ന​ട​ത്തു​ന്ന അ​ഭ്യാ​സ​പ്ര​ക​ട​ന​ങ്ങ​ള്‍ പ​തി​വാ​ണ്. കൊ​ല്ലം വ​ര്‍​ക്ക​ല-​കാ​പ്പി​ല്‍ റോ​ഡി​ല്‍ അ​മി​ത​വേ​ഗ​ത്തി​ല്‍ വാ​ഹ​ന​ങ്ങ​ള്‍ ഓ​ടി​ക്കു​ന്ന​തു​മൂ​ല​മു​ണ്ടാ​കു​ന്ന അ​പ​ക​ട​ങ്ങ​ളും പ​തി​വാ​ണ്. പോ​ലീ​സ് പ​രി​ശോ​ധ​ന ക​ര്‍​ശ​ന​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. സി​സി​ടി​വി സ്ഥാ​പി​ക്കു​ക​യും വേ​ഗ​നി​യ​ന്ത്ര​ണ സം​വി​ധാ​ന​ങ്ങ​ള്‍ ഒ​രു​ക്കു​ക​യും വേ​ണ​മെ​ന്നും ആ​വ​ശ്യ​ം ഉയര്‌ന്നിട്ടു​ണ്ട്.

സ്കൂ​ൾ തു​റ​ന്നു ക​ഴി​ഞ്ഞാ​ൽ വി​ദ്യാ​ല​യ​ങ്ങ​ള്‍​ക്കു സ​മീ​പ​ത്തും ഇ​രു​ച​ക്ര​വാ​ഹ​ന​ങ്ങ​ളി​ല്‍ ഷോ ​കാ​ണി​ക്കാ​ന്‍ എ​ത്തു​ന്ന​വ​രു​ടെ ശ​ല്യം കൂ​ടു​ത​ലാ​ണ്. നി​ല​വി​ൽ കോ​ള​ജ് കാ​ന്പ​സു​ക​ളി​ലും സ​മീ​പ​മു​ള്ള​റോ​ഡു​ക​ളി​ലും അ​ഭ്യാ​സ​പ്ര​ക​ട​നം ന​ട​ക്കു​ന്നു. വി​ദ്യാ​ല​യ​ങ്ങ​ള്‍ പ്ര​വ​ര്‍​ത്തി​ക്കു​ന്ന ഭാ​ഗ​ങ്ങ​ളി​ല്‍ പോ​ലീ​സ് പ​രി​ശോ​ധ​ന ക​ര്‍​ശ​ന​മാ​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം. അ​വ​ധി ദി​ന​ങ്ങ​ളി​ലാ​ണ് അ​ഭ്യാ​സ പ്ര​ക​ട​ന​ക്കാ​ര്‍ കൂ​ടു​ത​ലാ​യും എ​ത്തു​ന്ന​ത്.

പോ​ലീ​സ്, മോ​ട്ടോ​ര്‍ വാ​ഹ​ന വ​കു​പ്പു​ക​ളെ നോ​ക്കു​കു​ത്തി​യാ​ക്കി​യാ​ണ് യു​വാ​ക്ക​ളു​ടെ മ​ര​ണ​ക്ക​ളി. പി​ന്തു​ട​ര്‍​ന്നാ​ല്‍ ത​ന്നെ അ​മി​ത​വേ​ഗം കാ​ര​ണം പി​ടി​കൂ​ടാ​നാ​കു​ന്നി​ല്ലെ​ന്ന് പോ​ലീ​സ് പ​റ​യു​ന്നു. ട്രാ​ഫി​ക് നി​രീ​ക്ഷ​ണ കാ​മ​റ സം​വി​ധാ​നം ഉ​ണ്ടെ​ങ്കി​ലും പ​രി​ശോ​ധ​ന കാ​ര്യ​ക്ഷ​മ​മ​ല്ലെ​ന്നാ​ണ് പ​രാ​തി. അ​മി​ത​വേ​ഗ​ത്തി​ല്‍ ഓ​ടി​ക്കു​ന്ന ബൈ​ക്കു​ക​ള്‍ പി​ടി​കൂ​ടാ​ന്‍ മോ​ട്ടോ​ര്‍ വാ​ഹ​ന വ​കു​പ്പ് ജി​ല്ലാ എ​ന്‍​ഫോ​ഴ്‌​സ്‌​മെ​ന്‍റ് വി​ഭാ​ഗം നേ​ര​ത്തെ ശ​ക്ത​മാ​യ ന​ട​പ​ടി സ്വീ​ക​രി​ച്ചി​രു​ന്നു. മ​ത്സ​ര​യോ​ട്ടം ന​ട​ത്തി അ​പ​ക​ടം വ​രു​ത്തി​യ​വ​രു​ടെ ലൈ​സ​ന്‍​സ് റ​ദ്ദാ​ക്കാ​ന്‍ നി​യ​മ​പ്ര​കാ​രം ക​ഴി​യു​മെ​ങ്കി​ലും സ​മ്മ​ര്‍​ദ​ത്തി​ന് വ​ഴ​ങ്ങി ന​ട​പ​ടി​ക​ള്‍ ല​ഘൂ​ക​രി​ക്കു​ന്ന​താ​യാ​ണ് പ​രാ​തി.

