6

12 വ​ർ​ഷം, ഏ​ഴു വി​ജ്ഞാ​പ​ന​ങ്ങ​ൾ, എ​ണ്ണ​മ​റ്റ നി​വേ​ദ​ന​ങ്ങ​ൾ... ഭ​ര​ണ​കൂ​ടം പ​രി​സ്ഥി​തി​ലോ​ല മേ​ഖ​ല (ഇ​എ​സ്എ)​യി​ൽ പെ​ടു​ത്തി​യ 131 വി​ല്ലേ​ജു​ക​ളി​ലെ ല​ക്ഷ​ക്ക​ണ​ക്കി​നു മ​നു​ഷ്യ​ർ സ്വ​ന്തം മ​ണ്ണി​ലെ വ​ന​വാ​സ​ത്തി​ൽ തു​ട​രു​ക​യാ​ണ്. അ​വ​രു​ടെ വീ​ടും പ​റ​ന്പും വി​ദ്യാ​ല​യ​ങ്ങ​ളും ആ​രാ​ധ​നാ​ല​യ​ങ്ങ​ളും ക​ട​ക​ളും മ​റ്റു സ്ഥാ​പ​ന​ങ്ങ​ളു​മൊ​ക്കെ കേ​ന്ദ്രം ജൂ​ലൈ 27നു ​പു​റ​പ്പെ​ടു​വി​ച്ച ഏ​ഴാം വി​ജ്ഞാ​പ​ന​ത്തി​ലും ഇ​എ​സ്എ​യി​ൽ​ത​ന്നെ നി​ല​നി​ർ​ത്തി​യി​രി​ക്കു​ന്നു. പ​ശ്ചി​മ​ഘ​ട്ട​സം​ര​ക്ഷ​ണ​ത്തി​ന് 2010ൽ ​മാ​ധ​വ് ഗാ​ഡ്ഗി​ലും 2013ൽ ​ക​സ്തൂ​രി രം​ഗ​നും സ​മ​ർ​പ്പി​ച്ച റി​പ്പോ​ർ​ട്ടു​ക​ളെ തു​ട​ർ​ന്നാ​ണ് 2014ൽ ​ആ​ദ്യ ക​ര​ടു​വി​ജ്ഞാ​പ​നം പു​റ​ത്തി​റ​ക്കി​യ​ത്.

റി​പ്പോ​ർ​ട്ടു​ക​ളി​ലെ വൈ​രു​ധ്യ​ങ്ങ​ളും ജ​ന​വി​രു​ദ്ധ​ത​ക​ളും അ​ത് അ​നു​ഭ​വി​ക്കേ​ണ്ടി​വ​ന്ന​വ​രു​ടെ പ്ര​തി​ഷേ​ധ​ങ്ങ​ളും മൂ​ലം അ​ന്തി​മ​റി​പ്പോ​ർ​ട്ട് പു​റ​ത്തി​റ​ങ്ങി​യി​ല്ല. പ​ക​രം നി​ശ്ചി​ത ഇ​ട​വേ​ള​ക​ളി​ൽ വി​ജ്ഞാ​പ​ന​ങ്ങ​ൾ! പ​രി​സ്ഥി​തി​ലോ​ലെ​മെ​ന്നു മു​ദ്ര​കു​ത്തി കൃ​ഷി​ഭൂ​മി​യി​ലെ അ​വ​കാ​ശ​ങ്ങ​ൾ നി​ഷേ​ധി​ച്ച് ല​ക്ഷ​ക്ക​ണ​ക്കി​നു മ​നു​ഷ്യ​രെ 12 വ​ർ​ഷം വ​ന​വാ​സ​ത്തി​ലാ​ക്കി​യ അ​ഭി​ന​വ കൗ​ര​വ-​ശ​കു​നി​മാ​ർ പു​തി​യൊ​രു വി​ജ്ഞാ​പ​ന​ത്തി​ലൂ​ടെ അ​ജ്ഞാ​ത​വാ​സ​വും ക​ൽ​പി​ച്ചി​രി​ക്കു​ന്നു. മ​നഃ​സാ​ക്ഷി​യു​ണ്ടോ?

