കൃ​ത്യം ര​ണ്ടു വ​ർ​ഷം. 2024 ന​വം​ബ​ർ ഒ​ന്നി​ന് റെ​യി​ൽ​വേ സ്റ്റേ​ഷ​ന്‍റെ മേ​ൽ​ക്കൂ​ര ത​ക​ർ​ന്ന് 16 പേ​ർ മ​രി​ച്ച​തി​ലെ അ​ഴി​മ​തി ചൂ​ണ്ടി​ക്കാ​ട്ടി സ​ർ​ക്കാ​രി​നെ​തി​രേ സ​മ​ര​ത്തി​നി​റ​ങ്ങി​യ വി​ദ്യാ​ർ​ഥി​ക​ൾ സെ​ർ​ബി​യ​യി​ൽ അ​ധി​കാ​ര​ത്തി​ലേ​ക്ക്. അ​ട്ടി​മ​റി​യൊ​ന്നു​മ​ല്ല, തെ​ര​ഞ്ഞെ​ടു​പ്പി​ൽ ഭൂ​രി​പ​ക്ഷം നേ​ടി സ​ർ​ക്കാ​ർ രൂ​പീ​ക​രി​ക്കു​ക​യാ​ണ്. ചി​ന്തി​ക്കു​ന്ന​വ​ർ​ക്കു ദൃ​ഷ‌്ടാ​ന്ത​മു​ണ്ട്. ഒ​ന്ന്, അ​ധി​കാ​ര​പ്ര​മ​ത്ത​ത​യി​ലും വ​ർ​ഗീ​യ​ത​യി​ലും അ​ഴി​മ​തി​യി​ലു​മൊ​ക്കെ മു​ങ്ങി​യ ഭ​ര​ണ​കൂ​ട​ങ്ങ​ളെ ചോ​ദ്യം ചെ​യ്യാ​ൻ, സ​ഹി​കെ​ട്ട യു​വാ​ക്ക​ൾ തീ​രു​മാ​നി​ച്ചി​രി​ക്കു​ന്നു. പ​ര​ന്പ​രാ​ഗ​ത രാ​ഷ്‌​ട്രീ​യ പാ​ർ​ട്ടി​ക​ളു​ടെ​യും യു​വ-​വി​ദ്യാ​ർ​ഥി സം​ഘ​ട​ന​ക​ളു​ടെ​യും അ​ല​സ​രാ​ഷ്‌​ട്രീ​യ​ത്തി​ൽ മ​നം മ​ടു​ത്ത ജ​നം വി​ദ്യാ​ർ​ഥി​മു​ന്നേ​റ്റ​ങ്ങ​ളെ പി​ന്തു​ണ​യ്ക്കു​ന്നു. അ​ധി​കാ​ര​ത്തി​ൽ അ​ള്ളി​പ്പി​ടി​ച്ചി​രി​ക്കാ​ൻ അ​ധി​കാ​ര​ത്തെ ദു​രു​പ​യോ​ഗി​ക്കു​ന്ന​വ​ർ​ക്കു​നേ​രേ ചൂ​ണ്ടി​യ തോ​ക്കാ​ണ് സെ​ർ​ബി​യ.
‌
14 വ​ർ​ഷം അ​ധി​കാ​ര​ത്തി​ലി​രു​ന്ന അ​ല​ക്സാ​ണ്ട​ർ വു​ചി​ച് തോ​ൽ​വി സ​മ്മ​തി​ച്ചു. 250 അം​ഗ പാ​ർ​ല​മെ​ന്‍റി​ൽ വി​ദ്യാ​ർ​ഥി​സ​ഖ്യ​മാ​യ സ്റ്റു​ഡ​ന്‍റ് ലി​സ്റ്റ് 141 സീ​റ്റ് നേ​ടി​യ​പ്പോ​ൾ വു​ചി​ച്ചി​ന്‍റെ വ​ല​തു​പ​ക്ഷ സെ​ർ​ബി​യ​ൻ പ്രോ​ഗ്ര​സീ​വ് പാ​ർ​ട്ടി​ക്ക് (എ​സ്എ​ൻ​എ​സ്) 103 സീ​റ്റ്. മ​റ്റു പാ​ർ​ട്ടി​ക​ൾ​ക്കു ആ​റ് സീ​റ്റ്. 52.65 ശ​ത​മാ​നം വോ​ട്ടാ​ണ് സ്റ്റു​ഡ​ന്‍റ്സ് ലി​സ്റ്റി​നു ല​ഭി​ച്ച​ത്. എ​സ്എ​ൻ​എ​സ് 39.2 ശ​ത​മാ​ന​ത്തി​ലേ​ക്കു ചു​രു​ങ്ങി.

