കേരള ഗസറ്റഡ് ഓഫീസേഴ്സ് ഫെഡറേഷൻ സംസ്ഥാന വനിതാ കമ്മിറ്റി തൃശൂർ ടൗണ് ഹാളിൽ സംഘടിപ്പിച്ച വനിതാ കണ്വൻഷൻ ആനി രാജ ഉദ്ഘാടനം ചെയ്യുന്നു.
തൃശൂർ: വർഗീയ ഫാസിസ്റ്റ് ശക്തികൾക്കെതിരായ പോരാട്ടങ്ങളിൽ സ്ത്രീകളുടെ ശബ്ദം ഉയരണമെന്നു സിപിഐ കേന്ദ്ര സെക്രട്ടേറിയറ്റ് അംഗം ആനി രാജ. കേരള ഗസറ്റഡ് ഓഫീസ് ഫെഡറേഷൻ സംസ്ഥാന വനിതാ കമ്മിറ്റി ടൗണ്ഹാളിൽ സംഘടിപ്പിച്ച വനിതാ കണ്വൻഷൻ ഉദ്ഘാടനംചെയ്തു പ്രസംഗിക്കുകയായിരുന്നു അവർ.
കെജിഒഎഫ് സംസ്ഥാന വനിതാ കമ്മിറ്റി പ്രസിഡന്റ് കെ.എൽ. സോയ, സിപിഐ ജില്ലാ എക്സിക്യൂട്ടീവ് അംഗം ടി. പ്രദീപ് കുമാർ, കേരള മഹിളാസംഘം ജില്ലാ സെക്രട്ടറി കെ.എസ്. ജയ, വർക്കിംഗ് വിമൻസ് ഫോറം സംസ്ഥാന പ്രസിഡന്റ് കെ. മല്ലിക, കെജിഒഎഫ് സംസ്ഥാന ജനറൽ സെക്രട്ടറി വി.എം. ഹാരിസ്, ജോയിന്റ് കൗണ്സിൽ സംസ്ഥാന വൈസ് ചെയർപേഴ്സണ് വി.വി. ഹാപ്പി, കെജിഒഎഫ് സംസ്ഥാന വൈസ് പ്രസിഡന്റ് റീജ, വനിതാ കമ്മിറ്റി സെക്രട്ടറി പി. പ്രിയ, കെജിഒഎഫ് നേതാക്കളായ സ്മിത സി. ഫ്രാൻസിസ്, വി. രശ്മി കൃഷ്ണൻ, കെ.ജെ. ജെയ്സി മോൾ, ചിത്ര ഗംഗാധരൻ എന്നിവർ പ്രസംഗിച്ചു. സംസ്ഥാന വനിതാകമ്മിറ്റി പ്രസിഡന്റായി ആർ. രജതയെയും സെക്രട്ടറിയായി പി. പ്രിയയെയും തെരഞ്ഞെടുത്തു.
Tags : Annie Raja nattuvishesham local news