കാ​ല​ടി: സം​സ്കൃ​ത സ​ർ​വ​ക​ലാ​ശാ​ല സ​മ​ര​ത്തി​നി​ടെ​യു​ണ്ടാ​യ അ​നി​ഷ്‌​ട​സം​ഭ​വ​ങ്ങ​ളു​ടെ പേ​രി​ൽ 16 വി​ദ്യാ​ർ​ഥി​ക​ളെ സ​സ്പെ​ൻ​ഡ് ചെ​യ്തു. ക​ഴി​ഞ്ഞ 13നാ​ണ് ഒ​രു​സം​ഘം വി​ദ്യാ​ർ​ഥി​ക​ൾ സ​ർ​വ​ക​ലാ​ശാ​ല​യി​ലെ​ത്തി വൈ​സ് ചാ​ൻ​സ​ല​ർ​ക്കും സി​ൻ​ഡി​ക്ക​റ്റ് അം​ഗ​ങ്ങ​ൾ​ക്കും ഓ​ഫീ​സി​ൽ​നി​ന്നു പു​റ​ത്തു​പോ​കാ​ൻ ക​ഴി​യാ​ത്ത​വി​ധം ത​ട​സം സൃ​ഷ്‌​ടി​ച്ച​ത്.

സ​മ​രം ന​ട​ത്തി​യ എ​സ്എ​ഫ്ഐ പ്ര​വ​ർ​ത്ത​ക​ർ പൊ​ലി​സ് ന​ട​പ​ടി​ക​ൾ ത​ട​സ​പ്പെ​ടു​ത്തു​ക​യും വൈ​സ് ചാ​ൻ​സ​ല​റെ ദേ​ഹോ​പ​ദ്ര​വ​മേ​ൽ​പ്പി​ക്കു​ക​യും ചെ​യ്ത കേ​സി​ൽ നാ​ലു​പേ​രെ അ​ന്ന് അ​റ​സ്റ്റ് ചെ​യ്തി​രു​ന്നു. അ​റ​സ്റ്റി​ലാ​യ മെ​ബി​ൻ, യ​ദു കൃ​ഷ്ണ​ൻ, ബേ​സി​ൽ, വി​ജീ​ഷ് എ​ന്നി​വ​രെ പെ​രു​മ്പാ​വൂ​ർ ഫ​സ്റ്റ് ക്ലാ​സ് ജു​ഡീ​ഷ​ൽ മ​ജി​സ്ട്രേ​റ്റ് കോ​ട​തി റി​മാ​ൻ​ഡ് ചെ​യ്തി​രു​ന്നു.

വൈ​സ് ചാ​ൻ​സ​ല​റെ ശാ​രീ​രി​ക​മാ​യി ആ​ക്ര​മി​ക്കു​ക​യും അ​ധി​ക്ഷേ​പി​ക്കു​ക​യും മാ​ന​സി​ക​മാ​യി പീ​ഡി​പ്പി​ക്കു​ക​യും ചെ​യ്ത സം​ഭ​വ​ത്തി​ൽ ശ​ക്ത​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന് സ​ർ​ക്കാ​രി​നോ​ടും ചാ​ൻ​സ​ല​റോ​ടും 11 വൈ​സ് ചാ​ൻ​സ​ല​ർ​മാ​ർ സം​യു​ക്ത​മാ​യും വി​വി​ധ സം​ഘ​ട​ന​ക​ളും ആ​വ​ശ്യ​പ്പെ​ട്ടി​രു​ന്നു.

തു​ട​ർ​ന്ന് ക​ഴി​ഞ്ഞ 22ന് ​ചേ​ർ​ന്ന പ്ര​ത്യേ​ക സി​ൻ​ഡി​ക്ക​റ്റ് യോ​ഗം ഇ​ത്ത​രം അ​നി​ഷ്‌​ട സം​ഭ​വ​ങ്ങ​ൾ അം​ഗീ​ക​രി​ക്കാ​നാ​കി​ല്ലെ​ന്നും സം​ഭ​വ​ത്തി​ൽ ഉ​ൾ​പ്പെ​ട്ട വി​ദ്യാ​ർ​ഥി​ക​ൾ​ക്കെ​തി​രേ ക​ർ​ശ​ന അ​ച്ച​ട​ക്ക​ന​ട​പ​ടി സ്വീ​ക​രി​ക്കണമെന്നു തീ​രു​മാ​നി​ക്കു​ക​യും ചെ​യ്തി​രു​ന്നു.

തു​ട​ർ​ന​ട​പ​ടി​ക​ൾ​ക്ക് വൈ​സ് ചാ​ൻ​സ​ല​റെ ചു​മ​ത​ല​പ്പെ​ടു​ത്തി​യ യോ​ഗം വി​ഷ​യ​ത്തി​ൽ അ​ന്വേ​ഷ​ണ​റി​പ്പോ​ർ​ട്ട് സ​മ​ർ​പ്പി​ക്കു​ന്ന​തി​ന് അ​ന്വേ​ഷ​ണ സ​മി​തി​യെ​യും നി​യോ​ഗി​ച്ചി​രു​ന്നു.

Tags : Strike KaladyUniversity Students Suspended Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash