18

പാ​ല​ക്കാ​ട്: സ​മൂ​ഹ​മ​നഃ​സാ​ക്ഷി​യെ ഞെ​ട്ടി​ച്ച അ​ട്ട​പ്പാ​ടി മ​ധു ആ​ൾ​ക്കൂ​ട്ട കൊ​ല​പാ​ത​ക​ക്കേ​സി​ൽ ഒ​ന്നാം പ്ര​തി ഹു​സൈ​നെ ഹൈ​ക്കോ​ട​തി വെ​റു​തേ​വി​ട്ടു. ഇയാൾക്കെതിരായ  മ​തി​യാ​യ തെ​ളി​വു​ക​ൾ ഹാ​ജ​രാ​ക്കാ​ൻ പ്രോ​സി​ക്യൂ​ഷ​ന് സാ​ധി​ച്ചി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് ന​ട​പ​ടി.

ജ​സ്റ്റി​സ് വി. ​രാ​ജ വി​ജ​യ​രാ​ഘ​വ​ൻ, ജ​സ്റ്റി​സ് കെ. ​വി. ജ​യ​കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചാ​ണ് കേ​സ് പ​രി​ഗ​ണി​ച്ച​ത്. വി​ചാ​ര​ണ കോ​ട​തി വി​ധി റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് മ​റ്റ് പ്ര​തി​ക​ൾ ന​ൽ​കി​യ അ​പ്പീ​ൽ കോ​ട​തി ത​ള്ളി. കോ​ട​തി കു​റ്റ​ക്കാ​രെ​ന്ന് ക​ണ്ടെ​ത്തി​യ 14 പ്ര​തി​ക​ളി​ൽ 13 പേ​ർ​ക്കും ഏ​ഴ് വ​ർ​ഷം ക​ഠി​ന​ത​ട​വും ഒ​രു ല​ക്ഷം രൂ​പ പി​ഴ​യു​മാ​ണ് നേ​ര​ത്തെ വി​ചാ​ര​ണ​ക്കോ​ട​തി ശി​ക്ഷ വി​ധി​ച്ചി​രു​ന്ന​ത്.

2018 ഫെ​ബ്രു​വ​രി 22നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. അ​ട്ട​പ്പാ​ടി ചി​ണ്ട​ക്കി ഊ​രി​ലെ മ​ല്ല​ന്‍റെ​യും മ​ല്ലി​യു​ടെ​യും മ​ക​നും മാ​ന​സി​കാ​സ്വാ​സ്ഥ്യം നേ​രി​ട്ടി​രു​ന്ന​തു​മാ​യ ആ​ദി​വാ​സി യു​വാ​വ് മ​ധു​വി​നെ (34) അ​രി​യും പ​ല​ച​ര​ക്ക് സാ​ധ​ന​ങ്ങ​ളും മോ​ഷ്ടി​ച്ചെ​ന്നാ​രോ​പി​ച്ചാ​ണ് ഒ​രു കൂ​ട്ടം ആ​ളു​ക​ൾ കാ​ട്ടി​ൽ നി​ന്ന് പി​ടി​കൂ​ടി​യ​ത്.

ഇ​രു​കൈ​ക​ളും പി​ന്നി​ലേ​ക്ക് കൂ​ട്ടി​ക്കെ​ട്ടി, ന​ഗ്ന​നാ​ക്കി അ​ട്ട​പ്പാ​ടി​യി​ലെ റോ​ഡി​ലൂ​ടെ ന​ട​ത്തി​ച്ചാ​യി​രു​ന്നു ആ​ൾ​ക്കൂ​ട്ട വി​ചാ​ര​ണ. വ​ഴി​യി​ലു​ട​നീ​ളം ക്രൂ​ര​മാ​യ മ​ർ​ദ്ദ​ന​ത്തി​നി​ര​യാ​യ മ​ധു​വി​നെ ഒ​ടു​വി​ൽ പൊ​ലീ​സ് വ​ണ്ടി​യാ​ണ് ആ​ശു​പ​ത്രി​യി​ലേ​ക്ക് മാ​റ്റി​യ​ത്. എ​ന്നാ​ൽ ആ​ശു​പ​ത്രി​യി​ലേ​ക്കു​ള്ള വ​ഴി​മ​ധ്യേ ആ​ന്ത​രി​ക ര​ക്ത​സ്രാ​വ​ത്തെ തു​ട​ർ​ന്ന് മ​ധു മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

Tags : attappadi madhu case high court