ക​ർ​ഷ​ക​രെ​യും ദ​ളി​ത​രെ​യും ആ​ദി​വാ​സി​ക​ളെ​യും ക​രു​ക്ക​ളാ​ക്കി​യു​ള്ള ഈ ​ചൂ​തു​ക​ളി ഡ​ൽ​ഹി​യും തി​രു​വ​ന​ന്ത​പു​ര​വും അ​വ​സാ​നി​പ്പി​ക്കാ​ൻ വൈ​കി​യി​രി​ക്കു​ന്നു. പ​ശ്ചി​മ​ഘ​ട്ട സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട് കേ​ന്ദ്ര പ​രി​സ്ഥി​തി-​വ​നം മ​ന്ത്രാ​ല​യ​ത്തി​ന്‍റെ ഏ​ഴാം വി​ജ്ഞാ​പ​ന​ത്തി​ലും കേ​ര​ള​ത്തി​ൽ 9,993.7 ച​തു​ര​ശ്ര കി​ലോ​മീ​റ്റ​റാ​ണ് ഇ​എ​സ്‌​എ പ​രി​ധി​യി​ൽ വ​രു​ന്ന​ത്. പ​ഴ​യ വി​സ്തൃ​തി​യി​ൽ മാ​റ്റ​മി​ല്ലെ​ങ്കി​ലും, പ​ഞ്ചാ​യ​ത്ത്/​വി​ല്ലേ​ജ് വി​ഭ​ജ​ന​ത്തെ തു​ട​ർ​ന്ന് ഇ​എ​സ്‌​എ ഗ്രാ​മ​ങ്ങ​ളു​ടെ എ​ണ്ണം 123ൽ ​നി​ന്ന് 131 ആ​യി ഉ​യ​ർ​ന്നു. നി​ർ​ദി​ഷ്ട പ​രി​സ്ഥി​തി ലോ​ല പ്ര​ദേ​ശ​ങ്ങ​ളു​ടെ (ഇ​എ​സ്‌​എ) വി​സ്തൃ​തി​യി​ൽ മ​ഹാ​രാ​ഷ്‌​ട്ര​യ്ക്കും ക​ർ​ണാ​ട​ക​യ്ക്കും പി​ന്നി​ൽ മൂ​ന്നാം സ്ഥാ​ന​ത്താ​ണ് കേ​ര​ളം.

പ​ക്ഷേ, മ​ഹാ​രാ​ഷ്‌​ട്ര​യ്ക്ക് 3,07,713 ച​തു​ര​ശ്ര കി​ലോ​മീ​റ്റ​റും ക​ർ​ണാ​ട​ക​ത്തി​ന് 1,91,791 ച​തു​ര​ശ്ര കി​ലോ​മീ​റ്റ​റും ഭൂ​വി​സ്തൃ​തി​യു​ള്ള​പ്പോ​ൾ കേ​ര​ള​ത്തി​ന്‍റേ​ത് വെ​റും 38,863 ച​തു​ര​ശ്ര കി​ലോ​മീ​റ്റ​റാ​ണെ​ന്നു​കൂ​ടി ശ്ര​ദ്ധി​ക്ക​ണം. അ​തി​ൽ​നി​ന്നാ​ണ് 131 റ​വ​ന്യു വി​ല്ലേ​ജു​ക​ളി​ലാ​യി ല​ക്ഷ​ക്ക​ണ​ക്കി​ന് ഏ​ക്ക​ര്‍ ജ​ന​വാ​സ​മേ​ഖ​ല​ക​ളും കൃ​ഷി​ഭൂ​മി​യും ഉ​ള്‍​പ്പെ​ടെ 9,993.7 ച​തു​ര​ശ്ര കി​ലോ​മീ​റ്റ​ര്‍ പ്ര​ദേ​ശം ഇ​എ​സ്എ​യാ​യി ചാ​പ്പ കു​ത്തി​യി​രി​ക്കു​ന്ന​ത്. കേ​ര​ള​ത്തി​ന്‍റെ മൂ​ന്നി​ര​ട്ടി​യി​ലേ​റെ അ​താ​യ​ത് 1,30,058 ച​തു​ര​ശ്ര കി​ലോ​മീ​റ്റ​ർ വി​സ്തീ​ർ​ണ​മു​ള്ള ത​മി​ഴ്നാ​ടി​ന്‍റെ പ​രി​സ്ഥി​തി​ലോ​ല പ്ര​ദേ​ശം വെ​റും 6,914 ച​തു​ര​ശ്ര കി​ലോ​മീ​റ്റ​റേ​യു​ള്ളൂ. 1,96,024 ച​തു​ര​ശ്ര കി​ലോ​മീ​റ്റ​ർ വി​സ്തീ​ർ​ണ​മു​ള്ള ഗു​ജ​റാ​ത്തി​ൽ വെ​റും 449 ച​തു​ര​ശ്ര കി​ലോ​മീ​റ്റ​റേ ലോ​ല​മു​ള്ളൂ.