വ്യാ​പ​ക തെ​ര​ഞ്ഞെ​ടു​പ്പ് ക്ര​മ​ക്കേ​ടു​ക​ൾ ന​ട​ന്നെ​ന്ന ആ​രോ​പ​ണ​മു​ണ്ടാ​യി​രു​ന്നു. എ​ന്നി​ട്ടും സ​ർ​ക്കാ​രി​നു ജ​യി​ക്കാ​നാ​യി​ല്ല. ഏ​കാ​ധി​പ​ത്യ രാ​ജ്യ​ങ്ങ​ളാ​യ റ​ഷ്യ​യും ചൈ​ന​യു​മാ​യി​രു​ന്നു വു​ചി​ച്ചി​ന്‍റെ പി​ന്തു​ണ​ക്കാ​ർ. പ​ക്ഷേ, 1989ൽ ​ബെ​യ്ജിം​ഗി​ലെ ടി​യാ​ന​ൻ​മെ​ൻ ച​ത്വ​ര​ത്തി​ൽ ജ​നാ​ധി​പ​ത്യ​ത്തി​നും അ​ഭി​പ്രാ​യ​സ്വാ​ത​ന്ത്ര്യ​ത്തി​നും​വേ​ണ്ടി പ്ര​തി​ഷേ​ധ​സ​മ​ര​ത്തി​നി​റ​ങ്ങി​യ ആ​യി​ര​ക്ക​ണ​ക്കി​നു വി​ദ്യാ​ർ​ഥി​ക​ളെ കൊ​ന്നൊ​ടു​ക്കി​യ ക​മ്യൂ​ണി​സ്റ്റ് ശൈ​ലി യൂ​റോ​പ്യ​ൻ ജ​നാ​ധി​പ​ത്യ​രാ​ജ്യ​മാ​യ സെ​ർ​ബി​യ​യി​ൽ ചെ​ല​വാ​യി​ല്ല.

സെ​ർ​ബി​യ​യി​ലെ ര​ണ്ടാ​മ​ത്തെ വ​ലി​യ ന​ഗ​ര​മാ​യ നോ​വി സാ​ഡി​ലെ റെ​യി​ൽ​വേ സ്റ്റേ​ഷ​ന്‍റെ കോ​ണ്‍​ക്രീ​റ്റ് മേ​ൽ​ക്കൂ​ര ത​ക​ർ​ന്നു​വീ​ണ് ര​ണ്ടു കു​ട്ടി​ക​ള​ട​ക്കം 16 പേ​ർ മ​രി​ക്കു​ക​യും നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത ദു​ര​ന്ത​മാ​ണ് ഈ ​ജ​ന​കീ​യ വി​പ്ല​വ​ത്തി​ന് തു​ട​ക്ക​മാ​യ​ത്. ചൈ​ന​യു​ടെ ‘ബെ​ൽ​റ്റ് ആ​ൻ​ഡ് റോ​ഡ്’ പ​ദ്ധ​തി​യു​ടെ ഭാ​ഗ​മാ​യി ചൈ​നീ​സ് ക​ണ്‍​സോ​ർ​ഷ്യ​മാ​ണ് ഈ ​റെ​യി​ൽ​വേ സ്റ്റേ​ഷ​ൻ ന​വീ​ക​രി​ച്ച​ത്. പ​ദ്ധ​തി​യി​ലെ സു​താ​ര്യ​ത​ക്കു​റ​വും അ​ഴി​മ​തി​യു​മാ​ണ് ദു​ര​ന്ത​ത്തി​നു കാ​ര​ണ​മാ​യ​തെ​ന്നാ​രോ​പി​ച്ച് വി​ദ്യാ​ർ​ഥി​ക​ൾ തെ​രു​വി​ലി​റ​ങ്ങി.
‌
ഇ​തു വി​ദേ​ശ ശ​ക്തി​ക​ളു​ടെ ഗൂ​ഢാ​ലോ​ച​ന​യാ​ണെ​ന്നും പ​ക്ഷേ, സ​ർ​ക്കാ​രി​നു ചൈ​ന​യു​ടെ​യം റ​ഷ്യ​യു​ടെ​യും പി​ന്തു​ണ​യു​ണ്ടെ​ന്നും വു​ചി​ച് അ​വ​കാ​ശ​പ്പെ​ട്ടി​രു​ന്നു. ഭ​ര​ണ​പ​ക്ഷ പാ​ർ​ട്ടി​യു​ടെ ഗു​ണ്ട​ക​ൾ പോ​ലീ​സി​നൊ​പ്പം ചേ​ർ​ന്ന് വി​ദ്യാ​ർ​ഥി​ക​ളെ അ​ക്ര​മി​ക്കാ​നും ത​ല്ലി​യോ​ടി​ക്കാ​നും ഇ​റ​ങ്ങി. പ​ക്ഷേ, അ​തോ​ടെ സ്ഥി​തി വ​ഷ​ളാ​യി. ക​ർ​ഷ​ക​രും കാ​യി​ക​താ​ര​ങ്ങ​ളും ഉ​ദ്യോ​ഗ​സ്ഥ​രു​മൊ​ക്കെ വി​ദ്യാ​ർ​ഥി​ക​ൾ​ക്കു പി​ന്തു​ണ​യു​മാ​യെ​ത്തി. ത​ങ്ങ​ളൊ​രു രാ​ഷ്‌​ട്രീ​യ പാ​ർ​ട്ടി​യ​ല്ലെ​ന്ന് തു​ട​ക്ക​ത്തി​ൽ വ്യ​ക്ത​മാ​ക്കി​യി​രു​ന്ന വി​ദ്യാ​ർ​ഥി​ക​ൾ സ​ർ​ക്കാ​രി​ന്‍റ അ​ടി​ച്ച​മ​ർ​ത്ത​ൽ രൂ​ക്ഷ​മാ​യ​തോ​ടെ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