ആം​ബു​ല​ൻ​സി​നെ ത​ട​ഞ്ഞു

രോ​ഗി​യു​മാ​യി പോ​യ ആം​ബു​ല​ൻ​സി​നെ വ​ഴി​ത​ട​ഞ്ഞു കാ​റി​ൽ അ​ഭ്യാ​സ യാ​ത്ര ന​ട​ത്തി​യ​തു കൊ​ല്ല​ത്താ​ണ്. മോ​ട്ടോ​ർ വാ​ഹ​ന വ​കു​പ്പ് ന​ട​പ​ടി​യെ​ടു​ത്തെ​ങ്കി​ലും കു​ട്ടി​ക​ളെ ഇ​തൊ​ന്നും​ ബാ​ധി​ക്കു​ന്നി​ല്ല. മൈ​ല​ക്കോ​ട് സ്വ​ദേ​ശി​യാ​ണ് ആം​ബു​ല​ൻ​സി​ന് സൈ​ഡ് ന​ൽ​കാ​തെ അ​ഭ്യാ​സ യാ​ത്ര ന​ട​ത്തി​യ​ത്. കൊ​ല്ലം കു​ണ്ട​റ ക​ണ്ണ​ന​ല്ലൂ​ർ റോ​ഡി​ലാ​യി​രു​ന്നു സം​ഭ​വം. മൂ​ന്ന് കി​ലോ​മീ​റ്റ​റോ​ളം ആം​ബു​ല​ൻ​സിന്‍റെ യാത്ര ത​ട​സ​പ്പെ​ടു​ത്തി​. സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ പ​ക​ർ​ത്തി സോ​ഷ്യ​ൽ​മീ​ഡി​യ​യി​ൽ പ​ങ്കു​വച്ചി​രു​ന്നു. ദൃ​ശ്യ​ങ്ങ​ൾ ശ്ര​ദ്ധ​യി​ൽ​പ്പെ​ട്ട ഉ​ട​ന​ടി കാ​ർ മോ​ട്ടോ​ർ വാ​ഹ​ന വ​കു​പ്പ് ക​സ്റ്റ​ഡി​യി​ലെ​ടു​ത്തു. പി​ന്നാ​ലെ ഡ്രൈ​വ​റി​ന്‍റെ ലൈ​സ​ൻ​സ് ആ​റ് മാ​സ​ത്തേ​യ്ക്ക് സ​സ്പെ​ൻഡ് ചെ​യ്തു.

തീ ​തു​പ്പു​ന്ന കാ​റു​ക​ൾ

കു​ണ്ട​റ​യി​ലെ വി​വാ​ഹ ച​ട​ങ്ങി​ന് എ​ത്തി​യ കാ​റാ​ണ് തീ ​തു​പ്പി​യ​ത്. വ​ലി​യ രീ​തി​യി​ൽ തീ ​തു​പ്പു​ന്ന വി​ധ​ത്തി​ൽ മാ​റ്റ​ങ്ങ​ൾ വ​രു​ത്തി​യ ഈ ​കാ​ർ ക​ന​ത്ത ശ​ബ്ദ​ത്തോ​ടെ​യാ​ണ് നി​ര​ത്തി​ൽ ഓ​ടി​യി​രു​ന്ന​ത്. കു​ണ്ട​റ ഇ​ള​മ്പ​ള്ളൂ​രി​ൽ തീ​ തു​പ്പു​ന്ന സൈ​ല​ൻ​സ​ർ ഘ​ടി​പ്പി​ച്ച് അ​ഭ്യാ​സ​പ്ര​ക​ട​നം ന​ട​ത്തി​യ കാ​റി​നെ​തി​രെ മോ​ട്ടോ​ർ വാ​ഹ​ന വ​കു​പ്പ് ന​ട​പ​ടി​യെ​ടു​ത്തു. നി​യ​മ​വി​രു​ദ്ധ​മാ​യി രൂ​പ​മാ​റ്റം വ​രു​ത്തി​യ വാ​ഹ​ന​ത്തി​ന്‍റെ ര​ജി​സ്ട്രേ​ഷ​ൻ റ​ദ്ദാ​ക്കി. പൊ​തു​നി​ര​ത്തി​ൽ തീ ​തു​പ്പു​ന്ന സൈ​ല​ൻ​സ​ർ ഘ​ടി​പ്പി​ച്ച് അ​ഭ്യാ​സ​പ്ര​ക​ട​നം ന​ട​ത്തു​ന്ന കാ​റി​ന്‍റെ വീ​ഡി​യോ സോ​ഷ്യ​ൽ മീ​ഡി​യ​യി​ൽ പ്ര​ച​രി​ച്ചി​രു​ന്നു. ച​വ​റ എം​എ​സ്എ​ന്‍ കോ​ള​ജി​ല്‌ പു​ക​ കു​ഴ​ലി​ല്‍ രൂ​പ മാ​റ്റം വ​രു​ത്തി​യ വാ​ഹ​ന​ങ്ങ​ളു​മാ​യി ഓ​ട്ടോ ഷോ ​നടത്തി.