നി​ല​വി​ലെ ക​ര​ട് വി​ജ്ഞാ​പ​ന​ത്തി​ന്‍റെ കാ​ലാ​വ​ധി ജൂ​ലൈ 27ന് ​അ​വ​സാ​നി​ച്ച​തോ​ടെ​യാ​ണ് പു​തി​യ വി​ജ്ഞാ​പ​ന​മി​റ​ക്കി​യ​ത്. കേ​ര​ള​ത്തി​ൽ 12 വ​ർ​ഷ​മാ​യി തു​ട​രു​ന്ന അ​നി​ശ്ചി​ത​ത്വ​ത്തി​ൽ സം​സ്ഥാ​ന സ​ർ​ക്കാ​രി​നും പ​ങ്കു​ണ്ട്. റ​വ​ന്യു വി​ല്ലേ​ജു​ക​ളും അ​തി​ര്‍​ത്തി​ക​ളും ത​രം​തി​രി​ച്ച് ഫീ​ല്‍​ഡ് സ​ര്‍​വേ ന​ട​ത്തു​ന്ന​തി​ൽ വ​ര്‍​ഷ​ങ്ങ​ളാ​യു​ള്ള അ​ലം​ഭാ​വ​വും വീ​ഴ്ച​യു​മാ​ണ് ഈ ​പ്ര​തി​സ​ന്ധി​യെ ഇ​ത്ര​ത്തോ​ളം വ​ഷ​ളാ​ക്കി​യ​തെ​ന്ന് കെ​സി​ബി​സി ക​ഴി​ഞ്ഞ​ദി​വ​സം ചൂ​ണ്ടി​ക്കാ​ണി​ച്ചി​രു​ന്നു. സ​മാ​ന​മാ​യ ആ​ശ​ങ്ക​ക​ള്‍ നി​ല​നി​ന്നി​രു​ന്ന ത​മി​ഴ്‌​നാ​ട്, ഗോ​വ തു​ട​ങ്ങി​യ സം​സ്ഥാ​ന​ങ്ങ​ള്‍ കൃ​ത്യ​മാ​യ ഉ​പ​ഗ്ര​ഹ-​ഫീ​ല്‍​ഡ് സ​ര്‍​വേ​ക​ള്‍ വ​ഴി അ​തി​ര്‍​ത്തി​ക​ള്‍ വേ​ര്‍​തി​രി​ച്ച് കേ​ന്ദ്ര​ത്തി​നു സ​മ​ര്‍​പ്പി​ക്കു​ക​യും സ്വ​ന്തം സം​സ്ഥാ​ന​ങ്ങ​ളി​ലെ ജ​ന​വാ​സ​കേ​ന്ദ്ര​ങ്ങ​ളെ പ​രി​ധി​യി​ല്‍​നി​ന്നു സം​ര​ക്ഷി​ച്ചു​നി​ര്‍​ത്തു​ക​യും ചെ​യ്തു.

