6

മ​നു​ഷ്യ​ർ ഗു​ഹാ​വാ​സികളായി ക​ഴി​ഞ്ഞി​രു​ന്ന കാ​ല​മു​ണ്ടാ​യി​രു​ന്നു. കാ​ട്ടു​മൃ​ഗ​ങ്ങ​ളി​ൽനി​ന്നും ക​ഠി​ന​മാ​യ കാ​ലാ​വ​സ്ഥ​യി​ൽനി​ന്നും ര​ക്ഷ​നേ​ടാ​ൻ പ്രാ​കൃ​തമ​നു​ഷ്യ​ൻ പ്ര​കൃ​തി​ദ​ത്ത​മാ​യ ഗു​ഹ​ക​ളെ​ അഭയകേന്ദ്രങ്ങളാക്കി. ആ ഗുഹകളുടെ ചുവരുകളിൽ, മനുഷ്യരൂപങ്ങൾ, വേട്ടയാട‌ലിന്‍റെ ദൃശ്യങ്ങൾ, മൃഗങ്ങൾ തുടങ്ങിയവ വരച്ചിട്ടു. അവർ തങ്ങളുടെ ജീവിതം വരകളാക്കി പകർത്തിവച്ചു ഗുഹാചുവരുകളിൽ. എന്നാൽ ഭൂമിയിലെ ഗുഹകളല്ല സംസാരവിഷയം, അന്പിളി മാമന്‍റെ മടിത്തട്ടിലെ ഗുഹകളെക്കുറിച്ചാണു ശാസ്ത്രലോകത്തു ചർച്ച. ച​ന്ദ്ര​നി​ൽ വീ​ണ്ടും മ​നു​ഷ്യ​ൻ കാ​ൽ​കു​ത്താ​ൻ ഒ​രു​ങ്ങു​ന്ന ഘട്ടത്തിൽ ഈ ഗുഹകളുടെ പഠനത്തിനു വലിയ പ്രാധാന്യണ്ട്. ചന്ദ്രനിലെ ഗുഹകൾ മനുഷ്യനു താവളമാക്കാൻ കഴിയുമോ എന്ന വലിയ അന്വേഷണത്തിലാണ് നാസ!

ച​ന്ദ്ര​ന്‍റെ പ്ര​ത​ല​ത്തി​ൽ കാ​ണ​പ്പെ​ടു​ന്ന ദു​രൂ​ഹ​മാ​യ കൂ​റ്റ​ൻ ഗ​ർ​ത്ത​ത്തെ​യും അ​തി​നു​ള്ളി​ൽ നി​ല​നി​ൽ​ക്കു​ന്നു​വെ​ന്നു ക​രു​ത​പ്പെ​ടു​ന്ന വി​ശാ​ല​മാ​യ ലാ​വാ തു​ര​ങ്ക​ങ്ങ​ളെ​യും കു​റി​ച്ചു പ​ഠി​ക്കാ​നാണു നാസ തയാറെടുക്കുന്നത്. 'GIMLI' ( Geophysical Investigation of the Marius Hills Pit Lava Tube and Interior) എ​ന്നു പേ​രി​ട്ടി​രി​ക്കു​ന്ന ദൗ​ത്യം പ്ലാ​ന​റ്റ​റി സ​യ​ൻ​സ് ഇ​ൻ​സ്റ്റി​റ്റ്യൂ​ട്ടി​ന്‍റെ (പി​എ​സ്ഐ) നേ​തൃ​ത്വ​ത്തി​ലാ​ണു ന​ട​പ്പാ​ക്കു​ന്ന​ത്. നാ​സ​യു​ടെ പ്രി​സം പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണു ദൗ​ത്യ​ത്തി​നു സാ​മ്പ​ത്തി​ക-​സാ​ങ്കേ​തി​ക സ​ഹാ​യം ന​ൽ​കു​ന്ന​ത്.

മാ​രി​യ​സ് ഹി​ൽ​സി​ലെ ഗ​ർ​ത്ത​വും ലാ​വാ തു​ര​ങ്ക​ങ്ങ​ളും
ച​ന്ദ്ര​നി​ലെ പ്രാ​ചീ​ന അ​ഗ്നി​പ​ർ​വ​ത മേ​ഖ​ല​യാ​യ 'മാ​രി​യ​സ് ഹി​ൽ​സി'​ൽ സ്ഥി​തി ചെ​യ്യു​ന്ന ഭീ​മ​ൻ ഗ​ർ​ത്ത​ത്തെ കേ​ന്ദ്രീ​ക​രി​ച്ചാ​ണു പ​ഠ​നം. ഏ​ക​ദേ​ശം 34 മീ​റ്റ​ർ ആ​ഴ​വും 65 മു​ത​ൽ 90 മീ​റ്റ​ർ വ​രെ വ്യാ​സ​വു​മു​ള്ള​താ​ണ് ഈ ​ഗ​ർ​ത്തം. ഉ​പ​ഗ്ര​ഹ ചി​ത്ര​ങ്ങ​ളി​ലൂ​ടെ ഇ​തി​ന്‍റെ സാ​ന്നി​ധ്യം മു​ൻ​പു സ്ഥി​രീ​ക​രി​ച്ചി​ട്ടു​ണ്ടെ​ങ്കി​ലും, ഈ ​ഗ​ർ​ത്തം ഉ​ള്ളി​ലേ​ക്കു നീ​ളു​ന്ന കൂ​റ്റ​ൻ ലാ​വ തു​ര​ങ്ക​ങ്ങ​ളു​മാ​യി ബ​ന്ധി​ക്കു​ന്നു​ണ്ടോ എ​ന്നു പൂ​ർ​ണ​മാ​യി തെ​ളി​യി​ക്കാ​ൻ ശാ​സ്ത്ര​ലോ​ക​ത്തി​ന് ഇ​തു​വ​രെ സാ​ധി​ച്ചി​ട്ടി​ല്ല. കോ​ടി​ക്ക​ണ​ക്കി​നു വ​ർ​ഷ​ങ്ങ​ൾ​ക്കു മു​ൻ​പു ച​ന്ദ്ര​നി​ൽ അ​ഗ്നി​പ​ർ​വ​ത​ങ്ങ​ൾ സ​ജീ​വ​മാ​യി​രു​ന്ന കാ​ല​ത്തു രൂ​പ​പ്പെ​ട്ട​താ​ണ് ഇ​ത്ത​രം ഭൂ​ഗ​ർ​ഭ ലാ​വാ തു​ര​ങ്ക​ങ്ങ​ൾ.

ച​ന്ദ്ര​ന്‍റെ ഉ​പ​രി​ത​ല​ത്തി​ൽ​നി​ന്നു നേ​രി​ട്ട് ഈ ​ഗ​ർ​ത്ത​ത്തെ​ക്കു​റി​ച്ചു പ​ഠി​ക്കാ​ൻ 'GIMLI' ദൗ​ത്യം വ​ഴി സാ​ധി​ക്കും. ഗ്രൗ​ണ്ട് പെ​നി​ട്രേ​റ്റിം​ഗ് റ​ഡാ​ർ, ഭൂ​ക​മ്പ മാ​പി​നി​ക​ൾ, ഗ്രാ​വി​മീ​റ്റ​ർ തു​ട​ങ്ങി വി​വി​ധ​ത​രം അ​ത്യാ​ധു​നി​ക ഉ​പ​ക​ര​ണ​ങ്ങ​ൾ ഇ​തി​നാ​യി ഉ​പ​യോ​ഗി​ക്കും. കൂ​ടാ​തെ ഗ​ർ​ത്ത​ത്തി​ന്‍റെ ഉ​ൾ​വ​ശ​ത്തെ പാ​റ​ക്കെ​ട്ടു​ക​ളു​ടെ ചി​ത്ര​ങ്ങ​ളെ​ടു​ക്കാ​ൻ ശേ​ഷി​യു​ള്ള കാ​മ​റ​ക​ളും ഇ​തി​ൽ സ​ജ്ജീ​ക​രി​ക്കും.

മ​നു​ഷ്യ​വാ​സ​ത്തി​നു വ​ഴി​തു​റ​ക്കു​മോ?
ച​ന്ദ്ര​ന്‍റെ ഉ​പ​രി​ത​ല​ത്തി​ൽ ക​ഠി​ന​മാ​യ താ​പ​നി​ല വ്യ​തി​യാ​ന​ങ്ങ​ൾ, ബ​ഹി​രാ​കാ​ശ വി​കി​ര​ണ​ങ്ങ​ൾ, ഉ​ൽ​ക്കാ​പ​ത​ന​ങ്ങ​ൾ എ​ന്നി​വ നി​ര​ന്ത​രം ഭീ​ഷ​ണി ഉ​യ​ർ​ത്തു​ന്നു​ണ്ട്. എ​ന്നാ​ൽ ഗ​ർ​ത്ത​ത്തി​നു​ള്ളി​ലെ തു​ര​ങ്ക​ങ്ങ​ൾ കേ​ടു​പാ​ടു​ക​ളി​ല്ലാ​തെ നി​ല​നി​ൽ​ക്കു​ന്നു​ണ്ടെ​ങ്കി​ൽ, ഭാ​വി​യി​ൽ ച​ന്ദ്ര​നി​ൽ സ്ഥാ​പി​ക്കാ​ൻ പോ​കു​ന്ന മ​നു​ഷ്യ​വാ​സ​കേ​ന്ദ്ര​ങ്ങ​ൾ​ക്കും ഗ​വേ​ഷ​ണ​താ​വ​ള​ങ്ങ​ൾ​ക്കും ഏ​റ്റ​വും സു​ര​ക്ഷി​ത​മാ​യ പ്ര​കൃ​തി​ദ​ത്ത അ​ഭ​യ​കേ​ന്ദ്ര​ങ്ങ​ളാ​യി അ​വ മാ​റും. അ​തോ​ടൊ​പ്പം ച​ന്ദ്ര​ന്‍റെ അ​ഗ്നി​പ​ർ​വ​ത ച​രി​ത്ര​ത്തെ​ക്കു​റി​ച്ചും താ​പ​നി​ല വ്യ​തി​യാ​ന​ങ്ങ​ളെ​ക്കു​റി​ച്ചും കൂ​ടു​ത​ൽ വി​വ​ര​ങ്ങ​ൾ ശേ​ഖ​രി​ക്കാ​നും ദൗ​ത്യ​ത്തി​നു ക​ഴി​യു​മെ​ന്ന് നാ​സ​യി​ലെ മു​തി​ർ​ന്ന ഗ​വേ​ഷ​ക​ർ വ്യ​ക്ത​മാ​ക്കി.

Tags : International SpaceScience NASA GIMLI MariusHillsPit LunarCaves AstronautBase ScienceNews