18

അ​ബു​ദാ​ബി: ഇ​റാ​ൻ ന​ട​ത്തി​യ ക​ന​ത്ത വ്യോ​മാ​ക്ര​മ​ണ​ത്തെ വി​ജ​യ​ക​ര​മാ​യി പ്ര​തി​രോ​ധി​ച്ച​താ​യും ജ​ന​ങ്ങ​ൾ പ​രി​ഭ്രാ​ന്ത​രാ​കേ​ണ്ട സാ​ഹ​ച​ര്യ​മി​ല്ലെ​ന്നും യു​എ​ഇ. രാ​ജ്യ​ത്തെ പ്ര​തി​രോ​ധ സം​വി​ധാ​ന​ങ്ങ​ൾ കൂ​ടു​ത​ൽ ശ​ക്ത​മാ​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ച​താ​യും യു​എ​ഇ ഭ​ര​ണ​കൂ​ടം വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു. ‌
‌
രാ​ജ്യ​ത്തെ​യും ജ​ന​ങ്ങ​ളെ​യും സം​ര​ക്ഷി​ക്കാ​ൻ യു​എ​ഇ സു​സ​ജ്ജ​മാ​ണെ​ന്നും ഏ​ത് സ​മ​യ​ത്തും സു​ര​ക്ഷ​യൊ​രു​ക്കാ​ൻ അ​ത്യാ​ധു​നി​ക സം​വി​ധാ​ന​ങ്ങ​ൾ ത​യാ​റാ​ക്കി​യി​ട്ടു​ണ്ടെ​ന്നും അ​ധി​കൃ​ത​ർ വ്യ​ക്ത​മാ​ക്കി.

ഇ​റാ​ൻ ന​ട​ത്തി​യ വ്യോ​മാ​ക്ര​മ​ണ​ങ്ങ​ളെ ആ​കാ​ശ​ത്ത് വ​ച്ച് ത​ന്നെ പ്ര​തി​രോ​ധി​ച്ച​താ​യാ​ണ് യു​എ​ഇ അ​വ​കാ​ശ​പ്പെ​ടു​ന്ന​ത്. ആ​ക്ര​മ​ണ​ത്തി​ന്‍റെ ഭാ​ഗ​മാ​യി ഇ​റാ​ന്‍റെ 186 ബാ​ലി​സ്റ്റി​ക് മി​സൈ​ലു​ക​ളാ​ണ് യു​എ​ഇ ല​ക്ഷ്യ​മാ​ക്കി​യെ​ത്തി​യ​ത്.

എ​ന്നാ​ൽ ഇ​തി​ൽ 172 എ​ണ്ണ​വും വ്യോ​മ​പ്ര​തി​രോ​ധ സേ​ന ത​ക​ർ​ത്ത​താ​യി യു​എ​ഇ ഭ​ര​ണ​കൂ​ടം അ​റി​യി​ക്കു​ന്നു. 13 എ​ണ്ണം ക​ട​ലി​ൽ വീ​ണു. ഒ‌​രു മി​സൈ​ൽ മാ​ത്ര​മാ​ണ് രാ​ജ്യ​ത്തി​ന​ക​ത്ത് പ​തി​ച്ച​ത്.

ഇ​റാ​ൻ ആ​ക്ര​മ​ണ​ത്തി​ന് അ​യ​ച്ച 812 ഡ്രോ​ണു​ക​ളി​ൽ 755 എ​ണ്ണ​വും ല​ക്ഷ്യം കാ​ണു​ന്ന​തി​ന് മു​ൻ​പാ​യി യു​എ​ഇ സൈ​ന്യം ത​ക​ർ​ത്തു. 57 ഡ്രോ​ണു​ക​ൾ മാ​ത്ര​മാ​ണ് രാ​ജ്യ​ത്തി​ന​ക​ത്ത് പ്ര​വേ​ശി​ച്ച​ത്.

ഇ​റാ​ൻ ന​ട​ത്തി​യ ആ​ക്ര​മ​ണ​ത്തി​ൽ ഇ​തു​വ​രെ മൂ​ന്ന് മ​ര​ണ​വും 68 പേ​ർ​ക്ക് പ​രി​ക്കേ​റ്റ​താ​യും റി​പ്പോ​ർ​ട്ട് ചെ​യ്തി​ട്ടു​ണ്ട്. എ​ന്നാ​ൽ മി​സൈ​ലു​ക​ൾ നേ​രി​ട്ട് പ​തി​ച്ച​ല്ല ജ​ന​ങ്ങ​ൾ​ക്ക് പ​രി​ക്കേ​റ്റ​തെ​ന്നും ത​ക​ർ​ക്ക​പ്പെ​ട്ട ഡ്രോ​ണു​ക​ളു​ടെ​യും മി​സൈ​ലു​ക​ളു​ടെ​യും അ​വ​ശി​ഷ്ട​ങ്ങ​ൾ താ​ഴേ​ക്ക് പ​തി​ച്ചാ​ണ് ആ​ളു​ക​ൾ​ക്ക് പ​രി​ക്കേ​റ്റ​തെ​ന്നും യു​എ​ഇ അ​ധി​കൃ​ത​ർ കൂ​ട്ടി​ച്ചേ​ർ​ത്തു.

Tags : UAE Iran dubai abudhabi usa