നി​ർ​ഭാ​ഗ്യ​വ​ശാ​ൽ കേ​ര​ളം പ​രാ​ജ​യ​പ്പെ​ട്ടു. ജ​ന​വാ​സ മേ​ഖ​ല​ക​ൾ, തോ​ട്ട​ങ്ങ​ൾ, കൃ​ഷി​യി​ട​ങ്ങ​ൾ എ​ന്നി​വ പൂ​ർ​ണ​മാ​യും ഒ​ഴി​വാ​ക്കി 9,993.7 ച​തു​ര​ശ്ര കി​ലോ​മീ​റ്റ​ര്‍ പ​രി​സ്ഥി​തി​ലോ​ല പ്ര​ദേ​ശം 8590.69 ച​തു​ര​ശ്ര കി​ലോ​മീ​റ്റ​റാ​യി ചു​രു​ക്ക​ണ​മെ​ന്ന ആ​വ​ശ്യ​മാ​ണ് കേ​ന്ദ്രം നി​ർ​ദാ​ക്ഷി​ണ്യം ത​ള്ളി​ക്ക​ള​ഞ്ഞ​ത്. ആ​വ​ശ്യ​ങ്ങ​ളും അ​പേ​ക്ഷ​ക​ളും സ​മ​ർ​പ്പി​ക്കു​ന്ന​തി​നൊ​പ്പം ആ​വ​ശ്യ​മാ​യ ഗൃ​ഹ​പാ​ഠ​ങ്ങ​ളും ചെ​യ്യേ​ണ്ട​തു​ണ്ട്. അ​തി​ൽ വീ​ഴ്ച​യു​ണ്ടാ​യി​ട്ടു​ണ്ടെ​ങ്കി​ൽ പു​തി​യ സ​ർ​ക്കാ​ർ തി​രു​ത്ത​ണം.

60 ദി​വ​സ​ത്തി​ന​കം, ഔ​ദ്യോ​ഗി​ക ഗ​സ​റ്റി​ലു​ള്ള വി​ജ്ഞാ​പ​ന​ത്തി​ൽ കേ​ര​ള​ത്തി​ന് അ​ഭി​പ്രാ​യ​മ​റി​യി​ക്കാം. സ​ർ​ക്കാ​ർ എ​ന്താ​ണു ചെ​യ്യാ​ൻ പോ​കു​ന്ന​തെ​ന്ന് അ​റി​യാ​ൻ 12 വ​ർ​ഷം നാ​ട്ടി​ലെ കാ​ട്ടി​ൽ ക​ഴി​ഞ്ഞ ജ​ന​ത്തി​ന് അ​വ​കാ​ശ​മു​ണ്ട്. നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്കും ഇ​ഷ്ട​മു​ള്ള കൃ​ഷി ചെ​യ്യു​ന്ന​തി​നും മ​രം മു​റി​ക്കു​ന്ന​തി​നു​മൊ​ക്കെ നി​യ​ന്ത്ര​ണ​മു​ള്ള ഭൂ​മി​യു​ടെ ക്ര​യ​വി​ക്ര​യം പോ​ലും അ​സാ​ധ്യ​മാ​യി​രി​ക്കു​ക​യാ​ണ്. സ​ർ​ക്കാ​രി​ന്‍റെ നി​ർ​ബ​ന്ധ​ത്തി​നു വ​ഴ​ങ്ങി​യും ദാ​രി​ദ്ര്യ​ത്താ​ലും മ​ല​ക​ളി​ലേ​ക്കു കു​ടി​യേ​റി​യ​വ​ർ, ക്ഷാ​മ​കാ​ല​ത്ത് കേ​ര​ള​ത്തെ തീ​റ്റി​പ്പോ​റ്റി​യ​വ​ർ, വ​ന്യ​ജീ​വി​ക​ൾ​ക്കും മ​ഹാ​മാ​രി​ക​ൾ​ക്കും പ്ര​കൃ​തി​ക്ഷോ​ഭ​ങ്ങ​ൾ​ക്കും ഇ​ര​യാ​യി​ട്ടും ക​ർ​ഷ​ക​രാ​യി തു​ട​രു​ന്ന​വ​ർ, സു​ഗ​ന്ധ​വ്യ​ഞ്ജ​നം ഉ​ത്പാ​ദി​പ്പി​ച്ച് വി​ദേ​ശ​നാ​ണ്യം നേ​ടി​ത്ത​രു​ന്ന​വ​ർ...

