12

മൂ​വാ​റ്റു​പു​ഴ: അ​ധി​കൃ​ത​രു​ടെ ക​ടു​ത്ത അ​നാ​സ്ഥ​യെ തു​ട​ർ​ന്ന് റോ​ഡി​ന് ന​ടു​വി​ലു​ണ്ടാ​യ കൂ​റ്റ​ൻ മ​ൺ​കൂ​ന​യി​ൽ കി​ട​ന്ന് വേ​റി​ട്ട രീ​തി​യി​ൽ പ്ര​തി​ഷേ​ധി​ച്ച പൊ​തു​പ്ര​വ​ർ​ത്ത​ക​നും ഓ​ട്ടോ​റി​ക്ഷ തൊ​ഴി​ലാ​ളി​യു​മാ​യ എം.​ജെ. ഷാ​ജി​യു​ടെ സ​മ​രം വി​ജ​യി​ച്ചു. വാ​ട്ട​ർ അ​തോ​റി​റ്റി​യു​ടെ ഉ​റ​പ്പി​നെ തു​ട​ർ​ന്ന് അ​ദ്ദേ​ഹം പ്ര​തി​ഷേ​ധം അ​വ​സാ​നി​പ്പി​ച്ചു.

മൂ​വാ​റ്റു​പു​ഴ പി.​ഒ ജം​ഗ്ഷ​നി​ലും കാ​വും​പ​ടി റോ​ഡി​ൽ പോ​ലീ​സ് സ്റ്റേ​ഷ​ന് സ​മീ​പ​വും പൈ​പ്പ് പൊ​ട്ട​ലി​നെ തു​ട​ർ​ന്ന് ജ​ല അ​തോ​റി​റ്റി എ​ടു​ത്ത കു​ഴി​ക​ൾ ഗ​ർ​ത്ത​ങ്ങ​ളാ​യി മാ​റി അ​പ​ക​ട​ങ്ങ​ൾ നി​ത്യ​സം​ഭ​വ​മാ​യി​രു​ന്നു. ദി​വ​സ​ങ്ങ​ളോ​ളം ഈ ​നി​ല തു​ട​ർ​ന്നി​ട്ടും അ​ധി​കാ​രി​ക​ൾ ഒ​രു ന​ട​പ​ടി​യും സ്വീ​ക​രി​ക്കാ​ത്ത​തി​നെ തു​ട​ർ​ന്നാ​ണ് വാ​ഴ​പ്പി​ള്ളി മു​ണ്ട​യ്ക്ക​ൽ എം.​ജെ. ഷാ​ജി ക​ടു​ത്ത പ്ര​തി​ഷേ​ധ​വു​മാ​യി മു​ന്നോ​ട്ടു​വ​ന്ന​ത്.

ഷാ​ജി റോ​ഡി​നു ന​ടു​വി​ലെ ത​ക​ർ​ന്ന ഭാ​ഗ​ത്തെ മ​ൺ​കൂ​ന​യി​ൽ കി​ട​ന്ന് മ​ണി​ക്കൂ​റു​ക​ളോ​ളം പ്ര​തി​ഷേ​ധി​ച്ചു. അ​ദ്ദേ​ഹ​ത്തി​ന്‍റെ കൈ​വ​ശ​വും അ​ദ്ദേ​ഹം കി​ട​ന്നി​രു​ന്ന മ​ൺ​കൂ​ന​യ്ക്കു മു​ക​ളി​ൽ വ​ച്ചി​രു​ന്ന താ​ൽ​ക്കാ​ലി​ക ഡി​വൈ​ഡ​റി​ലും പ്ല​ക്കാ​ർ​ഡു​ക​ൾ പ​തി​ച്ചി​രു​ന്നു. "അ​ധി​കാ​രി​ക​ളു​ടെ അ​നാ​സ്ഥ​യ്ക്കെ​തി​രെ പ്ര​തി​ഷേ​ധ സ​മ​രം, റോ​ഡ് സ​ഞ്ചാ​ര​യോ​ഗ്യ​മാ​ക്കു​ക' - എ​ന്ന് പ്ല​ക്കാ​ർ​ഡു​ക​ളു​മാ​യി​ട്ട് ആ​യി​രു​ന്നു സ​മ​രം.

സം​ഭ​വം അ​റി​ഞ്ഞ് മൂ​വാ​റ്റു​പു​ഴ പോ​ലീ​സ് സ്റ്റേ​ഷ​നി​ൽ നി​ന്ന് ട്രാ​ഫി​ക് എ​സ്ഐ കെ.​പി. സി​ദ്ദി​ഖി​ന്‍റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി അ​ദ്ദേ​ഹ​ത്തോ​ട് സ​മ​രം അ​വ​സാ​നി​പ്പി​ക്കാ​ൻ അ​ഭ്യ​ർ​ത്ഥി​ച്ചു. എ​ന്നാ​ൽ, വാ​ട്ട​ർ അ​തോ​റി​റ്റി അ​ധി​കൃ​ത​ർ എ​ത്തി ഉ​ട​ൻ റോ​ഡ് ശ​രി​യാ​ക്കു​മെ​ന്ന് രേ​ഖാ​മൂ​ലം ഉ​റ​പ്പ് ന​ൽ​കി​യാ​ൽ മാ​ത്ര​മേ പി​ന്നോ​ട്ട് പോ​കൂ എ​ന്ന് ഷാ​ജി ഉ​റ​പ്പി​ച്ചു പ​റ​ഞ്ഞു. നി​ര​വ​ധി നാ​ട്ടു​കാ​രും അ​ദ്ദേ​ഹ​ത്തി​ന് പി​ന്തു​ണ​യു​മാ​യി സ്ഥ​ല​ത്ത് ത​ടി​ച്ചു​കൂ​ടി.

ഒ​ടു​വി​ൽ, മൂ​വാ​റ്റു​പു​ഴ വാ​ട്ട​ർ അ​തോ​റി​റ്റി​യി​ലെ പി.​എ​ച്ച്. സെ​ക്ഷ​ൻ ഏ.​ഇ. വി​ജി​ൽ ഡ​ബ്ല്യു.​എ​സി​ന്‍റെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി. പോ​ലീ​സി​ന്റെ സാ​ന്നി​ധ്യ​ത്തി​ൽ, മ​ൺ​കൂ​ന നി​ര​പ്പാ​ക്കി അ​ടി​യ​ന്ത​ര​മാ​യി റോ​ഡ് സ​ഞ്ചാ​ര യോ​ഗ്യ​മാ​ക്കു​മെ​ന്ന് രേ​ഖാ​മൂ​ലം ഉ​റ​പ്പ് ന​ൽ​കി​യ ശേ​ഷ​മാ​ണ് ഷാ​ജി സ​മ​രം അ​വ​സാ​നി​പ്പി​ച്ച​ത്. മു​മ്പും അ​നേ​കം പൊ​തു​വി​ഷ​യ​ങ്ങ​ളി​ൽ വ്യ​ത്യ​സ്ത​മാ​യ സ​മ​ര​മു​റ​ക​ളി​ലൂ​ടെ ശ്ര​ദ്ധ​നേ​ടി​യി​ട്ടു​ള്ള ഷാ​ജി​യു​ടെ ഈ ​വേ​റി​ട്ട പ്ര​തി​ഷേ​ധം സ​മൂ​ഹ​ത്തി​ൽ വ​ലി​യ ശ്ര​ദ്ധ പി​ടി​ച്ചു​പ​റ്റി.

Tags : water authority mismanagement muvattupuzha protest