24

കൊച്ചി: എറണാകുളം പല്ലാരിമംഗലത്ത് വീട് കുത്തിത്തുറന്ന് 11 പവന്‍ സ്വര്‍ണം കവര്‍ന്നു. പുല്ലായിക്കാട്ട് സഹല്‍ സിദ്ദിഖിന്‍റെ വീട്ടിലാണ് ഇന്ന് പുലര്‍ച്ചെ മോഷണം നടന്നത്. ബുധനാഴ്ച രാത്രി ബന്ധുവിനെ വിമാനത്താവളത്തില്‍ നിന്നും കൊണ്ടുവരാനായി വീട്ടിലുള്ളവര്‍ പോയ സമയത്താണ് മോഷണം നടന്നത്.

വീടിന്‍റെ മുന്‍ഭാഗത്തെ കതക് കുത്തിത്തുറന്നാണ് മോഷ്ടാക്കള്‍ അകത്തു കടന്നത്. 11 പവന്‍ സ്വര്‍ണവും 25,000 രൂപയും മോഷ്ടാക്കള്‍ കവര്‍ന്നു. രാവിലെ വിമാനത്താവളത്തില്‍ നിന്നും മടങ്ങി എത്തിയപ്പോഴാണ് മോഷണം നടന്ന വിവരം വീട്ടുകാര്‍ അറിയുന്നത്. പോത്താനിക്കാട് പൊലിസ് സ്ഥലത്തെത്തി അന്വേഷണം ആരംഭിച്ചു.

Tags : HouseBreak Gold Theft Police Crime