നൂ​റ്റാ​ണ്ടു പ​ഴ​ക്ക​മു​ള്ള അ​വ​ഗ​ണ​ന​യു​ടെ​യും ആ​ക്ഷേ​പ​ത്തി​ന്‍റെ​യും ച​രി​ത്ര​വു​മു​ണ്ട് പ​ശ്ചി​മ​ഘ​ട്ട​ത്തി​ന്. അ​വ​രു​ടെ ചോ​ര​യും നീ​രും ഊ​റ്റി​ക്കു​ടി​ച്ച​വ​ർ​ക്ക് ഇ​പ്പോ​ഴാ​ണ് പ്ര​കൃ​തി​യെ സ്നേ​ഹി​ക്കാ​ൻ തോ​ന്നി​യ​ത്. പ​ശ്ചി​മ​ഘ​ട്ട​ത്തി​ലെ വ​ന​സ​മാ​ന​മാ​യ കൃ​ഷി​യി​ട​ങ്ങ​ളി​ലേ​ക്കു നോ​ക്കി​യാ​ല​റി​യാം ആ​രാ​ണ് കേ​ര​ള​ത്തെ പ​ച്ച​പ്പ​ണി​യി​ച്ച​തെ​ന്ന്. പ​രി​സ്ഥി​തി​ലോ​ല​മെ​ന്ന കു​രു​ക്കി​ട്ടു​കൊ​ടു​ത്താ​ൽ ആ ​ക​രു​ത്ത​ർ ത​ല​വ​ച്ചു​കൊ​ടു​ത്തു​കൊ​ള്ളു​മെ​ന്ന് ആ​രെ​ങ്കി​ലും ക​രു​തി​യാ​ൽ തെ​റ്റി​പ്പോ​യി.

കാ​ടു​വെ​ട്ടി​ത്തെ​ളി​ച്ചി​ട​ത്ത് പാ​ർ​ല​മെ​ന്‍റും നി​യ​മ​സ​ഭ​ക​ളും കോ​ട​തി​ക​ളും പ​രി​സ്ഥി​തി മ​ന്ത്രാ​ല​യ​വും സം​ഘ​ട​നാ കാ​ര്യാ​ല​യ​ങ്ങ​ളും ബ​ഹു​നി​ല പാ​ർ​ട്ടി ഓ​ഫീ​സു​ക​ളും ര​മ്യ​ഹ​ർ​മ്യ​ങ്ങ​ളും നി​ർ​മി​ച്ച​വ​രേ, നി​ങ്ങ​ൾ മ​നു​ഷ്യ​രു​ടെ ദു​രി​ത​ങ്ങ​ളി​ലേ​ക്കു നോ​ക്കൂ. നി​ങ്ങ​ളു​ടെ സു​ഖ​വാ​സ​ത്തി​ന് പ​ശ്ചി​മ​ഘ​ട്ട​ത്തി​ൽ അ​ണ​ക്കെ​ട്ടു​ക​ളും പ​വ​ർ​ഹൗ​സു​ക​ളും ടൂ​റി​സ്റ്റ് ബം​ഗ്ലാ​വു​ക​ളും നി​ല​നി​ർ​ത്താ​മെ​ങ്കി​ൽ ഈ ​മ​നു​ഷ്യ​രും അ​വി​ടെ​യു​ണ്ടാ​കും. പ​രി​സ്ഥി​തി​ലോ​ലം കാ​പ​ട്യ​ത്തി​ന്‍റെ ചൂ​തു​ക​ളി​യാ​ക​രു​ത്.

Tags : DEEPIKA EDITORIAL NOTIFICATION