യാ​ത്ര​ക്കാ​രെ ബാ​ധി​ക്കു​ന്നു

റോ​ഡി​ലെ അ​ഭ്യാ​സ പ്ര​ക​ട​ന​ങ്ങ​ളും, മ​ത്സ​ര​യോ​ട്ടം മൂ​ല​മു​ള്ള അ​പ​ക​ട​ങ്ങ​ളും മ​ര​ണ​വും നാ​ൾ​ക്കു​നാ​ൾ വ​ർ​ധി​ച്ചു​വ​രു​ന്ന കാ​ഴ്ച​യാ​ണ്. ഒ​രു ചെ​റി​യ വി​ഭാ​ഗം ആ​ളു​ക​ൾ റോ​ഡി​ൽ ന​ട​ത്തു​ന്ന ഇ​ത്ത​രം അ​ഭ്യാ​സ പ്ര​ക​ട​ന​ങ്ങ​ൾ സാ​ധാ​ര​ണ​ക്കാ​രാ​യ യാ​ത്ര​ക്കാ​രെ​യും ബാ​ധി​ക്കു​ന്നു. റോ​ഡ് സു​ര​ക്ഷ​യ്​ക്ക് ഭീ​ഷ​ണി​യാ​കു​ന്ന വാ​ഹ​ന​ങ്ങ​ളു​ടെ രൂ​പ​മാ​റ്റ​ങ്ങ​ൾ, സൈ​ല​ൻ​സ​റു​ക​ൾ മാ​റ്റി അ​തി​തീ​വ്ര ശ​ബ്ദം പു​റ​പ്പെ​ടു​വി​ക്കു​ക, പൊ​തു നി​ര​ത്തു​ക​ളി​ൽ അ​ഭ്യാ​സം പ്ര​ക​ട​നം/​മ​ത്സ​ര​യോ​ട്ടം ന​ട​ത്തു​ക, അ​മി​ത വേ​ഗ​ത​യി​ലും അ​പ​ക​ട​ക​ര​മാ​യും വാ​ഹ​ന​മോ​ടി​ക്കു​ക തു​ട​ങ്ങി പൊ​തു​ജ​ന​ങ്ങ​ളു​ടെ സു​ര​ക്ഷ​ക്കും സ്വൈ​ര ജീ​വി​ത​ത്തി​നും, ഭീ​ഷ​ണി​യും ത​ട​സ​വും സൃ​ഷ്ടി​ക്കു​ന്ന വാ​ഹ​ന​ങ്ങ​ളെ /ഡ്രൈ​വ​ർ​മാ​രെ പ​റ്റി​യു​ള്ള വി​വ​ര​ങ്ങ​ൾ ഫോ​ട്ടോ​ക​ൾ / ചെ​റി​യ വീ​ഡി​യോ​ക​ൾ സ​ഹി​തം അ​ത​ത് ജി​ല്ല​ക​ളി​ലെ എ​ൻ​ഫോ​ഴ്സ്മെ​ൻ്റ് ആ​ർ ടി ​ഒ മാ​ർ​ക്കു ന​ട​പ​ടി സ്വീ​ക​രി​ക്കാം.