വു​ചി​ച്ചി​ന്‍റെ ചൈ​നീ​സ്-​റ​ഷ്യ​ൻ അ​നു​കൂ​ല ന​യ​ങ്ങ​ളി​ൽ​നി​ന്നു മാ​റി, കൂ​ടു​ത​ൽ പാ​ശ്ചാ​ത്യ അ​നു​കൂ​ല ന​യ​ങ്ങ​ളി​ലേ​ക്കും യൂ​റോ​പ്യ​ൻ യൂ​ണി​യ​ൻ പ്ര​വേ​ശ​ന​ത്തി​ലേ​ക്കും ശ്ര​ദ്ധ കേ​ന്ദ്രീ​ക​രി​ക്കാ​ൻ വി​ദ്യാ​ർ​ഥി​ക​ൾ ത​യാ​റാ​കു​മെ​ന്നാ​ണു സൂ​ച​ന. ചൈ​ന​യു​മാ​യി മു​ൻ സ​ർ​ക്കാ​ർ ഉ​ണ്ടാ​ക്കി​യ​തും അ​ഴി​മ​തി​യാ​രോ​പ​ണ​ത്തി​ലു​ള്ള​തു​മാ​യ പ​ല ക​രാ​റു​ക​ളും പു​തി​യ സ​ർ​ക്കാ​ർ പു​നഃ​പ​രി​ശോ​ധി​ച്ചേ​ക്കു​മെ​ന്ന് റി​പ്പോ​ർ​ട്ടു​ക​ളു​ണ്ട്. ഏ​കാ​ധി​പ​ത്യ​ത്തി​നു​മേ​ൽ ജ​നാ​ധി​പ​ത്യ​ത്തി​ന്‍റെ വി​ജ​യ​മാ​യി​ട്ടാ​ണ് യൂ​റോ​പ്യ​ൻ രാ​ഷ്‌​ട്രീ​യ നി​രീ​ക്ഷ​ക​ർ സെ​ർ​ബി​യ​ൻ തെ​ര​ഞ്ഞെ​ടു​പ്പു​ഫ​ല​ത്തെ നി​രീ​ക്ഷി​ക്കു​ന്ന​ത്.

മ​റ്റു രാ​ജ്യ​ങ്ങ​ളു​ടെ ആ​ഭ്യ​ന്ത​ര​കാ​ര്യ​ങ്ങ​ളി​ൽ ത​ങ്ങ​ൾ ഇ​ട​പെ​ടാ​റി​ല്ലെ​ന്നും സെ​ർ​ബി​യ​യി​ലെ ജ​ന​ങ്ങ​ളു​ടെ തീ​രു​മാ​ന​ത്തെ മാ​നി​ക്കു​ന്നെ​ന്നും വി​ദ്യാ​ർ​ഥി​സ​ർ​ക്കാ​രു​മാ​യി സ​ഹ​ക​രി​ക്കാ​ൻ ത​യാ​റാ​ണെ​ന്നും ചൈ​ന അ​റി​യി​ച്ചി​ട്ടു​ണ്ട്. റ​ഷ്യ​യും സ​ഹ​ക​ര​ണം വാ​ഗ്ദാ​നം ചെ​യ്തി​ട്ടു​ണ്ട്. ഇ​രു​കൂ​ട്ട​ർ​ക്കും കാ​ര്യം മ​ന​സി​ലാ​യി. വി​ദ്വേ​ഷ രാ​ഷ്‌​ട്രീ​യ​ക്കാ​രും അ​ഴി​മ​തി​ക്കാ​രും തെ​ര​ഞ്ഞെ​ടു​പ്പ് അ​ട്ടി​മ​റി​ക്കാ​രു​മാ​യ ഏ​കാ​ധി​പ​തി​ക​ൾ​ക്കെ​തി​രേ​യു​ള്ള പോ​രാ​ട്ട​ക്കാ​ർ​ക്ക് ഇ​ത് ആ​വേ​ശ​മാ​ണ്. ലോ​ക​മെ​ങ്ങു​മു​ള്ള അ​ടി​ച്ച​മ​ർ​ത്ത​ലു​കാ​രോ​ടാ​ണ് സെ​ർ​ബി​യ​ൻ ‘പാ​റ്റ’​ക​ളു​ടെ മ​ൻ കി ​ബാ​ത്.

Tags : Deepika Editorial