പാലാ: കൃഷിക്കായി പുരയിടം തീയിട്ടൊരുക്കുന്നതിനിടെ തീയിലകപ്പെട്ട് സ്ഥലം ഉടമയായ റിട്ടയേഡ് അധ്യാപകന് ദാരുണാന്ത്യം. പാലാ മീനച്ചിൽ പഞ്ചായത്ത് പൂവത്തോട് പൊരിയത്ത് ബേബി സെബാസ്റ്റ്യന് (70) ആണ് മരിച്ചത്.
ഇന്നലെ ഉച്ചയോടെയാണ് സംഭവം. പുരയിടത്തില്നിന്നു തീയും പുകയും ഉയരുന്നതു കണ്ടു നാട്ടുകാരാണ് ഫയര്ഫോഴ്സിനെ വിളിച്ചത്. പാലായില്നിന്നു ഫയര്ഫോഴ്സെത്തി തീയണയ്ക്കവേയാണ് ബേബി സെബാസ്റ്റ്യനെ തീയില്പ്പെട്ട് മരിച്ച നിലയില് കണ്ടെത്തിയത്.
എല്ലാ ദിവസവും വീട്ടില്നിന്നും തോട്ടത്തില് കൃഷി ജോലികള്ക്കായി ഇദ്ദേഹം എത്തുമായിരുന്നു. കാഞ്ഞിരപ്പള്ളി സെന്റ് ഡൊമിനിക്സ് ഹൈസ്കൂളില്നിന്നു വിരമിച്ചതിനുശേഷം കൃഷിയില് ഏര്പ്പെട്ടിരുന്ന ബേബി സെബാസ്റ്റ്യന് നല്ലൊരു കര്ഷകനായിരുന്നു.
ഭാര്യ ഡെയ്സി ഏഴല്ലൂര് ഓടയ്ക്കല് കുടുംബാംഗമാണ്. മകള്: സോണിയ. മരുമകന്: ആല്ബര്ട്ട് ഫിനിക്സ്. സംസ്കാരം ഇന്നു വൈകുന്നേരം നാലിന് പൂവത്തോട് സെന്റ് തോമസ് പള്ളിയിൽ.
Tags : teacher dies preparing farmland fire Baby sebastian death