വേ​ലി തന്നെ വി​ള​വു​ തി​ന്നു​ന്നു

കൊ​ല്ലം ജി​ല്ല​യി​ൽ ലൈ​സ​ൻ​സ് കൊ​ടു​ക്കു​ന്ന മോ​ട്ടോ​ർ​വാ​ഹ​ന​ വ​കു​പ്പ് ത​ന്നെ നി​യ​മ​ലം​ഘ​ന​ത്തി​നു കൂ​ട്ടു​നി​ൽ​ക്കു​ക​യാ​ണെ​ന്ന ആ​ക്ഷേ​പം ശ​ക്ത​മാ​ണ്. എ​ല്ലാ ജി​ല്ല​ക​ളി​ലും ലൈ​സ​ൻ​സ് കൊ​ടു​ക്കു​ന്ന​തി​നു മു​ന്പു​ള്ള ബോ​ധ​വത്കര​ണ​ക്ലാ​സു​ക​ൾ ന​ൽ​കു​ന്ന​തു ആ​ർ​ടി​ഒ​യു​ടെ നേ​തൃ​ത്വ​ത്തി​ലാ​ണ്. എ​ന്നാ​ൽ ഈ ​ജി​ല്ല​യു​ടെ കീ​ഴി​ൽ മാ​ത്രം ഒ​രു സൊ​സൈ​റ്റി​യു​ടെ കീ​ഴി​ലാ​ണ്. ചി​ല ഉ​ന്ന​ത ഉ​ദ്യോ​ഗ​സ്ഥ​രു​ടെ ജോ​ലി പോ​ലും ഈ ​പ്ര​സ്ഥാ​ന​ത്തി​ലാ​ണ്. വി​ര​മി​ച്ച​വ​രും വി​ര​മി​ക്കു​ന്ന​തി​നു​മു​ന്പു​ള്ള കാ​ല​ഘ​ട്ട​ത്തി​ലു​ള്ള​വ​രും ഇ​തി​നെ കു​ത്ത​ക​യാ​ക്കി​യി​രി​ക്കു​ന്നു.

സ​ർ​ക്കാ​ർ ശ​ന്പ​ളം പ​റ്റു​ന്ന ഉ​ദ്യോ​ഗ​സ്ഥ​ർ​ക്ക് എ​ങ്ങ​നെ​യാ​ണ് ഈ ​സൊ​സൈ​റ്റി​യി​ൽ പ​ണി​യെ​ടു​ക്കാ​ൻ സാ​ധി​ക്കു​ന്ന​ത്. ഇ​തു ചി​ല​ർ കു​ത്ത​ക​യാ​ക്കി വ​ച്ചി​രി​ക്കു​ക​യാ​ണ്. ആ​ർ​ടി​ഒ ഓ​ഫീ​സി​ൽ​നി​ന്നു​ള്ള ചി​ല ഉ​ദ്യോ​ഗ​സ്ഥ​രു​ടെ മ​റ്റൊ​രു തൊ​ഴി​ലാ​യി മാ​ത്ര​മേ ഇ​തി​നെ കാ​ണാ​ൻ ക​ഴി​യൂ. ഇ​വി​ടെ ലൈ​സ​ൻ​സ് ല​ഭി​ക്കു​ന്ന​തി​നു മു​ന്പു​ള്ള ബോ​ധ​വ​ത്കര​ണ​ക്ലാ​സി​നു വ​രു​ന്ന​വ​ർ പോ​ലും ‘എ​ൽ' ചി​ഹ്നം പോ​ലും ഒ​ട്ടി​ക്കാ​തെ വാ​ഹ​ന​മോ​ടി​ച്ചാ​ണ് വ​രു​ന്ന​ത്.

ലൈ​സ​ൻ​സ് കി​ട്ടു​ന്ന​തി​നു മു​ന്പു​ള്ള ന​ട​പ​ടി​ക്ര​മ​ങ്ങ​ളൊ​ന്നും പാ​ലി​ക്കാ​തെ ഫീ​സ് വാ​ങ്ങാ​നു​ള്ള ഒ​രു ഉ​പാ​ധി​മാ​ത്ര​മാ​യി ഇ​തി​നെ​ കാ​ണു​ക​യാ​ണ്. ഫീ​സ് വാ​ങ്ങി ലൈ​സ​ൻ​സി​നു​മു​ന്പു​ള്ള ബോ​ധ​വ​ത്കര​ണം ന​ൽ​കു​ന്ന​തി​നു ആ​രും എ​തി​ര​ല്ല.​പ​ക്ഷേ, ഇ​വി​ടം ക​ണ്ടാ​ൽ ആ​ർ​ടി​ഒ ഓ​ഫീ​സാ​ണെ​ന്നു ആ​രും തെ​റ്റി​ദ്ധ​രി​ക്കും. ക​ൺ​മു​ന്നി​ലെ നി​യ​മ​ലം​ഘ​നം കാ​ണാ​തെ ഉ​ദ്യോ​ഗ​സ്ഥ​ർ മ​റ്റൊ​രു തൊ​ഴി​ൽ കൂ​ടി ചെ​യ്യു​ക​യാ​ണ്. ഇ​വ​ർ​ക്കെ​തി​രേ​യാ​ണ് ന​ട​പ​ടി വേ​ണ്ട​തെ​ന്നാ​ണ് നാ​ട്ടു​കാ​രും സ​മീ​പ​മു​ള്ള വ്യാ​പാ​രി​ക​ളും പ​റ​യു​ന്ന​ത്.

Tags : Local News Nattuvishesham Kollam